٥٧٧٤: عمرو بن دینار (رح) کہتے ہیں کہ میں نے حضرت ابن عمر (رض) کو فرماتے سنا کہ میں نے رافع بن خدیج (رض) کو کہتے سنا کہ جناب رسول اللہ (صلی اللہ علیہ وآلہ وسلم) نے مزارعت سے منع فرمایا۔
تخریج : مسلم فی البیوع ١١٨؍١١٩‘ مسند احمد ٤؍٣٣‘ عن ثابت بن ضحاک۔

٥٧٧٥: عمرو بن دینار (رح) کہتے ہیں کہ میں نے ابن عمر (رض) کو فرماتے سنا ہم مخابرہ کرتے تھے اور اس میں کوئی حرج خیال نہ کرتے تھے یہاں تک کہ رافع بن خدیج (رض) نے یہ خیال ظاہر کیا کہ جناب رسول اللہ (صلی اللہ علیہ وآلہ وسلم) نے مخابرہ سے منع فرمایا ہے۔ تو ہم نے مخابرہ چھوڑ دیا۔
تخریج : بخاری فی المساقات باب ١٧‘ مسلم فی البیوع ٨١؍٨٥‘ ابو داؤد فی البیوع باب ٣٣‘ ترمذی فی البیوع باب ٥٥؍٧٠‘ نسائی فی الایمان باب ٤٥‘ والبیوع باب ٢٨؍٣٩‘ دارمی فی البیوع باب ٧٢‘ مسند احمد ٥‘ ١٨٧؍١٨٨۔

٥٧٧٦: سالم بن عبداللہ کہتے ہیں کہ میرے والد عبداللہ بن عمر (رض) اپنی زمین کو کرایہ پر دیتے تھے یہاں تک کہ ان کو یہ بات پہنچی کہ رافع بن خدیج انصاری (رض) زمین کو کرایہ پر دینے سے منع کرتے ہیں۔
میرے والد رافع کو ملے اور کہا اے ابن خدیج تم زمین کے کرایہ کے سلسلہ میں جناب رسول اللہ (صلی اللہ علیہ وآلہ وسلم) سے کیا بات بیان کرتے ہو۔ تو وہ کہنے لگے میں نے اپنے دو چچاؤں جو بدری صحابی ہیں ان سے سنا وہ دونوں گھر والوں سے بیان کرتے تھے کہ جناب رسول اللہ (صلی اللہ علیہ وآلہ وسلم) نے زمین کو کرائے پر دینے سے منع فرمایا۔
عبداللہ کہنے لگے میں جانتا تھا کہ جناب رسول اللہ (صلی اللہ علیہ وآلہ وسلم) کے زمانہ میں زمین کرایہ پر دی جاتی تھی پھر عبداللہ (رض) کو یہ خدشہ ہوا کہ جناب رسول اللہ (صلی اللہ علیہ وآلہ وسلم) نے ممکن ہے اس سلسلے میں کوئی نیا حکم فرمایا ہو۔ جو ان کے علم میں نہ ہو اس لیے زمین کو کرایہ پر دینا چھوڑ دیا۔
تخریج : بخاری فی الحرث باب ١٨‘ مسلم فی البیوع ١٠٨؍١١٢‘ ابو داؤد فی البیوع باب ٣١‘ نسائی فی الایمان باب ٤٥؍٤٦‘ مسند احمد ٢‘ ٦‘ ٦٤۔

٥٧٧٧: مجاہد نے رافع بن خدیج (رض) سے انھوں نے جناب نبی اکرم سے نقل کیا کہ آپ نے حقل سے منع فرمایا ہے۔ شعبہ کہنے لگے میں نے حکم سے دریافت کیا حقل کیا ہے۔ انھوں نے کہا زمین کو کرایہ پر دینا۔ ابو جعفر کہتے ہیں میرے خیال میں انھوں نے ساتھ ثلث ‘ ربع کا بھی نام لیا۔ یعنی زمین کو ثلث و ربع پر کرایہ پر دینا۔
تخریج : مسلم فی البیوع ١٢٢٣٨٣‘ ابو داؤد فی البیوع باب ٣٢‘ ابن ماجہ فی الرہوں باب ٩‘ والایمان باب ٤٥‘ مسند حمد ١؍٣١٣‘ ٣‘ ٤٦٤؍٤٦٦۔

٥٧٧٨: مجاہد نے رافع بن خدیج (رض) کہتے ہیں کہ ہمیں جناب رسول اللہ (صلی اللہ علیہ وآلہ وسلم) نے ایک ایسی بات سے منع فرمایا جو ہمارے لیے (بظاہر) فائدہ مند تھی اور اللہ تعالیٰ کے نبی نے ہمیں اس سے زیادہ فائدہ مند کا حکم فرمایا جس کی اپنی زمین ہو وہ اس میں خود کاشت کرے یا دوسرے سے کاشت کروائے۔
تخریج : بخاری فی الحرث باب ١٨‘ والہبہ باب ٣٥‘ مسلم فی البیوع ٨٧؍٨٨‘ ٨٩؍٩١‘ ابو داؤد فی البیوع باب ٣١‘ ترمذی فی الاحکام باب ٤٢‘ نسائی فی الایمان باب ٤٥‘ ابن ماجہ فی الرہوں باب ٧؍٨‘ مسند احمد ١؍٢٨٦‘ ٣‘ ٣٠٢؍٣٠٤‘ ٤‘ ١٤١؍١٤٣۔

٥٧٧٩: مجاہد کہتے ہیں مجھے رافع بن خدیج کے بھتیجے اسد نے بیان کیا کہ رافع بن خدیج (رض) نے فرمایا پھر اسی طرح روایت کی ہے۔ البتہ ” فلیزرعہا “ کے بعد ” فان عجز فلیزرعہا اخاہ “
تخریج : بخاری فی الاہبہ باب ٣٥‘ مسند احمد ٣‘ ٣٥٤؍٣٦٢‘ ٣٦٩؍٣٧٣‘ ٤‘ ١٦٩‘ ٣٤١۔

٥٧٨٠: مجاہد کہتے ہیں کہ میں نے طاوس کا ہاتھ پکڑا یہاں تک کہ میں ان کو رافع بن خدیج کے بیٹے کے پاس لے گیا تو انھوں نے اپنے والد سے روایت کرتے ہوئے جناب رسول اللہ (صلی اللہ علیہ وآلہ وسلم) سے نقل کیا کہ آپ نے زمین کو کرایہ پر دینے کی ممانعت فرمائی مگر طاوس نے اس سے انکار کرتے ہوئے کہا کہ ابن عباس (رض) سے میں نے سنا کہ اس میں کچھ حرج نہیں۔

٥٧٨١: سعید بن مسیب نے حضرت رافع بن خدیج (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے بیع مزابنہ اور محاقلہ سے منع فرمایا اور فرمایا تین آدمی کاشت کرسکتے ہیں۔ ! زمین والا جو خود کاشت کرے۔ " وہ آدمی جس نے اپنے بھائی (مسلمان) کو زمین عنایت کی وہ اس کو کاشت کرے۔ # وہ آدمی جس نے زمین سونے یا چاندی کے بدلے کرایہ پر لی۔
تخریج : بخاری فی البیوع باب ٨٢؍٩٣‘ المساقات باب ١٧‘ مسلم فی البیوع ٥٩؍٨١‘ ابو داؤد فی البیوع باب ٣١؍٣٣‘ ترمذی فی البیوع باب ١٤‘ نسائی فی الایمان باب ٤٥‘ دارمی فی المقدمہ باب ٢٨‘ والبیوع باب ٢٣‘ مالک فی البیوع ٢٤؍٢٥‘ مسند احمد ١؍٢٢٤‘ ٢؍٣٩٢‘ ٣‘ ٦؍٦٠‘ ٥‘ ١٨٥؍١٩٠۔

٥٧٨٢: ابو نعیم اور معلیٰ بن منصور دونوں نے ابوالاحوص سے پھر اپنی اسناد سے اسی طرح روایت بیان کی۔

٥٧٨٣: سلیمان بن یسار نے رافع بن خدیج (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے فرمایا جس کی زمین ہو وہ اس میں خود کاشت کرے یا اپنے بھائی سے کاشت کر والے اور ثلث یا ربع کے بدلے کرائے پر نہ دے اور نہ ہی مقررہ غلہ کے بدلے (کرایہ پر دے) ۔
تخریج : مسلم فی البیوع ٩٢‘ نسائی فی الایمان باب ٤٥‘ مسند احمد ٣؍٣٦٣۔

٥٧٨٤: ابن ابی نعیم رافع بن خدیج (رض) سے روایت کرتے ہیں کہ میں نے زمین کاشت کی۔ میں کھیت کو پانی لگا رہا تھا کہ جناب رسول اللہ (صلی اللہ علیہ وآلہ وسلم) کا پاس سے گزر ہوا آپ نے پوچھا یہ کھیتی کس کے لیے اور زمین کس کی ہے ؟ میں نے عرض کیا۔ کھیتی میرے بیج اور کام کے بدلے آدھا میرا اور بنی فلاں کا نصف۔ آپ نے فرمایا تم نے سودی کام کیا۔ تم زمین مالکوں کو واپس کر دو اور اپنا خرچہ لے لو۔
تخریج : ابو داؤد فی البیوع باب ٣١۔

٥٧٨٥: شعبی نے حضرت رافع (رض) سے اسی طرح روایت کی ہے۔

٥٧٨٦: ابوالنجاشی مولیٰ رافع کہتے ہیں کہ میں نے حضرت رافع (رض) سے کہا میری زمین ہے میں اسے کرایہ پر دیتا ہوں۔ پس رافع نے مجھے اس سے منع فرمایا اور میرا خیال ہے کہ مجھے کہا کہ جناب رسول اللہ (صلی اللہ علیہ وآلہ وسلم) نے زمین کو کرایہ پر دینے سے منع فرمایا اور فرمایا جب تم میں سے کسی کی زمین ہو تو وہ اسے خود کاشت کرے یا اپنے بھائی سے کاشت کروائے۔ اگر وہ ایسا نہ کرے تو اسے چھوڑ دے اور کسی چیز کے بدلے اس کو کرایہ پر نہ دے۔
میں نے کہا کیا خیال ہے کہ اگر میں اس کو چھوڑ دوں اور اس میں زراعت نہ کروں اور اس کو کسی چیز کے بدلے کرایہ پر بھی نہ دوں پھر اگر اس کو کچھ لوگ کاشت کریں اور اس کی کھیتی میں سے کوئی چیز اگر مجھے ہبہ کریں تو کیا میں اسے لے لوں تو انھوں نے کہا مت لو۔
تخریج : مسلم فی البیوع ٩٢‘ نسائی فی الایمان باب ٤٥‘ مسند احمد ٣؍٣٦٣۔

