Al Tahawi

٤٦٣٤: ابو سلمہ نے حضرت ابوہریرہ (رض) سے روایت کی ہے کہ ایک آدمی عرض کرنے لگایا رسول اللہ (صلی اللہ علیہ وآلہ وسلم) ! میں نے رمضان (کے دن) میں اپنی بیوی سے جماع کیا ہے آپ (صلی اللہ علیہ وآلہ وسلم) نے فرمایا ایک گردن آزاد کر دو ۔ اس نے کہا یارسول اللہ (صلی اللہ علیہ وآلہ وسلم) ! میرے پاس نہیں ہے آپ نے فرمایا دو ماہ کے مسلسل روزے رکھو۔ اس نے کہا میں اس کی طاقت نہیں رکھتا۔ آپ (صلی اللہ علیہ وآلہ وسلم) نے فرمایا پھر ساٹھ مساکین کو کھانا کھلا دو ۔ اس نے کہا یارسول اللہ (صلی اللہ علیہ وآلہ وسلم) ! میں اس کی بھی طاقت نہیں رکھتا۔ راوی کہتے ہیں کہ جناب رسول اللہ (صلی اللہ علیہ وآلہ وسلم) کی خدمت میں ایک ٹوکرا لایا گیا جس میں پندرہ صاع کے برابر کھجوریں تھیں پس آپ نے فرمایا اس کو لے کر صدقہ کر دو ۔ اس نے کہا کیا اپنے اور اپنے گھر والوں سے زیادہ محتاج پر صدقہ کر دوں ؟ آپ نے فرمایا پھر تم اور تمہارے گھر والے ان کو کھالیں اور اس کی بجائے ایک دن کا روزہ رکھو اور اللہ تعالیٰ سے استغفار کرو۔ علماء کی ایک جماعت کا قول یہ ہے کہ کفارہ قسم میں ہر مسکین کے لیے ایک مد کھانا ہے کیونکہ اس روایت میں جناب رسول اللہ (صلی اللہ علیہ وآلہ وسلم) نے اس شخص کو حکم فرمایا کہ ساٹھ مساکین کو پندرہ صاع کھانا دے تو اس حساب سے ہر مسکین کو ایک ایک مد ملے گا اور صحابہ کرام کی ایک جماعت کفارہ قسم میں اسی بات کو اختیار کرنے والی ہے جو ہم نے ذکر کی ہے۔
تخریج : بخاری فی الصیام باب ٣٠‘ والہبۃ باب ١١‘ والنفقات باب ١٣‘ والکفارات باب ٢‘ ٤‘ مسلم فی الصوم ٨١‘ ابو داؤد فی الصوم باب ٣٧‘ ترمذی فی الصوم باب ٢٨‘ ابن ماجہ فی الصیام باب ١٤‘ مسند احمد ٢؍٢٤١۔
امام طحاوی (رح) کا قول : علماء کی ایک جماعت کا قول یہ ہے کہ کفارہ قسم میں ہر مسکین کے لیے ایک مد کھانا ہے کیونکہ اس روایت میں جناب رسول اللہ (صلی اللہ علیہ وآلہ وسلم) نے اس شخص کو حکم فرمایا کہ ساٹھ مساکین کو پندرہ صاع کھانا دے تو اس حساب سے ہر مسکین کو ایک ایک مد ملے گا اور صحابہ کرام کی ایک جماعت کفارہ قسم میں اسی بات کو اختیار کرنے والی ہے جو ہم نے ذکر کی ہے۔
لغات : کفارات جمع کفارہ۔ یہ گناہ گار کے گناہ کو ڈھانپ لیتا ہے اس لیے اس کو کفارہ کہتے ہیں اس کے متعلق علماء کے مندرجہ ذیل مؤقف ہیں۔
فریق اوّل : ہر مسکین کو ایک مد غلہ وغیرہ دیا جائے گا اس کی دلیل یہ روایت ہے جو آئندہ سطور میں مذکور ہے۔

