Ibn Abi Shaybah

(٢١٣١) حضرت عبدالرحمن بن ابی لیلیٰ فرماتے ہیں کہ ہم سے رسول اللہ (صلی اللہ علیہ وآلہ وسلم) کے صحابہ نے بیان کیا ہے کہ ایک مرتبہ حضرت عبداللہ بن زید انصاری حضور (صلی اللہ علیہ وآلہ وسلم) کی خدمت میں حاضر ہوئے اور عرض کیا کہ میں نے خواب میں دیکھا کہ ایک آدمی جس پر دو سبز چادریں ہیں وہ ایک دیوار پر کھڑا ہے۔ اس نے دو مرتبہ اذان دی، دو مرتبہ اقامت کہی اور ایک مرتبہ بیٹھا۔ یہ سن کر حضرت بلال کھڑے ہوئے، انھوں نے دو مرتبہ اذان دی، دو مرتبہ اقامت کہی اور ایک مرتبہ بیٹھے۔

(٢١٣٢) حضرت ابو محذورہ فرماتے ہیں کہ نبی کریم (صلی اللہ علیہ وآلہ وسلم) نے مجھے اذان کے انیس اور اقامت کے سترہ کلمات سکھائے۔ اذان کے کلمات یہ تھے : اللَّہُ أَکْبَرُ ، اللَّہُ أَکْبَرُ ، اللَّہُ أَکْبَرُ ، اللَّہُ أَکْبَرُ ، أَشْہَدُ أَنْ لاَ إلَہَ إِلاَّ اللَّہُ ، أَشْہَدُ أَنْ لاَ إلَہَ إِلاَّ اللَّہُ ، أَشْہَدُ أَنَّ مُحَمَّدًا رَسُولُ اللہِ ، أَشْہَدُ أَنَّ مُحَمَّدًا رَسُولُ اللہِ ، أَشْہَدُ أَنْ لاَ إلَہَ إِلاَّ اللَّہُ ، أَشْہَدُ أَنْ لاَ إلَہَ إِلاَّ اللَّہُ ، أَشْہَدُ أَنَّ مُحَمَّدًا رَسُولُ اللہِ ، أَشْہَدُ أَنَّ مُحَمَّدًا رَسُولُ اللہِ ، حَیَّ عَلَی الصَّلاَۃِ ، حَیَّ عَلَی الصَّلاَۃِ ، حَیَّ عَلَی الْفَلاَحِ ، حَیَّ عَلَی الْفَلاَحِ ، اللَّہُ أَکْبَرُ ، اللَّہُ أَکْبَرُ ، لاَ إلَہَ إِلاَّ اللَّہُ ۔
اقامت کے کلمات یہ تھے : اللَّہُ أَکْبَرُ ، اللَّہُ أَکْبَرُ ، اللَّہُ أَکْبَرُ اللَّہُ أَکْبَرُ ، أَشْہَدُ أَنْ لاَ إلَہَ إِلاَّ اللَّہُ ، أَشْہَدُ أَنْ لاَ إلَہَ إِلاَّ اللَّہُ ، أَشْہَدُ أَنَّ مُحَمَّدًا رَسُولُ اللہِ ، أَشْہَدُ أَنَّ مُحَمَّدًا رَسُولُ اللہِ ، حَیَّ عَلَی الصَّلاَۃِ ، حَیَّ عَلَی الصَّلاَۃِ ، حَیَّ عَلَی الْفَلاَحِ ، حَیَّ عَلَی الْفَلاَحِ ، قَدْ قَامَتِ الصَّلاَۃُ ، قَدْ قَامَتِ الصَّلاَۃُ ، اللَّہُ أَکْبَرُ ، اللَّہُ أَکْبَرُ ، لاَ إلَہَ إِلاَّ اللَّہُ ۔

(٢١٣٣) حضرت نافع فرماتے ہیں کہ حضرت ابن عمر کی اذان یہ تھی : اللَّہُ أَکْبَرُ ، اللَّہُ أَکْبَرُ ، اللَّہُ أَکْبَرُ ، شَہِدْتُ أَنْ لاَ إِلَہَ إِلاَّ اللَّہُ ، شَہِدْتُ أَنْ لاَ إِلَہَ إِلاَّ اللَّہُ ، شَہِدْتُ أَنْ لاَ إِلَہَ إِلاَّ اللَّہُ ، (تین مرتبہ) شَہِدْتُ أَنَّ مُحَمَّدًا رَسُولُ اللہِ ، شَہِدْتُ أَنَّ مُحَمَّدًا رَسُولُ اللہِ ، شَہِدْتُ أَنَّ مُحَمَّدًا رَسُولُ اللہِ (تین مرتبہ) حَیَّ عَلَی الصَّلاۃِ (تین مرتبہ) حَیَّ عَلَی الْفَلاَحِ ، (تین مرتبہ) اللَّہُ أَکْبَرُ ، لاَ إِلَہَ إِلاَّ اللَّہُ ۔

