٣٠٨٩: زر بن حبیش سے روایت ہے کہ میں نے سحری کا کھانا کھایا پھر میں مسجد کی طرف روانہ ہوگیا میں حضرت حذیفہ (رض) کے مکان کے پاس سے گزرا تو ان کے ہاں مکان میں داخل ہوا انھوں نے ایک اونٹنی کا دودھ دھونے کا حکم دیا وہ دوھا گیا اور ہانڈی گرم کی گئی پھر مجھے فرمانے لگے کھاؤ میں نے کہا میں نے کہا میں روزہ رکھنا چاہتا ہوں انھوں نے کہا میں بھی روزہ رکھنا چاہتا ہوں پھر ہم نے کھایا اور مسجد میں آئے تو جماعت کھڑی ہوگئی حذیفہ کہنے لگے جناب رسول اللہ (صلی اللہ علیہ وآلہ وسلم) نے میرے ساتھ ایسا ہی کیا یا یہ کہا کہ میں جناب رسول اللہ (صلی اللہ علیہ وآلہ وسلم) کی معیت میں ایسا کیا میں نے تعجب سے پوچھا کیا صبح کے بعد بھی کھانے کی اجازت ہے بس سورج نکلنے کی کسر باقی ہے۔ امام طحاوی (رح) فرماتے ہیں۔ حضرت حذیفہ (رض) کی اس روایت میں مذکور ہے کہ میں نے طلوع فجر کے بعد کھایا اور میرا روزے کا ارادہ تھا اور انھوں نے جناب رسول اللہ (صلی اللہ علیہ وآلہ وسلم) سے بھی اس طرح کی روایت کی ہے۔ حالانکہ جناب رسول اللہ سے اس کے خلاف روایات بھی آتی ہیں اور وہ وہی روایات ہیں جن کو ہم پہلے ذکر کر آئے کہ آپ نے ارشاد فرمایا ۔ بلال (رض) تو رات ہی کو اذان دے دیتا ہے۔ تم اس وقت تک کھاتے پیتے رہو یہاں تک کہ ابن ام کلثوم اذان دے ‘ ‘ اور یہ بھی فرمایا : لا یمنعن احد کھر۔۔۔ ہرگز تمہیں بلال کی اذان سحری سے نہ روکے اس لیے کہ وہ تو اذان دیتے ہیں تاکہ سونے والا جاگ جائے اور قیام والا واپس لوٹ آئے ۔ پھر فجر کی تعریف فرمائی جس طرح فرمائی۔ اس سے یہ بات ثابت ہوگئی کہ صبح کا وجود کھانے اور پینے اور دیگر اشیاء جو روزہ دار کے لیے ممنوع ہیں ان کے لیے رکاوٹ ہے۔ یہ روایات مذکورہ حضرت حذیفہ (رض) والی روایت کے خلاف ہیں اور حضرت حذیفہ (رض) والی روایت کی یہ تاویل بھی ہوسکتی ہے (واللہ اعلم) یہ حکم آیت کلوا واشربوا حتی یتیبین لکم الخیط الابیض من الخیط الاسورمن الفجر ثم اتموا الصیام الی اللیل۔۔۔ کے نزول سے پہلے کی بات ہے۔ جیسا ذیل کی روایات مشیر ہیں۔
تخریج : مسند احمد ٥؍٣٩٦۔
اس روایت سے معلوم ہو رہا ہے کہ حذیفہ (رض) روزے کا ارادہ ہونے کے باوجود صبح صادق کے بعد کھایا پیا اور انھوں نے جناب رسول اللہ (صلی اللہ علیہ وآلہ وسلم) سے بھی اسی طرح کی بات نقل کی ہے۔
ائمہ اربعہ اور جمہور فقہاء و محدثین کے ہاں صبح صادق کے بعد کھانا پینا جماع جائز نہیں ہے۔
صبح صادق کے بعد کھانا ‘ پینا اور جماع سب ناجائز ہیں اس سے روزہ باقی نہ رہے گا اس کے کچھ دلائل کی روایات جو اوقات اذان کے سلسلہ میں بیان کی گئیں جیسے آپ نے فرمایا بلال رات کو اذان دے دیتے ہیں تم کھاتے پیتے رہو یہاں تک کہ ابن ام مکتوم اذان دیں۔ بخاری فی الصوم باب ١٧‘ اسی طرح فرمایا تمہیں اذان بلال سحری سے منع نہ کر دے وہ اس لیے اذان دیتے ہیں تاکہ سونے والا بیدار ہوجائے اور قیام کرنے والا لوٹ آئے۔ مسلم فی الصیام نمبر ٣٩‘ پھر آپ نے صبح صادق کی بھی وضاحت فرمائی ان روایات سے یہ بات ثابت ہے کہ صبح صادق کا طلوع کھانے پینے وغیرہ سے مانع ہے۔
روایات حذیفہ (رض) کے متعلق جواب یہ ہے۔
نمبر 1: یہ اس آیت کے نزول سے پہلے کی بات ہے کلوا واشربوا حتی یتبیین لکم الخیط الابیض۔۔۔ (البقرہ۔ ١٨٧) اُتری جیسا کہ اگلی روایات سے بھی ایسے اشارات ملتے ہیں۔

٣٠٩٠: شعبی نے عدی بن حاتم (رض) سے نقل کیا کہ جب وکلوا واشربوا حتٰی یتبین لکم الخیط الابیض (البقرہ۔ ١٨٧) آیت اتری تو میرے پاس سیاہ وسفید دو عقال تھے میں نے ان پر نگاہ ڈالنا شروع کی مجھے سفید سے سیاہ ممتاز نہ ہو رہا تھا صبح کے وقت میں جناب رسول اللہ (صلی اللہ علیہ وآلہ وسلم) کی خدمت میں حاضر ہوا اور آپ کو اس بات کی اطلاع دی آپ نے فرمایا تیرا تکیہ تو بڑا عریض ہے اس سے مراد دن کا سپید اور رات کا اندھیرا ہے۔
تخریج : بخاری فی تفسیر سورة ٢‘ باب ٢٨‘ مسلم فی الصیام ٣٣‘ ابو داؤد فی الصوم باب ١٧‘ دارمی فی الصوم باب ٧۔

٣٠٩١: شعبی نے عدی سے ‘ انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت نقل کی ہے۔

٣٠٩٢: عبداللہ بن ادریس اودی نے حصین سے پھر انھوں نے اپنی سند سے روایت بیان کی ہے۔

: ابو حازم نے سہل بن سعد ساعدی (رض) سے نقل کیا ہے کہ جب آیت : وکلوا واشربوا حتٰی یتبین لکم۔۔۔ (البقرہ : ١٨٧) نازل ہوئی تو لوگ سیاہ اور سفید دھاگہ لے کر تکئے کے نیچے رکھتے اور ان کو دیکھتے رہتے جب ایک دوسرے سے ممتاز ہوتے تو اس وقت کھانا چھوڑتے۔ سہل کہتے ہیں کہ اللہ تعالیٰ نے وضاحت فرما دی اور ” من الفجر “ کے الفاظ اتار دیئے۔ جب اس آیت کا حکم صحابہ پر قابل اشکال ہوا تو اللہ تعالیٰ نے مِنَ الْفَجرِ سے اس کی وضاحت کردی کہ صبح کے اچھی طرح سپید ہونے تک کھاپی سکتے ہو اور پہلے حکم کو منسوخ کردیا جیسا کہ ہم حضرت سہل (رض) کی روایت کے ضمن میں ذکر کر آئے ہیں اور دوسرا احتمال وہ بھی ہے جو پیچھے ہم نے ذکر کیا کہ حضرت حذیفہ (رض) والی روایت کا حکم نزول آیت سے پہلے کا ہے جب اللہ تعالیٰ نے وہ آیت اتار دی تو اس حکم کو اصل کی طرف لوٹا کر محکم کردیا جیسا کہ ذیل کی روایت واضح کر رہی ہے۔
تخریج : بخاری فی الصوم باب ١٦‘ مسلم دی الصیام نمبر ٣٤۔
جب اس آیت نے اصحاب رسول اللہ (صلی اللہ علیہ وآلہ وسلم) کے لیے اشکال پیدا کیا تو اللہ تعالیٰ نے وضاحت کردی اور ” من الفجر “ کے الفاظ اتارے اس کے بعد کہ حتٰی یتبین لکم الخیط الابیض (البقرہ۔ ١٨٧) پہلے کھانے پینے کا حکم تھا یہاں تک کہ ” من الفجر “ سے اس کو منسوخ کردیا اور روایت نمبر ٣٠٩٣ میں یہ مذکورہوا۔
٣٠٩٣: ابو حازم نے سہل بن سعد ساعدی (رض) سے نقل کیا ہے کہ جب آیت : وکلوا واشربوا حتٰی یتبین لکم۔۔۔ (البقرہ : ١٨٧) نازل ہوئی تو لوگ سیاہ اور سفید دھاگہ لے کر تکئے کے نیچے رکھتے اور ان کو دیکھتے رہتے جب ایک دوسرے سے ممتاز ہوتے تو اس وقت کھانا چھوڑتے۔ سہل کہتے ہیں کہ اللہ تعالیٰ نے وضاحت فرما دی اور ” من الفجر “ کے الفاظ اتار دیئے۔ جب اس آیت کا حکم صحابہ پر قابل اشکال ہوا تو اللہ تعالیٰ نے مِنَ الْفَجرِ سے اس کی وضاحت کردی کہ صبح کے اچھی طرح سپید ہونے تک کھاپی سکتے ہو اور پہلے حکم کو منسوخ کردیا جیسا کہ ہم حضرت سہل (رض) کی روایت کے ضمن میں ذکر کر آئے ہیں اور دوسرا احتمال وہ بھی ہے جو پیچھے ہم نے ذکر کیا کہ حضرت حذیفہ (رض) والی روایت کا حکم نزول آیت سے پہلے کا ہے جب اللہ تعالیٰ نے وہ آیت اتار دی تو اس حکم کو اصل کی طرف لوٹا کر محکم کردیا جیسا کہ ذیل کی روایت واضح کر رہی ہے۔
تخریج : بخاری فی الصوم باب ١٦‘ مسلم دی الصیام نمبر ٣٤۔
جب اس آیت نے اصحاب رسول اللہ (صلی اللہ علیہ وآلہ وسلم) کے لیے اشکال پیدا کیا تو اللہ تعالیٰ نے وضاحت کردی اور ” من الفجر “ کے الفاظ اتارے اس کے بعد کہ حتٰی یتبین لکم الخیط الابیض (البقرہ۔ ١٨٧) پہلے کھانے پینے کا حکم تھا یہاں تک کہ ” من الفجر “ سے اس کو منسوخ کردیا اور روایت نمبر ٣٠٩٣ میں یہ مذکورہوا۔
نمبر 2: دوسرا احتمال یہ ہے کہ حذیفہ (رض) نے جو بات نقل کی وہ نزول آیت سے پہلے کی ہو جب آیت اتار کر وضاحت کردی اور اس حکم کو محکم کردیا۔
اور اس سلسلہ میں اگلی روایت مؤید ہے۔

٣٠٩٤: قیس بن طلق کہتے ہیں کہ مجھے میرے والد نے بیان کیا کہ جناب نبی اللہ (صلی اللہ علیہ وآلہ وسلم) نے فرمایا تم کھاتے پیتے رہو تمہیں اوپر کو چڑھنے والی روشنی نہ روکے۔ اس وقت تک کھاؤ یہاں تک کہ سامنے چوڑائی میں سرخی ظاہر ہو اور دست مبارک سے اس کی چوڑائی کی طرف اشارہ کیا۔ تو اس سے قرآن مجید کی کسی نص یا حدیث متواتر میں سے کسی کا ترک بھی لازم نہیں آتا جن احادیث کو امت نے آج تک قبول کر کے اس پر عمل قائم کیا ہوا ہے اور عین ممکن ہے کہ یہ روایت اس آیت سے منسوخ ہو جیسا کہ ہم اسی باب میں ذکر کر آئے۔ یہ امام ابوحنیفہ ابو یوسف اور محمد رحمہم اللہ کا قول ہے۔
اس روایت اور دیگر روایات اور آیت سے صبح صادق کے بعد کھانے کی اجازت کا منسوخ ہونا ثابت ہوتا ہے روایات حذیفہ (رض) کے بالمقابل نہ تو کسی آیت کا نسخ لازم آتا ہے بلکہ امت کا متواتر اجماعی عمل روایت حذیفہ کے نسخ کا منہ بولتا ثبوت ہے اس لیے اس روایت پر عمل ہرگز درست نہ ہوگا بلکہ نصوص متواترہ امت کے اجماعی عمل اور اشارۃ النص پر ہی عمل کیا جائے گا۔
یہ امام ابوحنیفہ (رح) و ابو یوسف (رح) محمد (رح) کا قول ہے۔
اس باب میں پہلی مرتبہ تذکرہ مذاہب کے بغیر روایت کا ذکر کر کے اس کا نسخ روایات و اجماع امت سے ثابت کیا ہے باقی سنداً بھی یہ روایت درجہ رابع کی کتب سے متعلق ہے۔ واللہ اعلم۔

