Sunan Al Daraqutni

4529 ۔ حضرت عبداللہ بن عمروبن العاص (رض) روایت کرتے ہیں : نبی اکرم (صلی اللہ علیہ وآلہ وسلم) نے ارشاد فرمایا :” شراب ام الخبائث “ (تمام خرابیوں کی جڑ) ہے ‘ جو شخص اسے پئے گا ‘ اللہ تعالیٰ ٤٠ دن تک اس کی نماز قبول نہیں کرے گا ‘ اور اگر وہ ایسی حالت میں مرجائے کہ یہ اس کے پیٹ کے اندرموجودہو ‘ تو وہ شخص زمانہ جاہلیت کی موت مرا “۔

4530 ۔ حضرت زیدبن خالد (رض) بیان کرتے ہیں ‘ میں نے ” تبوک “ میں نبی اکرم (صلی اللہ علیہ وآلہ وسلم) کو خطبے کے دوران یہ بات ارشاد فرماتے ہوئے سنا :” شراب گناہوں کا مجموعہ ہے۔

4531 ۔ حضرت ابن عباس (رض) بیان کرتے ہیں : میں نے نبی اکرم (صلی اللہ علیہ وآلہ وسلم) کو یہ ارشاد فرماتے ہوئے سنا ہے :
” شراب برائیوں کی جڑ اور سب سے بڑا گناہ ہے جو اسے پی لے ‘ وہ (نشہ کے عالم میں) اپنی ماں ‘ اپنی پھوپھی اپنی خالہ کی عزت پر حملہ کرسکتا ہے۔

4532 ۔ حضرت عبداللہ بن عمرو (رض) روایت کرتے ہیں : نبی اکرم (صلی اللہ علیہ وآلہ وسلم) نے ارشاد فرمایا :” شراب ام الخبائث “ (تمام برائیوں کی جڑ) ہے۔ “

4533 ۔ حضرت ابن عمر (رض) بیان کرتے ہیں : میں نے حضرت عمر (رض) کو نبی اکرم (صلی اللہ علیہ وآلہ وسلم) کے منبر پر یہ بات ارشاد فرماتے ہوئے سنا :
” شراب کی حرمت کا حکم نازل ہوا تو یہ پانچ چیزوں سے بنائی جاتی تھی ‘ انگور ‘ گندم ‘ جو ‘ کھجور اور شہد “۔

4534 ۔ سائب بن یزیدبیان کرتے ہیں : ایک مرتبہ حضرت عمر (رض) لوگوں کے پاس تشریف لائے ‘ انھوں نے فرمایا : مجھے فلاں شخص سے شراب کی بومحسوس ہوئی ‘ میں نے اس سے دریافت کیا کہ اس نے کیا ہے ؟ تو اس نے بتایا : اس نے طلاپیا ہے ‘ میں شراب کے بارے میں دریافت کررہاہوں ‘ اگر اسے نشہ ہوگیا تو میں اسے کوڑے لگاؤں گا۔ پھر حضرت عمر (رض) نے اسے مکمل حد کے کوڑے لگوائے۔

4535 ۔ حضرت ابن عمر (رض) مرفوع حدیث کے طورپر (نبی اکرم (صلی اللہ علیہ وآلہ وسلم) کا یہ فرمان) نقل کرتے ہیں :” ہرنشہ آورچیزحرام ہے اور ہرنشہ آور چیز ” خمر “ ہے ‘ جو شخص دنیا میں شراب پیتا ہو اور اسے باقاعدگی سے پیتے ہوئے مرجائے ‘ وہ آخرت میں اسے نہیں پئے گا “۔

4536 ۔ یہی روایت ایک اور سند کے ہمراہ منقول ہے۔

4537 ۔ یہی روایت ایک اور سند کے ہمراہ منقول ہے۔

4538 ۔ یہی روایت ایک اور سند کے ہمراہ منقول ہے۔