Sunan Al Daraqutni

4240 ۔ حضرت عدی بن حاتم (رض) بیان کرتے ہیں کہ نبی اکرم (صلی اللہ علیہ وآلہ وسلم) نے یہ بات ارشاد فرمائی ہے : نذر دوطرح کی ہوتی ہے ‘ تو جو شخص اللہ تعالیٰ کے لیے نذرمانتا ہے ‘ وہ اس کو پوراکرے اور جو شخص اللہ تعالیٰ کی نافرمانی سے متعلق کوئی نذرمانتا ہے ‘ تو اس کا کفارہ یہی ہے جو قسم توڑنے کا کفارہ ہوتا ہے۔

4241 ۔ حضرت عبداللہ بن عباس (رض) بیان کرتے ہیں کہ نبی اکرم (صلی اللہ علیہ وآلہ وسلم) نے یہ بات ارشاد فرمائی ہے : جو شخص کوئی نذر مانتے ہوئے اس کا نام نہ لے ‘ تو اس کا کفارہ قسم توڑنے کا کفارہ ہوگا اور جو شخص اللہ تعالیٰ کی نافرمانی سے متعلق نذر مانے ‘ تو اس کا کفارہ قسم توڑنے کا کفارہ ہوگا اور جو شخص کوئی نذرمانے اور وہ نذر اس کی طاقت میں نہ ہو (یعنی اسے پورا نہ کرسکتا ہو) تو اس کا کفارہ قسم توڑنے کا کفارہ ہوگا ‘ اور جو شخص اللہ تعالیٰ کے نام کی ایسی نذر مانے جس کو وہ پورا کرسکتا ہو ‘ تو پھر وہ اسے پوراکرے۔

4242 ۔ حضرت عبداللہ بن عباس (رض) بیان کرتے ہیں کہ نبی اکرم (صلی اللہ علیہ وآلہ وسلم) نے یہ بات ارشاد فرمائی ہے : نذرصرف اسی چیز کے بارے میں ہوتی ہے جس میں اللہ تعالیٰ کی فرمان برداری کی گئی ہو ‘ کوئی چیز غصب کرنے کے بارے میں یا جو طلاق دینایاغلام آزاد کرنا آدمی کی ملکیت میں نہ ہو ‘ تو اس کے بارے میں قسم کی کوئی حیثیت نہیں ہوتی۔

4243 ۔ سیدہ عائشہ صدیقہ (رض) بیان کرتی ہیں کہ نبی اکرم (صلی اللہ علیہ وآلہ وسلم) نے یہ بات ارشاد فرمائی ہے : جو شخص اللہ تعالیٰ کی کسی نافرمانی سے متعلق کسی چیز کی نذرمانے تو اس کا کفارہ وہی ہوگا جو قسم توڑنے کا کفارہ ہوتا ہے اور جو شخص اپنے اوپر ہے اور جو شخص اپنے اوپر کوئی ایسی نذرلازم کرلے جسے وہ متعین نہ کرے تو اس کا کفارہ وہی ہے جو قسم توڑنے کا کفارہ ہے اور جو شخص اپنے مال کو کسی اور مقصد کے لیے تحفے کے طور پر خانہ کعبہ بھیجے ‘ اس کا مقصد اللہ تعالیٰ کی رضا کا حصول نہ ہو ‘ تو اس کا کفارہ بھی وہی ہے جو قسم توڑنے کا کفارہ ہے۔ اور جو شخص کسی ایسے مقصد کے لیے اپنے مال کو غریبوں میں صدقہ کرے کہ اس کا مقصد اللہ تعالیٰ کی رضا کا حصوں نہ ہو ‘ تو اس کا کفارہ بھی وہی ہے جو قسم توڑنے کا کفارہ ہوتا ہے اور جو شخص اپنے اوپر بیت اللہ تک پیدل چل کر جانالازم کرے اور وہ کسی ایسی وجہ سے ہو کہ اس کا مقصد اللہ تعالیٰ کی رضاکاحصول نہ ہو ‘ تو اس کا کفارہ وہی ہے جو قسم توڑنے کا کفارہ ہے ‘ جو شخص کسی ایسی چیز کے ب ارے میں بیت اللہ تک پیدل چل کرجانے کی نذر اپنے اوپر لازم کرلے کہ اس کا مقصد اللہ کی رضا کا حصول ہو ‘ تو وہ سوار ہو کر جائے ‘ وہ پیدل ہو کرنہ جائے جب وہ مکہ آجائے گا تو وہ اپنی نذرکوپوراکرے گا اور جو شخص اللہ تعالیٰ کے نام کی کوئی ایسی نذر مانے جس کا مقصد اللہ کی رضاکاحصول ہو ‘ تو اسے اللہ تعالیٰ سے ڈرنا چاہیے اور اسے پوری کرنے کی کوشش کرنی چاہیے جب تک وہ نذرا سے تھکانہ دے (یعنی وہ اسے پوری کرنے سے عاجز نہ ہوجائے) ۔