٣٠٩٥: سالم نے اپنے والد سے انھوں نے حفصہ (رض) سے انھوں نے جناب رسول اللہ (صلی اللہ علیہ وآلہ وسلم) سے روایت نقل کی ہے کہ جس نے فجر سے پہلے رات کو نیت نہ کی اس کا کوئی روزہ نہیں۔
تخریج : نسائی فی الصیام باب ٦٨‘ دارمی فی الصوم باب ١٠۔
قضاء رمضان ‘ نذر غیر معین اور کفارہ کے روزوں کی نیت سب کے ہاں بالاتفاق رات سے کرنا شرط ہے ورنہ روزہ ادا نہ ہوگا البتہ نفلی روزے کے متعلق ! امام مالک رات سے نیت کو ضروری قرار دیتے ہیں اور " باقی تمام ائمہ کے نزدیک رات کو نیت ضروری نہیں ماقبل الزوال تک نیت کی جاسکتی ہے اور ! رمضان المبارک اور نذر معین کے روزے میں ائمہ ثلاثہ رحمہم اللہ رات سے نیت ضروری قرار دیتے ہیں ورنہ روزہ درست نہ ہوگا " مگر احناف ان میں بھی نوافل کی طرح زوال سے پہلے تک نیت کو درست مانتے ہیں۔
فریق اوّل کا مؤقف اور دلیل :
رمضان المبارک کے وقتی روزے ‘ نذر معین میں رات سے نیت لازم ہے نفل کی طرح زوال آفتاب تک نیت کی رخصت ہرگز نہیں ان کا حکم نوافل سے مختلف ہے دلیل یہ روایت ہے۔

٣٠٩٦: عبداللہ بن یوسف نے ابن لہیعہ سے نقل کیا پھر اس نے اپنی سند سے اسی طرح روایت بیان کی ہے۔

٣٠٩٧: لیث بن سعد نے یحییٰ بن ایوب سے پھر انھوں نے اپنی اسناد سے اسی طرح روایت نقل کی ہے۔ امام طحاوی (رح) فرماتے ہیں کہ علماء کی ایک جماعت اس طرف رائے رکھتی ہے کہ اگر کوئی آدمی طلوع فجر سے پہلے روزے کی نیت نہ کرے تو اس دن اس کے بعد نیت کر کے روزہ رکھنا اس کو جائز نہیں۔ مذکورہ بالا روایات سے انھوں نے استدلال کیا ہے۔ جبکہ علماء کی دوسری جماعت نے ان سے اختلاف کرتے ہوئے کہا کہ پہلی بات یہ ہے کہ ابن شہاب سے جن حفاظ محدثین نے روایت نقل کی ہے وہ اس کو مرفوع نقل نہیں کرتے اور اس کے بارے میں ایسا اختلاف ذکر کرتے ہیں جو نیچے والے حضرات میں حدیث کے اضطراب کا باعث ہے۔ مگر اس کمزوری کے باوجود ہم اسے تسلیم کرتے ہوئے خاص روزے سے متعلق کرتے ہیں یعنی وہ فرض روزہ جو اپنے معینہ دنوں کی بجائے دیگر دنوں میں رکھا جائے جیسا کہ کفارات اور قضائے رمضان کے روزے ۔ رہا حدیث کا حفاظ کے ہاں اختلاف تو وہ مندرجہ روایات سے ظاہر ہے۔
حاصل روایات ان روایات سے صاف معلوم ہو رہا ہے کہ رات سے روزے کی نیت ضروری ہے ورنہ روزہ درست نہ ہوگا۔
فریق ثانی کا مؤقف اور دلائل :
رمضان المبارک اور نذر معین کے روزے کی نیت رات سے کرنا ضروری ہے نفل کی طرح اس کی نیت میں زوال آفتاب تک تاخیر نیت جائز نہیں ہے دلائل آئندہ سطور میں مذکور ہیں۔ اولاً سابقہ روایت کا جواب ملاحظہ ہو۔
سابقہ روایت سے استدلال کا جواب :
نمبر 1: اس روایت کا دارومدار ابن شہاب پر ہے اور ان کے چار شاگرد اس روایت کو نقل کرتے ہیں امام مالک ‘ ابن عیینہ ‘ معمر ‘ عبداللہ بن ابی بکر رحمہم اللہ ہیں۔ عبداللہ بن ابی بکر کے علاوہ بقیہ سب نے اس کو موقوف نقل کیا صرف انھوں نے مرفوع نقل کیا یہ روایت حفاظ حدیث کی نقل کے خلاف ہونے کی وجہ سے قابل استدلال نہ ہوگی۔

٣٠٩٨: مالک نے ابن شہاب سے انھوں نے حضرت عائشہ (رض) سے روایت شروع باب میں مذکور ہوئی ہے۔

٣٠٩٩: ابن عینیہ نے عن ابن شہاب سے انھوں نے حمزہ بن عبداللہ سے انھوں نے اپنے والد سے انھوں نے حصرت حفصہ سے ‘ انھوں نے بھی مرفوع نقل نہیں کی۔

٣١٠٠: معمر نے زہری سے انھوں نے سالم سے ‘ انھوں نے ابن عمر (رض) سے ‘ انھوں نے حفصہ (رض) سے ‘ انھوں نے بھی مرفوع نقل نہیں کی۔
ان تینوں حفاظ حدیث کے علاوہ بھی اس روایت کو نقل کیا گیا ہے اور اس میں ابن عمر (رض) کا تذکرہ ہے امّ المؤمنین (رض) کا تذکرہ سند میں نہیں کیا گویا ابن عمر (رض) سے بھی موقوف منقول ہے۔
ملاحظہ ہو :

٣١٠١: صالح بن ابی الاخضر نے ابن شہاب سے انھوں نے سالم سے ‘ انھوں نے اپنے والد سے ‘ انھوں نے نہ تو روایت کو مرفوع قرار دیا اور نہ امّ المؤمنین حفصہ (رض) کا ذکر کیا۔ یہ امام مالک اور معمر وابن عیینہ ہیں جو کہ امام زہری کی اسناد میں حجت سمجھے جاتے ہیں ان تینوں کا ہی اس کی سند میں اختلاف ہے اور عبداللہ بن ابی بکر نے بھی زہری سے اس کو اس طرح نقل کیا ہے۔

٣١٠٢: صالح بن ابی الاخضر نے ابن شہاب سے انھوں نے سائب بن یزید سے انھوں نے وہب بن ابی وداعہ سے انھوں نے حفصہ (رض) سے ‘ انھوں نے بھی موقوف نقل کی ہے۔

٣١٠٣: موسیٰ بن عقبہ نے نافع سے انھوں نے ابن (رض) سے اس طرح موقوف نقل کی ہے۔ پھر اس روایت کو ابن عمر (رض) سے نافع نے نقل کیا اور انھوں نے بھی نہ تو حضرت حفصہ کا واسطہ ذکر کیا اور نہ اس کو مرفوع نقل کیا۔
حاصل روایات : ان اسناد بالا نے یہ حقیقت کھول دی کہ یہ روایت موقوف ہے مرفوع نہیں اس کو خواہ امّ المؤمنین حفصہ (رض) پر موقوف مانا جائے یا ابن عمر (رض) پر موقوف تسلیم کیا جائے مرفوع روایات کے بالمقابل اسے تسلیم نہیں کیا جاسکتا۔
جواب نمبر 2: اس روایت سے مراد قضاء رمضان ‘ نذر غیر معین اور صوم کفارہ ہیں اب یہ موقوف بھی اپنے مقام پر معمول بھی رہے گی۔
دلائل آگے ملاحظہ ہوں

٣١٠٤ : حضرت نافع نے ابن عمر (رض) سے اسی طرح روایت کی ہے ‘ اس روایت کی اصل ہے اور جناب رسول اللہ (صلی اللہ علیہ وآلہ وسلم) سے طلوع فجر کے بعد روزے میں داخل ہونے کا ارشاد منقول ہے ‘ ذیل میں ملاحظہ ہو {

٣١٠٤: عائشہ بنت طلحہ نے عائشہ (رض) سے نقل کیا ہے کہ اللہ تعالیٰ کے پیغمبر (صلی اللہ علیہ وآلہ وسلم) ایک خاص کھانے کو پسند فرماتے تھے ایک دن آپ تشریف لائے اور فرمایا کیا وہ کھانا تمہارے پاس موجود ہے میں نے عرض کیا نہیں فرمایا پھر میں نے روزہ کی نیت کرلی۔
تخریج : مسلم فی الصیام نمبر ١٧٠‘ ابو داؤد فی الصوم باب ٧٢‘ نمبر ٢٤٥٥‘ ابن ماجہ فی الصیام باب ٢٦۔

٣١٠٥: ثوری نے طلحہ سے پھر انھوں نے اپنی اسناد سے روایت نقل کی ہے۔ یہ ہمارے ہاں صوم نفلی کے ساتھ خاص ہے کہ صبح کرنے کے بعد دن کے پہلے حصے میں اس کی نیت کرسکتا ہے اور اصحاب رسول اللہ (صلی اللہ علیہ وآلہ وسلم) کی بہت بڑی جماعت نے اس پر عمل کیا ہے۔ چنانچہ یہ آثار ذیل میں درج کیے جاتے ہیں۔
حاصل روایات : ان روایات میں نفلی روزہ مراد ہے اور اس میں رات کو نیت کرنا سوائے امام مالک کے سب کے ہاں درست ہے۔

٣١٠٦: ابوالاحوص نے عبداللہ سے روایت کی ہے کہ جب تم میں سے کوئی روزے کا ارادہ رکھتا ہو اور صبح ہوچکی تو وہ دو حال میں ہے ایک جس کو چاہے اپنائے۔

٣١٠٧: ابوالاحوص نے عبداللہ سے نقل کیا کہ جب تو اس حال میں صبح کرے کہ تیرے سامنے دو صورتیں ہیں جب تک کہ کھایا پیا نہ جائے روزہ رکھ لو یا روزہ نہ رکھو۔

٣١٠٨: ابو اسحاق نے حارث اعور سے انھوں نے علی (رض) سے اسی طرح روایت نقل کی ہے۔

٣١٠٩: سعید بن عبیدہ نے ابو عبدالرحمن سے نقل کیا کہ حذیفہ (رض) خیال ہوا کہ میں (نفلی) روزہ رکھوں اس وقت سورج ڈھل چکا تھا تو انھوں نے روزہ رکھ لیا۔

٣١١٠: سلمہ بن کھیل نے مستورد سے نقل کیا کہ بنی اسد کے ایک آدمی نے بنی اسد کے ایک آدمی سے نقل کیا کہ اس نے اپنے قرضہ والے کو پکڑا اور ابن مسعود (رض) کے پاس آیا اور کہنے لگا میں نے ظہر کے قریب تک اپنے قرض والے کو لازم پکڑنا ہے میں نے نہ تو روزہ رکھا ہے اور نہ کچھ کھایا پیا ہے انھوں نے فرمایا تمہاری مرضی ہے روزہ رکھ لو یا افطار کرلو۔

٣١١١: ابو بشر کہتے ہیں کہ ایک آدمی نے انس بن مالک (رض) سے کہا میں نے سحری کھائی پھر میرا دل چاہا کہ میں افطار کرلوں (اور روزہ نہ رکھوں) انھوں نے کہا اگر تم چاہو تو افطار کرلو۔ ابو طلحہ (رض) گھر میں آتے اور کہتے کیا تمہارے پاس کھانا ہے ؟ اگر وہ نفی میں جواب دیتے تو یہ کہتے میں نے روزہ رکھ لیا۔

