٢٦٦٨: عیینہ بن عبدالرحمن نے اپنے والد سے روایت کی ہے کہ ہم ایک جنازہ میں تھے جو کہ عبدالرحمن بن سمرہ یا عثمان بن ابی العاص کا تھا اور وہ لوگ جنازہ لے کر نرم رفتار سے جا رہے تھے تو ابو بکرہ نے ان کو بلند آواز سے ڈانٹا اور کہا کہ ہم نے تو جناب نبی اکرم (صلی اللہ علیہ وآلہ وسلم) کے ساتھ جنازے میں چلتے ہوئے رمل کی کیفیت سے چلتے تھے (کندھوں کو ہلاتے ہوئے دوڑتے تھے)
تخریج : ابو داؤد فی الجنائز باب ٤٦‘ نمبر ٣١٨٢‘ نسائی فی الجنائز باب ٤٦۔
جنازہ قبرستان کی طرف کس رفتار سے لے جایا جائے ؟
نمبر 1: امام ابوحنیفہ (رح) اور ابو یوسف (رح) و محمد (رح) کے ہاں تیز چلا جائے مگر دوڑ سے احتراز کیا جائے۔
نمبر 2: ائمہ ثلاثہ اور جمہور کے ہاں جنازہ میانہ رفتار اور نرم گام سے لے جایا جائے۔
فریق اوّل کا مؤقف اور دلائل : قبرستان کی طرف میت کو لے جاتے ہوئے حتی الامکان تیزی اختیار کی جائے مگر دوڑ سے بچا جائے تاکہ زیادہ حرکت سے پیٹ سے نجاست نہ خارج ہوجائے۔
دلیل یہ روایات ہیں۔
(کتاب الجنائز میں ١٢ باب اور ٢١٤ روایات و آثار ھیں)

٢٦٦٩: ابن ابی الزناد نے اپنے والد سے نقل کیا کہ میں عبداللہ بن جعفر کے ساتھ بقیع میں بیٹھا تھا کہ ایک جنازہ سامنے آیا عبداللہ ہماری طرف متوجہ ہوئے وہ ان لوگوں کے چلنے پر متعجب تھے کہنے لگے لوگوں کی حالت کے بدلنے پر تعجب ہے یہ تو تیز دوڑ تھی اور آدمی دوسرے کو دور کرتے ہوئے کہتا اے عبداللہ اللہ سے ڈر۔ اللہ کی قسم ! تو تو اس طرح ہے گویا کسی سے دوڑ لگا رکھی ہے۔
تخریج : المستدرک ١؍٥٠٧۔

٢٦٧٠: ابو امامہ سہل بن حنیف نے ابوہریرہ (رض) سے نقل کیا کہ میں نے جناب رسول اللہ (صلی اللہ علیہ وآلہ وسلم) کو فرماتے سنا جنازے کو تیز لے چلو پس اگر وہ نیک ہے تو تم اسے خیر کے قریب کرنے والے بنو گے اور اگر وہ برا ہے تو تم شر کو اپنے کندھوں سے اتارنے والے ہو گے۔
تخریج : بخاری فی الجنائز باب ٥١‘ مسلم فی الجنائز ٥٠‘ ٥١‘ ابو داؤد فی الجنائز باب ٤٦‘ نسائی فی الاجنائز باب ٤٤‘ ابن ماجہ فی الجنائز باب ١٥‘ موطا مالک فی الجنائز ٥٨‘ مسند احمد ٢؍٢٤٠‘ ٤٨٨۔

٢٦٧١‘ سعید بن المسیّب نے ابوہریرہ (رض) انھوں نے جناب نبی اکرم (صلی اللہ علیہ وآلہ وسلم) سے اسی طرح روایت نقل کی ہے۔

٢٦٧٢: سعید بن المسیّب نے ابوہریرہ (رض) انھوں نے نبی اکرم (صلی اللہ علیہ وآلہ وسلم) سے اسی طرح روایت نقل کی ہے۔