(٢١٣٤) حضرت محمد فرماتے ہیں کہ اذان کے کلمات یہ ہیں : اللَّہُ أَکْبَرُ ، اللَّہُ أَکْبَرُ ، أَشْہَدُ أَنْ لاَ إِلَہَ إِلاَّ اللَّہُ ، أَشْہَدُ أَنْ لاَ إِلَہَ إِلاَّ اللَّہُ ، أَشْہَدُ أَنَّ مُحَمَّدًا رَسُولُ اللہِ ، أَشْہَدُ أَنَّ مُحَمَّدًا رَسُولُ اللہِ ، حَیَّ عَلَی الصَّلاَۃِ ، حَیَّ عَلَی الصَّلاَۃِ ، حَیَّ عَلَی الْفَلاَحِ ، حَیَّ عَلَی الْفَلاَحِ ، اللَّہُ أَکْبَرُ ، اللَّہُ أَکْبَرُ ، لاَ إِلَہَ إِلاَّ اللَّہُ ، وَاللَّہُ أَکْبَرُ ۔

(٢١٣٥) حضرت حسن فرمایا کرتے تھے کہ اذان کے کلمات یہ ہیں : اللَّہُ أَکْبَرُ ، أَشْہَدُ أَنْ لاَ إِلَہَ إِلاَّ اللَّہُ ، أَشْہَدُ أَنَّ مُحَمَّدًا رَسُولُ اللہِ ، حَیَّ عَلَی الصَّلاَۃِ ، حَیَّ عَلَی الْفَلاَحِ ، پھر انہی کلمات کو دہراتے اور یوں کہتے : أَشْہَدُ أَنْ لاَ إِلَہَ إِلاَّ اللَّہُ ، أَشْہَدُ أَنَّ مُحَمَّدًا رَسُولُ اللہِ ، حَیَّ عَلَی الصَّلاَۃِ ، حَیَّ عَلَی الْفَلاَحِ (دو مرتبہ ) اللَّہُ أَکْبَرُ ، اللَّہُ أَکْبَرُ ، لاَ إِلَہَ إِلاَّ اللَّہُ ۔

(٢١٣٦) حضرت ابن ابی محذورہ روایت کرتے ہیں کہ حضرت ابو محذورہ ایک ایک مرتبہ اذان کے کلمات کو آہستہ آواز سے کہا کرتے تھے۔ پھر جب أَشْہَدُ أَنَّ مُحَمَّدًا رَسُولُ اللہِ ، أَشْہَدُ أَنَّ مُحَمَّدًا رَسُولُ اللہِ ، تک پہنچتے تو واپس أَشْہَدُ أَنْ لاَ إِلَہَ إِلاَّ اللَّہُ ، کی طرف جاتے اور دو دو مرتبہ یہ کلمات کہتے ہوئے آواز کو بلند کرتے۔ پھر جب حَیَّ عَلَی الصَّلاَۃِ ، تک پہنچتے تو فجر کی پہلی اذان میں الصَّلاَۃُ خَیْرٌ مِنَ النَّوْمِ کہتے۔

(٢١٣٧) ایک مرتبہ ایک انصاری صحابی حضور (صلی اللہ علیہ وآلہ وسلم) کی خدمت میں حاضر ہوئے اور عرض کیا کہ یا رسول اللہ ! گزشتہ رات جب میں نے آپ کی فکر دیکھی اور آپ کے پاس سے واپس گیا تو میں نے خواب میں دیکھا کہ ایک آدمی مسجد میں کھڑا ہے اور اس پر دو سبز کپڑے ہیں۔ اس نے اذان دی، پھر وہ ایک مرتبہ بیٹھا پھر اس نے اسی طرح اقامت کہی البتہ اقامت میں قد قامت الصلاۃ کے الفاظ کا اضافہ تھا۔ مجھے یوں لگتا ہے جیسے میں نیند اور بیداری کی درمیانی کیفیت میں تھا حضور (صلی اللہ علیہ وآلہ وسلم) نے فرمایا کہ اللہ تعالیٰ نے تمہیں خیر دکھائی ہے۔ حضرت عمر نے فرمایا کہ میں نے بھی خواب میں یہی کچھ دیکھا تھا لیکن اسے بیان کرتے ہوئے مجھے شرم محسوس ہوئی۔ پھر حضور (صلی اللہ علیہ وآلہ وسلم) نے فرمایا کہ بلال کو حکم دو کہ وہ اذان دیں۔

(٢١٣٨) ایک اور سند سے یونہی منقول ہے۔

(٢١٣٩) حضرت عبدالعزیز بن رفیع کہتے ہیں کہ حضرت ابو محذورہ کی اذان دو دو مرتبہ اور اقامت ایک ایک مرتبہ ہوا کرتی تھی۔

(٢١٤٠) حضرت ابن عمر فرماتے ہیں کہ حضرت بلال اذان کو دو دو مرتبہ اور اقامت کو ایک ایک مرتبہ کہا کرتے تھے۔