٤٦٣٥: ابو جعفر مولیٰ ابن عباس (رض) نے ابن عباس (رض) سے روایت کی ہے کہ وہ فرمایا کرتے تھے کفارات قسم میں دس مساکین کو کھانا کھلانا ہے۔ ہر مسکین کو ایک مد بیضاء دیا جائے گا۔
لغات : مد بیضاء۔ بڑے مد کا نام ہے۔

٤٦٣٦: عکرمہ نے ابن عباس (رض) سے اسی طرح کی روایت کی ہے۔

٤٦٣٧: نافع نے ابن عمر (رض) سے روایت کی ہے کہ جب وہ اپنی قسم کا کفارہ دیتے تو دس مساکین کو مد اصغر سے کھانا کھلاتے اور ان کا خیال یہ تھا کہ یہ ان کے ہاں کفایت کرنے والا ہے۔
لغات : مد اصغر۔ چھوٹا مد۔

٤٦٣٨: نافع نے ابن عمر (رض) سے روایت کی کہ وہ کہا کرتے تھے جس نے قسم اٹھائی پھر اس کو موکد کیا پھر قسم توڑ دی تو اس پر ایک گردن کا آزاد کرنا لازم ہے یا دس مساکین کے کپڑے۔ جس نے قسم اٹھائی مگر اس کو موکد نہ کیا پھر اس کو توڑا تو اس کے ذمہ دس مساکین کو کھانا کھلانا ہے۔ ہر مسکین کو ایک مد گندم کا ادا کرے۔
تخریج : مالک فی النذور ١٢‘ ١٣۔

٤٦٣٩: ابو سلمہ نے زید بن ثابت (رض) سے روایت کی ہے کہ کفارہ قسم میں ہر مسکین کے لیے گندم کا ایک مد کفایت کرنے والا ہے۔

٤٦٤٠: خلیل بن مرہ نے یحییٰ بن کثیر سے روایت کی پھر اپنی اسناد سے اسی طرح بیان کی ہے۔ دیگر حضرات نے اس میں ان کی مخالفت کی ہے اور کہا ہے کفارہ قسم میں ہر مسکین کو دو مد (گندم) دے اور کھجور اور جو سے مکمل صاع دیا جائے۔ عین ممکن ہے کہ جب جناب نبی اکرم (صلی اللہ علیہ وآلہ وسلم) کو اس آدمی کی محتاجی کا علم ہوا تو آپ نے جتنی کھجوریں تھیں اس کو دے دیں تاکہ ان سے اپنے ذمہ جو چیز لازم ہوئی اس کو ادا کرے۔ یہ مطلب نہیں ہے کہ اس کے ذمہ یہی واجب تھا جیسا کوئی آدمی کسی کو اپنی تنگدستی بتلائے اور قرض بیان کرے تو وہ یہی کہتا ہے یہ دس درہم تو لو اور اس سے اپنا قرض ادا کرو۔ یہ اس طور پر نہیں کہ اس کے سارے قرضہ کی ادائیگی کے لیے یہی کافی ہے بلکہ اس کے قرض میں سے ایک مقدار کی ادائیگی ہے اور جناب رسول اللہ (صلی اللہ علیہ وآلہ وسلم) سے کفارات میں جس قدر طعام لازم ہوتا ہے اس کی مقدار سے متعلق روایات وارد ہیں وہ حالت احرام میں تکلیف کی وجہ سے جو آدمی اپنے بال منڈوائے تو اس میں ہر مسکین کے لیے گندم کے دو مد مقرر کئے گئے ہیں۔ روایات ملاحظہ ہوں۔
فریق ثانی کا مؤقف : کفارہ قسم میں ہر مسکین کو دو مد (گندم) کھلائے اور کھجور اور جو سے مکمل صاع دیا جائے۔
فریق اوّل کے مؤقف کا جواب : عین ممکن ہے کہ جب جناب نبی اکرم (صلی اللہ علیہ وآلہ وسلم) کو اس آدمی کی محتاجی کا علم ہوا تو آپ نے جتنی کھجوریں تھیں اس کو دے دیں تاکہ ان سے اپنے ذمہ جو چیا لازم ہوئی اس کو ادا کرے۔ یہ مطلب نہیں ہے کہ اس کے ذمہ یہی واجب تھا جیسا کوئی آدمی کسی کو اپنی تنگدستی بتلائے اور قرض بیان کرے تو وہ یہی کہتا ہے یہ دس درہم تو لو اور اس سے اپنا قرض ادا کرو۔ یہ اس طور پر نہیں کہ اس کے سارے قرضہ کی ادائیگی کے لیے یہی کافی ہے بلکہ اس کے قرض میں سے ایک مقدار کی ادائیگی ہے اور جناب رسول اللہ (صلی اللہ علیہ وآلہ وسلم) کفارات میں جس قدر طعام لازم ہوتا ہے اس کی مقدار سے متعلق روایات وارد ہیں وہ حالت احرام میں تکلیف کی وجہ سے جو آدمی اپنے بال منڈوائے تو اس میں ہر مسکین کے لیے گندم کے دو مد مقرر کئے گئے ہیں۔
روایات ملاحظہ ہوں۔