٢٦٧٣: عبدالرحمن بن مہران نے ابوہریرہ (رض) سے روایت نقل کی ہے جبکہ ان کی وفات کا وقت آیا تو فرمانے لگے مجھے جلد دفن کے لیے لے جانا جناب رسول اللہ (صلی اللہ علیہ وآلہ وسلم) نے فرمایا جب نیک آدمی کو چار پائی پر رکھ دیا جاتا ہے تو وہ کہتا ہے مجھے آگے بھیجو ‘ آگے بھیجو۔ اور جب برے آدمی کو چارپائی پر رکھا جاتا ہے تو وہ کہتا ہے ہائے میری ہلاکت ! تم مجھے کہاں لے جا رہے ہو۔ امام طحاوی (رح) فرماتے ہیں کہ بعض علماء نے کہا کہ جنازہ کے ساتھ جلدی چلنا آہستہ چلنے سے افضل ہے۔ انھوں مندرجہ بالا آثار سے دلیل لی ہے۔ دیگر علماء نے ان کی بات سے اختلاف کرتے ہوتے کہا کہ مناسب رفتار سے چلنا زیادہ افضل ہے۔
تخریج : بخاری فی الاجنائز باب ٥١‘ ٥٣‘ نسائی فی الجنائز باب ٤٤‘ مسند احمد ٢؍٢٩٢۔
حاصل روایات : ان روایات سے ظاہر ہو رہا ہے کہ جنازے کو جلد لے جانے کا اہتمام کرنا چاہیے تاکہ نیک کو اس کے ٹھکانے تک پہنچایا جائے اور برے کو اپنے کندھوں سے اتارا جائے۔
لغات : انتھز۔ ڈانٹنا۔ جمز۔ تیز دوڑنا۔ رمل ۔ کندھے ہلا کر دوڑنا۔
فریق ثانی کا مؤقف مع دلائل : جنازے کو آرام سے نرمی کے ساتھ لے کر چلنا چاہیے دلیل یہ روایات ہیں۔

٢٦٧٤: لبث بن ابو سلیم کہتے ہیں کہ میں نے ابو بردہ (رض) کو بیان کرتے سنا کہ نبی اکرم (صلی اللہ علیہ وآلہ وسلم) کے پاس سے ایک جنازہ گزرا وہ اسے تیز تیز لے جا رہے تھے آپ نے فرمایا تمہیں سکون اختیار کرنا چاہیے۔ ہمارے نزدیک اس روایات میں پہلے قول والوں کے خلاف کوئی دلیل نہیں کیونکہ عین ممکن ہے۔ ان کی چال میں ایسی تیزی ہو جو احادیث سابقہ میں مامور ہے تیزی سے تجاوز کرنے والی ۔ پس اس پر ہم غور کرتے ہیں کہ آیا کوئی دلالت اس کے متعلق مل جاتی ہے جو ان میں سے کوئی بات کی طرف راہمنائی کرے چنانچہ عبداللہ بن محمد بصری کی روایت مل گئی۔
تخریج : ابن ماجہ فی الجنائز ١٥‘ نمبر ١٤٧٩‘ مسند احمد ٤؍٤٠٦۔
فریق اوّل کی طرف سے روایت کا جواب :
یہ روایت فریق ثانی کے حق میں فریق اوّل کے خلاف دلیل نہیں بن سکتی کیونکہ اس میں زیادہ تیز رفتاری جس میں وہ مبتلا تھے اس سے روکا گیا ہے اس سے میت مشک کی طرح اچھل رہی تھی جس سے اس کے پیٹ کے اندر سے کسی نجاست کے نکلنے کا خدشہ تھا جس کی وجہ سے جناب رسول اللہ (صلی اللہ علیہ وآلہ وسلم) نے ایسی تیزی سے روک دیا البتہ پہلی روایات میں مناسب انداز والی تیزی کا تذکرہ ہے اور دوڑ کی ممانعت ہے۔ گویا روایت میں تیز چلنے کی مطلقاً نفی نہیں ہے پس ان کا یہ مستدل نہ بنے گی ابو بردہ (رض) کی روایت سے بھی اس کی تصدیق ہوتی ہے علیکم بالقصد کہ تیز چلنے میں اعتدال برتنا چاہیے۔