٥٧٨٧: ابراہیم بن مرزوق نے حبان بن ہلال سے روایت کی ہے۔

٥٧٨٨: عبداللہ بن سائب کہتے ہیں کہ میں نے عبداللہ بن مغفل (رض) سے مزارعت کے متعلق پوچھا تو انھوں نے کہا کہ مجھے ثابت بن ضحاک (رض) نے بتلایا کہ جناب رسول اللہ (صلی اللہ علیہ وآلہ وسلم) نے مزارعت سے منع فرمایا۔
تخریج : مسلم فی البیوع ١١٨‘ مسند احمد ٤؍٣٣۔

٥٧٨٩: شیبانی نے عبداللہ بن سائب (رض) سے پھر انھوں نے اپنی اسناد سے اسی کی مثل روایت کی ہے۔

٥٧٩٠: عطاء بن ابی رباح نے جابر بن عبداللہ (رض) سے روایت کی ہے کہ ہم میں سے بعض لوگوں کی زائد زمینیں تھیں وہ انھیں نصف ‘ تہائی ‘ چوتھائی پر اجرت پر دیتے تھے۔ جناب رسول اللہ (صلی اللہ علیہ وآلہ وسلم) نے فرمایا جس کے پاس زمین ہو وہ اس میں کھیتی باڑی کرے یا اپنے مسلمان بھائی کو بطور عطیہ دے دے اگر ایسا نہ کرے تو روک لے۔
تخریج : مسلم فی البیوع ٨٧‘ نسائی فی الایمان باب ٤٥‘ ابن ماجہ فی الرہوں باب ٧۔

٥٧٩١: عطاء نے جابر (رض) سے اسی طرح کی روایت کی ہے۔

٥٧٩٢: عطاء سے پوچھا گیا کیا تمہیں جابر بن عبداللہ (رض) نے یہ روایت بیان کی ہے کہ جناب رسول اللہ (صلی اللہ علیہ وآلہ وسلم) نے فرمایا جس کی زمین ہو وہ اس کو خود کاشت کرے یا اپنے بھائی کو کاشت کے لیے دے اس کو اجرت پردے عطاء کہنے لگے جی ہاں۔
تخریج : نسائی فی الایمان باب ٤٥‘ ابن ماجہ فی الرہوں باب ٨‘ مسند احمد ٣؍٣٠٢‘ ٣٠٤‘ ٣٩٢۔

٥٧٩٣: سلیمان بن موسیٰ نے عطاء سے دریافت کیا اور میں اس پر شاہد ہوں پھر انھوں نے اپنی سند سے روایت ذکر کی ہے۔

٥٧٩٤: عطاء نے جابر بن عبداللہ سے روایت کی کہ جناب رسول اللہ (صلی اللہ علیہ وآلہ وسلم) نے ہمیں خطبہ دیا۔ پھر اسی طرح روایت نقل کی ہے۔

٥٧٩٥: ابوالزبیر نے جابر (رض) سے نقل کیا کہ میں نے جناب رسول اللہ (صلی اللہ علیہ وآلہ وسلم) کو فرماتے سنا جس نے مخابرہ نہ چھوڑا تو اسے اللہ تعالیٰ کی طرف سے اعلان جنگ ہے۔
تخریج : ابو داؤد فی البیوع باب ٣٣۔

٥٧٩٦: یحییٰ بن سلیم طائفی نے عبداللہ بن عثمان بن خثیم سے پھر انھوں نے اپنی اسناد سے اسی طرح روایت کی ہے اور یہ اضافہ ہے۔ ” من اللہ ورسولہ “

٥٧٩٧: سعید بن میناء نے جابر بن عبداللہ (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے فرمایا جس کے پاس بچا ہوا پانی یا بچی ہوئی زمین ہو پس وہ اس میں کاشت کرے یا دوسرے کو کاشت کے لیے دے اور اس کو فروخت مت کرو۔ سلیم کہتے ہیں کہ میں نے سعید کو کہا کرایہ پر بیچنا مراد ہے ؟ تو انھوں نے کہا جی ہاں۔ امام طحاوی (رح) کہتے ہیں : بعض لوگوں کا خیال ہے کہ زمین کی پیداوار کے کسی حصہ پر زمین کو اجارہ پر دینا مکروہ ہے اور انھوں نے ان آثار سے استدلال کیا ہے۔ ان آثار کے مختلف معانی وارد ہوئے ہیں۔ حضرت ثابت بن ضحاک (رض) نے جناب رسول اللہ (صلی اللہ علیہ وآلہ وسلم) سے روایت کی ہے کہ آپ نے مزارعت سے منع فرمایا مگر انھوں نے وضاحت نہیں فرمائی کہ مزارعت سے کیا مراد ہے۔ اگر یہی مزارعت مراد ہے کہ زمین سے نکلنے والے غلہ کی ایک مقررہ مقدار دی جائے تو اسی میں اختلاف ہے انہی آثار سے استدلال کرنے والے اور ان کے مخالفین استدلال کرتے ہیں اور اگر مزارعت سے وہ مراد ہے جس کی ممانعت ہے کہ ثلث یا ربع یا زمین کے مقررہ قطعہ میں کاشت کی جانے والی کھیتی کا کچھ حصہ دیا جائے تو اس پر ہر دو فریق کا اتفاق ہے کہ یہ مزارعت ناجائز ہے اور حضرت ثابت (رض) کی روایت میں کوئی ایسی چیز نہیں کہ جس سے معلوم ہو کہ جناب رسول اللہ (صلی اللہ علیہ وآلہ وسلم) کی مراد ان دو معنی میں سے کون سا معنی ہے دوسرا نہیں۔ حضرت جابر بن عبداللہ (رض) کی روایت میں ہے کہ ہم میں سے بعض لوگوں کے پاس زائد زمینیں تھیں وہ انھیں نصف ‘ ثلث ‘ یا چوتھائی پر اجرت پردے دیتے تھے۔ تو جناب رسول اللہ (صلی اللہ علیہ وآلہ وسلم) نے فرمایا جس کے پاس زمین ہو وہ اس میں کھیتی باڑی کرے یا اپنے بھائی کو عطیہ دے اگر ایسا نہ کرے تو وہ روک دے۔ تو اس ارشاد کے مطابق ان کو صرف اس بات کی اجازت دی گئی کہ وہ خود کاشت کریں یا بطور عطیہ دے دیں اس روایت کے مطابق آپ نے اور کسی بات کی اجازت نہیں دی تو اس میں اس بات کا احتمال ہے کہ تہائی یا چوتھائی پیداوار اور درہم و دینار یا کسی اور چیز کے بدلے اجارہ پر دینے کی ممانعت ہو۔ تو اس کا مطلب یہ ہوگا کہ زمین کو اجرت پر دینے کی ممانعت ہے۔
تخریج : مسلم فی البیوع ٩٤۔
امام طحاوی (رح) کہتے ہیں : بعض لوگوں کا خیال ہے کہ زمین کی پیداوار کے کسی حصہ پر زمین کو اجارہ پر دینا مکروہ ہے اور انھوں نے ان آثار سے استدلال کیا ہے۔ ان آثار کے مختلف معانی وارد ہوئے ہیں۔
تبصرہ طحاویسوال :
نمبر 1: حضرت ثابت بن ضحاک (رض) نے جناب رسول اللہ (صلی اللہ علیہ وآلہ وسلم) سے روایت کی ہے کہ آپ نے مزارعت سے منع فرمایا مگر انھوں نے وضاحت نہیں فرمائی کہ مزارعت سے کیا مراد ہے۔
اگر یہی مزارعت مراد ہے کہ زمین سے نکلنے والے غلہ کی ایک مقررہ مقدار دی جائے تو اسی میں اختلاف ہے انہی آثار سے استدلال کرنے والے اور ان کے مخالفین استدلال کرتے ہیں اور اگر مزارعت سے وہ مراد ہے جس کی ممانعت ہے کہ ثلث یا ربع یا زمین کے مقررہ قطعہ میں کاشت کی جانے والی کھیتی کا کچھ حصہ دیا جائے تو اس پر ہر دو فریق کا اتفاق ہے کہ یہ مزارعت ناجائز ہے۔
اور حضرت ثابت (رض) کی روایت میں کوئی ایسی چیز نہیں کہ جس سے معلوم ہو کہ جناب رسول اللہ (صلی اللہ علیہ وآلہ وسلم) کی مراد ان دو معنی میں سے کون سا معنی پیش نظر ہے دوسرا نہیں۔
نمبر 2: حضرت جابر بن عبداللہ (رض) کی روایت میں ہے کہ ہم میں سے بعض لوگوں کے پاس زائد زمینیں تھیں وہ انھیں نصف ‘ ثلث ‘ یا چوتھائی پر اجرت پردے دیتے تھے۔ تو جناب رسول اللہ (صلی اللہ علیہ وآلہ وسلم) نے فرمایا جس کے پاس زمین ہو وہ اس میں کھیتی باڑی کرے یا اپنے بھائی کو عطیہ دے اگر ایسا نہ کرے تو وہ روک دے۔ تو اس ارشاد کے مطابق ان کو صرف اس بات کی اجازت دی گئی کہ وہ خود کاشت کریں یا بطور عطیہ دے دیں اس روایت کے مطابق آپ نے اور کسی بات کی اجازت نہیں دی تو اس میں اس بات کا احتمال ہے کہ تہائی یا بوتھائی پیداوار اور درہم و دینار یا کسی اور چیز کے بدلے اجارہ پر دینے کی ممانعت ہو۔ تو اس کا مطلب یہ ہوگا کہ زمین کو اجرت پر دینے کی ممانعت ہے۔
ایک جماعت کا قول یہ ہے کہ سونے و چاندی پر زمین کا اجارہ نہیں ہوسکتا :

