Sunan Al Daraqutni

2121 حضرت عبداللہ بن عمر (رض) بیان کرتے ہیں لوگ چاند دیکھنے کے لیے نکلے ‘ میں نے نبی اکرم (صلی اللہ علیہ وآلہ وسلم) کو بتایا میں نے بھی چاند دیکھ لیا ہے ‘ تو نبی اکرم (صلی اللہ علیہ وآلہ وسلم) نے خود بھی روزہ رکھا اور لوگوں کو بھی روزہ رکھنے کا حکم دیا۔
ابن وہب سے نقل کرنے کے حوالے سے اس روایت کو مروان بن محمد نے نقل کیا ہے ‘ جو منفرد ہیں اور یہ راوی ثقہ ہیں۔

2122 یہی روایت ایک اوسند کے ہمراہ بھی منقول ہے۔

2123 طاؤس بیان کرتے ہیں میں مدینہ منورہ میں موجود تھا ‘ وہاں حضرت عبداللہ بن عمر اور حضرت عبداللہ بن عباس (رض) بھی موجود تھے ‘ ایک شخص وہاں کے گورنر کے پاس آیا اور اس نے چاند دیکھنے کی گواہی دی (یعنی رمضان کا چاند دیکھنے تو گور نرنے حضرت عبداللہ بن عباس اور حضرت عبداللہ بن عمر (رض) سے اس شخص کی گواہی کے بارے میں دریافت تو ان دونوں نے کہا کہ اس کی گواہی کو برقرار رکھا جائے ‘ پھر ان دونوں نے یہ بات بیان کی کہ نبی اکرم (صلی اللہ علیہ وآلہ وسلم) نے رمضان کا چانددیکھنے کے بارے میں ایک شخص کی گواہی کو قبول کیا تھا۔ ان دونوں حضرات نے یہ بات بھی بیان کی کہ نبی اکرم (صلی اللہ علیہ وآلہ وسلم) عیدالفطر کے چاند کے بارے میں دو آدمیوں کی ہی قبول کیا کرتے تھے۔
اس روایت کو نقل کرنے میں ابواسمعیل حفص نامی راوی منفرد ہیں اور یہ ضعیف ہیں۔

2124 سیدہ عائشہ (رض) بیان کرتی ہیں نبی اکرم (صلی اللہ علیہ وآلہ وسلم) شعبان کے چاند کا جتنا اہتمام کرتے تھے ‘ پھر آپ چاند دیکھ کر روزہ رکھتے تھے ‘ اگر بادل چھائے ہوئے ہوتے تو آپ تیس دن کی گنتی پوری کرتے اور پھر روزے رکھنا شروع کرتے تھے۔ اس حدیث کی سند حسن صحیح ہے۔

2125 صلہ بیان کرتے ہیں ہم لوگ حضرت عمار (رض) کے پاس موجود تھے ‘ ان کے لیے بکری کا بھنا ہواگوشت گیا اور انھوں نے کھانے کے لیے کہا تو ایک شخص پیچھے ہٹ گیا ‘ تو آپ نے فرمایا جو شخص اس دن روزہ رکھے (جس دن رمضان کے روزے کا شک ہو) تو اس نے حضرت ابوالقاسم (صلی اللہ علیہ وآلہ وسلم) کی نافرمانی کی ۔ یہ حدیث حسن صحیح ہے۔ اس حدیث کے تمام راوی ثقہ ہیں۔

2126 حضرت ابوہریرہ (رض) بیان کرتے ہیں نبی اکرم (صلی اللہ علیہ وآلہ وسلم) نے چھ دن کے روزے رکھنے سے منع کیا ہے (وہ دن جس کے بارے میں شک ہو) عیدالفطر کا دن ‘ عیدالاضحی ‘ تشریق کے ایام۔ اس حدیث کے راویوں میں واقدی کے مقابلے میں دیگرراوی زیادہ مستند ہیں۔

2127 حضرت عبداللہ بن عباس (رض) بیان کرتے ہیں رمضان کے چاند کے بارے میں لوگوں کے درمیان اختلاف پیدا ہوگیا ‘ بعض نے کہا آج نظر آجائے گا ‘ بعض نے کہا کل نظر آجائے گا ‘ ایک دیہاتی آپ کی خدمت میں حاضر ہوا اور عرض کیا کہ میں نے چاند دیکھ لیا ہے ‘ تو نبی اکرم (صلی اللہ علیہ وآلہ وسلم) نے فرمایا کیا تم گواہی دیتے ہو کہ اللہ تعالیٰ کے سوا کوئی معبود نہیں ہے اور حضرت محمد (صلی اللہ علیہ وآلہ وسلم) اللہ کے رسول ہیں ؟ تو اس نے جواب دیا جی ہاں ! تو نبی اکرم (صلی اللہ علیہ وآلہ وسلم) نے حضرت بلال (رض) کو حکم دیا کہ وہ لوگوں کے درمیان اعلان رادیں کہ وہ روزہ رکھیں۔
نبی اکرم (صلی اللہ علیہ وآلہ وسلم) نے ارشاد فرمایا اسے (چاند کو) دیکھ کر روزہ رکھو اور اسے دیکھ کر روزہ رکھنا ختم کردو۔
اگر تم پر بادل چھاجائیں تو تیس دن کی گنتی پوری کرو ‘ روزے رکھنا شروع کرو اور اس سے ایک دن پہلے روزہ نہ رکھو۔ یہی روایت بعض دیگر اسناد کے ہمراہ منقول ہے۔
بعض راویوں نے اس روایت کو مرسل روایت کے طورپر بھی نقل کیا ہے۔

2128 حضرت عبداللہ بن عباس (رض) روایت کرتے ہیں ‘ ایک شخص نبی اکرم (صلی اللہ علیہ وآلہ وسلم) کی خدمت میں حاضر ہوا اور کہا میں نے چاند دیکھا ہے ‘ نبی اکرم (صلی اللہ علیہ وآلہ وسلم) نے فرمایا کیا تم اس بات کی گواہی دیتے ہو کہ اللہ کے سوا کوئی معبود نہیں اور میں اللہ کا رسول ہوں ؟ اس نے جواب دیا جی ہاں ! نبی اکرم (صلی اللہ علیہ وآلہ وسلم) نے ارشاد فرمایا اے بلال ! لوگوں کے درمیان اعلان کردو کہ وہ کل روزہ رکھیں۔

2129 حضرت عبداللہ بن عباس (رض) روایت کرتے ہیں ‘ ایک دیہاتی نبی اکرم (صلی اللہ علیہ وآلہ وسلم) کی خدمت میں حاضر ہوا اور کہا میں نے چاند دیکھا ہے۔ نبی اکرم (صلی اللہ علیہ وآلہ وسلم) نے فرمایا کیا تم اس بات کی گواہی دیتے ہو کہ اللہ کے سوا کوئی معبود نہیں اور میں اللہ کا رسول ہوں ‘ اس نے جواب دیا جی ہاں ! نبی اکرم (صلی اللہ علیہ وآلہ وسلم) نے ارشاد فرمایا اے بلال ! لوگوں کے درمیان اعلان کردو کہ وہ کل روزہ رکھیں۔
اس حدیث کا مفہوم (پہلے والی روایت کے) مفہوم کے قریب ہے۔

2130 یہی روایت ایک اور سند کے ہمراہ بھی منقول ہے۔