٢٦٧٥ : اس روایت میں یہ بات موجود ہے کہ اس تیزی کی وجہ سے میت چارپائی پر اس طرح حرکت کرتی تھی جس طرح مشکیزہ حرکت کرتا ہے۔ تو اس میں اس بات کا احتمال ہے کہ ان کو میانہ روی کی تعلیم دی گئی ہو ۔ کہ اس طرح کی تیزی سے میت کو کوئی معاملہ پیش آسکتا ہے۔ پس آپ نے ان کو اس بات سے روک دیا ۔ پس سابقہ روایات میں جس تیزی کا حکم ہے وہ اس کے بالمقابل اعتدال والی ہے۔ اب ہم یہ غور کرتے ہیں کہ آیا اس مفہوم پر دلالت کرنے والی روایت بھی موجود ہے۔ چنانچہ روایت مل گئی۔
اب ہم ایسی روایت تلاش کرتے ہیں جو اس بات کی تصدیق کرے چنانچہ ملاحظہ ہو۔

٢٦٧٦: ابو ماجد نے ابن مسعود (رض) نے نقل کیا کہ ہم نے جناب رسول اللہ (صلی اللہ علیہ وآلہ وسلم) سے جنازہ کے ساتھ چلنے کے متعلق دریافت کیا تو آپ نے فرمایا کہ ہلکی دوڑ سے کم ہو اگر وہ مؤمن صالح ہے تو جس کی طرف اسے لے جاتے ہیں وہ خیر ہے اور اگر وہ کافر ہے تو اہل نار کے لیے ہلاکت ہے۔ تو جناب رسول اللہ (صلی اللہ علیہ وآلہ وسلم) نے اس روایت میں بتلایا کہ جناے اس قدر تیزی سے لے جائیں کہ دوڑنے سے تو کم رفتار ہے۔ پس ہمارے نزدیک یہ رفتار اس سے کم درجہ ہے جس کا مذکورہ حضرت ابو موسیٰ (رض) کی روایت میں گزرا۔ یہاں تک جناب رسول اللہ (صلی اللہ علیہ وآلہ وسلم) نے ان کو وہ حکم فرمایا جس کا اس روایت میں مذکور ہے۔ چنانچہ امام ابوحنیفہ ‘ ابو یوسف ومحمد رحمہم اللہ کا یہی قول ہے۔
تخریج : ترمذی ١؍١٩٦‘ ابن ماجہ ١؍١٠٦۔
حاصل روایات : اس روایت میں آپ نے خبر دے دی کہ جنازے کو تیز لے کر تو چلنا چاہیے مگر وہ خبب یعنی ہلکی دوڑ سے کم ہو۔
ہمارے ہاں بھی یہی ہے اس طرح نہیں جیسا ابو موسیٰ (رض) کی روایت میں موجود ہے یہاں تک کہ جناب رسول اللہ (صلی اللہ علیہ وآلہ وسلم) نے ان کو ایسی تیزی سے روک دیا تو وہ تیزی جو روایت ابوہریرہ (رض) میں ہے وہی مطلوب ہے۔
اور ہمارے ائمہ ابوحنیفہ ‘ ابو یوسف ‘ محمد رحمہم اللہ کا یہی قول ہے۔
لغات : المخض۔ زور سے حرکت دینا۔ الزق۔ مشک۔ اقصد۔ میانہ روی۔ بعد۔ ہلاکت و دوری۔
یہ باب بھی نظر طحاوی (رح) سے خالی ہے اور اس میں اپنے انداز کے خلاف فریق راجح کو پہلے ذکر کیا اور پھر دوسرے فریق مرجوح کو ذکر کر کے فریق اوّل کی طرف سے جواب دیا اور آخر میں راجح قول کی تائید ایک قولی روایت سے کی ہے۔