٥٧٩٨: عمرو بن دینار کہتے ہیں کہ طاوس (رح) زمین کو سونے چاندی کے بدلے کرایہ پر دینا مکروہ خیال کرتے تھے۔ یہ طاوس زمین کو سونے چاندی کے بدلے کرایہ پر دینا مکروہ خیال کرتے ہیں مگر اس کو زمین کی بعض پیداوار کے بدلے دینے میں کوئی حرج نہیں سمجھتے اور عنقریب یہ بات انشاء اللہ آئے گی۔
نمبر 4: اگر جابر (رض) کی روایت میں ممانعت مطلق ہو کہ خواہ وہ زمین سے نکلنے والی پیداوار میں سے کسی چیز کے بدلے ہو یا اور کسی چیز کے بدلے ہو تو اس معنی کے دونوں فریق قائل نہیں ہیں۔
نمبر 5: اور یہ بھی ممکن ہے کہ ممانعت کسی اور وجہ سے ہو۔
اب ہم دیکھتے ہیں کہ آیا حضرت جابر (رض) سے کوئی ایسی روایت وارد ہے جو وجہ ممانعت پر دلالت کرتی ہو ؟

٥٧٩٩: ہشام بن سعد نے ابوالزبیر مکی سے انھوں نے جابر بن عبداللہ (رض) سے روایت کی ہے کہ جناب رسول اللہ (صلی اللہ علیہ وآلہ وسلم) کو اطلاع ملی کہ کچھ لوگ اپنی زمین کو نصف پیداوار یا ثلث یا نالوں کے قریب پیداوار کے بدلے کرائے پر دیتے ہیں۔ تو اس پر جناب رسول اللہ (صلی اللہ علیہ وآلہ وسلم) نے فرمایا جس کی زمین ہے وہ خود کاشت کرے اور اگر وہ کاشت نہیں کرتا تو وہ اپنے بھائی کو بطور عطیہ دے اور اگر وہ ایسا نہیں کرتا تو اسے روک رکھے۔
تخریج : اخرج بنحوہ مسلم فی البیوع ٩٦‘ مسند احمد ٤؍١٤٢۔

٥٨٠٠: ابوالزبیر مکی کہتے ہیں کہ میں نے جابر بن عبداللہ (رض) کو فرماتے سنا ہے ہم جناب رسول اللہ (صلی اللہ علیہ وآلہ وسلم) کے زمانہ میں زمین کو ثلث یا ربع یا نالوں کے قریب پیداوار کے بدلے لیتے تھے تو جناب رسول اللہ (صلی اللہ علیہ وآلہ وسلم) نے اس سے منع فرما دیا۔
تخریج : مسلم فی البیوع ٩٦۔

٥٨٠١: ابوالزبیر نے حضرت جابر (رض) سے روایت کی ہے کہ ہم جناب رسول اللہ (صلی اللہ علیہ وآلہ وسلم) کے زمانے میں بیع مخابرہ کرتے تھے جس سے ہمیں اتنا اتنا حصہ ملتا تھا۔ تو آپ (صلی اللہ علیہ وآلہ وسلم) نے فرمایا جس کی زمین ہو وہ اسے خود کاشت کرے یا پھر اپنے مسلمان بھائی کو دے۔ یا اس میں کاشت کروائے۔ اس روایت میں ابوالزبیر نے حضرت جابر (رض) سے وہ وجہ نقل کی جو ممانعت کا باعث تھی بلاشبہ وہ اجارہ میں پائی جانے والی چیز کے سبب تھی ممانعت اسی طرف سے آئی۔ عین ممکن ہے کہ ثابت بن ضحاک (رض) کی روایت کا بھی یہی معنی ہو۔ باقی حدیث رافع (رض) تو اس کے الفاظ مختلف وارد ہوئے جس کی وجہ سے وہ روایت مضطرب ہے۔ حدیث ابن عمر (رض) وہ ثابت بن ضحاک (رض) کی روایت جیسی ہے۔ کیونکہ اس میں مزارعت کی ممانعت ہے۔ اس میں بھی ثابت والی روایت کے معانی کا احتمال ہے جیسا کہ ہم نے بیان کردیا۔ بقیہ جنہوں نے حضرت جابر (رض) جیسی روایات ذکر کی ہیں تو ان میں حدیث جابر (رض) والے احتمالات ہیں۔ اب ہم یہ دیکھنا چاہتے ہیں کہ آیا حضرت رافع (رض) سے کوئی ایسی روایت وارد ہے جو نہی کی جانب پر دلالت کرے کہ یہ کیوں ہوئی ؟
تخریج : مسلم فی البیوع ٩٥‘ ابو داؤد فی البیوع باب ٣١‘ نسائی فی الایمان باب ٤٥‘ ابن ماجہ فی الرہوں باب ٧‘ دارمی فی البیوع باب ٧٢‘ مسند احمد ١؍٢٣٤‘ ٢؍١١‘ ٣‘ ٣١٢؍٣١٣‘ ٤؍١٤٢۔
حاصل کلام : اس روایت میں ابوالزبیر نے حضرت جابر (رض) سے وہ وجہ نقل کی جو ممانعت کا باعث تھی بلاشبہ وہ اجارہ میں پائی جانے والی چیز کے سبب تھی ممانعت اسی طرف سے آئی۔
نمبر 1: عین ممکن ہے کہ ثابت بن ضحاک (رض) کی روایت کا بھی یہی معنی ہو۔
نمبر 2: باقی حدیث رافع (رض) تو اس کے الفاظ مختلف وارد ہوئے جس کی وجہ سے وہ روایت مضطرب ہے۔
نمبر 3: حدیث ابن عمر (رض) وہ ثابت بن ضحاک (رض) کی روایت جیسی ہے۔ کیونکہ اس میں مزارعت کی ممانعت ہے۔ اس میں بھی ثابت والی روایت کے معانی کا احتمال ہے جیسا کہ ہم نے بیان کردیا۔
نمبر 4: بقیہ جنہوں نے حضرت جابر (رض) جیسی روایات ذکر کی ہیں تو ان میں حدیث جابر (رض) والے احتمالات ہیں۔
نظر دیگر : اب ہم یہ دیکھنا چاہتے کہ آیا حضرت رافع (رض) سے کوئی ایسی روایت وارد ہے جو نہی کی جانب پر دلالت کرے کہ یہ کیوں ہوئی ؟
وجہ ممانعت والی روایت رافع (رض) :

٥٨٠٢: حنظلہ بن قیس زرقی نے حضرت رافع (رض) سے نقل کیا ہے ہم بنو حارثہ کے قبیلہ کی زمینیں مدینہ میں سب سے زیادہ تھیں اور ہم زمین کو اس طرح کرایہ پر دیتے تھے کہ جو کچھ بڑے نالوں یا بارش سے سیراب ہوگا وہ حصہ پیداوار ہمارا ہوگا اور جو پیداوار کا حصہ چھوٹے نالوں سے سیراب ہوگا وہ ان کرایہ پر لینے والوں کے لیے ہوگا بعض اوقات یہ حصہ محفوظ رہتا اور وہ تباہ ہوجاتا اور بعض اوقات وہ تباہ ہوجاتا اور یہ بچ جاتا ان دنوں ہمارے پاس سونا ‘ چاندی نہیں تھی۔ پھر ہمیں معلوم ہوا اور ہم نے جناب رسول اللہ (صلی اللہ علیہ وآلہ وسلم) سے اس سلسلے میں دریافت کیا تو آپ نے منع فرمایا۔
تخریج : بخاری فی الشروط باب ٧‘ والحرث باب ١٢‘ مسلم فی البیوع ١١٧۔

٥٨٠٣: حنظلہ بن قیس زرقی کہتے ہیں کہ میں نے رافع (رض) کو فرماتے سنا کہ مدینہ منورہ میں ہماری زمینیں سب سے زیادہ تھیں اور ہم جن سے مخابرہ کرتے تو ان کو کہتے اس قطعہ زمین کی پیداوار تمہاری اور اس قطعہ زمین کی پیداوار ہماری تم اس میں ہمارے کاشت کرو۔ بعض اوقات اس قطعہ زمین کی پیداوار ہوتی اور دوسرے سے کچھ بھی حاصل نہ ہوتا اور بعض اوقات اس سے پیداوار نکلتی اور اس قطعہ میں سے کچھ پیداوار نہ ہوتی پس اس سے جناب رسول اللہ (صلی اللہ علیہ وآلہ وسلم) نے منع فرمایا۔ البتہ چاندی کے بدلے اس سے منع نہیں فرمایا۔
تخریج : اخرج بنحوہ بخاری فی الحرث باب ١٢۔