٣١١٢: محمد بن یزید رحبی نے شہر بن ابی حبیش سے نقل کیا قتل عثمان کے موقعہ پر جو موجود ہے ان میں سے اس کے سواء اور کوئی نہ بچا کہ حضرت عثمان (رض) کی شہادت کے دن صبح کی اور فرمانے لگے میں نے خواب دیکھا کہ ابوبکر و عمر ] آج رات میرے پاس آئے اور دونوں کہنے لگے اے عثمان رات کی افطاری تمہاری ہمارے ہاں ہے میں تمہیں گواہ بناتا ہوں کہ میں نے اپنے لیے روزہ کو لازم کرلیا۔

٣١١٣: عکرمہ نے ابن عباس (رض) سے نقل کیا ہے کہ صبح سے دوپہر تک وقت گزر جاتا پھر فرماتے جب صبح ہوتی تو میں روزے سے نہ تھا لیکن میں نے آج اب تک کچھ کھایا پیا نہیں میں آج ضرور روزہ رکھوں گا۔

٣١١٤: قتادہ نے انس بن مالک (رض) سے نقل کیا کہ ابو طلحہ چاشت کے وقت اپنے گھر تشریف لاتے اور فرماتے کیا تمہارے ہاں صبح کا کھانا موجود ہے ؟ اگر وہ نفی میں جواب دیتے تو اس دن کا روزہ رکھ لیتے۔

٣١١٥: عبداللہ بن سیار و مشقی کہتے ہیں کہ ابوالدرداء (رض) نے ایک آدمی سے گھوڑے کا سودا کیا اس آدمی نے قسم اٹھالی کہ میں اسے فروخت نہ کروں گا۔ جب وہ چل دیا تو آپ نے اسے بلا کر فرمایا میں تمہیں گناہ میں ڈالنا نہیں چاہتا میں آج کسی مریض کی عیادت نہ کروں گا اور کسی مسکین کو کھانا نہ کھلاؤں گا اور چاشت کے نفل نہ پڑھوں گا لیکن میں بقیہ دن روزہ رکھوں گا۔

٣١١٦: ایوب نے ابو قلابہ سے روایت کی ہے کہ ہمیں ام الدرداء (رض) نے بیان کیا کہ ابوالدرداء (رض) باہر سے تشریف لاتے اور فرماتے کیا آپ کے ہاں کھانا موجود ہے ؟ اگر گھر والے نفی میں جواب دیتے تو کہتے میں نے روزہ رکھ لیا۔

٣١١٧: عبداللہ بن عتبہ نے بیان کیا کہ ابو ایوب انصاری (رض) بھی اسی طرح کرتے تھے۔

٣١١٨: ابن جریج نے بیان کیا کہ عطاء کا خیال یہ ہے کہ ابو ایوب (رض) ایسا کرتے تھے۔ یہ روزے جن میں طلوع فجر کے بعد نیت کرنا درست ہے ان کے بارے میں رسول اللہ (صلی اللہ علیہ وآلہ وسلم) سے روایت آئی ہے اور صحابہ کرام نے بھی آپ کے بعد اس پر عمل کیا ہے اور یہ نفلی روزہ ہی ہے۔ چنانچہ جناب رسول اللہ (صلی اللہ علیہ وآلہ وسلم) سے مروی ہے کہ عاشوراء کے دن جناب نبی اکرم (صلی اللہ علیہ وآلہ وسلم) نے صبح کے بعد لوگوں کو روزہ رکھنے کا حکم دیا اور یہ روزہ اس وقت ان پر فرض تھا جس طرح رمضان کا روزہ بعد میں فرض ہوا اور اس سلسلے میں ہم روایات اسی کتاب میں ذکر کریں گے۔ پس جب یہ آثار جناب رسول اللہ (صلی اللہ علیہ وآلہ وسلم) سے اسی طرح ثابت ہیں جیسا ہم نے بیان کیا تو ان کو ایک دوسرے کا متضاد قرار دینا بھی درست نہیں کیونکہ اس طرح سے وہ ایک دوسرے کے منافی ہو کر ایک دوسرے ہی کی تردید کریں گی جس سے ہم صحیح معانی کو نہیں نکال سکیں گے ۔ اسی وجہ سے ہم نے اس باب میں حضرت عائشہ صدیقہ (رض) کی روایت جس کو ذکر کر آئے ہیں وہ نفلی روزے سے متعلق ہے جیسا ہم نے بیان کردیا ۔ ہمارے ہاں اس کا یہی معنیٰ ہے اور عاشورہ کے سلسلہ میں آنے والی روایت وہ معین دن میں فرضی روزے سے متعلق ہے۔ معین دنوں کے فرض روزے کی نیت طلوع فجر کے بعد بھی ہوسکتی ہے۔ رمضان المبارک کے روزوں کا یہی حکم ہے۔ کیونکہ وہ بھی معین دنوں کی طرح معین فرض روزے ہیں۔ پس جس طرح عاشورہ کے دن طلوع فجر کے بعد روزنے کی نیت درست تھی رمضان المبارک کے روزے کا حکم بھی یہی ہے۔ کہ اس کا روزہ جائز ہوگا۔ اب رہی وہ روایت جس کو حضرت حفصہ (رض) نے جناب نبی اکرم (صلی اللہ علیہ وآلہ وسلم) سے روایت کیا ہے۔ تو ہمارے ہاں اس کا تعلق ان دو اقسام یعنی کفارے اور قضاء رمضان کے روزے سے متعلق ہے اور معنیٰ اس وجہ سے اختیار کیا تاکہ یہ روایت دیگر روایات کے خلاف نہ ہو جو اس باب میں مذکور ہوئیں۔ پس روزے کی نیت کے سلسلہ میں تین صورتیں ہوتیں نمبر ١ وہ روزے جو مقررہ دنوں میں فرض ہیں ان کو رات کی نیت اور دن کی نیت سے بھی ادا کیا جاسکتا ہے نمبر ٢ وہ روزے غیر معینہ دونوں میں فرض ہیں ان کی نیت رات کو صرف ہوسکتی ہے۔ طلوع فجر کے بعد نہیں جاسکتی۔ اور نفلی روزے کی نیت سابقہ رات اور آئندہ دن (کے نصف) میں کی جاسکتی ہے۔ یہی وہ صورت ہے جس میں آثار پر عمل ہوسکتا ہے اور کسی میں تضاد نہیں ہوتا اور اس پر محمول کرنا اولیٰ ہے۔ امام ابوحنیفہ (رح) کا یہی مسلک ہے البتہ امام ابو یوسف ومحمد جواب کہتے ہیں کہ جن روزوں میں طلوع فجر کے بعد نیت کرنا درست ہے ان میں دن کے ابتدائی حصہ میں نیت کی جاسکتی ہے۔ اور اس کے بعد درست نہیں۔
حاصل روایات : ان تمام روایات میں طلوع فجر کے بعد روزہ کی نیت کرنے کا تذکرہ اور صحابہ کرام کا عمل اسی کی تائید کرتا ہے یہ نفلی روزہ ہے۔
دوسری طرف یوم عاشورہ کے روزے کے سلسلہ میں وارد ہے کہ جناب رسول اللہ (صلی اللہ علیہ وآلہ وسلم) نے طلوع آفتاب کے بعد اس کے روزہ کی نیت کا حکم فرمایا تھا اور ان دنوں یہ روزہ فرض تھا جیسا کہ بعد میں رمضان فرض ہوا اس سلسلہ کی روایات ہم یوم عاشورہ کے باب میں ذکر کریں گے۔
یہ مذکورہ بالا آثار ہم نے ذکر کردیئے اس میں یہ طرز عمل تو درست نہیں کہ بعض آثار کو ایک دوسرے کے مخالف قرار دے کر بعض کو رد کریں اور دوسروں کو قبول کریں اور موافقت کی صورت نہ پائیں۔
پس روایت عائشہ (رض) تو نفلی روزے کے سلسلہ میں ہے اور یوم عاشورہ والی روایت فرض روزہ کے معین دن میں ہونے سے متعلق ہے۔
پس جس طرح عاشورہ کے روزہ کی نیت طلوع آفتاب کے بعد درست ہے رمضان المبارک کا روزہ یہی حکم رکھتا ہے طلوع فجر کے بعد نیت کرسکتا ہے۔
اب رہی روایت حفصہ (رض) جو شروع باب میں مذکور ہوئی وہ ان دونوں کے مخالف ہے اس کو صوم کفارات اور قضاء رمضان پر محمول کریں گے اب اس طرح تمام روایات میں تو افق پیدا ہوگیا۔
روزہ میں نیت سے داخلہ کی تین صورتیں :
جو روزے معین دنوں کے ہیں ان کی نیت تو اگلے دن کے لیے رات سے اور دن کے وقت بھی نیت درست ہے۔
1 فرض غیر معین میں رات سے نیت ضروری ہے دن کو جائز نہیں ہے۔
2 اور نفلی روزے کی نیت رات سے کرو یا نصف یوم سے پہلے کرلو ہر دو طرح درست ہے۔
یہ تطبیق جو ہم نے پیش کی ہے اس سے روزہ سے متعلق تمام روایات اپنے مقام پر فٹ ہوگئیں تضاد باقی نہیں رہا ہمارے ہاں یہی اولیٰ ہے۔
یہ امام ابوحنیفہ ‘ ابو یوسف ‘ محمد رحمہم اللہ کا قول ہے۔ بس اس میں اس قدر اور اضافہ ہے کہ طلوع فجر کے بعد زوال سے پہلے تک تو ان میں نیت درست ہے جن میں نیت طلوع کے بعد کی جاسکتی ہے البتہ پچھلے پہر نیت درست نہیں ہے۔ واللہ اعلم۔
: اس باب سے صرف اس ارشاد نبوت کی وضاحت کرنا چاہتے ہیں اس میں علماء کی تین جماعتیں ہیں۔
نمبر 1: امام احمد فرماتے ہیں کہ ایک سال میں یہ دو مہینے ٢٩ کے نہیں ہوتے۔ ایک ٢٩ تو دوسرا تیس کا ہوگا۔
نمبر 2: امام اسحاق (رح) کہتے ہیں ثواب کے لحاظ سے ان میں کمی نہیں آتی خواہ ٢٩ کے ہوں یا تیس کے۔
نمبر 3: جمہور فقہاء نے دونوں اقوال کو جمع کیا کہ ایک سال میں دونوں مہنے ٢٩ کے نہیں ہوتے اور اگر ایک انتیس کا ہو تب بھی ثواب میں کمی نہیں آتی امام طحاوی کا رجحان تیسرے قول کی طرف معلوم ہوتا ہے۔

٣١١٩: عبدالرحمن بن ابی بکرہ نے اپنے والد سے انھوں نے جناب نبی اکرم (صلی اللہ علیہ وآلہ وسلم) سے نقل کیا ہے کہ عید کے دو مہینے ‘ کم نہیں ہوتے یعنی رمضان و ذوالحجہ۔
تخریج : بخاری فی الصوم باب ١٢‘ مسلم فی الصیام ٣١؍٣٢‘ ابو داؤد فی الصوم باب ٤‘ ترمذی فی الصوم باب ٨‘ ابن ماجہ فی الصوم باب ٩‘ مسند احمد ٥‘ ٣٨؍٤٨‘ ٥٠؍٥١۔