٢٦٧٧: سالم نے عبداللہ (رض) سے نقل کیا کہ میں نے جناب رسول اللہ (صلی اللہ علیہ وآلہ وسلم) اور ابوبکر و عمر ] ا کو جنازے سے آگے آگے چلتے دیکھا۔
تخریج : ابو داؤد فی الجنائز باب ٤٥‘ نمبر ٣١٧٩‘ ترمذی فی الجنائز باب ٢٦‘ نمبر ١٠٠٧‘ ابن ماجہ فی الاجنائز باب ١٦‘ نمبر ١٤٨٢‘ مسند احمد ٢؍٨‘ ١٢٢۔
جنازے سے آگے چلنا چاہیے یا پیچھے جائز تو ہر دو طرح ہے۔ افضلیت میں اختلاف ہے۔
نمبر 1: امام مالک ‘ شافعی ‘ احمد اور جمہور آگے چلنے کو افضل قرار دیتے ہیں۔
نمبر 2: ائمہ احناف جنازے کے پیچھے چلنے کو افضل گردانتے ہیں۔
فریق اوّل کا مؤقف اور مستدل روایات : جنازے سے آگے چلنا افضل ہے دلائل یہ ہیں۔

٢٦٧٨: سالم عبداللہ بن عمر (رض) کے متعلق نقل کرتے ہیں کہ وہ جنازہ سے آگے آگے چلتے اور کہتے کہ جناب رسول اللہ (صلی اللہ علیہ وآلہ وسلم) ایسا ہی کرتے تھے اور ابوبکر و عمرو عثمان ] اسی طرح کرتے تھے۔

٢٦٧٩: ابن شہاب نے سالم سے نقل کیا پھر انھوں نے اسی طرح کی روایت نقل کی ہے۔

٢٦٨٠: لیث بن سعد نے عقیل بن خالد سے پھر انھوں نے اسی طرح روایت نقل کی ہے۔

٢٦٨١: ابن شہاب نے سالم سے انھوں نے ابن عمر (رض) کے متعلق نقل کیا کہ وہ جنازہ سے آگے آگے چلتے تھے اور جناب رسول اللہ (صلی اللہ علیہ وآلہ وسلم) جنازہ سے آگے چلتے اور ابوبکر و عمرو عثمان ] بھی جنازہ سے آگے چلتے۔ جنازوں کے ساتھ چلنے کا یہی طریقہ ہے۔
تخریج : نسائی فی الجنائز باب ٥٨‘ موطا فی الجنائز نمبر ٨‘ ابو داؤد فی الجنائز باب ٤٥‘ ترمذی فی الجنائز باب ٢٦‘ نمبر ١٠٠٨۔