٥٨٠٤: سلیمان بن یسار نے حضرت رافع (رض) سے نقل کیا کہ ہم جناب رسول اللہ (صلی اللہ علیہ وآلہ وسلم) کے زمانہ میں بیع محاقلہ کرتے یعنی کوئی آدمی اپنی زمین ثلث ‘ ربع یا مقرر غلہ کے بدلے کرایہ پر دیتا۔ تو حضرت رافع (رض) نے اس روایت میں واضح فرما دیا کہ وہ کس طرح کی مزارعت کرتے تھے پس اس روایت کا مفہوم حضرت جابر (رض) کی روایت کے مفہوم کی طرف لوٹ گیا اور یہ بھی ثابت ہوگیا کہ دونوں روایات میں جو ممانعت وارد ہے۔ وہ اس لحاظ سے ہے کہ زمین کے مالک اور کھیتی باڑی کرنے والے کے لیے زمین کا ایک حصہ مختص ہوجاتا ہے اور اس کو وہی غلہ ملتا ہے جو اس حصہ زمین سے پیدا ہو۔ اگر وہ محفوظ رہ گیا تو اس کا حصہ مل گیا اور اگر ضائع ہوجائے تو اسی کا نقصان ہوگا اور اس طرز عمل کے غلط ہونے پر تو سب کا اتفاق ہے۔ اس سے حضرت رافع (رض) کی روایت کا معنی بھی واضح ہوگیا کہ اس میں جس ممانعت کا تذکرہ ہے اس کا سبب وہی مفہوم ہے جس کو ہم نے اوپر بیان کیا ہے یہ مفہوم نہیں کہ زمین کو اس کی پیداوار کے کسی حصہ کے بدلے کرایہ پر دینا جائز نہیں۔ بعض لوگوں نے حضرت رافع (رض) کی روایت کا انکار کرتے ہوئے فرمایا کہ ان کو حدیث کا پہلا حصہ یاد نہیں رہا۔
ایک دن میں اسی حال میں تھا کہ میرے ایک چچا میرے پاس آئے اور کہنے لگے جناب رسول اللہ (صلی اللہ علیہ وآلہ وسلم) نے ہمیں اس کام سے منع کردیا ہے جو ہمارے لیے فائدہ مند تھا مگر جناب رسول اللہ (صلی اللہ علیہ وآلہ وسلم) کی اطاعت سب سے زیادہ نفع بخش ہے۔ آپ نے فرمایا ہے کہ جس کی زمین ہو وہ اپنے بھائی کو بطور عطیہ دے اور ثلث ‘ ربع یا مقررہ غلہ کے بدلے کرایہ پر نہ دے۔
تخریج : مسلم فی البیوع ١١٣‘ نسائی فی الایمان باب ٤٥‘ ابن ماجہ فی الرہوں باب ١٢‘ مسند احمد ٣؍٤٦٥۔
حاصل روایت : تو حضرت رافع (رض) نے اس روایت میں واضح فرما دیا کہ وہ کس طرح کی مزارعت کرتے تھے پس اس روایت کا مفہوم حضرت جابر (رض) کی روایت کے مفہوم کی طرف لوٹ گیا اور یہ بھی ثابت ہوگیا کہ دونوں روایات میں جو ممانعت وارد ہے۔ وہ اس لحاظ سے ہے کہ زمین کے مالک اور کھیتی باڑی کرنے والے کے لیے زمین کا ایک حصہ مختص ہوجاتا ہے اور اس کو وہی غلہ ملتا ہے جو اس حصہ زمین سے پیدا ہو۔ اگر وہ محفوظ رہ گیا تو اس کا حصہ مل گیا اور اگر ضائع ہوجائے تو اسی کا نقصان ہوگا اور اس طرز عمل کے غلط ہونے پر تو سب کا اتفاق ہے۔
مزید توضیح : اس سے حضرت رافع (رض) کی روایت کا معنی بھی واضح ہوگیا کہ اس میں جس ممانعت کا تذکرہ ہے اس کا سبب وہی مفہوم ہے جس کو ہم نے اوپر بیان کیا ہے یہ مفہوم نہیں کہ زمین کو اس کی پیداوار کے کسی حصہ کے بدلے کرایہ پر دینا جائز نہیں۔
ایک اور جماعت کا حدیث رافع پر اشکال :
بعض لوگوں نے حضرت رافع (رض) کی روایت کا انکار کرتے ہوئے فرمایا کہ ان کو حدیث کا پہلا حصہ یاد نہیں رہا۔
روایت زید بن ثابت (رض) :

٥٨٠٥: عروہ بن زبیر نے حضرت زید بن ثابت (رض) سے روایت کی ہے کہ اللہ تعالیٰ رافع کی مغفرت فرمائے اللہ کی قسم میں ان سے زیادہ اس حدیث کو جاننے والا ہوں انصار کے دو آدمی جناب رسول اللہ (صلی اللہ علیہ وآلہ وسلم) کی خدمت میں آئے جنہوں نے باہمی لڑائی کی تھی۔ تو آپ نے فرمایا اگر تمہارا یہی حال ہے تو کھیتوں کو مت کرائے پر دو ۔ تو رافع (رض) نے جناب رسول اللہ (صلی اللہ علیہ وآلہ وسلم) کا ارشاد فقط ” لاتکروا المزارع “ سنا۔ (گویا ان کو اس کے ماسبق و مابعد کی بات معلوم نہیں تھی) یہ حضرت زید بن ثابت (رض) بتلا رہے ہیں کہ جناب رسول اللہ (صلی اللہ علیہ وآلہ وسلم) نے ” لاتکروا المزارع “ رافع نے جس نہی کو سنا ہے وہ حرمت کے لیے نہیں بلکہ باہمی لوگوں میں نزاع اور خرابی ہونے کی وجہ سے اس کو ناپسند قرار دیا۔ روایت ابن عباس (رض) بھی اس سلسلہ میں گویا ہے۔
تخریج : مسند احمد ٥‘ ١٨٢؍١٨٧۔
حاصل روایت : یہ حضرت زید بن ثابت (رض) بتلا رہے ہیں کہ جناب رسول اللہ (صلی اللہ علیہ وآلہ وسلم) نے ” لاتکروا المزارع “ رافع نے جس نہی کو سنا ہے وہ حرمت کے لیے نہیں بلکہ باہمی لوگوں میں نزاع اور خرابی ہونے کی وجہ سے اس کو ناپسند قرار دیا۔ روایت ابن عباس (رض) بھی اس سلسلہ میں گویا ہے۔

٥٨٠٦: عمرو بن دینار نے طاوس سے روایت کی ہے کہ میں نے ان کو کہا اے ابو عبدالرحمن ! اگر تم مخابرہ کو ترک کردیتے (تو مناسب تھا) کیونکہ ان حضرات کا خیال ہے کہ جناب رسول اللہ (صلی اللہ علیہ وآلہ وسلم) نے اس کی ممانعت فرمائی ہے انھوں نے کہا مجھے ان میں سے سب سے زیادہ علم والے یعنی ابن عباس (رض) نے بتلایا کہ جناب رسول اللہ (صلی اللہ علیہ وآلہ وسلم) نے اس سے منع نہیں فرمایا بلکہ یہ فرمایا کہ اگر تم میں سے کوئی شخص اپنے بھائی کو (زمین کا) عطیہ دے تو وہ اس سے بہتر ہے کہ اس پر کوئی مقرر اجرت لے۔
تخریج : بخاری فی الحرث باب ١٠‘ مسلم فی البیوع ١٢٠؍١٢٣‘ ابو داؤد فی البیوع باب ٣٠‘ ابن ماجہ فی الرہوں مسند احمد ١‘ ٢٣٤؍٣١٣۔

٥٨٠٧: سفیان نے عمرو سے پھر انھوں نے اپنی اسناد سے روایت اسی طرح ذکر کی ہے۔ اس روایت میں ابن عباس (رض) نے بتلایا آپ نے جو ممانعت فرمائی وہ شفقت کے طور پر ہے وہ ممانعت حرمت کے لیے نہیں کہ آپ نے اجرت کا لینا ناپسند کیا ہو جس کی وجہ سے ان دو آدمیوں کے درمیان جھگڑا پیدا ہوا جن کا ذکر حضرت زید (رض) کی روایت میں آیا ہے اسی لیے آپ نے فرمایا اگر تم میں سے ایک دوسرے بھائی کو زمین بطور عطیہ دے یہ اس سے بہتر ہے کہ اس زمین پر مقررہ خراج حاصل کرے۔ کیونکہ ان دو آدمیوں میں اختلاف کا سبب یہی مقررہ اجرت تھی جو ایک کے ذمہ دوسرے کا حق تھا تو آپ (صلی اللہ علیہ وآلہ وسلم) نے دیکھا کہ وہ عطیہ جو ان کے درمیان کوئی چیز واجب نہ کرے وہ اس مزارعت سے بہت بہتر ہے جو ان کے مابین نزاع کا باعث ہو اور حضرت رافع (رض) کی روایت بھی حضرت ابن عباس (رض) کی اس روایت کے موافق ہے۔ ابن عباس (رض) کی روایت جو روایت رافع کے موافق ہے۔
حاصل روایت : اس روایت میں ابن عباس (رض) نے بتلایا آپ نے جو ممانعت فرمائی وہ شفقت کے طور پر ہے وہ ممانعت حرمت کے لیے نہیں۔

٥٨٠٨: مجاہد نے رافع (رض) سے روایت کی کہ جناب رسول اللہ (صلی اللہ علیہ وآلہ وسلم) نے ہمیں ایسی بات سے منع فرمایا جو ہمارے لیے فائدہ مند تھی اور ہمیں اس سے بہت ہی بہتر کا حکم فرمایا آپ نے فرمایا جس کی زمین ہو وہ اس کو خود کاشت کرے یا کسی کو عطیہ کے طور پردے دے۔ اس روایت میں بھی وہی مفہوم محتمل ہے کہ حضرت رافع کے قول کہ جناب رسول اللہ (صلی اللہ علیہ وآلہ وسلم) نے ہمیں ایسے کام سے روک دیا جو ہمارے لیے فائدہ مند تھا سے مراد وہی بات ہے جو حضرت زید بن ثابت (رض) نے ذکر کی کہ حضرت رافع نے اتنی بات سنی اور حکم دے دیا جیسا کہ ابن عباس (رض) سے نقل کیا گیا تو جو سنا اس میں حقیقۃً زمین کو تہائی یا چوتھائی پیداوار پر کرایہ پر دینے کی ممانعت نہیں تھی اس مفہوم کی سعد بن ابی وقاص اور ابن عمر (رض) سے بھی روایات آئی ہیں اور ان میں بھی وہی وجود مراد ہیں جن کا تذکرہ ہوچکا۔
میں نے یہ بات طاوس کے سامنے ذکر کی تو انھوں نے کہا حضرت ابن عباس (رض) اسے اپنے بھائی کو عطیہ دینا بہت بہتر ہے یا عطیہ دے دینا بہت بہتر ہے (کوئی ایک لفظ فرمایا) ۔
تخریج : بخاری فی الحرث باب ١٨‘ مسلم فی البیوع ٩٨‘ مسند احمد ٣؍٣٥٤‘ ابن ماجہ فی الرہوں باب ٧‘ ترمذی فی الاحکام باب ٤٢‘ نسائی فی الایمان باب ٤٥۔
روایت سعد بن ابی وقاص اور ابن عمر (رض) :

