Sunan Al Daraqutni

1860 حضرت انس (رض) بیان کرتے ہیں حضرت ابوبکر (رض) نے کہا نبی اکرم (صلی اللہ علیہ وآلہ وسلم) نے یہ بات ارشاد فرمائی ہے جب وہ لوگ اس بات کی گواہی دے دیں کہ اللہ تعالیٰ کے علاوہ اور کوئی معبود نہیں ہے اور حضرت محمد (صلی اللہ علیہ وآلہ وسلم) اللہ کے رسول ہیں ‘ اور وہ لوگ نماز قائم کریں ‘ زکوۃ اداکریں تو وہ اپنی جان اور اپنے مال مجھ سے محفوظ کرلیں گے ‘ البتہ ان کا حق برقرار رہے گا اور ان لوگوں کا حساب اللہ تعالیٰ کے ذمے ہوگا (پھر حضرت ابوبکر (رض) نے فرمایا ) اللہ کی قسم ! اگر وہ لوگ مجھے ایک ایسی رسی کی ادائیگی سے کی تھی انکار کریں جسے وہ نبی اکرم (صلی اللہ علیہ وآلہ وسلم) کو ادا کیا کرتے تھے تو میں اس بات پر بھی ان کے ساتھ جنگ کروں گا۔

1861 حضرت ابوہریرہ (رض) بیان کرتے ہیں نبی اکرم (صلی اللہ علیہ وآلہ وسلم) نے یہ بات ارشاد فرمائی ہے مجھے تین باتوں کا حکم دیا گیا ہے ‘ مجھے یہ حکم دیا گیا ہے ‘ میں لوگوں کے ساتھ اس وقت تک جنگ کرتا رہوں جب تک وہ یہ اعتراف نہ کرلیں کہ اللہ تعالیٰ نے علاوہ اور کوئی معبود نہیں ‘ وہ نماز اداکریں ‘ زکوۃ اداکریں ‘ جب وہ ایسا کرلیں گے تو اپنی جان اور مال کو مجھ سے محفوظ کرلیں البتہ ان کا حق باقی رہے گا اور ان کا حساب اللہ تعالیٰ کے ذمے ہوگا۔

1862 حضرت ابوہریرہ (رض) بیان کرتے ہیں نبی اکرم (صلی اللہ علیہ وآلہ وسلم) نے یہ بات ارشاد فرمایا ہے مجھے یہ حکمدیا گیا ہے کہ لوگوں کے ساتھ اس وقت تک جنگ کرتا رہوں جب تک وہ اس بات کی گواہی نہ دیں کہ اللہ تعالیٰ کےعلاوہ کوئی معبود نہیں ہے نماز قائم کریں ‘ زکوۃ اداکریں ‘ جب وہ ایسا کرلیں گے تو ان کے جان ومال میرے لیے قابل احترام ہوجائیں گے۔ اور ان کا حساب اللہ تعالیٰ کے ذمے ہوگا۔

1863 حضرت ابوہریرہ (رض) بیان کرتے ہیں نبی اکرم (صلی اللہ علیہ وآلہ وسلم) نے یہ بات ارشاد فرمائی ہے مجھے اس بات کا حکم دیا گیا ہے ‘ میں لوگوں کے ساتھ اس وقت تک جنگ کرتا رہوں جب تک وہ اس بات کی گواہی نہ دیں کہ اللہ تعالیٰ کے علاوہ اور کوئی معبود نہیں ہے ‘ وہ مجھ پر ‘ میری لائی ہوئی (تعلیمات) پر ایمان لائیں ‘ جب وہ میری لائی ہوئی تعلیمات کا اقرار کرلیں گے تو اپنی جان اور اپنے کو مجھ سے محفوظ کرلیں گے ‘ البتہ ان کا حق برقرار رہے گا اور ان لوگوں کا حساب اللہ تعالیٰ کے ذمے ہوگا۔

1864 حضرت عبداللہ بن عمر (رض) بیان کرتے ہیں نبی اکرم (صلی اللہ علیہ وآلہ وسلم) نے یہ بات ارشاد فرمائی ہے آدمی کے مال میں اس وقت تک زکوۃ لازم نہیں ہوتی جب تک ایک سال نہ گزر جائے۔
دیگر راویوں نے اسے موقوف روایت کے طور پر نقل کیا ہے۔

1865 حضرت عبداللہ بن عمر (رض) ‘ نبی اکرم (صلی اللہ علیہ وآلہ وسلم) کا یہ فرمان نقل کرتے ہیں مال مستفید میں زکوۃ اس وقت تک لازم نہیں ہوتی جب تک اس پر ایک سال نہ گرر جائے۔

1866 سیدہ عائشہ صدیقہ (رض) بیان کرتی ہیں نبی اکرم (صلی اللہ علیہ وآلہ وسلم) نے یہ بات ارشاد فرمائی ہے مال میں زکوۃ اس وقت تک دینالازم نہیں ہوتی جب تک اس پر ایک سال نہ گزر جائے۔
یہاں پر بعض الفاظ نقل کرنے میں راویوں نے اختلاف کیا ہے۔

1867 یہی روایت ایک اور سند کے ہمراہہ بھی منقول ہے۔

1868 حضرت انس (رض) بیان کرتے ہیں نبی اکرم (صلی اللہ علیہ وآلہ وسلم) نے یہ بات ارشاد فرمائی ہے مال میں زکوۃ اس وقت تک لازم نہیں ہوتی جب تک اس پر ایک سال نہ گزر جائے۔

1869 حضرت علی (رض) ارشاد فرماتے ہیں مال میں زکوۃ اس وقت تک لازم نہیں ہوتی جب تک اس پر ایک سال نہ گز جائے۔