٢٦٨٢: ابن مرزوق کہتے ہیں ہمیں قعنبی نے انھوں نے مالک سے روایت نقل کی۔

٢٦٨٣: ابن شہاب کہتے ہیں کہ جناب رسول اللہ (صلی اللہ علیہ وآلہ وسلم) جنازہ سے آگے چلتے ابن عمر (رض) اور خلفاء موجودہ کی یہی کیفیت ہے۔ حضرت امام طحاوی (رح) فرماتے ہیں کہ علماء کی ایک جماعت کا کہنا یہ ہے کہ جنازے کے آگے چلنا اس کے پیچھے چلنے سے افضل ہے انھوں نے ان روایات سے استدلال کیا ہے۔ لیکن دوسرے علماء کہتے ہیں کہ آگے کی بجائے پیچھے چلنا زیادہ افضل ہے۔ اول قول والوں کے خلاف ان کی دلیل پر ابن عیینہ والی روایت ہے جس کو ہم شروع باب میں ذکر کر آئے اور اس کو زھری نے بھی حضرت عبداللہ (رض) سے روایت کیا ہے کہ میں جناب رسول اللہ (صلی اللہ علیہ وآلہ وسلم) اور ابوبکر وعمر (رض) اللہ عنہما کو جنازے کے آگے چلتے دیکھا ہے۔ تو اس میں ابن عمر (رض) نے جناب رسول اللہ (صلی اللہ علیہ وآلہ وسلم) ‘ ابوبکر ‘ عمر ‘ عثمان ] کے افعال کی خبر دی ہے۔ عین ممکن ہے کہ ان حضرات نے یہ عمل بیان جواز کے لیے کیا ہو ‘ جب کہ ان کے نزدیک دوسرا عمل افضل ہو اور یہ عمل امت کی آسانی کے لیے ہو جس طرح جناب رسول اللہ (صلی اللہ علیہ وآلہ وسلم) نے اعضائے وضو کو ایک ایک مرتبہ دھویا ۔ حالانکہ دو دو مرتبہ اعضاء وضو کا دھونا اس سے افضل ہے اور تین تین مرتبہ دھونا ان تمام سے افضل ہے۔ مگر آپ نے یہ عمل امت پر سہولت کے لیے کیا۔ دوسری بات یہ ہے کہ کہ ابن عیینہ نے زھری کے تمام شاگردوں کے خلاف روایت نقل کی ہے۔ مالک نے زھری سے نقل کیا کہ جناب رسول اللہ (صلی اللہ علیہ وآلہ وسلم) چنازے کے آگے چلتے ‘ تو انھوں نے منقطع روایت ذکر کی پھر اس کو عقیل ‘ یونس نے ابن شھاب سے انھوں نے سالم سے نقل کیا کہ جناب رسول اللہ (صلی اللہ علیہ وآلہ وسلم) اور ابوبکر و عمرو عثمان ] جنازے کے آگے آگے چلتے تھے۔ اس روایت کا یہ مفہوم ہے اگرچہ الفاظ روایت کی نقل کی ہے کہ ابن عمر (رض) جنازے کے آگے چلتے تھے اور جناب رسول اللہ (صلی اللہ علیہ وآلہ وسلم) اور ابوبکر ‘ عمرو عثمان ] اسی طرح کرتے تھے۔ پس اس روایت میں یہ تمام کلام سالم کا قول ہے نہ کہ ابن عمر (رض) ۔ پس یہ منقطع روایت ہے۔ اور روایت یحییٰ میں جو انھوں نے عقیل سے نقل کی ہے یہ الفاظ زائد ہیں ” فکذالک السنۃ فی اتباع الجنازہ “ یہ عقیل کی اس روایت پر اضافہ ہے جو اس سے لیث وسلامہ سے نقل کی ہے۔ اسی طرح روایت میں کوئی دلیل نہیں کیونکہ یہ سالم یا زھری کا کلام بنتا ہے اور ابن عمر (رض) کی روایت ہم عنقریب نقل کریں گے۔ پہلے قول والوں نے کہا کہ صحابہ کرام کی ایک جماعت کے متعلق منقول ہے کہ وہ جنازے کے آگے آگے چلتے تھے ۔ روایات ذیل میں ہیں۔
