Sunan Al Daraqutni

:1613 حضرت عبداللہ بن عباس (رض) بیان کرتے ہیں : نبی اکرم (صلی اللہ علیہ وآلہ وسلم) نے یہ بات ارشاد فرمائی ہے : تین چیزیں ایسی ہیں جو مجھ پر فرض ہیں اور تمہارے لیے وہ نفل ہیں : قربانی کرنا ‘ وتر کی نماز ادا کرنا اور فجر کی دو رکعت سنت ادا کرنا۔

:1614 حضرت انس (رض) بیان کرتے ہیں : نبی اکرم (صلی اللہ علیہ وآلہ وسلم) نے یہ بات ارشاد فرمائی ہے : مجھے وتر کی نماز ادا کرنے اور قربانی کرنے کا حکم دیا گیا ہے اور مجھے اس کا پابند نہیں کیا گیا۔

:1615 سعید بن یساربیان کرتے ہیں : میں حضرت عبداللہ بن عمر (رض) کے ہمراہ مکہ کے راستے میں سفر کررہا تھا۔ سید بیان کرتے ہیں : جب مجھے یہ اندیشہ ہوا ‘ صبح صادق ہونے والی ہے تو میں سواری سے اترا اور وتر کی نماز ادا کرلی ‘ پھر میں حضرت عبداللہ بن عمر (رض) سے آکرملا تو حضرت عبداللہ بن عمر (رض) نے مجھ سے دریافت کی : تم کہاں رہ گئے تھے ؟ میں نے عرض کی : مجھے صبح صادق ہونے کا اندیشہ تھا ‘ اس لیے میں نے سواری سے اتر کروتر کی ‘ نماز ادا کی تو حضرت عبداللہ بن عمر (رض) نے دریافت کیا : کیا تمہارے لیے اللہ کے رسول (صلی اللہ علیہ وآلہ وسلم) کی پیروی کرنا کافی نہیں ہے تو میں نے جواب دیا : بالکل ہے ‘ تو انھوں نے فرمایا : اللہ کے رسول اللہ (صلی اللہ علیہ وآلہ وسلم) اونٹ پر ہی وترادا کرلیتے تھے۔

:1616 حضرت عبداللہ بن عمر (رض) ‘ نبی اکرم (صلی اللہ علیہ وآلہ وسلم) کے بارے میں یہ بات نقل کرتے ہیں : آپ (صلی اللہ علیہ وآلہ وسلم) اپنی سواری کے اوپرہی نوافل ادا کرلیتے تھے خواہ اس کا رخ کسی بھی سمت میں ہو ‘ آپ (صلی اللہ علیہ وآلہ وسلم) سرکے ذریعے اشارہ کرکے (رکوع اور سجدہ) کیا کرتے تھے۔

:1617 حضرت عبداللہ بن عمر (رض) کے بارے میں یہ بات منقول ہے کہ وہ اپنی سواری کے اوپر ہی وتر نماز ادا کرلیتے تھے، اور انھوں نے نبی اکرم (صلی اللہ علیہ وآلہ وسلم) کے بارے میں اس بات کا تذکرہ کیا ہے۔ (یعنی نبی اکرم (صلی اللہ علیہ وآلہ وسلم) بھی ایسا ہی کرلیا کرتے تھے)

:1618 سعید بن جبیر بیان کرتے ہیں : حضرت عبداللہ بن عمر (رض) اپنی سواری کے اوپر ہی نفل نماز ادا کرلیتے تھے ‘ جب انھوں نے وترادا کرنے ہوتے تھے تو سواری سے اترکروتراداکر کیا کرتے تھے۔ نافع بیان کرتے ہیں : حضرت عبداللہ بن عمر (رض) بعض اوقات اپنی سواری کے اوپر ہی وترادا کرلیتے تھے اور بعض اوقات (نیچے اترکرپھروترادا کرتے تھے) ۔

:1619 حضرت ابوسعید خدری (رض) بیان کرتے ہیں : نبی اکرم (صلی اللہ علیہ وآلہ وسلم) نے یہ بات ارشاد فرمائی ہے : جو شخص وتراداکیے بغیر سو جائے یاوتراداکرنابھول جائے تو وہ اسے صبح کے وقت اداکرے یا اس وقت ادا کرلے جب اسے یاد آجائے۔

:1620 حضرت ابوسعید خدری (رض) بیان کرتے ہیں : نبی اکرم (صلی اللہ علیہ وآلہ وسلم) سے دریافت کیا گیا : ہم میں سے کوئی ایک شخص صبح کرلیتا ہے اور اس نے ابھی وترادا نہیں کیے ہوتے تو نبی اکرم (صلی اللہ علیہ وآلہ وسلم) نے ارشاد فرمایا : وہ صبح کے وقت ہی وترادا کرلے۔

:1621 حضرت عبداللہ بن عمر (رض) بیان کرتے ہیں : نبی اکرم (صلی اللہ علیہ وآلہ وسلم) نے یہ بات ارشاد فرمائی ہے :” جو شخص رات کے وقت وترادانہ کرپائے ‘ وہ اگلے دن ان کی قضاء ادا کرلے “۔

:1622 حضرت ابوایوب انصاری (رض) نبی اکرم (صلی اللہ علیہ وآلہ وسلم) کا یہ فرمان نقل کرتے ہیں : وترحق ہے اور واجب ہے، جو شخص تین وترادا کرنا چاہے، وہ تین ادا کرلے جو شخص ایک اداکرناچا ہے تو وہ ایک رکعت وترادا کرلے ۔ امام دارقطنی بیان کرتے ہیں : اس روایت کا لفظ ” واجب “ محفوظ نہیں ہے اور مجھے ایسے کسی شخص کا علم نہیں ہے ‘ جس نے اس حوالے سے ابن حسان نامی راوی کی مطابعت کی ہو۔