٣١٢٠: عبدالرحمن بن ابی بکرہ نے اپنے والد سے انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت نقل کی ہے۔ امام طحاوی (رح) فرماتے ہیں اس روایت میں مذکور ہے کہ یہ دو مہینے کم نہیں ہوتے لوگوں نے اس روایت کے معنیٰ میں کافی کلام کیا ہے۔ بعض لوگوں نے کہا کہ ایک سال کے اندر یہ مہینے اکٹھے کم نہیں ہوتے یہ ممکن ہے کہ ان میں سے ایک کم ہو ۔ اس قول کو مشاہدے نے مسترد کردیا کیونکہ ہم یہ بات پاتے ہیں کہ یہ کئی سالوں میں اکٹھے کم ہوتے اور بعض اوقات ان میں سے ہر ایک میں یہ بات پائی جاتی ہے۔ دوسرے لوگوں نے اس کا جواب اس روایت سے دیا جس کو دوسرے موقع پر ہم نے ذکر کیا ہے۔ کہ آپ نے فرمایا ۔ رمضان المبارک کا روزہ چاند دیکھ کر رکھو اور افطار رمضان بھی چاند دیکھ کر کرو۔ اگر چاند تم پر غائب رہے تو مہینے کی گنتی تیس دن سے پوری کرلو اور آپ کا دوسرا یہ ارشاد کہ مہینہ انتیس دن کا ہوتا ہے اور کبھی تیس روز کا ہوتا ہے۔ تو اس میں آپ نے یہ بات واضح کردی کہ مہینے کا کم ہونا ہر ماہ میں پایا جانا ممکن ہے۔ ہم ان روایات کو اسناد کے ساتھ اپنے موقعہ پر لائیں گے ان شاء اللہ۔ مگر علماء کی دوسری جماعت نے ان روایات کی تصحیح اس طرح کی ہے۔ کہ آپ (صلی اللہ علیہ وآلہ وسلم) کے یہ فرمانے کا مطلب یہ ہے مہینہ گھٹتا اور بڑھتا ٢٩‘ ٣٠ کا ہوتا رہتا ہے۔ یہ سب مہینوں کے لیے برابر ہے۔ رہا خصوصی طور پر ان دو مہینوں کے متعلق یہ فرمانا کہ کم نہیں ہوتے اس سے گنتی میں کمی مراد نہیں بلکہ ان مہینوں میں جو اعمال ہو ادا کیے جاتے ہیں ایک میں روزے اور دوسرے میں حج ۔ تو جناب رسول اللہ (صلی اللہ علیہ وآلہ وسلم) نے خبر دی کہ یہ دونوں کم نہیں ہوتے اگرچہ انتیس کے ہوں بلکہ یہ دونوں مہینے کامل ہیں خواہ تیس تیس کے ہوں یا انتیس انتیس دن کے ہوں ۔ تاکہ یہ معلوم ہوجائے کہ ان کے احکام انتیس یا تیس ہونے سے ناقص نہیں ہوتے یعنی ان کا ثواب کامل و مکمل رہتا ہے۔ اس باب کے آثار کی تصحیح اسی طرح سے ہوسکتی ہے۔ واللہ اعلم۔
مؤقف اول : کہ دونوں مہنے ایک سال میں ٢٩ کے نہیں ہوتے ایک ٢٩ کا ہوگا تو دوسرا تیس کا ہوگا۔
الجواب نمبر 1: اس قول کو بڑے علماء نے مسترد کردیا کہ بارہا دونوں مہینے ٢٩ کے ہوئے اور کبھی دونوں تیس کے ہوئے تجربہ نے اس معنی کو مسترد کردیا۔
نمبر 2: بعض نے کہا کہ اس حدیث کی وجہ سے یہ مفہوم غلط ثابت ہوتا ہے صوموا لرویتہ و افطر والرویتہ فان غم علیکم فعدوا ثلاثین “ بخاری فی الصوم
باب ١١: مسلم فی الصیام ١٨؍١٩‘ اور آپ کا یہ ارشاد : ان الشہر قد یکون تسحار وعشرین وقد یکون ثلاثین “ کہ مہینہ کبھی ٢٩ اور کبھی تیس کا ہوتا ہے اور یہ ہر مہینے سے متعلق ہے کسی کی تخصیص نہیں فرمائی پس سابقہ مطلب اس کے خلاف ہونے کی وجہ سے غلط ہوا۔
ایک اور جماعت کا قول یہ ہے کہ یہ تمام آثار درست ہیں آپ کا ارشاد صوموا الرویتہ وافطر والرویتہ ‘ مہینہ کبھی ٢٩ اور کبھی تیس کا ہوتا ہے اور یہ بات مہینوں میں اسی طرح موجود ہے رہا ۔ شہر عید لا ینقصان ‘ اس سے مراد گنتی کی کمی نہیں ہے بلکہ ان میں دو ایسی عبادات پائی جاتی ہیں جو دوسرے مہینوں میں نہیں پائی جاتیں روزے اور حج۔ آپ (صلی اللہ علیہ وآلہ وسلم) نے صحابہ کرام کو خبر دی کہ یہ دونوں مہینے ثواب کے لحاظ سے کامل ہیں جو گنتی میں ٢٩ کے ہوں یا تیس کے ان کے احکام اسی طرح ثابت ہیں خواہ گنتی میں کم ہوجائیں۔
حاصل کلام : اس آخری توجیہ سے تمام آثار اپنے اپنے مقام پر درست رہتے ہیں واللہ اعلم۔
یہ باب بھی مذاہب کا نام لیے بغیر ذکر کیا ہے اور آخری قول کا انداز اس کے رجحان کو ظاہر کرتا ہے اور امام موصوف کا میلان بھی اسی کی طرف ہے۔

٣١٢١: عباد بن عبداللہ بن زبیر نے حضرت عائشہ (رض) سے نقل کیا ہے کہ ایک آدمی جناب رسول اللہ (صلی اللہ علیہ وآلہ وسلم) کی خدمت میں آیا اور آپ کے سامنے اس نے بیان کیا کہ وہ تباہ ہوگیا ہے آپ نے اس کے معاملے کی تفصیل دریافت کی تو اس نے بتلایا میں نے رمضان میں اپنی بیوی سے جماع کرلیا پھر آپ (صلی اللہ علیہ وآلہ وسلم) کے پاس ایک عرق نام کا برتن لایا گیا جس میں کھجوریں تھیں آپ نے فرمایا محترق کہاں ہے ؟ وہ کھڑا ہوا تو آپ نے فرمایا لو اس کو صدقہ کر دو ۔ امام طحاوی (رح) فرماتے ہیں بعض علماء اس طرف گئے ہیں کہ جو شخص رمضان المبارک میں اپنی بیوی سے جماع کرے اس پر صدقہ لازم ہے۔ اس صدقہ کے علاوہ اس پر کچھ کفارہ نہیں ۔ انھوں نے اپنی دلیل میں اس اوپر والی روایت سے استدلال کیا ہے۔
تخریج : بخاری فی الصوم باب ٢٩‘ مسلم فی الصیام ٨٥‘ ابو داؤد فی الصوم باب ٣٨۔
اس روایت سے ثابت ہوتا ہے کہ جو اپنی بیوی سے رمضان میں جماع کرے اس پر قضاء لازم ہوگئی کفارہ نہ ہوگا صرف صدقہ کرے گا جس کی مقدار بھی متعین نہیں جیسا کہ ایک مکتل کھجور اس کے لیے کافی قرار دی گئی۔
فریق ثانی کا مؤقف اور دلائل :
رمضان کا روزہ جس نے جماع سے توڑا اس پر قضاء اور کفارہ دونوں لازم ہیں مگر کفارے میں اسے تینوں میں سے جس کا چاہے اختیار ہے ترتیب لازم نہیں ہے۔ دلیل یہ اگلی روایات ہیں۔

کفارہ صوم میں ائمہ ثلاثہ مؤمن غلام کا آزاد کرنا ضروری قرار دیتے ہیں احناف کے ہاں کوئی سا غلام کافی ہے اسی طرح کفارہ میں گندم کی مقدار ائمہ ثلاثہ ربع صاع ٤؍١ بھی کافی قرار دیتے ہیں مگر احناف نصف صاع کی مقدار کو لازم کہتے ہیں اور کھانے پینے سے روزے کو اگر فاسد کردیا تو امام شافعی و احمد صرف قضاء کو واجب کہتے ہیں جبکہ حنفیہ اور مالکیہ قضاء کے ساتھ کفارہ بھی واجب قرار دیتے ہیں اور بھول کر کھانے پینے اور جماع سے امام احمد مظاہر یہ قضاء کے ساتھ کفارہ کو لازمی مانتے ہیں مگر احناف و شوافع کسی چیز کو لازم نہیں مانتے بلکہ روزے کو درست کہتے ہیں اب رہا کہ جماع سے روزے کو توڑنے میں کفارہ اور اس کی ترتیب یہ ہے۔
نمبر 1: امام عبداللہ مصری کے ہاں مفارہ نہیں صرف قضا ضروری ہے۔
نمبر 2: مالکیہ و حنابلہ قضاء و کفارہ دونوں کو لازم کہتے ہیں مگر کفارہ میں ترتیب کو ضروری نہیں کہتے۔
نمبر 3: احناف ‘ شوافع ‘ قضاء و کفارہ اور کفارہ میں ترتیب کو لازم کہتے ہیں یہاں یہی آخری مسئلہ زیر بحث آئے گا۔
فریق اوّل کا مؤقف اور دلائل : جان بوجھ کر جماع سے صرف قضا ضروری ہے کفارہ لازم نہیں مستدل یہ روایت ہے۔

٣١٢٢: حمید بن عبدالرحمن نے ابوہریرہ (رض) سے نقل کیا کہ ایک آدمی نے رمضان کا روزہ جناب نبی اکرم (صلی اللہ علیہ وآلہ وسلم) کے زمانے میں توڑ دیا۔ آپ (صلی اللہ علیہ وآلہ وسلم) نے اس کو ایک گردن آزاد کرنے یا مسلسل دو ماہ روزہ رکھنے یا ساٹھ مساکین کو کھانا کھلانے کا حکم فرمایا اس نے کہا میرے پاس ان کی طاقت نہیں آپ (صلی اللہ علیہ وآلہ وسلم) کے پاس ایک کھجوروں کا ٹوکرا لایا گیا تو آپ نے اسے فرمایا یہ لو اور اس کو صدقہ کر دو اس نے کہا یارسول اللہ (صلی اللہ علیہ وآلہ وسلم) میں اپنے سے زیادہ کسی کو محتاج نہیں پاتا آپ (صلی اللہ علیہ وآلہ وسلم) اس قدر ہنسے کہ آپ کی داڑھیں ظاہر ہوگئیں پھر فرمایا تم اسے کھالو۔

٣١٢٣: حمید بن عبدالرحمن نے ابوہریرہ (رض) سے روایت کی ہے کہ جناب نبی اکرم (صلی اللہ علیہ وآلہ وسلم) نے ایک آدمی کو حکم دیا جس نے رمضان کا روزہ توڑ دیا تھا کہ وہ گردن آزاد کرے یا دو ماہ کے مسلسل روزے رکھے یا ساٹھ مساکین کو کھانا کھلائے۔ انھوں نے فرمایا کہ جناب رسول اللہ (صلی اللہ علیہ وآلہ وسلم) نے اس کو جو کچھ دیا وہ اسے صدقہ کرنے کے لیے دیا یہ اس کے بعد ہے کہ آپ نے اسے بتلایا کہ اس پر کیا لازم ہے۔ وہ وہی ہے جس کو حضرت ابوہریرہ (رض) نے اس حدیث میں بیان فرمایا۔ مگر علماء کی ایک اور جماعت ان سے اختلاف کرتے ہوئے کہا کہ اگر اس کو غلام میسر ہو تو اسے آزاد کرے ۔ اگر یہ میسر نہ ہو تو دو ماہ مساکین کو کھانا کھلائے اور انھوں نے اپنی دلیل میں حضرت ابوہریرہ (رض) کی وہ روایت پیش کی ہے جس کا فصل اول میں ہم نے تذکرہ کیا ہے اور اس میں حضرت عائشہ صدیقہ (رض) کی روایت بھی شامل ہے جیسا انھوں نے ذکر کیا ۔ حضرت ابوہریرہ (رض) کی روایت کی اصل گردن کی آزادی سے ابتداء کرتا ہے جب کہ جماع کرنے والے کو میسر ہو۔ دوسرے نمبر پر روزہ ہے جب کہ جماع کرنے والا غلام نہ رکھتا ہو پھر تیسرا نمبر کھانا کھلانا ہے۔ اگر جماع کرنے والے کے پاس ان دونوں میں سے کوئی نہ ہو ۔ اس روایت کی اصل جیسی اصل زہری والی روایت کی بھی ہے۔ مالک بن جریج جواب کے علاوہ رواۃ نے زہری سے اسی طرح روایت کی ہے۔ انھوں نے طویل قصہ تفصیل سے ذکر کیا ہے کہ جناب رسول اللہ (صلی اللہ علیہ وآلہ وسلم) نے کفارے کا حکم کس طرح دیا۔
ان روایات سے معلوم ہوتا ہے کہ جناب رسول اللہ (صلی اللہ علیہ وآلہ وسلم) نے جو کچھ اسے دیا اور اس کے صدقہ کرنے کا حکم فرمایا وہ اس کو اس کی اطلاع دینے کے بعد کہ اس پر یہ یہ چیزیں لازم ہیں جیسا کہ روایت ابوہریرہ (رض) میں مذکور ہے ان روایات سے ثابت ہوا کہ ان میں سے کسی ایک چیز کا کرنا اس کے ذمہ تھا جس کو چاہے وہ اختیار کرے ان میں ترتیب کی پابندی نہیں۔ اَوْ تخییر کو ظاہر کرتا ہے۔
مؤقف فریق ثالث :
کہ جماع سے روزہ توڑنے والے پر قضاء و کفارہ ضروری ہے اور ہر سہ میں ترتیب ضروری ہے کہ اولاً گردن آزاد کرے اگر میسر آئے اور اگر میسر نہ ہو تو دو ماہ کے مسلسل روزے رکھے اور اگر اس کی استطاعت نہیں تو ساٹھ مساکین کو کھانا کھلائے۔
مؤقف ثانی اور اول کا جواب :
روایت عائشہ (رض) مجمل ہے اور روایت ابوہریرہ (رض) مفصل ہے پس مجمل کو مفصل پر محمول کیا جائے گا اور اس مفصل روایت کو مالک ‘ ابن جریج نے اپنے استاذ زہری سے نقل کیا مگر دیگر تمام شاگردوں نے زہری سے جو روایت نقل کی ہے اس میں پوری ترتیب کی وضاحت ہے اس لیے اس طویل روایت کو اختیار کریں گے جس کو دیگر ائمہ نے زہری سے نقل کیا ہے ہم وہ تفصیلی روایت نقل کرتے ہیں۔