حاصل روایات : ان روایات سے جنازے سے آگے چلنا ثابت ہوتا ہے معلوم ہوتا ہے کہ یہ فعل افضل ہے۔
مؤقف فریق ثانی و دلائل و جوابات :
جنازے کے پیچھے چلنا افضل ہے جیسا کہ ہم روایات نقل کریں گے پہلے سابقہ روایات کے جوابات ملاحظہ ہوں۔
جواب نمبر :
حدیث ابن عیینہ جو کہ تم ابتداء باب میں نقل کی ہے اس میں ابن عمر (رض) نے صرف جناب رسول اللہ (صلی اللہ علیہ وآلہ وسلم) اور ابوبکر و عمر ] کو جنازے سے آگے چلتے دیکھا اس سے تو زیادہ سے زیادہ بیان جواز ثابت ہوسکتا ہے افضلیت ثابت نہیں ہوتی یہ عمل انھوں نے توسع کے لیے کیا جیسا کہ آپ نے ایک ایک مرتبہ وضو فرمایا حالانکہ عادت مبارکہ تین تین مرتبہ کرنے کی تھی تو گویا توسع کے لیے کیا۔
جواب نمبر ٢ قد خالف ابن عیینہ :
اس روایت میں ابن عیینہ نے زہری کے تمام شاگردوں کی مخالفت کی ہے نمبر ایک امام مالک (رح) نے زہری سے نقل کیا کہ جناب رسول اللہ (صلی اللہ علیہ وآلہ وسلم) جنازہ سے آگے چلتے تھے پھر آپ نے یہ سلسلہ منقطع کردیا۔
نمبر 2: عقیل و یونس نے زہری عن سالم یہ نقل کیا جناب رسول اللہ (صلی اللہ علیہ وآلہ وسلم) اور ابوبکر و عمرو عثمان ] جنازے سے آگے چلا کرتے تھے۔ اگرچہ یہ لفظ تو نہیں مگر مفہوم یہی ہے کیونکہ ان کی اصل روایت تو سالم پر موقوف ہے تو اس روایت میں یہ تمام سالم کا کلام ہے ابن عمر (رض) کا بھی نہیں اس لحاظ سے یہ منقطع بن گئی یحییٰ بن ایوب نے عقیل سے یہ نقل کیا کہ اتباع جنائز میں سنت یہی ہے۔ یہ الفاظ : لیث وسلامہ عن عقیل کی روایت پر اضافہ ہے حاصل یہ ہے کہ یہ روایت زیادہ سالم یا زہری کا کلام بنتا ہے۔ جناب رسول اللہ (صلی اللہ علیہ وآلہ وسلم) کا قول نہ بنا تو دلیل نہ بن سکی اور ابن عمر (رض) کا عمل اس کے خلاف ہم فریق ثانی کے دلائل میں ذکر کریں گے۔ ان شاء اللہ۔
اشکال و دلیل فریق اوّل :
بہت سے صحابہ کرام (رض) کے متعلق روایات وارد ہیں کہ وہ جنازہ سے آگے چلا کرتے تھے۔ روایات ملاحظہ ہوں۔

