Al Tahawi

٦١٥١: عاصم بن ضمرہ علی المرتضی (رض) سے روایت کرتے ہیں کہ رسول اللہ (صلی اللہ علیہ وآلہ وسلم) نے ہر کچلیوں والے درندے اور پنجے والے پرندے کے گوشت سے منع فرمایا۔
تخریج : بخاری فی الذبائح باب ٢٨‘ مسلم فی الصید روایت ١٢‘ ١٣‘ ابو داؤد فی الاطمہ باب ٣٢‘ ترمذی فی الصید باب ٩‘ نسائی فی الصید باب ٧٦‘ مسند احمد جلد ١؍١٤٧‘ ٢٤٤‘ جلد ٣؍٣٢٣‘ جلد ٤؍٨٩‘ ٩٠۔

٦١٥٢: میمون بن مہران نے ابن عباس (رض) سے روایت کی ہر پنجے والے پرندے اور کملیوں والے درندے کے (گوشت) سے منع فرمایا۔

٦١٥٣: ابو عوانہ نے ابو بشر سے پھر انھوں نے اپنی اسناد سے اسی طرح روایت کی ہے کہ جناب رسول اللہ (صلی اللہ علیہ وآلہ وسلم) نے منع فرمایا۔

٦١٥٤: علی بن حسن بن شقیق نے ابو عوانہ سے روایت نقل کی پھر انھوں نے اپنی سند اسی طرح روایت بیان کی ہے۔

٦١٥٥: سعید بن جبیر نے حضرت ابن عباس (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح روایت نقل کی۔

٦١٥٦: مجاہد نے ابن عباس (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے ہر کچلیوں والے درندے کے کھانے سے منع کیا۔

٦١٥٧: ابو ادریس خولانی نے حضرت ابو ثعلبہ خشنی (رض) سے انھوں نے رسول اللہ (صلی اللہ علیہ وآلہ وسلم) سے اسی طرح روایت کی ہے۔

٦١٥٨: ابو سلمہ نے حضرت ابوہریرہ سے اور انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت کی ہے۔ جناب رسول اللہ (صلی اللہ علیہ وآلہ وسلم) سے کچلیوں والے درندے کو کھانے کی ممانعت میں ان متواتر روایات سے حجت قائم ہوگئی اب جائز نہیں کہ بجو کو اس سے خارج کیا جاسکے کیونکہ اس کا کچلیوں والا درندہ ہونا تو معروف ہے پس اس کو خارج کرنے کے لیے اسی طرح کی مضبوط دلیل چاہیے یہ امام ابوحنیفہ ‘ ابو یوسف اور محمد رحمہم اللہ کا قول ہے۔ بعض لوگوں کا خیال ہے کہ مدینہ کی حدود میں بھی شکار کا حکم وہی ہے جو حرم مکہ کا ہے۔ طرح درخت کا بھی کاٹنا درست نہیں۔ اس قول کو امام مالک ‘ شافعی اور احمد رحمہم اللہ نے اختیار کیا ہے۔ دوسرا فریق یہ کہتا ہے مدینہ منورہ کی عظمت اپنے مقام پر ہے مگر اس کی حدود میں شکار اور درختوں کا وہ حکم نہیں جو حرم مکہ کا ہے۔ اس قول کو ائمہ احناف نے اختیار کیا ہے اور ثوری اور ابن مبارک رحمہم اللہ کا قول بھی ہے (العینی والمرقات)
حاصل : جناب رسول اللہ (صلی اللہ علیہ وآلہ وسلم) سے کچلیوں والے درندے کو کھانے کی ممانعت میں ان متواتر روایات سے حجت قائم ہوگئی اب جائز نہیں کہ بجو کو اس سے خارج کیا جاسکے کیونکہ اس کا کچلیوں والا درندہ ہونا تو معرو ہے پس اس کو خارج کرنے کے لیے اسی طرح کی مضبوط دلیل چاہیے یہ امام ابوحنیفہ ‘ ابو یوسف اور محمد رحمہم اللہ کا قول ہے۔

٦١٥٩: ابراہیم تیمی کہتے ہیں کہ مجھے میرے والد نے بیان کیا کہ ہمیں علی (رض) نے عیدوں کے منبر پر خطبہ دیا اس وقت انھوں نے تلوار پہن رکھی تھی اور اس میں ایک خط لٹک رلا تھا آپ نے فرمایا اللہ کی قسم ہمارے پاس پڑھنے کے لیے کتاب اللہ کے سوا اور کوئی کتاب نہیں اور جو کچھ اس خط میں ہے پھر آپ نے اس کو پھیلا دیا تو اس میں یہ لکھا تھا کہ مدینہ منورہ عیر پہاڑ سے ثور تک حرمت والا ہے۔
تخریج : مسلم فی الحج روایت ٤٦٧‘ والعتق روایت ٢٥‘ مسند احمد ١؍٨١۔
بعض لوگوں کا خیال ہے کہ مدینہ کی حدود میں بھی شکار کا حکم وہی ہے جو حرم مکہ کا ہے۔ اس طرح درخت کا بھی کاٹنا اسی طرح درست نہیں۔ اس قول کو امام مالک ‘ شافعی اور احمد رحمہم اللہ نے اختیار کیا ہے۔
دوسرا فریق یہ کہتا ہے مدینہ منورہ کی عظمت اپنے مقام پر ہے مگر اس کی حدود میں شکار اور درختوں کا وہ حکم نہیں جو حرم مکہ کا ہے۔ اس قول کو ائمہ احناف نے اختیار کیا ہے اور ثوری اور ابن مبارک رحمہم اللہ کا قول بھی ہے (العینی والمرقات)

٦١٦٠: عامر بن سعد بیان کرتے ہیں کہ حضرت سعد مقام عقیق میں اپنے محل کی طرف سوار ہو کر تشریف لے جا رہے تھے کہ انھوں نے ایک غلام کو پایا جو درخت یا لکڑیاں کاٹ رہا تھا طحاوی (رح) کہتے ہیں کہ میرا خیال یہ ہے کہ اس کے اندر یہ الفاظ بھی ہیں کہ انھوں نے اس کا سامان لے لیا جب وہ واپس لوٹے تو غلام کے مالک آئے اور انھوں نے گفتگو کی کہ جو کچھ ان کے غلام سے لیا گیا ہے وہ واپس کردیا جائے تو حضرت سعد نے فرمایا معاذاللہ میں اس چیز کو واپس نہیں کرسکتا جو رسول اللہ (صلی اللہ علیہ وآلہ وسلم) نے بطور غنیمت مجھے دی ہے اور اس چیز کو ان کی طرف واپس کرنے سے انکار کردیا۔
تخریج : مسلم فی الحج روایت ٤٦١‘ مسند احمد ١؍١٦٨۔