4244 ۔ حضرت عبداللہ بن عباس (رض) بیان کرتے ہیں کہ نبی اکرم (صلی اللہ علیہ وآلہ وسلم) نے یہ بات ارشاد فرمائی ہے : جو شخص کوئی ایسی نذرمانے ‘ جسے متعین نہ کرے تو اس کا کفارہ وہی ہے جو قسم توڑنے کا کفارہ ہے اور جو شخص کوئی ایسی نذرمانے جسے پوری کرنے کی اس میں طاقت نہ ہو ‘ تو اس کا کفارہ وہی ہے ‘ جو قسم توڑنے کا کفارہ ہے ‘ اور جو شخص کوئی ایسی نذرمانے جسے وہ پوری کرسکتا ہو ‘ تو اسے پوری کرنی چاہیے۔

4245 ۔ ابن حرملہ بیان کرتے ہیں کہ ایک شخص نے سعید بن مسیب سے سوال کیا ‘ وہ بولا : میں نے یہ نذرمانی ہے کہ میں بیت اللہ تک پیدل چل کرجاؤں گا ‘ توسعید نے کہا : تم نے لفظ نذرماننااستعمال کیا تھا ؟ تو اس نے جواب دیا : نہیں ! توسعید نے کہا : تم پر کوئی چیزلازم نہیں ہے۔

4246 ۔ حضرت عبداللہ بن عباس (رض) بیان کرتے ہیں کہ نبی اکرم (صلی اللہ علیہ وآلہ وسلم) ابواسرائیل نامی صاحب کے پاس سے گزرے جو دھوپ میں کھڑے ہوئے تھے ‘ نبی اکرم (صلی اللہ علیہ وآلہ وسلم) نے دریافت کیا : اس کا کیا معاملہ ہے ؟ انھوں نے بتایا کہ اس نے یہ نذر مانی ہے کہ یہ کلام نہیں کرے گا اور سائے میں نہیں آئے گا اور بیٹھے گا نہیں اور روزہ رکھے گا۔ تو نبی اکرم (صلی اللہ علیہ وآلہ وسلم) نے فرمایا : اس سے کہو کہ وہ بات چیت کرے ‘ سائے میں بھی آجائے ‘ بیٹھ بھی جائے اور روزہ بھی رکھ لے۔
(راوی کہتے ہیں :) نبی اکرم (صلی اللہ علیہ وآلہ وسلم) نے اسے کفارہ دینے کی ہدایت نہیں کی۔
یہی روایت ایک اور سند کے ہمراہ حضرت عبداللہ بن عباس (رض) کے حوالے سے منقول ہے۔

4247 ۔ حضرت عبداللہ بن عباس (رض) بیان کرتے ہیں کہ ایک مرتبہ نبی اکرم (صلی اللہ علیہ وآلہ وسلم) ‘ ابواسرائیل کے پاس سے گزرے (اس کے بعد راوی نے حسب سابق حدیث نقل کی ہے) ۔

4248 ۔ حضرت عبداللہ بن عباس (رض) بیان کرتے ہیں کہ ایک مرتبہ نبی اکرم (صلی اللہ علیہ وآلہ وسلم) نے خطبہ دیتے ہوئے ایک شخص کو دیکھاجودھوپ میں کھڑا ہوا تھا ‘ نبی اکرم (صلی اللہ علیہ وآلہ وسلم) نے اس کے بارے میں دریافت فرمایا تو لوگوں نے بتایا کہ یہ ابواسرائیل ہے ‘ اس نے یہ نذرمانی ہے کہ کھڑا رہے تھے ‘ بیٹھے گا نہیں ‘ سائے میں نہیں آئے گا ‘ روزہ رکھے اور کسی کے ساتھ بات چیت نہیں کرے گا۔ نبی اکرم (صلی اللہ علیہ وآلہ وسلم) نے ارشاد فرمایا : اس سے کہو کہ یہ بیٹھ جائے ‘ سائے میں بھی آجائے ‘ بات چیت بھی کرے ‘ البتہ روزہ رکھ لے۔

4249 ۔ حضرت عبداللہ (رض) بیان کرتے ہیں : قسمیں چارطرح کی ہوتی ہیں ‘ ان میں سے دوقسم کی قسموں کا کفارہ دیناپڑتا ہے اور دوقسم کی قسموں کا کفارہ ادا نہیں کیا جاتا۔ ایک وہ شخص جو یہ قسم اٹھاتا ہے : اللہ کی قسم ! ہم ہرگز ایسا نہیں کریں گے اور پھر وہ ایسا کرلینا ہے ‘ ایک وہ شخص جو یہ کہتا ہے : اللہ کی قسم ! میں ایسا کروں گا ‘ پھر وہ ایسا نہیں کرتا ‘ جہاں تک ان دو قسموں کا تعلق ہے جن میں کفارہ نہیں دیاجاتا ‘ تو وہ یہ ہیں کہ آدمی یہ قسم اٹھائے کہ میں نے ایسا نہیں کیا اور حالانکہ اس نے ایسا کیا ہو یا آدمی یہ قسم اٹھائے کہ اس نے ایسا کیا ہے لیکن اس نے ایسانہ کیا ہو (تو اس کا کفارہ نہیں ہوگا) ۔