٣١٢٤: عبدالرحمن بن خالد نے ابن شہاب سے انھوں نے حمید بن عبدالرحمن سے روایت کی ہے کہ حضرت ابوہریرہ (رض) بیان کرتے ہیں کہ ہم جناب رسول اللہ (صلی اللہ علیہ وآلہ وسلم) کی خدمت میں موجود تھے ایک آدمی آ کر کہنے لگایا رسول اللہ (صلی اللہ علیہ وآلہ وسلم) میں تباہ ہوگیا آپ نے فرمایا تم پر افسوس ہے تم کیا کہتے ہو اس نے کہا کہ میں نے رمضان کے روزے کی حالت میں بیوی سے جماع کرلیا۔ جناب رسول اللہ (صلی اللہ علیہ وآلہ وسلم) نے اسے فرمایا کیا تم گردن آزاد کرنے کے لیے پاتے ہو اس نے کہا نہیں پھر آپ نے فرمایا کیا تم دو ماہ کے مسلسل روزے رکھنے کی طاقت پاتے ہو اس نے کہا نہیں یارسول اللہ (صلی اللہ علیہ وآلہ وسلم) ۔ آپ نے فرمایا کیا تم ساٹھ مساکین کو کھانا کھلانے کی طاقت پاتے ہو اس نے کہا یارسول اللہ (صلی اللہ علیہ وآلہ وسلم) میں ایسا نہیں کرسکتا اس پر جناب رسول اللہ (صلی اللہ علیہ وآلہ وسلم) خاموش ہوگئے ہم اسی حالت میں تھے کہ جناب رسول اللہ (صلی اللہ علیہ وآلہ وسلم) کے پاس کھجوروں کا ایک ٹوکرا لایا گیا آپ نے دریافت فرمایا ابھی سوال کرنے والا کہاں ہے ؟ یہ کھجور لے کر اس کو صدقہ کر دو ۔
وہ آدمی کہنے لگا کیا میں ان لوگوں پر تقسیم کروں جو مجھ سے زیادہ فقیرومحتاج ہوں ؟ اللہ کی قسم مدینہ کے دونوں سنگلاخوں کے درمیان میرے گھر والوں سے زیادہ محتاج کوئی نہیں۔ پس جناب رسول اللہ (صلی اللہ علیہ وآلہ وسلم) یہ سن کر ہنس دیئے یہاں تک کہ آپ کی داڑھیں ظاہر ہوگئیں پھر آپ نے فرمایا اپنے گھر والوں کو کھلا دو ۔
راوی کہتے ہیں کہ کفارہ گردن آزاد کرنا یا دو ماہ کے مسلسل روزے یا ساٹھ مساکین کو کھانا کھلانا ہوا۔
تخریج : بخاری فی الصوم باب ٣١۔

٣١٢٥: شعیب نے زہری سے پھر انھوں نے اپنی سند سے روایت نقل کی ہے۔ یہ روایت اپنے اصل انداز سے ہے البتہ اس میں مالک اور ابن جریج کی روایت زہری سے زہری کے الفاظ سے جو اس حدیث میں آتے ہیں آئی ہے۔ پس کفارہ گردن آزاد کرنے یا دو ماہ کے مسلسل روزے یا ساٹھ مساکین پر مشتمل ہے اور جن لوگوں نے حضرت ابوہریرہ (رض) والی روایت میں تخییر کا ذکر کیا انھوں نے اپنے وہم کے مطابق اسے زہری کا کلام قرار دیا ہے۔
حاصل کلام : یہ ہے کہ اس روایت سے یہ بات واضح ہوگئی کہ تخییر کے الفاظ جو امام مالک اور ابن جریج رحمہم اللہ کی روایت میں موجود ہیں وہ کلام زہری ہے جیسا کہ کلام زہری اس روایت میں موجود ہے باقی کلام رسول اللہ (صلی اللہ علیہ وآلہ وسلم) میں تو ترتیب ہے تخییر کا لفظ موجود نہیں ہے جیسا کہ زہری سے دیگر جن روات نے نقل کیا تخییر کے بغیر نقل کیا ہے۔
روایات ملاحظہ ہوں :

٣١٢٦: سفیان بن عینیہ نے زہری سے پھر انھوں نے اپنی سند سے اسی طرح روایت نقل کی ہے فقط ” فصارت ستۃً “ کے الفاظ نہیں ہیں۔

٣١٢٧: حجاج بن منہال نے سفیان سے انھوں نے اپنی سند سے اسی طرح روایت نقل کی ہے۔

٣١٢٨: نعمان بن راشد نے زہری سے نقل کیا پھر انھوں نے اپنی سند سے روایت اسی طرح نقل کی ہے۔

٣١٢٩: محمد بن ابی حفصہ نے ابن شہاب سے روایت اپنی اسناد کے ساتھ اسی طرح نقل کی ہے۔

٣١٣٠: منصور نے زہری سے پھر انھوں نے اپنی اسناد سے اسی طرح روایت نقل کی ہے صرف انھوں نے بغیر شک کے پندرہ صاع کھجور نقل کی ہیں۔

٣١٣١: اوزاعی نے بیان کیا کہ میں نے زہری سے اس آدمی کے متعلق سوال کیا جس نے اپنی بیوی سے رمضان میں جماع کیا تو انھوں نے مجھے اس طرح روایت بیان کی کہ مجھے حمید بن عبدالرحمن بن عوف نے بیان کیا انھوں نے ابوہریرہ (رض) سے روایت کی انھوں نے اسی طرح روایت نقل کی مگر صاع کی مقدار کا تذکرہ نہیں کیا۔ تو جو کچھ ہم نے اس روایت میں ذکر کیا اس میں پہلی دو روایات بھی شامل ہوگئیں ۔ کیونکہ اس میں جناب نبی اکرم (صلی اللہ علیہ وآلہ وسلم) نے اسے فرمایا کیا تمہارے پاس آزادی کے لیے گردن موجود ہے۔ اس نے جواب دیا نہیں ۔ آپ نے فرمایا دو ماہ کے روزے رکھو اس نے عرض کیا میں اس کی طاقت نہیں رکھتا ۔ آپ نے فرمایا ساٹھ مساکین کو کھانا دو ‘ ‘ تو جناب نبی اکرم (صلی اللہ علیہ وآلہ وسلم) نے اس تینوں اقسام میں سے ہر ایک کا حکم اس صورت میں دیا کہ جب وہ ان سے پہلی کو نہ پائے پس جب اس شخص نے یہ خبر دی کہ وہ ان میں سے کسی کی قدرت نہیں رکھتا تو جناب نبی اکرم (صلی اللہ علیہ وآلہ وسلم) کے پاس اس کے بعد کھجوروں کا ٹوکرا آیا ۔ تو ٹوکرے کا تذکرہ اور اس کا آدمی کے حوالے کرنا اور اس کے صدقہ کا حکم تو روایت عائشہ صدیقہ (رض) میں بھی موجود ہے جس کا شروع میں ہم تذکرہ کر آئے۔ پس حضرت ابوہریرہ (رض) والی روایت اس سے اولیٰ ہے کیونکہ حضرت عائشہ صدیقہ (رض) کی روایت میں جس بات کا تذکرہ ہے وہ وہی روایت ہے جس سے ہم نے ابتداء کی ہے۔ پس روایت ابوہریرہ (رض) اس سے اولیٰ اور بہتر ہے۔ کیونکہ پہلے کی وہ بات جو حدیث عائشہ صدیقہ (رض) میں ہے اس کو ابوہریرہ (رض) نے تو یاد رکھا اور حضرت عائشہ صدیقہ (رض) نے یاد نہیں رکھا۔ پس روایت ابوہریرہ صدیقہ اولیٰ ہے اس لیے کہ اس میں اضافہ ہے رہی روایت مالک وابن جریج تو ان دونوں زہری ہی سے روایت کی ہے جیسا ہم نے ذکر کردیا اور اس کی وجہ سے اسی باب میں ذکر دی۔ اس سے وہ کفارہ ثابت ہوا جو رمضان المبارک میں جماع کی صورت میں لازم ہوتا جیسا کہ حضرت منصور ‘ اور ابن عیینہ جواب اور ان کے موافق حضرات نے زہری کی وساطت سے حمید سے انھوں نے حضرت ابوہریرہ (رض) سے انھوں نے جناب نبی اکرم (صلی اللہ علیہ وآلہ وسلم) سے روایت نقل کی ہے یہی امام ابوحنیفہ ابو یوسف ‘ محمد رحمہم اللہ کا قول ہے۔
نوٹ : جو روایت ہم نے نقل کی ہے اس میں وہ دونوں پہلی احادیث داخل ہیں جو شروع باب میں عائشہ صدیقہ (رض) اور ابوہریرہ (رض) سے مروی ہیں۔ اور اس میں یہ بھی ہے کہ جناب رسول اللہ (صلی اللہ علیہ وآلہ وسلم) نے اس کو فرمایا کیا تمہارے پاس غلام ہے اس نے کہا نہیں آپ نے فرمایا پھر دو ماہ کے مسلسل روزے رکھو اس نے کہا میں اس کی استطاعت نہیں پاتا آپ نے فرمایا پھر ساٹھ مساکین کو کھانا کھلاؤ“ تو جناب نبی اکرم (صلی اللہ علیہ وآلہ وسلم) نے اس کو تین اقسام کا حکم فرمایا اور جب پہلی قسم کا میسر نہ ہونا معلوم ہوا تو پھر آپ (صلی اللہ علیہ وآلہ وسلم) نے دوسری اور پھر تیسری قسم ذکر فرمائی۔ جب اس نے سب سے عجز کا اظہار کیا تو جناب نبی اکرم (صلی اللہ علیہ وآلہ وسلم) کے پاس ایک ٹوکرا کھجور لائی گئی پھر ٹوکرے اور اس کی کھجوروں کے عنایت فرمانے کا تذکرہ ہے اور اس بات کا تذکرہ ہے کہ جناب رسول اللہ (صلی اللہ علیہ وآلہ وسلم) نے خاص طور پر اسی کو صدقہ کا حکم فرمایا اور حضرت عائشہ (رض) کی روایت میں بھی اسی کا تذکرہ ہے تو اس روایت میں جس قدر تفصیل ہے وہ روایت عائشہ (رض) میں محفوظ نہیں ہے اور ثقہ راوی کا اضافہ بالاتفاق معتبر ہے اور مالک و ابن جریج والی روایت کی وجہ بھی ہم ذکر کر آئے۔
پس اس سے ثابت ہوگیا کہ رمضان کے روزہ کو جماع سے توڑنے میں کفارہ کی کیفیت وہی ہوگی جو روایت منصور ‘ ابن عینیہ اور ان کے موافق روات سے ذکر کی ہے۔
یہی ہمارے ائمہ ثلاثہ کا قول ہے یعنی ابوحنیفہ ‘ ابو یوسف ‘ محمد رحمہم اللہ۔