٢٦٨٤: ربیعہ بن ہدیر کہتے ہیں کہ میں نے ابن خطاب (رض) کو زینب (رض) کے جنازے میں لوگوں سے آگے چلتے دیکھا۔

٢٦٨٥: مالک نے ابن المنکدر سے انھوں نے اپنی سند سے اسی طرح روایت نقل ہے۔

٢٦٨٦: عبدالاعلی کہتے ہیں کہ میں نے سعید بن جبیر سے جنازہ سے آگے چلنے کے متعلق سوال کیا تو انھوں نے کہا میں نے ابن عباس (رض) کو جنازے سے آگے چلتے دیکھا۔

٢٦٨٧: عبیداللہ بن مغیرہ کہتے ہیں کہ ابو راشد مولی معیقیب بن ابی فاطمہ نے بتلایا کہ میں نے عثمان بن عفان (رض) اور طلحہ بن عبیداللہ ‘ زبیر بن العوام ] کو جنازے کے آگے چلتا دیکھا۔
حاصل روایات : ان روایات سے ثابت ہوا کہ جنازے سے آگے چلنا پیچھے چلنے سے افضل ہے اسی طرح دیگر صحابہ کرام کا عمل بھی مذکور ہے۔

٢٦٨٨: مولی التوأمہ بیان کرتے ہیں کہ میں نے ابوہریرہ (رض) ‘ ابن عمر ‘ ابو اسید ساعدی ‘ ابو قتادہ ] کو جنازہ سے آگے چلتے دیکھا۔ انھوں نے کہ اس سے یہ دلالت مل گئی کہ جنازے سے آگے چلنا پیچھے چلنے سے افضل ہے۔ ان کے جواب میں یہ کہا جائے گا ۔ اس میں تو تمہاری مذکورہ بات پر کوئی دلالت نہیں ہے۔ پس اتنی بات ہے کہ اس سے جنازے کے آگے چلنا مباح ثابت ہوگیا ۔ جس کا ان کے مخالفین انکار نہیں کرتے۔ اس لیے کہ اختلاف تمہارے اور ان کا افضلیت میں ہے کہ آگے چلنا یا پیچھے چلنا افضل ہے۔ پس اگر تمہارے پاس کوئی جنازے سے آگے چلنے کی افضلیت کو ظاہر کرتا ہے تو پھر آگے چلنا افضل ہو ۔ ورنہ تو ان کا ” قولہ الا الآن ‘ ‘ ورنہ یہ تمہارے قول کے برابر ہے۔ اگر وہ اس روایت کو دلیل میں پیش کریں ۔

٢٦٨٩: ابن شہاب کہتے ہیں جنازے کے پیچھے چلنا سنت نہیں ہے۔ ابن شہاب کے اس قول سے معلوم ہوا کہ جب پیچھے چلنا سنت نہیں تو خلاف سنت ہے یہ تو ابن شہاب زہری کا قول ہے جو کہ نہ اثر صحابی ہے نہ قول رسول ہے پس فریق ثانی کے اپنے قول کے برابر ہے جس کو ان کے خلاف حجت میں پیش نہیں کرسکتے۔ ہم تو جنازے کے پیچھے چلنے کا سنت ہونا عمل رسول اللہ (صلی اللہ علیہ وآلہ وسلم) اور عمل صحابہ (رض) سے ثابت کرتے ہیں۔ روایت یہ ہے۔ اس کو ربیع اور ابن ابی داؤد نے نقل کیا۔ ابن شہاب کہتے ہیں کہ جنازے کے پیچھے چلنا خلاف سنت ہے۔ اس روایت کے جواب میں کہا جائے گا کہ یہ ابن شہاب کا کلام ہے اور اس سلسلہ میں اس کا اور تمہارا قول برابر ہے۔ اس لیے کہ اس کے اور تمہارے مخالفین کے پاس اس کے خلاف دلیل موجود ہے۔ ہم عنقریب اس لائیں ہے۔ اب ہم دوبارہ اس باب کے آثار کی طرف رجوع کرتے ہیں۔ آیا ان آثار میں کوئی ایسی چیز ملتی ہے جو جنازے کے پیچھے چلنے کو مباح ثابت کرے۔ تو ربیع چیز ی اور ابن ابی داؤد کی روایات مل گئیں۔ ان تمام صحابہ کرام کا یہ عمل ظاہر کرتا ہے کہ آگے چلنا افضل ہے۔
الجواب۔ قیل لہم۔۔۔ :
ان آثار سے بھی اباحت اور جواز کا ثبوت تو ملتا ہے جس کا کوئی بھی منکر نہیں کلام تو افضلیت میں ہے جس کی کوئی صریح دلیل نہیں مل رہی ورنہ فریق ثانی کی بات تو تمہارے برابر ہے۔

اشکال :
جنازے کے پیچھے چلنا خلاف سنت ہے اور ابن شہاب زہری بھی یہی کہتے ہیں پس خلاف سنت کو موافق سنت کا مقابل کیسے قرار دیں گے روایت ملاحظہ ہو۔

٢٦٩٠: ابن شہاب نے انس (رض) سے نقل کیا کہ جناب رسول اللہ (صلی اللہ علیہ وآلہ وسلم) اور ابوبکر و عمر ] ا جنازے کے آگے اور پیچھے بھی چلتے تھے۔
تخریج : ترمذی فی الجنائز باب ٢٦‘ نمبر ١٠١٠‘ ابن ماجی فی الجنائز باب ١٦‘ نمبر ١٤٨٣۔