٥٨٠٩: سعید بن مسیب حضرت سعد بن ابی وقاص (رض) سے روایت کرتے ہیں وہ فرماتے ہیں کہ صحابہ کرام نالیوں کے کنارے اور کنویں کے گرد نالی سے سیراب ہونے والے حصے کی پیداوار پر مزارعت کرتے تھے تو جناب رسول اللہ (صلی اللہ علیہ وآلہ وسلم) نے اس سے منع فرمایا اور ارشاد فرمایا کہ سونے اور چاندی کے ساتھ کرایہ پر دیا کرو۔
تخریج : نسائی فی الایمان باب ٤٥‘ مسند احمد ١؍١٧٩۔

٥٨١٠: نافع نے بیان کیا کہ حضرت نافع (رض) نے ابن عمر (رض) کو اطلاع دی وہ اس وقت میرے وجود سے پر تکیہ لگائے ہوئے تھے کہ میرے چچا جناب رسول اللہ (صلی اللہ علیہ وآلہ وسلم) کے پاس آئے پھر واپسی پر کہنے لگے کہ جناب رسول اللہ (صلی اللہ علیہ وآلہ وسلم) نے زمینوں کو کرایہ پر دینے کی ممانعت کردی ہے ابن عمر (رض) نے فرمایا ہم جانتے ہیں کہ وہ زمین کے مالک تھے اور زمانہ نبوت میں زمین کو اس طرح کرایہ پر دیتے کہ جو کچھ نالیوں کے کناروں پر ہوگا جس سے پانی پھوٹتا ہے اور گھاس بھی ان کا ہوگا وہ فرماتے تھے مجھے معلوم نہیں کہ تبن سے کیا مراد ہے۔ (یعنی چارا یا عام گھاس) اس روایت میں حضرت سعد (رض) نے جناب نبی اکرم (صلی اللہ علیہ وآلہ وسلم) کی طرف سے ممانعت کی وجہ بیان فرمائی اور وہ اس لیے تھی کہ لوگ نالیوں کے کناروں والے حصہ کی پیداوار کی شرط رکھا کرتے تھے اور اس قسم کی مزارعت تو سب کے ہاں ناجائز ہے اور حضرت ابن عمر (رض) نے بھی اسی بات پر محمول کیا کہ ہوسکتا ہے کہ ممانعت کی یہ وجہ ہو اور حضرت سعد (رض) کی روایت میں دوسری روایات کے مقابلہ میں اضافہ ہے کہ جناب نبی اکرم (صلی اللہ علیہ وآلہ وسلم) نے سونے اور چاندی کے بدلے زمین کو اجرت پر دینے کی اجازت مرحمت فرمائی ہے۔ گزشتہ روایات سے یہ بات واضح ہوگئی کہ جناب رسول اللہ (صلی اللہ علیہ وآلہ وسلم) نے کیوں منع فرمایا اور کس چیز سے منع فرمایا اور یہ بات پایہ ثبوت کو نہ پہنچ سکی کہ زمین کی کچھ پیداوار مثلاً تیسرا حصہ یا چوتھا حصہ وغیرہ کے بدلے زمین کو اجرت پر دینا جائز نہیں۔
فریق اوّل کی ایک اور دلیل :

٥٨١١: ابن ہرمز نے اسد بن رافع کو بیان کرتے سنا کہ وہ بیع محاقلہ سے منع کرتے تھے اس کی حقیقت یہ ہے کہ بعض حصہ آمدنی کے بدلہ زمین کو کرایہ پر دینا۔

٥٨١٢: عمرو بن دینار کہتے ہیں کہ میں نے ابن عمر (رض) کو فرماتے سنا کہ ہم مخابرہ کرتے اور اس میں کوئی حرج خیال نہ کرتے تھے یہاں تک کہ حضرت رافع کو خیال ہوا کہ جناب رسول اللہ (صلی اللہ علیہ وآلہ وسلم) نے اس سے منع کیا پس ہم نے اس کو ان کے کہنے پر چھوڑ دیا۔

٥٨١٣: عمرو بن دینار نے جابر (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے مخابرہ ‘ مزابنہ اور محاقلہ سے منع فرمایا۔ مخابرہ : ثلث یا ربع یا نصف پیداوار پر زمین کرایہ پر دینا۔ مزابنہ : درخت پر کھجور کی خشک کھجور توڑی ہوئی سے بیع کرنا اسی طرح تر انگور کو کشمش کے مقابلے میں فروخت کرنا۔ محاقلہ : کھڑی کھیتی کی غلے سے بیع کرنا۔
تخریج : بخاری فی المساقاۃ باب ١٧‘ مسلم فی البیوع ٨١‘ ابو داؤد فی البیوع باب ٣٣‘ ترمذی فی البیوع باب ٥٥‘ نسائی فی الایمان باب ٤٥‘ والبیوع باب ٢٨‘ دارمی فی البیوع باب ٧٢‘ مسند احمد ٥؍١٨٧۔

٥٨١٤: سعید بن میناء نے جابر (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے محاقلہ ‘ مزابنہ اور مخابرہ سے منع فرمایا ہے۔

٥٨١٥: ابوالزبیر نے جابر (رض) نے جناب رسول اللہ (صلی اللہ علیہ وآلہ وسلم) نے اسی طرح فرمایا۔

٥٨١٦: واسع بن حیان نے جابر (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے محاقلہ اور مزابنہ سے منع فرمایا۔

٥٨١٧: نافع نے ابن عمر (رض) سے انھوں نے زید بن ثابت (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت کی ہے۔

٥٨١٨: اسحاق بن عبیداللہ نے انس بن مالک (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت کی ہے۔

٥٨١٩: ابو سلمہ بن عبدالرحمن نے حضرت ابوہریرہ (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح روایت کی ہے اور کہا کہ محاقلہ کھیتی میں شراکت ‘ مزابنہ تر کھجور درخت پر ہو اس کی بیع خشک کھجور سے۔ انھوں نے کہا کہ جناب رسول اللہ (صلی اللہ علیہ وآلہ وسلم) نے محاقلہ سے منع فرمایا اور زمین کو ثلث یا ربع پر کرایہ پر لینا ہے اور مخابرہ سے بھی منع کیا اور وہ بھی یہی ہے۔ آپ نے جس قدر روایات محاقلہ وغیرہ سے ممانعت کی ذکر کی ہیں ان کی درستی میں شبہ نہیں۔ ہم بھی اس میں آپ کے موافق ہیں۔ البتہ ہمیں تو آپ کی اس تاویل سے اختلاف ہے جو آپ نے ان بیوع کی کی ہے کہ اس سے مراد مزارعت ہے جو ثلث یا ربع وغیرہ کے بدلے کی جائے یہ آپ کی تاویل ہے جناب رسول اللہ (صلی اللہ علیہ وآلہ وسلم) کی طرف سے نہیں اور آپ کے پاس کوئی دلیل بھی ایسی نہیں جو یہ ثابت کر دے۔ ہمارے ہاں جہاں تمہاری تاویل کا ان روایات میں احتمال ہے۔ وہاں تمہارے مخالفین کی تاویل یہ ہے کہ اس سے مراد گندم کو کیل کر کے اس کھڑی فصل کے بدلے فروخت کیا جائے جس کی پیمائش معلوم نہیں۔ یہ اس سے مراد ہے اور اگر یہ تاویل مان لی جائے تو اس کا فاسد ہونا ہمارے اور تمہارے ہاں مسلم ہے اور یہ تاویل اس کے ساتھ خوب مشابہت رکھتی ہے۔ کیونکہ یہ مزابنہ سے ملتی جلتی ہے مزابنہ کی حقیقت یہ ہے کہ کھجور کے درخت پر کھجوروں کے بدلے کیل کر کے کھجور کی بیع کرنا۔ یہ روایات تو فریقین کے مؤقف کا احتمال رکھتی ہیں اس میں فریق ثانی کے خلاف کوئی دلیل نہیں۔ پہلے بہت سے آثار ان کے علاوہ ثلث و ربع پر مزارعت کے جواز کو ثابت کرتے ہیں۔
مزارعت کی اباحت پر آمدہ روایات :
بہت سے آثار ان کے علاوہ ثلث و ربع پر مزارعت کے جواز کو ثابت کرتے ہیں۔

٥٨٢٠: مقسم نے ابن عباس (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے ایک حصہ آمدنی پر خیبر کی زمین دی پھر عبداللہ بن رواحہ (رض) کو بھیجا انھوں نے ان کا اندازہ لگایا۔
تخریج : بخاری فی الاجارہ باب ٢٢‘ مسلم فی المساقاۃ ٢۔

٥٨٢١: نافع نے ابن عمر (رض) روایت کی کہ جناب نبی اکرم نے اہل خیبر سے جو کھیتی کی پیداوار ہو اس کے نصف پر معاملہ کیا۔
تخریج : بخاری فی الحرث باب ٨؍٩‘ مسلم فی المساقاۃ ١؍٣‘ ابو داؤد فی البیوع باب ٣٤‘ ترمذی فی الاحکام باب ٤١‘ ابن ماجہ فی الرہوں باب ١٤‘ دارمی فی البیوع باب ٧١‘ مسند احمد ٢‘ ١٧؍٢٢۔

٥٨٢٢: نافع نے ابن عمر (رض) سے روایت کی ہے کہ کھیتیاں جناب رسول اللہ (صلی اللہ علیہ وآلہ وسلم) کے زمانہ میں کرایہ پر دی جاتی تھیں اس شرط پر کہ مالک زمین کو نالہ کے قریب والی کھیتی اور کچھ بھوسہ ملے گا مجھے معلوم نہیں کہ اس کی مقدار کیا تھی۔
نافع کہتے ہیں کہ وہ اچانک رافع (رض) کے پاس آئے اور میں ان کے ساتھ تھا اور کہنے لگے جناب رسول اللہ (صلی اللہ علیہ وآلہ وسلم) نے خیبر کی زمین یہود کو نصف کھجور اور کھیتی کے غلہ پر دی کہ وہ کام کریں گے اور کھیتی باڑی کا کام ان کے ذمہ ہوگا۔
تخریج : نسائی فی الایمان باب ٤٥؍٤٦۔