٣١٣٢: محمد بن عمرو بن الحسن نے جابر (رض) سے نقل کیا ہے جناب رسول اللہ (صلی اللہ علیہ وآلہ وسلم) سفر میں تھے آپ نے لوگوں کا اکٹھ دیکھا کہ ایک آدمی ہے اور اس پر لوگ سایہ کرنے والے ہیں آپ نے پوچھا یہ کیا ہے ؟ انھوں نے بتلایا کہ یہ روزہ دار ہے جناب رسول اللہ (صلی اللہ علیہ وآلہ وسلم) نے فرمایا سفر میں تمہارا روزہ رکھنا نیکی نہیں۔
تخریج : بخاری فی الصوم باب ٣٦‘ مسلم فی الصیام ٩٢‘ ابو داؤد فی الصوم باب ١٨‘ نسائی فی الصیام باب ٤٦‘ ابن ماجہ فی الصیام باب ١١‘ دارمی فی الصوم باب ١٥‘ مسند احمد ٣؍٥٦٢٩٩؍٤٣٤۔
سفر میں روزہ سے متعلق علماء کی معروف رائے یہ ہیں :
نمبر 1: حضرت حسن بصری (رح) اور اہل ظواہر سفر میں روزے کو ناجائز قرار دیتے ہیں رکھ لیا تو اس کا اعادہ واجب ہے۔
نمبر 2: امام احمد و شعبی و مجاہد رحمہم اللہ کے ہاں روزہ ناجائز تو نہیں مگر افضل روزہ نہ رکھنا ہے اگر رکھ لیا تو اعادہ کی ضرورت نہیں۔
نمبر 3: عبداللہ بن مبارک اور سفیان ‘ لیث رحمہم اللہ روزہ رکھنا اور نہ رکھنا دونوں کی حیثیت برابر ہے۔
نمبر 4: امام ابوحنیفہ و شافعی ومالک رحمہم اللہ کے ہاں روزے میں مشقت نہ ہو تو روزہ رکھنا افضل ہے۔
فریق اوّل کا مؤقف اور دلیل : سفر میں روزہ جائز نہیں رکھ لیا تو اعادہ لازم ہے حتی قال بعضہم سے یہی لوگ مراد ہیں۔ دلیل یہ ہے۔

٣١٣٣: ابوالولید نے شعبہ سے روایت اپنی اسناد سے نقل کی ہے۔

٣١٣٤: محمد بن عبدالرحمن بن ثوبان نے جابر بن عبداللہ سے نقل کیا ہے جناب رسول اللہ (صلی اللہ علیہ وآلہ وسلم) کا گزر ایک درخت کے سایہ کے نیچے سے ہوا جس پر پانی کا چھڑکاؤ کیا جا رہا تھا تو آپ نے فرمایا یہ کس مقصد کے لیے ہے ؟ انھوں نے بتلایا یارسول اللہ (صلی اللہ علیہ وآلہ وسلم) یہ روزہ دار ہے آپ نے فرمایا سفر میں روزہ نیکی نہیں تم پر لازم ہے کہ اللہ تعالیٰ کی اس رخصت کو جو اس نے عنایت کی ہے قبول کرو۔

٣١٣٥: نافع نے ابن عمر (رض) سے روایت کی ہے کہ جناب نبی اکرم (صلی اللہ علیہ وآلہ وسلم) نے فرمایا سفر میں روزہ رکھنا نیکی نہیں۔ نافع نے ابن عمر (رض) سے روایت کی ہے جناب نبی اکرم (صلی اللہ علیہ وآلہ وسلم) نے فرمایا سفر میں روزہ رکھنا نیکی نہیں۔

٣١٣٦: صفوان نے ام الدرداء سے انھوں نے کعب بن عاصم اشعری (رض) سے نقل کیا کہ جناب رسول اللہ (صلی اللہ علیہ وآلہ وسلم) نے فرمایا سفر میں روزہ رکھنا نیکی نہیں۔

٣١٣٧: صفوان بن عبداللہ نے ام الدرداء (رض) سے انھوں نے کعب بن عاصم (رض) سے نقل کیا کہ جناب رسول اللہ (صلی اللہ علیہ وآلہ وسلم) نے فرمایا سفر میں روزہ رکھنا نیکی نہیں ہے۔

٣١٣٨: سفیان کہتے ہیں کہ میں نے زہری کو کہتے سنا کہ وہ فرماتے تھے مجھے صفوان بن عبداللہ نے بیان کیا پھر انھوں نے اپنی اسناد سے روایت نقل کی ہے۔ بعض علماء اس بات کو اختیار کرنے والے ہیں کہ رمضان المبارک میں جو شخص سفر کرے اسے افطار کرنا روزے کی بنسبت افضل ہے ‘ انھوں نے ان آثار بالا کو اپنی دلیل میں پیش کیا ۔ جب کہ دوسروں نے کہا جس نے سفر رمضان میں اختیار کیا اور روزہ رکھا اس کا روزہ درست نہ ہوگا۔ اور وہ گھر جا کر اس کی قضاء کرے اسے حضرت عمر (رض) کا اثر قرار دیا ہے ۔
تخریج : مسند احمد ٥؍٤٣٤۔
سفیان کہتے ہیں کہ مجھے بتلایا گیا کہ زہری کہا کرتے تھے میں نے خود نہیں سنا لیس من ید ۔۔۔ یہ بلا الف لام لائے یا الف اور میم لے آئے ہیں یہ دونوں طرح درست ہے۔
حاصل روایات : ان روایات سے بظاہر معلوم ہوتا ہے کہ سفر میں روزہ درست نہیں اور اگر کسی نے رکھ لیا تو اس پر قضا لازم ہوگی کیونکہ روزہ پایا ہی نہ گیا۔
حضرت عمر (رض) کے یہ ارشاد اس مفہوم کی تائید کرتے ہیں۔

٣١٣٩: عبداللہ بن عامر بیان کرتے ہیں کہ عمر (رض) نے اس آدمی کو جس نے سفر میں روزہ رکھا تھا روزہ لوٹانے کا حکم فرمایا اور اس باب کو ابوہریرہ (رض) سے بھی روایت کیا ہے۔

٣١٤٠: عطاء نے محرر بن ابی ہریرہ (رض) سے نقل کیا کہ میں نے سفر میں رمضان کا روزہ رکھا تو مجھے ابوہریرہ (رض) نے گھر پہنچنے پر روزہ لوٹانے کا حکم دیا۔ اور علماء کی دوسری جماعت نے ان سے اختلاف کرتے ہوئے کہا کہ اس کی مرضی پر موقوف ہے خواہ روزہ رکھے یا افطار کرے انھوں افطار کو روزہ پر فضیلت نہیں دی اور نہ روزے کو افطار پر ۔ پہلے قول والوں کے خلاف ان کی وہ دلیل ہے جو جناب رسول اللہ (صلی اللہ علیہ وآلہ وسلم) کے اس ارشاد میں ہے۔ لیس من البر الصیام من السفر۔ کہ اس میں ایک احتمال تو یہ ہے جو پہلے قول والوں نے لیا ہے اور اس میں یہ بھی احتمال ہے کہ یہ کوئی اعلیٰ درجے کی نیکی نہیں اور اعلیٰ مراتب والی نیکی نہیں کہ آدمی سفر میں روزہ رکھے اگرچہ روزہ رکھنا سفر میں مطلقًا نیکی ہے۔ مگر دوسری نیکیاں اس سے بڑھ کر ہیں اور اس کی نظیر آپ (صلی اللہ علیہ وآلہ وسلم) کا ارشاد ہے لیس المسکین با لطواف الذی تردہ التمرۃ و التمرتان واللقمۃ واللقمتان ۔ کہ کامل مسکین وہ نہیں جو لوگوں پر گھومتا پھرے اور اس کو ایک کھجور اور دو کھجور اور ایک لقمہ اور دو لقمے دے کر لوٹا دیا جائے۔ صحابہ نے عرض کیا پھر یا رسول اللہ (صلی اللہ علیہ وآلہ وسلم) مسکین کون ہے۔ آپ نے ارشاد فرمایا جس کو سوال سے حیا آتی ہے مگر اس کے پاس اتنا مال نہیں جو اس کو دوسروں سے بےنیاز کردے اور لوگ اس کو مسکین بھی نہیں جانتے کہ اس کو دیں یعنی اس میں کامل مسکین کی نفی کی گئی ہے۔
ان روایات و فتاویٰ جات سے معلوم ہوتا ہے کہ سفر میں روزہ رکھ لینے سے روزے کا دوبارہ رکھنا ضروری ہے۔
فریق ثانی کا مؤقف :
اور دلیل سفر میں روزہ رکھنا درست ہے روزہ رکھنا نہ رکھنا برابر ہے۔
دلیل : سطور بالا میں مذکور تمام روایات ان کی مستدل ہیں لیس من البرالصیام فی السفر اس روایت میں اور احتمال بھی ہے البر سے کمال بر کی نفی مراد ہو تو روزہ کے کمال کی سفر میں نفی کی ہے۔ اس بات کی نفی نہیں کہ مطلقاً رکھنے والے کا روزہ ہی نہ ہوگا اور دوبارہ قضا کرنا پڑے گا گویا اس میں اس کا روزہ رکھنا اور نہ رکھنا برابر قرار دیا گیا اور اس کی نظیر یہ روایت ہے لیس المسکین بالطواف الذی تردہ التمرۃ والتمرتان واللقمہ واللقمتان کہ وہ شخص مسکین نہیں جو لوگوں کے ہاں جائے اور ایک دو لقمے یا کھجوریں اس کو واپس کردیں یعنی ہر ایک سے مانگتا پھرے صحابہ کرام نے عرض کیا کہ پھر مسکین کون ہے تو فرمایا جو لوگوں سے سوال کرنے میں حیاء کرے اور اس کے پاس اتنا مال نہ ہو جو اس کو مستغنی کر دے اور نہ اس کو غریب سمجھا جاتا ہو کہ اسے کوئی دے دے اس روایت کو (بخاری فی الزکوۃ باب ٥٥‘ مسلم فی الزکوۃ نمبر ١٠١‘ ابو داؤد فی الزکوۃ باب ٢٤) نے نقل کیا ہے۔
اس مفہوم کی تائید اگلی روایات کرتی ہیں

٣١٤١: ابوالاحوص نے عبداللہ سے انھوں نے جناب نبی اکرم (صلی اللہ علیہ وآلہ وسلم) سے نقل کیا ہے۔

٣١٤٢: سفیان نے ابراہیم ہجری سے نقل کیا پھر انھوں نے اپنی اسناد سے ذکر کیا ہے۔

٣١٤٣: ابوالولید نے ابوہریرہ (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت نقل کی ہے۔

٣١٤٤: اعرج نے ابوہریرہ (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح روایت نقل کی ہے۔

٣١٤٥: اعرج نے ابوہریرہ (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح روایت کی ہے۔ آپ (صلی اللہ علیہ وآلہ وسلم) کے ارشاد لیس المسکین بالطواف کا معنیٰ یہ نہیں کہ اس میں مسکینی کا کوئی سبب نہیں پایا جاتا بلکہ مراد یہ ہے کہ وہ کامل مسکنت والا مسکین نہیں کامل مسکنت والا مسکین وہ ہے جو نہ تو لوگوں سے سوال کرتا ہے اور نہ اس کو لوگ مسکین سمجھتے ہیں کہ اس کو صدقہ دیں پس اسی طرح روایت لیس من البر الصیام فی السفر ( الحدیث) اس میں روزے کو مطلقًا نیکی سے نہیں نکالا گیا بلکہ اس کو اعلیٰ درجے کی نیکی سے نکالا گیا ہے کیونکہ بسا اوقات افطار کرنا اس سے زیادہ نیکی ہے مثلاً جب کہ دشمن سے سامنے کا خطرہ ہو وغیرہ ۔ یہی مطلب درست ہے اور اس معنیٰ سے یہ زیادہ بہتر ہے جس پر قول اول والوں نے محمول کیا ہے اور اس کا مقصد یہ ہے تاکہ اس باب کی منقولہ روایات میں تضاد نہ رہے ۔ چنانچہ ان روایات کو ملاحظہ فرمائیں۔
یہی ہے کہ مسکنت کی نفی سے تمام اسباب مسکنت کی نفی مراد نہیں بلکہ اس سے کامل المسکنت شخص مراد ہے بالکل اسی طرح لیس من البر والی روایت میں روزے کو مطلق نیکی کے کام سے نکالنا مقصود نہیں بلکہ کامل بر کی نفی ہے کہ سفر میں روزہ کامل نیکی نہیں کیونکہ سفر کے بعض مواقع ایسے ہیں جہاں افطار اس سے زیادہ بڑی نیکی بن جاتی ہے مثلاً جب دشمن کا سامنا مقصود ہو۔
یہ معنی درست ہے اور اس معنی سے اولیٰ ہے جس پر فریق اوّل سے محمول کیا ہے اور اس کا مقصد روایات سے تضاد کا دور کرنا ہے۔