٤٦٤١: عبدالرحمن بن الاصبہانی کہتے ہیں کہ میں نے عبداللہ بن مغفل (رض) سے سنا کہ وہ فرماتے تھے میں کعب بن عجرہ (رض) کے ساتھ مسجد میں بیٹھا تھا تو میں نے ان سے اس آیت کے متعلق سوال کیا ففدیۃ من صیام او صدقۃ او نسک “ (البقرہ ١٩٦) وہ کہنے لگے میرے بارے میں اتری۔ مجھے جناب رسول اللہ (صلی اللہ علیہ وآلہ وسلم) کی خدمت میں سوار کر کے لے جایا گیا میرا حال یہ تھا کہ جوئیں میرے چہرے پر بکھری جا رہی تھیں آپ (صلی اللہ علیہ وآلہ وسلم) نے فرمایا۔ میرا گمان نہ تھا کہ تکلیف تمہیں اس حالت تک پہنچائے گی اور اس حالت تک پہنچائے گی جو میں دیکھ رہا ہوں۔ یہ آیت خاص میرے بارے میں اتری اور اس کا حکم تمہارے لیے عام ہے پس جناب رسول اللہ (صلی اللہ علیہ وآلہ وسلم) نے مجھے حکم فرمایا کہ میں سر منڈوا دوں اور ایک دم بطور قربانی دوں اور تین دن کے روزے رکھوں یا چھ مساکین کو کھانا کھلا دوں ہر مسکین کو نصف صاع گندم دوں۔
تخریج : بخاری فی المحہر باب ٧‘ والمغازی باب ٣٥‘ تفسیر سورة ٢‘ باب ٢٢‘ والطب باب ١٦‘ مسلم فی الحج ٨٠؍٨٥‘ ترمذی فی تفسیر سورة ٢‘ باب ٢١‘ ابن ماجہ فی المناسک باب ٨٦‘ مسند احمد ٤؍٢٤٢۔

٤٦٤٢: عبداللہ بن مغفل نے کعب بن عجرہ (رض) سے انھوں نے جناب نبی اکرم (صلی اللہ علیہ وآلہ وسلم) سے اسی طرح کی روایت کی ہے البتہ اس میں یہ الفاظ مختلف ہیں۔ اطعم فرقا فی ستۃ مساکین

٤٦٤٣: عامر شعبی نے کعب بن عجرہ سے اسی طرح کی روایت کی ہے صرف یہ الفاظ مختلف ہیں۔ کل مسکین ‘ نصف صاع من تمر “