٥٨٢٣: ابوالزبیر نے جابر (رض) سے روایت کی اللہ تعالیٰ نے خیبر کا جو حصہ بطور فئی جناب رسول اللہ (صلی اللہ علیہ وآلہ وسلم) کو دیا تو اس کے متعلق جناب رسول اللہ (صلی اللہ علیہ وآلہ وسلم) نے یہود کو اسی طرح برقرار رکھا اور ان کے ساتھ معاہدہ کیا اور عبداللہ بن رواحہ (رض) کو اندازے کے لیے بھیجا تو انھوں نے اندازہ لگایا۔
تخریج : ابو داؤد فی البیوع باب ٣٥‘ ابن ماجہ فی الزکوۃ باب ١٨‘ مالک فی المساقاۃ ١؍٢‘ مسند احمد ٢؍٢٤‘ ٣؍٢٩٦۔

٥٨٢٤: ابوالزبیر نے حضرت جابر (رض) سے اسی طرح کی روایت کی ہے۔ ان روایات سے ثابت ہو رہا ہے کہ جناب رسول اللہ (صلی اللہ علیہ وآلہ وسلم) نے خیبر کی زمین ‘ پھل اور کھیتی کے نصف پر یہود کے حوالہ فرمائی اس سے مزارعت اور مساقات کا جواز ثابت ہوگیا سابقہ روایات میں کوئی بھی ان کے متضاد نہیں۔ خواہ وہ حدیث جابر ہو یا رافع و ثابت (رض) اس لیے کہ ہم نے ان کی حقیقت ذکر کردی۔ یہ مندرجہ بالا آثار جو جواز مزارعت میں پیش کئے گئے نہی کی روایات ان کے معارض ہیں۔ آپ نے پھلوں کی بیع پھل بننے سے پہلے اور ان کی درستی ظاہر ہونے سے پہلے ممنوع فرمائی ہے۔ جب جناب نبی اکرم (صلی اللہ علیہ وآلہ وسلم) نے پھل کو پھل بننے سے پہلے فروخت سے منع فرمایا تو اس میں ان کو اجارہ پر حاصل کرنا بھی شامل ہے جبکہ ابھی پھل بنا نہ ہو۔ جب پھل بننے سے پہلے بیع باطل ہے تو اجارہ پر لینا بھی بننے سے پہلے باطل ہوا۔ کیا آپ نے نہیں دیکھا کہ جناب نبی اکرم (صلی اللہ علیہ وآلہ وسلم) نے اس چیز کی بیع سے منع فرمایا ہے جو تمہارے پاس نہ ہو ؟ اور ایسی چیز کو اجارہ پر حاصل کرنا بھی ناجائز ہے جبکہ اس کی خریدو فروخت ناجائز ہے تو استیجار بھی ناجائز ہے۔ اگر مندرجہ بالا آثار میں مزارعت کا کھلا جواز نہ ملتا تو بات اسی طرح تھی جو آپ نے ذکر فرمائی۔ لیکن جب جناب نبی اکرم (صلی اللہ علیہ وآلہ وسلم) سے اس کی اباحت مروی ہے اور اس پر مسلمان عمل پیرا ہیں جو پھل ابھی تک مکمل بنا نہیں ممکن ہے کہ اس کا استیجار اس بیع کے تحت داخل نہ ہو جو نامکمل پھل کی ممنوع ہے بلکہ اس سے مستثنیٰ ہو۔ اگرچہ حدیث میں وضاحت نہیں۔ اس کی نظیر بیع سلم ہے کہ وہ مباح ہے۔ اس کی بیع اس بیع میں شامل نہیں جو ان چیزوں کی کی جائے جو تمہارے پاس موجود نہ ہوں تو اس چیز کی بیع جو تمہارے پاس موجود نہیں وہ بیع سلم کے علاوہ ہے۔ بالکل اسی طرح ممکن ہے کہ پھلوں کی بیع مکمل ہونے سے پہلے مزارعت و مساقاۃ کے علاوہ ممنوع ہو۔
بالکل اسی طرح ممکن ہے کہ پھلوں کی بیع مکمل ہونے سے پہلے مزارعت و مساقاۃ کے علاوہ ممنوع ہو۔
عمل صحابہ کرام (رض) سے مزارعت کا ثبوت :

٥٨٢٥: اسماعیل بن ابراہیم بن مہاجر کہتے ہیں کہ میں نے اپنے والد کو فرماتے سنا۔ کہ موسیٰ بن طلحہ بیان کرتے تھے کہ حضرت عثمان (رض) جناب رسول اللہ (صلی اللہ علیہ وآلہ وسلم) نے صحابہ (رض) کی ایک جماعت کو ایک ایک ٹکڑا زمین کا عنایت فرمایا یعنی ابن مسعود ‘ زبیر بن العوام ‘ سعید بن مالک ‘ اسامہ بن زید (رض) کو ان میں سے حضرت سعد (رض) اور ابن مسعود (رض) نے موافقت کی اور یہ دونوں اپنی زمین ثلث یا ربع پر دیتے تھے۔

٥٨٢٦: ابراہیم بن مہاجر کہتے ہیں کہ میں نے موسیٰ بن طلحہ سے مزارعت کے متعلق سوال کیا تو وہ کہنے لگے حضرت عثمان نے عبداللہ ابن مسعود (رض) کو زمین کا ایک قطعہ دیا اور ایک قطعہ سعد (رض) کو اور ایک خباب اور ایک قطعہ صہیب (رض) کو دیا تمام موافقت کر کے ثلث یا ربع پر مزارعت کرتے تھے۔

٥٨٢٧: عمر بن عبدالعزیز (رح) سے روایت ہے کہ حضرت عمر (رض) نے یعلیٰ بن منیہ کو یمن روانہ فرمایا اور ان کو حکم دیا کہ ان کو خالی زمین اس طرح اس شرط پر دو کہ اگر بیل ‘ بیج ‘ ہل عمر کی طرف سے ہو تو عمر کو دو ثلث اور ان کو ایک ثلث دیا جائے گا اور اگر بیل ‘ بیج ‘ اور ہل ان کی طرف سے ہو تو عمر کو آدھا دینا ہوگا اور آدھا تمہارا ہوگا اور ان کو حکم فرمایا کہ وہ ان کو کھجور اور انگور اس شرط پر دیں کہ عمر کو دو ثلث اور ایک ثلث ان کو ملے گا۔

٥٨٢٨: ابو جعفر نے محمد بن علی سے نقل کیا کہ حضرت ابوبکر صدیق (رض) زمین کو نصف پر دیتے تھے۔

٥٨٢٩: عثمان بن عبداللہ بن موہب کہتے ہیں کہ حضرت حذیفہ بن یمان (رض) زمین کو ثلث و ربع کے بدلے کرایہ پر دیتے تھے۔

٥٨٣٠: طاوس نے حضرت معاذ (رض) کے متعلق نقل کیا کہ وہ یمن تشریف لائے اور یمنی لوگ مخابرہ کرتے تھے تو انھوں نے ان کو اس پر قائم رکھا۔

٥٨٣١: طاوس کہتے ہیں کہ جب معاذ (رض) یمن آئے تو وہ زمین کو یا کھیت کو ثلث یا ربع کے عوض کرایہ پر دیتے تھے اور کہتے ہیں کہ وہ یمن آئے تو لوگ اسی طرح کرتے تھے انھوں نے ان کو اس پر برقرار رکھا۔

٥٨٣٢: کلیب بن وائل کہتے ہیں کہ میں نے ابن عمر (رض) سے کہا میرے پاس ایک آدمی آیا جس کے پاس زمین اور پانی اپنا ہے البتہ بیج نہیں اور بیل ہیں میں نے اس کی زمین نصف پر لی ہے میں اس کو اپنے بیج اور بیل سے کاشت کرتا ہوں کیا میں اس سے آدھا لے سکتا ہوں۔ آپ نے فرمایا خوب ہے۔
اس میں اختلاف تابعین :

٥٨٣٣: حماد کہتے ہیں کہ میں نے ابن مسیب ‘ سعید بن جبیر اور سلم بن عبداللہ اور مجاہد سے ثلث و ربع کے بدلے زمین کرایہ پر دینے کے متعلق دریافت کیا تو انھوں نے اس کو ناپسند کیا۔

٥٨٣٤: حماد کہتے ہیں کہ میں نے مجاہد وسالم سے زمین کے ثلث و ربع کے عوض کرایہ دینے کا سوال کیا تو انھوں نے اس کو ناپسند قرار دیا اور طاوس سے سوال کیا تو انھوں نے اس میں کسی قسم کا حرج قرار نہ دیا میں نے یہ بات مجاہد کو بتلائی وہ ان کا احترام و اکرام کرتے تھے تو مجاہد کہنے لگے وہ خود کاشت کاری کرتے تھے (اس لیے ان کو اس کے متعلق زیادہ معلومات ہیں)

٥٨٣٥: منصور کہتے ہیں کہ ابراہیم زمین کو تہائی یا چوتھائی کے عوض کرایہ پر دینا ناپسند کرتے تھے۔

