Al Tahawi

٤٥٠٨: سعید بن جبیر سے ابن عمر (رض) سے روایت کی ہے کہ جناب رسول اللہ (صلی اللہ علیہ وآلہ وسلم) سے لیلۃ القدر کے متعلق دریافت کیا گیا اور میں خود سن رہا تھا آپ (صلی اللہ علیہ وآلہ وسلم) نے فرمایا وہ تمام رمضان میں ہوتی ہے۔ اس حدیث سے معلوم ہو رہا ہے کہ لیلۃ القدر تمام رمضان میں ہے اسی وجہ سے ایک جماعت کا قول یہ ہے کہ رمضان کی ابتداء ‘ درمیان اور کبھی آخر میں ہوئی ہے۔ یہ پہلا احتمال ہے۔ لیلۃ القدر قیامت تک آنے والے ہر رمضان میں ہے (یہ نہیں ہوسکتا کہ کسی میں ہو اور کسی میں نہ ہو) یہ روایت موقوف ہے جیسا کہ ثقہ روات نے اس کو ابو اسحاق سے روایت کیا ہے۔
اس حدیث سے معلوم ہو رہا ہے کہ لیلۃ القدر تمام رمضان میں ہے اسی وجہ سے ایک جماعت کا قول یہ ہے کہ رمضان کی ابتداء ‘ درمیان اور کبھی آخر میں ہوئی ہے۔ یہ پہلا احتمال ہے۔
دوسرا احتمال : لیلۃ القدر قیامت تک آنے والے ہر رمضان میں ہے (یہ نہیں ہوسکتا کہ کسی میں ہو اور کسی میں نہ ہو)

٤٥٠٩: ابو اسحاق نے سعید بن جبیر سے انھوں نے ابن عمر (رض) سے اسی طرح روایت کی مگر مرفوع روایت نہیں کی۔

٤٥١٠: شعبہ نے ابو اسحاق ہمدانی سے پھر انھوں نے اپنی اسناد سے اسی طرح روایت نقل کی ہے۔

٤٥١١: سعید بن جبیر کہتے ہیں کہ میں نے ابن عمر (رض) سے لیلۃ القدر کے متعلق دریافت کیا تو انھوں نے فرمایا وہ تمام رمضان میں ہے۔ پس اگر بعینہٖ لفظ یہی ہوں تو اس سے ہی فی کل رمضان مطلب یہ ہے کہ وہ تمام مہینے میں ہوتی ہے۔ حالانکہ ابن عمر (رض) نے جناب رسول اللہ (صلی اللہ علیہ وآلہ وسلم) سے اس کے خلاف روایت نقل کی ہے۔ ملاحظہ ہو۔

٤٥١٢: عبداللہ بن دینار نے ابن عمر (رض) سے روایت کی ہے کہ جناب رسول اللہ (صلی اللہ علیہ وآلہ وسلم) سے لیلۃ القدر کے متعلق دریافت کیا گیا تو آپ نے فرمایا اس کو رمضان المبارک کے آخر سات دنوں میں تلاش کرو۔
تخریج : مسلم فی الصیام ٢٠٦‘ ابو داؤد فی رمضان باب ٥‘ ٤‘ لک فی الاعتکاف باب ١١‘ مسند احمد ٢؍١١٣۔
لغات : تحریٰ ۔ خوب کوشش سے تلاش کرنا۔

٤٥١٣: عبداللہ بن دینار نے ابن عمر (رض) سے انھوں نے جناب نبی اکرم (صلی اللہ علیہ وآلہ وسلم) سے اسی طرح کی روایت کی ہے۔

٤٥١٤: سالم بن عبداللہ نے اپنے والد سے وہ کہتے ہیں کہ جناب رسول اللہ (صلی اللہ علیہ وآلہ وسلم) نے فرمایا لیلۃ القدر آخری سات دنوں میں تلاش کرو۔ مسند احمد ٢؍٣٧۔

٤٥١٥: زہری نے سالم سے انھوں نے اپنے والد سے انھوں نے جناب رسول اللہ (صلی اللہ علیہ وآلہ وسلم) سے اسی طرح روایت بیان کی ہے۔

٤٥١٦: عبداللہ بن دینار نے ابن عمر (رض) سے انھوں نے جناب نبی اکرم (صلی اللہ علیہ وآلہ وسلم) سے اسی طرح کی روایت نقل کی ہے۔

٤٥١٧: نافع نے ابن عمر (رض) سے انھوں نے جناب نبی اکرم (صلی اللہ علیہ وآلہ وسلم) سے اسی طرح روایت نقل کی ہے اور ابن عمر (رض) کے علاوہ بھی صحابہ کرام سے اس جیسی روایت مروی ہے۔