Sunan Al Daraqutni

4317 ۔ حضرت عمروبن حارث (رض) بیان کرتے ہیں کہ نبی اکرم (صلی اللہ علیہ وآلہ وسلم) نے (وصال کے بعد) کوئی سونایا چاندی نہیں چھوڑے تھے صرف ایک زمین چھوڑی تھی جسے آپ نے صدقہ قراردیا تھا ‘ اور ایک سفید خچر کو چھوڑا تھا۔

4318 ۔ حضرت عمروبن حارث (رض) بیان کرتے ہیں کہ نبی اکرم (صلی اللہ علیہ وآلہ وسلم) نے ترکے میں صرف اپنے ہتھیار ‘ اپنا سفید خچر اور ایک زمین چھوڑی تھی جسے آپ نے صدقہ قراردیا تھا۔

4319 ۔ حضرت عمروبن حارث (رض) بیان کرتے ہیں کہ نبی اکرم (صلی اللہ علیہ وآلہ وسلم) نے کوئی دینار یا کوئی درہم یا کوئی غلام یا کوئی کنیز (ترکے میں) نہیں چھوڑے تھے ‘ صرف آپ کا سفید خچر تھا جس پر آپ سوار ہوا کرتے تھے۔ آپ کا اسلحہ تھا اور ایک زمین تھی جسے آپ نے اللہ کے نام پر (صدقے کے طورپر) کردیا تھا۔
قتیبہ نامی راوی نے ایک مرتبہ یہ الفاظ نقل کیے ہیں : آپ نے اسے صدقہ قراردیا تھا۔

4320 ۔ حضرت عمروبن حارث (رض) جو نبی اکرم (صلی اللہ علیہ وآلہ وسلم) کے بر اور نسبتی اور آپ کی اہلیہ محترمہ کے بھائی ہیں ‘ وہ بیان کرتے ہیں کہ نبی اکرم (صلی اللہ علیہ وآلہ وسلم) نے وصال کے وقت کوئی درہم و دینار ‘ غلام ‘ کنیزیا کوئی بھی چیزترکے میں نہیں چھوڑی تھی ‘ صرف آپ کا خچر تھا ‘ آپ کے ہتھیار تھے اور ایک زمین تھی جسے آپ نے صدقے کے طور پر چھوڑا تھا۔

4321 ۔ حضرت عمروبن حارث (رض) بیان کرتے ہیں کہ جب نبی اکرم (صلی اللہ علیہ وآلہ وسلم) کا وصال ہوا تو آپ نے ترکے میں صرف اپنا سفید خچر ‘ اپنا اسلحہ اور ایک زمین چھوڑی تھی جسے آپ نے صدقہ قراردیا تھا۔

4322 ۔ حضرت عبداللہ بن عمر (رض) بیان کرتے ہیں کہ اسلام میں کیا جانے والا پہلا صدقہ حضرت عمر (رض) نے کیا تھا۔ حضرت عمر (رض) نے عرض کی تھی : یارسول اللہ ! آپ مجھے مشورہ دیجئے کہ میں اس کے بارے میں کیا طرزعمل اختیار کروں ‘ تو نبی اکرم (صلی اللہ علیہ وآلہ وسلم) نے ان سے فرمایا تھا : تم اس زمین کو اپنے پاس رکھو اور اس کے پھل کو اللہ کی راہ میں دے دو۔

4323 ۔ حضرت عبداللہ بن عمر (رض) بیان کرتے ہیں کہ حضرت عمر (رض) نے عرض کی : یارسول اللہ ! مجھے خیبر میں ایک زمین ملی ہے ‘ مجھے اس سے زیادہ پسندیدہ زمین کبھی نہیں ملی ‘ تو نبی اکرم (صلی اللہ علیہ وآلہ وسلم) نے ان سے فرمایا کہ اگر تم چاہوتو اس کے (پھل کو) صدقہ کردو اور اصل زمین اپنے پاس رکھو۔ حضرت عبداللہ بن عمر (رض) بیان کرتے ہیں : تو حضرت عمر (رض) نے اس کے (پھل کو) اپنے قریبی رشتے داروں ‘ غریبوں اور مسافروں کے لیے صدقہ قراردیا تھ اور اس کی نگرانی کرنے والے شخص کو بھی کوئی گناہ نہیں ہوگا ‘ اگر وہ خود اس میں سے کھالیتا ہے یا اپنے کسی دوست کو کھلا دیتا ہے ‘ بشرطیکہ وہ مال جمع کرنے والانہ ہو۔

4324 ۔ حضرت عبداللہ بن عمر (رض) بیان کرتے ہیں : حضرت عمر (رض) کو خیبر میں زمین ملی ‘ جس کا نام ثمغ تھا ‘ انھوں نے نبی اکرم (صلی اللہ علیہ وآلہ وسلم) سے اس کے بارے میں دریافت کیا تو نبی اکرم (صلی اللہ علیہ وآلہ وسلم) نے فرمایا کہ یہ زمین تم اپنے پاس رہنے دو اور اس کے پھل کو صدقہ کردو۔

4325 ۔ حضرت عبداللہ بن عمر (رض) بیان کرتے ہیں کہ حضرت عمربن خطاب (رض) نے نبی اکرم (صلی اللہ علیہ وآلہ وسلم) سے ” شمغ “ میں موجوداپنی زمین صدقہ کرنے کے بارے میں اجازت مانگی تو نبی اکرم (صلی اللہ علیہ وآلہ وسلم) نے فرمایا کہ تم اسے صدقہ اس طرح کرو کہ تم اس کا پھل تقسیم کردو اور زمین اپنے پاس رہنے دو ‘ جسے فروخت بھی نہ کیا جاسکے اور وراثت میں منتقل بھی نہ کیا جاسکے۔

4326 ۔ حضرت عبداللہ بن عمر (رض) بیان کرتے ہیں : حضرت عمر (رض) نے نبی اکرم (صلی اللہ علیہ وآلہ وسلم) سے اس بارے میں مشورہ لیا کہ وہ ثمغ میں موجوداپنی زمین کو صدقہ کردیں ‘ تو نبی اکرم (صلی اللہ علیہ وآلہ وسلم) نے فرمایا کہ تم اس کے پھل کو صدقہ کردو اور زمین اپنے پاس رہنے دو ‘ اس طرح کہ اسے فروخت نہ کیا جاسکے اور اسے وراثت میں بھی نہ دیا جاسکے۔
ایک روایت میں یہ الفاظ ہیں : تم اسے اس طرح صدقہ کرو کہ اس کا پھل تقسیم ہوجائے اور اصل زمین تمہارے پاس رہے کہ اسے فروخت نہ کیا جاسکے اور وراثت میں نہ دیا جاسکے۔