٥٨٣٦: قتادہ نے حسن بصری سے بھی اسی طرح کی روایت کی ہے۔

٥٨٣٧: منصور بن معتمر نے سعید بن جبیر (رح) سے اسی طرح کی روایت نقل کی ہے۔

٥٨٣٨: حماد نے قیس بن سعد نے عطائ (رح) سے اسی طرح کی روایت نقل کی ہے۔

٥٨٣٩: حمیدالطویل اور یونس بن عبید دونوں نے حسن (رح) سے نقل کیا ہے کہ وہ زمین کی آمدنی میں سے ثلث یا ربع پر زمین کو کرایہ پر دینا ناپسند کرتے تھے۔ قیاس کے طریقہ سے اس باب کا حکم فریق اول کے مطابق بنتا ہے کہ مزارعت معاملہ ‘ مساقات صرف سونا چاندی اور سامان کے بدلے درست ہے۔ اس کی وجہ یہ ہے کہ جنہوں نے اس صورت میں مساقات کی اجازت دی ہے۔ تو ان کے خیال میں یہ مضاربت کے مشابہہ ہے اور وہ مال ہے جس کو ایک شخص دوسرے آدمی کو دے کہ وہ نصف یا تہائی یا چوتھائی پر کام کرے اور اس کے جواز پر سب کا اتفاق ہے اور یہ بات بھی ہے کہ معلوم مال کے بدلے اجارہ کے قائم مقام ہوجائے گا اور مساقات میں بھی یہی ہے خود درخت دیئے گئے وہ مال مضاربت کی طرح ہوجائیں گے اور ان پر لگنے والی کھجوریں مال سے حاصل ہونے والے نفع کی طرح ہوں گی۔ ہم عرض کرتے ہیں کہ مضاربت میں نفع اس وقت ثابت ہوتا ہے جب کہ اصلمال صحیح سالم مالک کو ملے اور مزارعت و مساقات میں ایسا نہیں کیا جاتا۔ ذرا غور فرمائیں کہ مساقات کو جو لوگ جائز کہتے ہیں ان کے ہاں درخت اگر پھل لائے پھر اسے اس سے الگ کرلیا جائے پھر درخت جل جائے اور پھل بچ جائے تو پھل درخت کے مالک اور مساقات کرنے والے کے درمیان اس انداز سے تقسیم ہوگا جو ان کے مابین سے ہے۔ درختوں کا معدوم ہوجانا اس سلسلہ میں رکاوٹ نہ بنے گا جیسا کہ اصل مال کا معدوم ہونا نفع کے لیے مانع بن جاتا ہے اور مساقات و مزارعت غیر معلوم وقت تک ہوں تو ان کا مقابلہ فاسد ہے جب تک مدت معلوم نہ ہو یہ جائز نہیں۔ جبکہ مضاربت غیر معینہ مدت کے لیے جائز ہوتی ہے اور مضارب کے لیے یہ بھی جائز ہے کہ وہ مضاربت کے طور پر مال لینے کے بعد کام کرنے سے انکار کر دے اور جب چاہے انکار کر دے اس پر زبردستی نہیں کی جاسکتی۔ اسی طرح رب المال کو بھی حق حاصل ہے کہ جب چاہے اس سے مال واپس لے خواہ مضارب اس بات کو چاہے یا انکار کرے۔ جبکہ مزارعت اور مساقات کا یہ حکم نہیں ہے۔ کیونکہ ہم دیکھتے ہیں کہ اگر وہ شخص جس کے ساتھ مضاربت کا معاہدہ ہوا ہے معاہدہ مساقات کے بعد کام کرنے سے انکار کر دے تو اس کو اس بات پر مجبور کیا جائے گا اور اگر درختوں کا مالک اس سے واپس لینے اور مساقات کو توڑنے کا ارادہ کرے تو اسے اس کا حق نہیں ہے جب تک کہ مدت مقررہ نہ گزر جائے جس پر ان کے درمیان معاہدہ ہوا ہے تو عقد مضاربت وہ عقد ہے جو رب المال اور مضارب میں سے کسی ایک پر اسے لازم نہیں کرتا مضارب اس مال کے ساتھ اس وقت تک عمل کرتا ہے جب تک وہ اور رب المال اس پر متفق ہوں جب تک مساقات میں عقد کے مطابق عمل کرنے کے لیے درختوں کے مالک اور جس کے ساتھ معاہدہ مساقات ہوا دونوں کو مجبور کیا جاتا ہے پس ہماری اس بحث کے مطابق مضاربت تو شراکت کے مشابہہ ہے اور مساقات اجارہ کے مشابہہ ہے جیسا کہ ہم بیان کرچکے۔ اب ہم اجارہ کے حکم کی طرف لوٹتے ہیں کہ وہ کس طرح ہے تاکہ ہم اس سے مساقات کے حکم کی وہ کیفیت معلوم کرسکیں جس میں وہ اس کے مشابہہ ہے جیسا کہ ہم نے بیان کیا ہے۔ ہم نے غور کیا کہ اجارہ کی چند صورتیں ہیں کہ درختوں کی مقررہ مقدار کو مقررہ اجرت پر پانی دیتا ہے یہ جائز ہے۔ یہ بھی اجارہ کی ایک صورت ہے کہ ان میں سے ایک معلوم کام پر اجرت ہے مثلاً اس قمیص کی سلائی کا کام مقررہ اجرت پر ہو یہ جائز ہے۔ مقررہ مدت پر اجارہ ہو جس طرح کوئی آدمی دوسرے کو ایک ماہ مقررہ خدمت کے لیے مقررہ اجرت پر حاصل کرتا ہے تو یہ بھی جائز ہے تو اجاروں کے سلسلہ میں یہ بات معلوم کرنے کی ضرورت ہوئی کہ ان میں سے کس اجارے پر عقد واقع ہوا تو ان تمام صورتوں میں صرف وہ اجارہ جائز ہوگا جو معلوم چیز پر ہو۔ یا تو مساقات معلوم ہو یا عمل معلوم ہو یا دن معلوم ہوں اور یہ تمام باتیں فی ذاتہ معلوم ہیں تو ان کے بدل کا مجہول ہونا جائز نہیں۔ بلکہ ان کے بدل کا حکم ان کے حکم کی طرح ہوگا پس ضروری ہے کہ بدل بھی معلوم ہو جیسا کہ وہ چیزیں معین اور معلوم ہیں جن کا یہ بدل بن رہی ہیں اور مضاربت غیر معلوم مال کے ساتھ غیر معین وقت تک کام کرنے پر منعقد ہوجاتی ہے پس اس میں کام اور بدل دونوں مجہول ہیں تو جو امور مثلاً اجارات اور مضاربت وغیرہ ہم نے ذکر کئے ہیں ان میں سے ہر ایک کا حکم وہی ہے جو اس کے بدل کا ہے تو جس کا بدل معلوم ہو تو وہ بھی ذاتی طورپر معلوم ہی ہونا چاہیے اور وہ جو بذاتہ معلوم نہ ہو بلکہ مجہول ہو تو اس کا بدل بھی غیر معلوم ہوسکتا ہے۔ پھر ہم نے مساقات ‘ مزارعت اور معاملہ پر غور کیا کہ کوئی بھی ان میں سے جائز نہیں ہوتا جب تک کہ وقت معلوم نہ ہو اور اس کا بدل بھی معلوم نہ ہو۔ قیاس کا تقاضا یہ ہے کہ اس کا بدل بھی معلوم ہو اور اس کا حکم وہی ہو جو اس کے مبدل منہ کا ہے جیسا کہ ان مذکورہ امور یعنی اجارات اور مضاربتوں کا حکم ان کے بدل کے مطابق ہے۔ تو صحیح قیاس سے ثابت ہوا کہ مضاربت اور مساقات دراہم اور دینار یا اس کے مشابہہ سامان کے ساتھ درست ہے اس بات میں امام ابو یوسف (رح) اور امام محمد (رح) ان دونوں کے جواز کی طرف گئے ہیں انھوں نے اس سلسلے میں قیاس کو ترک کیا اور اس سلسلے میں جناب رسول اللہ (صلی اللہ علیہ وآلہ وسلم) اور آپ کے صحابہ کرام سے مروی روایات کی پیروی کی ہے اور ان کو اپنایا ہے۔
اس باب میں امام طحاوی (رح) نے مزارعت و مساقات کی حرمت کے قول کو رد کیا اور اس کا جواز اور شروط کو ثابت کیا ہے۔ صحابہ کرام (رض) کے عمل سے اس کا جواب اسی طرح ظاہر ہو رہا ہے جیسا کہ روایات سے اور اس خصوصی صورت کی وضاحت کردی جو جاہلیت میں مروج تھی تابعین کا اختلاف کراہت و عدم کراہت میں نقل کیا اس سے یہ میلان معلوم ہوتا ہے کہ امام طحاوی (رح) کا رجحان امام ابوحنیفہ (رح) کے قول کی طرف ہے۔ روایاتی دلائل کے لحاظ سے صاحبین (رح) کا مسلک راجح ہے۔ واللہ اعلم۔

٥٨٤٠: عطاء نے حضرت رافع بن خدیج (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے فرمایا جس نے کسی قوم کی اجازت کے بغیر ان کی زمین میں کاشت کی اس کے لیے اس کھیتی میں سے کچھ بھی نہ ہوگا۔ البتہ جو کچھ اس نے خرچ کیا وہ اس کی طرف لوٹا دیا جائے گا۔ امام طحاوی (رح) فرماتے ہیں : جس آدمی نے کسی کی زمین کو اس کی اجازت کے بغیر کاشت کرلیا تو وہ کھیتی زمین کے مالک کی ہوگی اور کاشت کار نے جو خرچ کیا مالک اس کا ضامن ہوگا انھوں نے مندرجہ بالا روایت سے استدلال کیا ہے۔ دوسرا فریق کہتا ہے کہ زمین والوں کو اختیار ہے کہ کاشت کار کو وہ کھیتی چھوڑ دیں اور زمین کا نقصان اس سے بھریں اگر اس کی کھیتی سے زمین کو نقصان پہنچا ہو اور اگر وہ پسند کریں تو کاشت کار کو اس کھیتی سے روک دیں اور کاٹی ہوئی فصل کے مطابق تاوان بھر دیں انھوں نے بھی اس حدیث کو دوسری اساند سے نقل کر کے دلیل میں پیش کیا ہے۔
تخریج : ابو داؤد فی البیوع باب ٣٢‘ ترمذی فی الاحکام باب ٢٩‘ ابن ماجہ فی الرہوں باب ١٣‘ مسند احمد ٣؍٤٦٥‘ ٤؍١٤١۔
جو شخص کسی کی زمین کو بلااجازت کاشت کرتا ہے امام احمد فرماتے ہیں اس کو اپنے بیج کے علاوہ کچھ نہ ملے گا دوسرا فریق جس کو عام فقہاء امصار نے اپنایا ہے وہ یہ ہے کہ کھیتی بیج والے کی ہوگی البتہ وہ کھیت کے نقصان کا ضمان دے گا اور وہ اس سے کھیت کا کرایہ وصول کریں گے۔ یہ غصب کی طرح ہوگا۔
تخریج : کذا فی البذل ج ٤‘ ٢٦٠‘ والتعلیق ج ٣‘ ٣٦٥۔
روایت رافع (رض) دوسری سند سے :