٣١٤٦: عبیداللہ بن عبداللہ نے ابن عباس (رض) سے نقل کیا کہ جناب رسول اللہ (صلی اللہ علیہ وآلہ وسلم) فتح مکہ والے سال رمضان میں مکہ کی طرف روانہ ہوئے انھوں نے روزے رکھے یہاں تک کہ آپ مقام کدید میں پہنچے پھر آپ نے افطار کردیا اور لوگوں نے بھی آپ کے ساتھ افطار کردیا صحابہ کرام آپ کے حکم میں سے جو نیا ہوتا اس کو اختیار کرنے والے تھے (کیونکہ وہ سابقہ کا ناسخ ہوتا)
تخریج : بخاری فی الصوم باب ٣٤‘ مسلم فی الصیام ٨٨‘ ابو داؤد باب ٤٣۔

٣١٤٧: مالک و ابن جریج دونوں نے کہا کہ ہمیں ابن شہاب نے اپنی اسناد سے اسی طرح روایت نقل کی ہے۔

٣١٤٨: منصور نے مجاہد سے انھوں نے ابن عباس (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح روایت کی ہے صرف یہاں کدید کی بجائے عسفان کا تذکرہ ہے۔

٣١٤٩: ابو داؤد نے شعبہ سے انھوں نے اپنی اسناد سے روایت کی ہے۔

٣١٥٠: منصور نے مجاہد سے انھوں نے ابن عباس (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح روایت نقل کی ہے۔

٣١٥١: عکرمہ نے ابن عباس (رض) سے نقل کیا کہ جناب رسول اللہ (صلی اللہ علیہ وآلہ وسلم) فتح مکہ والے سال رمضان میں مکہ کی طرف روانہ ہوئے اور کدید تک پہنچنے تک روزے رکھتے رہے آپ کو اطلاع ملی کہ لوگوں پر روزہ گراں ہوگیا ہے تو جناب رسول اللہ (صلی اللہ علیہ وآلہ وسلم) نے دودھ کا پیالہ منگوایا اور اس کو اپنے ہاتھ میں تھاما۔ یہاں تک کہ لوگوں نے دیکھ لیا آپ آپنی اونٹنی پر سوار تھے پھر اس کو پیا اور روزہ افطار کردیا پھر اس پیالے کو آپ کے ایک جانب شخص نے لے کر پی لیا۔

٣١٥٢: ابوالزبیر نے جابر (رض) سے روایت کی کہ جناب رسول اللہ (صلی اللہ علیہ وآلہ وسلم) رمضان میں سفر کیا آپ کے صحابہ میں سے ایک پر روزہ گراں ہوا اس کی اونٹنی اس کو لے کر درخت کے نیچے گھومنے لگی جناب رسول اللہ (صلی اللہ علیہ وآلہ وسلم) کو اس کی اطلاع ہوئی آپ نے ایک برتن منگوایا جب لوگوں نے آپ کے دست اقدس میں برتن دیکھا تو انھوں نے بھی افطار کردیا۔

٣١٥٣: جعفر بن محمد نے اپنے والد سے انھوں نے جابر (رض) سے روایت نقل کی ہے کہ جناب رسول اللہ (صلی اللہ علیہ وآلہ وسلم) فتح والے سال رمضان میں روانہ ہوئے آپ کراع غمیم کے مقام تک روزے سے رہے اور لوگ بھی روزہ رکھتے رہے آپ کو اطلاع ملی کہ روزہ لوگوں پر گراں ہوگیا ہے۔ وہ آپ کے فعل کے منتظر ہیں آپ نے پانی کا ایک پیالہ منگوایا اس وقت عصر کے بعد کا وقت تھا۔ آپ نے لوگوں کو دیکھتے ہوئے نوش فرما لیا۔ پھر آپ کو اطلاع ملی کہ کچھ لوگوں نے اس کے بعد بھی روزے رکھے ہیں تو آپ نے فرمایا : اولئک العصاۃ وہ نافرمان ہیں۔
تخریج : مسلم فی الصیام نمبر ٩٠۔

٣١٥٤: قزعہ کہتے ہیں کہ میں نے ابو سعید (رض) سے رمضان کے روزہ سے متعلق دریافت کیا کہ وہ سفر میں درست ہے یا نہیں تو وہ کہنے لگے ہم جناب رسول اللہ (صلی اللہ علیہ وآلہ وسلم) کے ساتھ فتح والے سال رمضان المبارک میں ہی مکہ کی طرف نکلے تھے جناب رسول اللہ (صلی اللہ علیہ وآلہ وسلم) بھی روزہ رکھتے رہے اور ہم بھی یہاں تک کہ ایک منزل پر پہنچے تو آپ نے فرمایا اب تم اپنے دشمن سے بالکل قریب پہنچ گئے ہو اس وقت افطار تمہارے لیے زیادہ قوت کا باعث ہے ہم نے اس حال میں صبح کی کہ بعض ہم میں سے روزہ رکھنے والے اور بعض افطار کرنے والے تھے پھر ہم چلتے رہے اور ایک پڑاؤ پر آپ نے فرمایا صبح تمہارا دشمن سے سامنا ہوگا اس لیے افطار زیادہ قوت کا باعث ہے پس تم افطار کر دو یہ جناب رسول اللہ (صلی اللہ علیہ وآلہ وسلم) کی طرف سے حتمی بات تھی۔
پھر اس کے بعد میں نے جناب رسول اللہ (صلی اللہ علیہ وآلہ وسلم) کے اپنے کو روزہ رکھتے اور افطار کرتے دونوں حالتوں میں پایا۔
تخریج : مسلم فی الصیام ١٠٢‘ ابو داؤد فی الصوم باب ٤٣۔

٣١٥٥: بکر بن عبداللہ سے روایت ہے کہ میں نے انس (رض) سے سنا کہ جناب رسول اللہ (صلی اللہ علیہ وآلہ وسلم) ایک سفر میں تھے اور آپ کے صحابہ بھی آپ کے ساتھ تھے ان پر روزہ گراں گزرا ہے جناب رسول اللہ (صلی اللہ علیہ وآلہ وسلم) نے ایک برتن منگوایا اور اس حال میں پانی پیا کہ آپ اپنی اونٹنی پر سوار تھے اور لوگ اس منظر کو دیکھ رہے تھے۔

٣١٥٦: ابوبکر بن عبدالرحمن نے اصحاب رسول اللہ (صلی اللہ علیہ وآلہ وسلم) میں سے ایک سے نقل کیا کہ میں نے جناب رسول اللہ (صلی اللہ علیہ وآلہ وسلم) کو مقام عرج میں دیکھا گرمی کا موسم تھا اور آپ اپنے سر مبارک پر پانی ڈال رہے تھے پیاس یا گرمی کی شدت سے آپ پانی ڈال رہے تھے پھر جب جناب رسول اللہ (صلی اللہ علیہ وآلہ وسلم) مقام کدید میں پہنچے تو آپ نے روزہ افطار کردیا۔

٣١٥٧: قزعہ بن یحییٰ نے ابو سعید خدری (رض) سے نقل کیا کہ ہم جناب رسول اللہ (صلی اللہ علیہ وآلہ وسلم) کے ساتھ جب (مکہ کی طرف) نکلے تو تیسری تاریخ رمضان المبارک کی تھی ہم روزہ کے ساتھ سفر کرتے رہے یہاں تک کہ مقام کدید میں پہنچے تو آپ (صلی اللہ علیہ وآلہ وسلم) نے ہمیں افطار کا حکم فرمایا اگلی صبح ہم میں بعض روزہ دار تھے اور بعض افطار کرنے والے تھے جب ہم مرالظہران میں پہنچ گئے تو آپ (صلی اللہ علیہ وآلہ وسلم) نے دشمن کا سامنا کرنے کی اطلاع دی اور ہمیں افطار کا حکم دیا۔ امام طحاوی (رح) فرماتے ہیں یہ روایات اس بات کو ثابت کرتی ہیں کہ سفر میں روزہ جائز ہے اور جناب نبی اکرم (صلی اللہ علیہ وآلہ وسلم) نے اس کو صحابہ کی دشواری کے پیش نظر چھوڑا۔ تو آپ ہی بتلایئے کہ کیا یہ کہنا درست ہے کہ یہ روزہ نیکی نہیں ہے یہ کہنا بالکل جائز نہیں روزہ نیکی ہے۔ لیکن افطار اس سے بڑی نیکی ہے جب کہ اس افطار سے مقصود دشمن سے مقابلہ کے لیے اپنے کو تیار کرنا ہو۔ چنانچہ اسی لیے رسول اللہ (صلی اللہ علیہ وآلہ وسلم) نے ان کو ارشاد فرمایا۔ لیس من البر الصیامر فی السفر۔ اس ارشاد کا یہی مفہوم ہے پھر اگر کوئی معترض یہ کہے کہ جناب رسول اللہ (صلی اللہ علیہ وآلہ وسلم) کا روزہ رکھنے کے بعد افطار کرنا اور صحابہ کو اس کا حکم کرنا وہ روزہ کہ جس سے آپ نے پہلے ان کو منع نہیں کیا تھا تو قطعی طور پر سفر میں روزہ کے حکم کو منسوخ کرنے والا ہے۔ تو اس کے جواب میں یہ کہا جائے گا کہ آپ کے پاس اپنی بات کی کیا دلیل ہے حالانکہ حضرت ابو سعید خدری والی روایت جس کو ہم پہلی فصل میں ذکر آئے اس میں یہ بات موجود ہے کہ وہ جناب نبی اکرم (صلی اللہ علیہ وآلہ وسلم) کے ساتھ سفر میں اس کے بعد بھی روزے رکھتے رہے ۔ تو اس روایت سے یہ دلالت مل گئی ۔ کہ سفر میں جناب رسول اللہ (صلی اللہ علیہ وآلہ وسلم) کے روزہ افطار کرنے کے بعد بھی روزہ مباح تھا اور ابن عباس (رض) جو اس افطار والی روایت کے روات میں سے ایک ہیں وہ بھی یہی بات فرماتے ہیں۔ روایت ملاحظہ ہو۔
تخریج : نمبر ٣١٥٥ کی تخریج ملاحظہ ہو۔
روایت میں نیکی سے کمال بر مراد لیا جائے گا اور کبھی افطار کرنا اس سے زیادہ نیکی بن جاتی ہے جبکہ دشمن سے مقابلہ ہو جیسا کہ آپ (صلی اللہ علیہ وآلہ وسلم) نے افطار کا حکم فرمایا اس موقعہ کے باوجود جنہوں نے روزہ رکھا تھا ان کو فرمایا لیس من البر الحدیث اور دوسرے ارشاد میں ان کو عصاۃ فرمایا موقعہ و محل کے اعتبار سے یہ روایت اپنے محل میں واضح ہے۔
ایک ضمنی اشکال :
آپ (صلی اللہ علیہ وآلہ وسلم) کا خود افطار کرنا اور صحابہ کرام کو افطار کا حکم دینا واضح کرتا ہے کہ سفر کے روزے کو یہ چیز مطلقاً منسوخ کرنے والی ہے۔
ازالہ :
تم اپنی بات کی دلیل پیش کرو حالانکہ حدیث ابو سعید (رض) میں اس کے خلاف موجود ہے کہ آپ اس کے بعد سفر میں روزہ رکھ بھی لیتے اور افطار بھی کرلیتے تھے اس روایت سے ثابت ہوا کہ یہ ناسخ نہیں بلکہ آپ کا عمل اس کا موضح ہے کہ باہمت کو روزہ رکھنا چاہیے اگر چھوڑے تب بھی مباح ہے اور یہ بات ابن عباس (رض) جو اس روایت کے راوی ہیں انھوں نے بھی کہی ہے۔
روایت ابن عباس (رض) ملاحظہ ہو۔
ان روایات سے یہ روزروشن کی طرح واضح ہوگیا کہ جناب رسول اللہ (صلی اللہ علیہ وآلہ وسلم) نے سفر میں روزہ رکھا بھی ہے اور صحابہ کرام کی خاطر اس کو افطار فرما دیا پس یہ کہنا درست نہیں کہ سفر میں روزہ نیکی ہی نہیں

