Sunan Al Daraqutni

2379 حضرت جابربن عبداللہ (رض) بیان کرتے ہیں جب یہ آیت نازل ہوئی ” اور لوگوں پر لازم ہے ‘ وہ اللہ تعالیٰ کے لیے بیت اللہ کا حج کریں ‘ اس شخص پر لازم ہے جو اس تک جانے کی طاقت رکھتاہو “۔
تو ایک شخص کھڑا ہوا ‘ اس نے عرض کی یارسول اللہ ! یہاں ” سبیل “ سے مراد کیا ہے ؟ نبی اکرم (صلی اللہ علیہ وآلہ وسلم) نے فرمایا زاد سفر اور سواری۔

2380 عمروبن شعیب اپنے والد کے حوالے سے ‘ اپنے دادا کے حوالے سے ‘ نبی اکرم (صلی اللہ علیہ وآلہ وسلم) کا یہ فرمان نقل کرتے ہیں ” بیت اللہ تک جانے کے راستے سے مرا ز ادسفر ادر سواری ہے “۔

2381 عمروبن شعیب اپنے والد کے حوالے سے ‘ اپنے داداکایہ بیان نقل کرتے ہیں ایک شخص نے عرض کی یارسول اللہ ! کیا چیز حج کو لازم کردیتی ہے ؟ نبی اکرم (صلی اللہ علیہ وآلہ وسلم) نے فرمایا زادراہ اور سواری (کا میسر ہونا) ۔

2382 عمروبن شعیب اپنے والد کے حوالے سے اپنے دادا کا یہ بیان نقل کرتے ہیں ایک شخص نے عرض کی یارسول اللہ ! سبیل سے کیا مراد ہے ؟ آپ (صلی اللہ علیہ وآلہ وسلم) نے ارشاد فرمایا زاد سفر اور سواری۔

2383 حضرت عبداللہ (رض) نبی اکرم (صلی اللہ علیہ وآلہ وسلم) کے بارے میں یہ بات نقل کرتے ہیں (اللہ تعالیٰ نے ارشاد فرمایا ہے )” لوگوں پر یہ بات لازم یہ کہ وہ بیت اللہ کا حج کریں جو شخص اس تک پہنچنے کی سبیل رکھتاہو “۔
حضرت عبداللہ (رض) بیان کرتے ہیں میں نے عرض کی یارسول اللہ ! سبیل سے مراد کیا ہے ؟ آپ (صلی اللہ علیہ وآلہ وسلم) نے ارشاد فرمایا زاد سفر اور سواری۔

2384 یہی روایت ایک اور سند کے ہمراہ حضرت انس (رض) کے حوالے سے نبی اکرم (صلی اللہ علیہ وآلہ وسلم) سے منقول ہے۔

2385 یہی روایت ایک اور سند کے ہمراہ حضرت انس (رض) کے حوالے سے نبی اکرم (صلی اللہ علیہ وآلہ وسلم) سے اسی کی مانند منقول ہے۔

2386 یہی روایت ایک اور سند کے ہمراہ سیدہ عائشہ صدیقہ (رض) کے حوالے سے نبی اکرم (صلی اللہ علیہ وآلہ وسلم) سے منقول ہے۔

2387 یہی روایت ایک اور سند کے ہمراہ حضرت عبداللہ بن عمر (رض) کے حوالے سے نبی اکرم (صلی اللہ علیہ وآلہ وسلم) سے ہے۔

2388 حضرت عبداللہ بن عمر (رض) بیان کرتے ہیں نبی اکرم (صلی اللہ علیہ وآلہ وسلم) سے اللہ تعالیٰ کے اس فرمان کے بارے میں دریافت کیا گیا ” اور اللہ تعالیٰ کے لیے بیت اللہ کا حج کرنا ‘ لوگوں پر لازم ہے جو اس تک پہنچنے کی سبیل رکھتاہو “۔ نبی اکرم (صلی اللہ علیہ وآلہ وسلم) نے ارشاد فرمایا حج کی سبیل سے مرادزادراہ اور سواری ہے۔ عرض کی گئی حاجی کون ہوتا ہے نبی اکرم (صلی اللہ علیہ وآلہ وسلم) نے ارشاد فرمایا جس کے بال بکھرے ہوئے ہوں اور تیل نہ لگانے کی وجہ سے بودارہوں۔ دریافت گیا کون ساحج زیادہ فضیلت رکھتا ہے ؟ نبی اکرم (صلی اللہ علیہ وآلہ وسلم) نے ارشاد فرمایا جس میں بلند آواز میں تلبیہ پڑھا گیا قربانی کے جانور کا خون بہایا گیا ہو۔