٥٨٤١: احمد بن ابی عمران نے اپنی اسناد سے عطاء سے انھوں نے رافع (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے فرمایا جس نے کسی کی زمین میں بلااجازت کھیتی کی تو اس کو اس کا خرچہ واپس ملے گا کھیتی میں اس کا کچھ بھی حق نہیں۔ اسی روایت کو یحییٰ بن آدم نے شریک و قیس سے اور دونوں نے ابو اسحاق سے نقل کیا اور یحییٰ نے کتاب الخراج میں اس کو اسی طرح نقل کیا جس طرح ابن ابی عمران (رح) نے نہ کہ فہد بن سلیمان نے۔ ہمارے ہاں اس کا وہ مفہوم نہیں ہے جو کہ حمانی نے روایت نمبر ٥٨٤٠ میں ذکر کیا ہے اس کا مطلب یہ ہے کہ کھیتی میں سے اس کو کچھ نہ ملے گا اور اس کا خرچہ اسے واپس کردیا جائے گا اس کی وجہ یہ ہے کہ مالک اس کو اس کا خرچہ واپس کرے گا جو اس نے خرچ کیا اور کھیتی کا وہ مالک بن جائے گا اس کے بدلے نہیں جو اس نے (غاصب) کو واپس کیا ہے۔ مگر یہ مفہوم ہمارے ہاں محال ہے کیونکہ نمبر ١ وہ خرچہ جو اس کھیتی پر کیا گیا وہ تو موجود نہیں اور نہ اس کا کوئی بدل موجود ہے اور یہ اس لیے کہ خرچہ تو کام کرنے والوں اور اس کے لیے دے دیا گیا جو کاشتکار نے اس پر خرچ کیا پس یہ ناممکن ہے کہ اس کے لیے مالک زمین پر کچھ لازم ہو۔ مگر اس چیز کے بدلے جو مالک زمین نے اس کے بدلے میں لی ہے۔ ہمارے ہاں اصل حدیث وہ ہے جو ابوبکر بن ابی شیبہ نے روایت کی ہے وہ نہیں جو حمانی نے روایت کی ہے۔ روایت کا اصل مفہوم یہ ہے کہ کاشتکار کو کھیتی میں سے کچھ نہ ملے گا جس کو وہ اپنی ذات کے لیے لے سکے اور اس کا اسی طرح مالک ہو جس طرح اپنی زمین میں کاشت کی ہوئی کھیتی کا بنتا ہے یا دوسرے کی اس زمین میں کاشت کی ہوئی کھیتی کا مالک بنتا ہے جس نے اس کے لیے کاشت کو مباح کیا ہو۔ لیکن یہاں صرف وہ اپنا بیج اور خرچہ وصول کرے گا اور بقیہ کو صدقہ کر دے گا ہمارے نزدیک اس کا یہی مفہوم ہے۔ واللہ اعلم۔ اور اس بات کو یحییٰ بن آدم نے حفص بن غیاث سے بھی نقل کیا ہے اور اس کی درستی پر یہ روایت بھی دلیل ہے۔
تخریج : مسند احمد ٤؍١٤١‘ ترمذی فی الاحکام باب ٢٩۔

٥٨٤٢: یحییٰ بن عروہ بن زبیر نے ایک صحابی رسول اللہ (صلی اللہ علیہ وآلہ وسلم) سے روایت کی ہے کہ جناب رسول اللہ (صلی اللہ علیہ وآلہ وسلم) نے فرمایا جس نے کسی بنجر زمین کو آباد کیا وہ اسی کی ہے اور ظالم سردار کا اس میں کوئی حق نہیں۔ عروہ کہتے ہیں کہ مجھے اس آدمی نے یہ روایت بیان کی جس نے روایت بیان کی کہ اس نے ایسی کھجور کو دیکھا جس کی جڑوں کو کلہاڑوں سے کاٹا جا رہا تھا (یعنی غیر کی زمین کاشت کردینے کی وجہ سے)
تخریج : بخاری فی الحرث باب ١٥‘ ابو داؤد فی الامارہ باب ٣٧‘ ترمذی فی الاحکام باب ٣٨‘ مالک فی الاقضیہ ٢٦‘ مسند احمد ٥؍٣٢٧۔

٥٨٤٣: یحییٰ بن عروہ نے اپنے والد سے انھوں نے بنو بیاضہ کے ایک آدمی سے انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت بیان کی ہے۔ کیا تم نہیں دیکھتے کہ جناب رسول اللہ (صلی اللہ علیہ وآلہ وسلم) نے اس ناحق لگے ہوئے درخت کو اکھاڑنے کا حکم فرمایا۔ جبکہ وہ زمین میں اگ چکا تھا اور اس درخت کو مالک زمین کا قرار نہیں دیا کہ ان پر خرچہ کی چٹی ڈال دی جاتی۔ پس اس سے یہ ثابت ہوگیا کہ بوئی ہوئی کھیتی اس بات کی زیادہ حقدار ہے کہ اس کو کاٹ ڈالا جائے اور کھیتی لگانے والے کے حوالے کردی جائے جیسا کہ وہ کھجور جس کا ہم نے تذکرہ کیا البتہ اگر زمین والا اس سے روکے اور کھیتی اور کھجور کی چٹی ادا کرے جو ان کو کاٹے اور اکھاڑے جانے کی حالت میں ہوتی ہے تو یہ چیزیں مالک زمین کی ہوجائیں گی۔ یہ روایات بھی اس پر دلالت کرتی ہے۔

٥٨٤٤: مجاہد (رح) بیان کرتے ہیں کہ جناب رسول اللہ (صلی اللہ علیہ وآلہ وسلم) کے زمانہ مبارک میں چار آدمیوں نے شراکت کی ان میں سے ایک نے بیج کی بات کی جبکہ دوسرے نے کام کی اور تیسرے نے زمین اور چوتھے نے بیلوں کی جوڑی مہیا کرنے کی۔ انھوں نے کاشتکاری کی پھر فصل کاٹی پھر جناب رسول اللہ (صلی اللہ علیہ وآلہ وسلم) کی خدمت میں حاضر ہوئے آپ نے کھیتی بیج والے کو دے دی اور مشقت کرنے والے کو معلوم اجرت دے دی اور بیلوں کی جوڑی والے کو ہر روز کے بدلے ایک درہم دیا اور زمین (والے) کو لغو قرار دیا۔ یعنی کچھ نہ دیا۔ کیا تم نہیں دیکھتے کہ جب جناب رسول اللہ (صلی اللہ علیہ وآلہ وسلم) نے مزارعت کو فاسد قرار دیا اور زمین والے کو کھیتی میں سے کچھ بھی نہ دیا بلکہ اسے بھیجنے والے کے لیے قرار دیا۔ اس کے متعلق صحابہ کرام اور تابعین (رح) کے فیصلے بھی دلالت کرتے ہیں جو انھوں نے ان لوگوں کے متعلق فرمائے جنہوں نے دوسروں کی اجازت کے بغیر نا کی زمین پر تعمیرات کی تھیں۔
حضرت ابن مسعود و حضرت عمر (رض) کا فیصلہ :

٥٨٤٥: عمرو بن شعیب نے روایت کی کہ حضرت عمر (رض) نے اس شخص کے متعلق فیصلہ فرمایا جس نے دوسروں کی زمین میں مکان تعمیر کرلیا تھا زمین کے مالکوں نے حق طلب کیا تو آپ نے فرمایا اگر اس نے ان کی اجازت سے تعمیر کی ہے تو اس کے لیے خرچہ ہوگا اور اگر ان کی اجازت کے بغیر تعمیر ہے تو اس مکان کو توڑنا ہوگا۔

٥٨٤٦: قاسم بن عبدالرحمن نے حضرت عبداللہ بن مسعود (رض) سے اسی طرح کی روایت کی۔

٥٨٤٧: قاسم بن عبدالرحمن نے حضرت شریح (رح) سے اسی طرح روایت کی ہے۔

٥٨٤٨: حمیدالطویل نے حضرت عمر بن عبدالعزیز سے نقل کیا کہ انھوں نے اسی طرح کا فیصلہ اس آدمی کے متعلق لکھا جس نے دوسروں کی زمین پر مکان تعمیر کرلیا تھا یا دوسروں کی زمین میں درخت لگایا تھا۔ کیا تم غور نہیں کرتے کہ ان حضرات نے مکان بنانے والے کو اس کے توڑنے کا حکم دیا اور اسے مالک زمین کے لیے بھی قرار نہیں دیا تو قیاس کا تقاضا یہ ہے کہ کھیتی کا بھی یہی حکم ہو۔ حضرت رافع کی روایت کی جو تاویل ہم نے کی ہے وہ فریق اول کی تاویل سے بہتر ہے تاکہ یہ حدیث اور بیاضی مرد والی روایات کا تضاد نہ رہے۔ ہم نے باب المزارعت میں روایت رافع (رض) ذکر کی کہ جناب رسول اللہ (صلی اللہ علیہ وآلہ وسلم) کا ایک شخص کے پاس سے گزر ہوا جو اپنے لیے کاشت کررہا تھا آپ نے پوچھا تو اس نے کہا یہ میری کھیتی ہے زمین فلاں کی ہے اور بیج بھی میرا ہے جو فصل نکلے گی وہ میرے اور مالک کے مابین نصف ہوگی تو جناب رسول اللہ (صلی اللہ علیہ وآلہ وسلم) نے فرمایا تم نے سودی کاروبار کیا۔ اپنا خرچہ وصول کرو۔ اس کا یہ مطلب نہیں کہ اپنا نفقہ زمین کے مالک سے وصول کرو کیونکہ زمین کے مالک نے اس کو حکم نہ دیا تھا کہ وہ اپنے لیے خرچ کرے بلکہ اس کا مطلب یہ ہے کہ اپنا خرچہ اس کھیتی کی پیداوار سے وصول کرو اور باقی صدقہ کر دو ۔ تو حضرت رافع (رض) کی جناب رسول اللہ (صلی اللہ علیہ وآلہ وسلم) سے اس روایت کا بھی یہی مطلب ہے من زرع فی ارض غیرہ الحدیث اس میں آپ نے اس کے لیے نفقہ کا جو حکم دیا اس کا بھی یہی مطلب ہے اپنا خرچہ لے کر بقیہ صدقہ کر دو ۔ اس باب میں امام ابوحنیفہ ‘ ابو یوسف ‘ محمد رحمہم اللہ کا قول یہی ہے۔