٣١٥٨: طاؤس نے ابن عباس (رض) سے نقل کیا کہ اللہ تعالیٰ نے سفر میں افطار کا حکم دے کر تم پر آسانی فرمائی ہے۔ پس جس کو ہمت ہو وہ روزہ رکھے اور جس کو افطار میں آسانی ہو وہ افطار کرے۔

٣١٥٩: منصور نے مجاہد سے انھوں نے ابن عباس (رض) نقل کیا ہے کہ اگر چاہے تو روزہ رکھ لے اور اگر چاہے تو افطار کرے۔ یہ حضرت ابن عباس (رض) ہیں جنہوں نے جناب رسول اللہ (صلی اللہ علیہ وآلہ وسلم) کے سفر میں روزہ رکھنے کے بعد افطار کرلینے کو آئندہ سفر میں روزے کو ناسخ نہیں بنایا بلکہ اس کو سہولت کا حکم قرارد یا ہے۔ اگر کوئی شخص یہ اعتراض کرے کہ ابن عباس کی روایت جو عبداللہ بن عبداللہ نے ان سے نقل کی ہے اس کے یہ الفاظ : کا نوایا خذون بالا حدث فالاحدث من امررسول اللہ (صلی اللہ علیہ وآلہ وسلم) ۔ کہ صحابہ کرام جناب رسول اللہ (صلی اللہ علیہ وآلہ وسلم) کے نئے سے نئے حکم کو اختیار کرنے والے تھے۔ تو ان کے جواب میں یہ کہا جائے گا۔ واللہ اعلم کہ صحابہ کرام کو اس سے پہلے معلوم نہیں تھا کہ مسافر سفر میں افطار کرسکتا ہے جیسا کہ اس کو اقامت کی حالت میں روزہ کے ترک کی اجازت نہیں ہے اور حضر اور سفر کا حکم ان کے ہاں یکساں تھا ۔ یہاں تک کہ جناب رسول اللہ (صلی اللہ علیہ وآلہ وسلم) نے وہ نیا فعل کیا جس نے ان کے لیے سفر کے لیے افطار کو مباح کردیا پس ان نے اس حکم کو اس طور پر اختیار کیا کہ ان کے لیے افطار بھی مباح ہے اور ترک افطار بھی۔ حضرت ابن عباس کی روایت کا یہی معنیٰ ہے اور اس پر دوسری دلالت وہ ہے جس کو ہم نے پہلے بیان کردیا ہے اور ہم نے اس کے قریب قریب روایت حضرت انس بن مالک (رض) کی نبی اکرم (صلی اللہ علیہ وآلہ وسلم) سے نقل کر آئے ہیں جس کو ہم نے اور اسی کے قریب حضرت ابن عباس سے بھی منقول ہے پھر حضرت انس (رض) سے بھی اس مفہوم کی روایت آئی ہے جس کو ہم ابن عباس (رض) سے پہلے ذکر کر آئے ہیں۔
نوٹ : : ابن عباس (رض) نے تو جناب رسول اللہ (صلی اللہ علیہ وآلہ وسلم) کے افطار کو ناسخ قرار نہیں دیا بلکہ اس کو امت کی سہولت والی جانب قرار دیا ہے۔
اشکال :
ابن عباس (رض) کی اس روایت کا کیا معنی ہے کا نوایأخذون بالاحدث فالاحدث من امر رسول اللہ ا ؟ اس سے تو نسخ کا ثبوت مل رہا ہے۔
ازالہ :
اس کا مطلب یہ ہے کہ پہلے صحابہ کرام کو معلوم نہ تھا کہ مسافر کو حالت سفر میں افطار کی اجازت ہے جیسا کہ صحت کے ساتھ گھر میں موجود ہوتے ہوئے وہ افطار نہیں کرسکتا۔ حکم سفر و سفر اولاً برابر تھا یہاں تک کہ آپ (صلی اللہ علیہ وآلہ وسلم) نے افطار کو سفر میں مباح قرار دیا پس صحابہ کرام نے اسی کو اختیار کیا کہ سفر میں روزے رکھنا اور افطار کرنا مباح قرار دیا۔
ابن عباس (رض) کے اس قول کا یہی مطلب ہے اور اس پر خود ان کا وہ قول بھی دلالت کررہا ہے اور انس (رض) کی وہ روایت اور ابن عباس (رض) کی جناب رسول اللہ (صلی اللہ علیہ وآلہ وسلم) سے نقل کردہ روایت بھی دلالت کر رہی ہے۔ پھر انس (رض) نے خود یہی معنی اس قول کا بیان فرمایا ہے۔ روایت آگے ملاحظہ ہو۔

٣١٦٠: عاصم احول کہتے ہیں کہ میں نے انس (رض) سے سوال کیا کہ رمضان میں سفر کی حالت میں روزے کا کیا حکم ہے تو انھوں نے فرمایا روزہ افضل ہے۔

٣١٦١: حسن بن صالح نے عاصم سے انھوں نے انس (رض) سے نقل کیا کہ انھوں نے فرمایا اگر تم افطار کرو تو تیرے لیے رخصت ہے اور اگر وزہ رکھو تو روزہ افضل ہے۔

٣١٦٢: عاصم نے انس (رض) سے بیان کیا کہ اگر تم چاہو روزہ رکھو اور اگر چاہو تو افطار کرو مگر روزہ افضل ہے۔ ان روایات میں سے جن سے پہلے قول والوں نے سفر میں روزے کے متعلق اس روایت کو بھی پیش کیا کہ آپ (صلی اللہ علیہ وآلہ وسلم) نے فرمایا ان اللہ وضع عن المسافر الصیام کہ اللہ تعالیٰ نے مسافر سے روزے کو اٹھا لیا ہے انھوں نے اس سے استدلال کرتے ہوئے کہا کہ جب اللہ نے اس سے روزے کو اٹھا لیا اور اس نے اگر روزہ رکھ لیا تو اس نے صرف روزہ رکھا جو کہ اس پر فرض نہیں تھا پس وہ فرضی روزے کی جگہ کام نہیں دے گا۔ دوسرے علماء کی طرف سے ان کے جواب میں یہ کہا گیا کہ عین ممکن ہے کہ جس روزے کو اس سے ہٹا یا گیا وہ وہی روزہ ہو جس کو انہی دنوں میں رکھنا ضروری تھا جیسا کہ مقیم کے لیے ضروری ہے کہ وہ رمضان کے انہی دنوں میں روزے رکھے اور یہ روایت ہمارے اس مفہوم پر دلالت کر رہی ہے کیا ہم نہیں جانتے ہو کہ حاملہ اور مرضعہ سے بھی روزے کو اٹھا لیا گیا ہے تو جناب کیا فرماتے ہیں کہ اگر حاملہ اور مرضعہ رمضان المبارک کا روزہ رکھ لیں تو ان کے لیے کافی ہوجائے گا ؟ یا وہ ان لوگوں کی طرح نہیں ہوں گی کہ جس نے روزے کے لازم ہونے سے پہلے روزے کو رکھ لیا ۔ بلکہ مہینے کے داخل ہوتے ہی ان پر روزہ لازم ہوجاتا ہے۔ البتہ ضرورت کی وجہ سے ان کے لیے تاخیر کی اجازت دی گئی ۔ مسافر کا حال بھی اس سلسلے میں انہی کی طرح ہے اور اس معنیٰ پر اس اثر کو محمول کرنا زیادہ بہتر ہے تاکہ یہ اثر اس باب میں مذکورہ روایات کے خلاف نہ ہو اور پہلے قول والوں کے خلاف ایک اور دلیل بھی موجود ہے جس کو ہم بیان کرتے ہیں۔ وہ اس طرح کہ ہم یہ جانتے ہیں کہ صحابہ کرام رضوان اللہ علیہم اجمعین اس کے بعد بھی روزہ رکھتے رہے کہ جب آپ (صلی اللہ علیہ وآلہ وسلم) نے ان کے لیے سفر میں افطار کو مباح کردیا چنانچہ اس سلسلہ کی روایات ذیل میں درج کی جاتی ہیں۔
اشکال ثالث :
جناب رسول اللہ (صلی اللہ علیہ وآلہ وسلم) کا ارشاد ہے ان اللہ وضع عن المسافر الصیام۔
تخریج : ابو داؤد فی الصوم باب ٤٣‘ ترمذی فی الصوم باب ٢١‘ نسائی فی الصیام باب ٥٠‘ ابن ماجہ فی الصیام باب ١٢‘ مسند احمد ٤؍٣٤٧‘ ٥؍٢٩۔
جب اس روایت کے مطابق روزہ اس سے ہٹا لیا گیا جب وہ روزہ رکھے بھی تو وہ ایسا روزہ رکھ رہا ہے جو اس پر فرض نہیں۔ پس اس کا فرض سمجھ کر رکھنا جائز نہ ہوگا۔
ازالہ :
یہ عین ممکن ہے کہ یہ روزہ جو اس سے ہٹایا گیا وہ روزہ ہو جس کے رکھنے کے بغیر کوئی چارہ کار نہ ہو جیسا کہ مقیم صحیح کو روزہ کے بغیر چارہ کار نہیں اور خود اس روایت میں عن الحامل والمرضع کے الفاظ اس مفہوم کی تائید کرتے ہیں آپ غور کریں کہ حاملہ اور مرضعہ اگر رمضان کا روزہ رکھ لیں تو کفایت کر جائے گا وہ ان کی طرح ہرگز شمار نہ ہوں گی جو وجوب صوم سے پہلے روزہ رکھ لیں بلکہ ان کا وہی روزہ شمار ہوگا جو مہینہ کے داخل ہونے کی صورت میں ہوتا ہے یعنی فرض روزہ اور تاخیر کے لیے ان کے حق میں گنجائش رکھی گئی اور مسافر کو ان کی مثل قرار دیا گیا یہ تاویل اس بات سے بہتر ہے کہ روایات کو باہمی متضاد ماننا پڑے۔
سفر میں روزے کے مباح ہونے کے مزید دلائل ملاحظہ ہوں۔

٣١٦٣: عثمان بن حیان دمشقی نے ام الدرداء (رض) سے نقل کیا کہ ابوالدرداء (رض) فرماتے تھے ہم نے اپنے کو جناب رسول اللہ (صلی اللہ علیہ وآلہ وسلم) کی معیت میں ایک سخت گرم دن میں سفر میں پایا۔ گرمی اس قدر شدید تھی کہ لوگ سخت حرارت کی وجہ سے گرمی سے حفاظت کے لیے سروں پر ہاتھ رکھ رہے تھے اور ہم میں سے صرف جناب رسول اللہ (صلی اللہ علیہ وآلہ وسلم) اور عبداللہ بن رواحہ روزے سے تھے۔
تخریج : بخاری فی الصوم باب ٣٥‘ مسلم فی الصیام ١٠٨؍١٠٩۔

٣١٦٤: ابو نضرہ نے جابر (رض) سے نقل کیا کہ ہم جناب رسول اللہ (صلی اللہ علیہ وآلہ وسلم) کے ساتھ سفر میں تھے ہم میں سے بعض روزہ سے تھے اور بعض افطار کرنے والے تھے اور کوئی ایک دوسرے پر نکتہ چینی نہ کرتا تھا (کہ تو نے روزہ کیوں رکھا اور کیوں نہیں رکھا)
تخریج : مسلم فی الصیام ٩٧۔

٣١٦٥: ابو نضرہ نے ابو سعید الخدری (رض) سے روایت نقل کی ہے کہ ہم جناب رسول اللہ (صلی اللہ علیہ وآلہ وسلم) کے ساتھ ١٩ رمضان یا سترہ رمضان کو فتح مکہ کے دن موجود تھے بعض روزہ رکھنے والوں نے روزہ رکھا اور افطار کرنے والوں نے افطار کیا لیکن کسی نے ایک دوسرے کو عیب نہیں لگایا (روزہ رکھنے نہ رکھنے کا)
تخریج : مسلم فی الصیام ٩٣‘ ٩٤۔

٣١٦٦: سعید بن ابی عروبہ نے قتادہ سے نقل کیا پھر انھوں نے اپنی سند سے اسی طرح روایت نقل کی البتہ انھوں نے ١٢ رمضان بتلایا۔

٣١٦٧: ہشام بن ابو عبداللہ نے قتادہ سے نقل کیا پھر انھوں نے اپنی اسناد سے اسی طرح روایت نقل کی تاریخ ١٨ رمضان بتلائی۔

٣١٦٨: وہب نے ہشام سے پھر انھوں نے اپنی اسناد سے روایت اسی طرح نقل کی ہے۔