٢٦٩١: محمد بن بکر برسانی نے یونس بن یزید سے پھر انھوں نے اپنی سند سے روایت نقل کی ہے۔ اس روایت میں یہ ہے کہ جناب رسول اللہ (صلی اللہ علیہ وآلہ وسلم) جنازے کے پیچھے چلتے جیسا کہ آگے چلتے اگر جنازے رسول اللہ (صلی اللہ علیہ وآلہ وسلم) اور ابوبکر و عمر (رض) کا جازے سے آگے چلنا تمہاری دلیل ہے اور یہ پیچھے چلنے سے افضل ہے۔ تو اسی طرح جناب رسول اللہ (صلی اللہ علیہ وآلہ وسلم) اور ابوبکر و عمر (رض) کا پیچھے چلنا تمہارے مخالفین کی دلیل ہے۔ اور آگے چلنے سے ان کے ہاں افضل ہے۔ اب اس سلسلے میں تم اور تمہارا حزب مکالف برابر ہوگیا ۔ پس اب تمہاری دلیل میں ان کے خلاف کوئی حجت نہ رہی۔
تخریج : ترمذی ١؍١٩٦۔
حاصل روایات : اس روایت کے پیچھے چلنے کا سنت رسول اللہ (صلی اللہ علیہ وآلہ وسلم) اور سنت خلافء راشدین ہونا ثابت کردیا اب مخالفین کے خلاف تمہارے پاس افضلیت کی کوئی وجہ موجود نہیں آگے اور پیچھے چلنے ہر دو کا مباح ہونا اس روایت سے بھی ثابت ہوتا ہے۔ روایت یہ ہے۔

٢٦٩٢: زیاد بن جبیر نے اپنے والد سے انھوں نے مغیرہ بن شعبہ (رض) سے نقل کیا کہ جناب رسول اللہ (صلی اللہ علیہ وآلہ وسلم) نے فرمایا سوار جنازے کے پیچھے چلے پیدل جہاں چاہے چلے۔ اس روایت میں بھی جناب رسول اللہ (صلی اللہ علیہ وآلہ وسلم) نے جنازے کے پیچھے چلنے کو مباح قرار دیا ۔ جیسا کہ آگے چلنے کو مباح قرار دیا ان روایات میں کسی ایک کے دوسرے سے افضل ہونے کی کوئی دلیل نہیں اور حضرت انسن بن مالک (رض) سے ایسی روایت آتی ہے جس کا مفہوم روایت مغیرہ (رض) کے قریب ہے مگر اس میں جناب رسول اللہ (صلی اللہ علیہ وآلہ وسلم) کا تذکرہ نہیں ہے۔
تخریج : ابو داؤد فی الجنائز باب ٤٥‘ نمبر ٨‘ ٣‘ ترمذی فی الجنائز باب ٤٢‘ نمبر ١٠٣١‘ ابن ماجہ فی الجنائز باب ١٥‘ نمبر ١٤٨١۔
اس روایت میں فرمان نبوت سے جنازے کے آگے پیچھے چلنے کی اباحیت ثابت ہوئی پس خلاف سنت کہنا درست نہ رہا۔ ان میں سے کسی روایت میں بھی آگے چلنے کی افضلیت مذکور نہیں۔ حضرت انس (رض) کی روایت بھی اس مفہوم کی مذکور ہے مگر اس میں مگر وہ مرفوع نہیں ہے۔ روایت یہ ہے۔

٢٦٩٣: حمیدالطویل نے انس بن مالک (رض) سے اس آدمی کے متعلق دریافت کیا جو جنازے کے پیچھے چلے تو انھوں نے فرمایا تم تو جنازے کی مشایعت کرتے ہو اس کے آگے پیچھے دائیں بائیں چل سکتے ہو۔

٢٦٩٤: ایوب نے حمیدالطویل سے انھوں نے انس (رض) سے اسی طرح روایت نقل کی ہے۔
حاصل یہ ہے : کہ اس روایت موقوفہ سے بھی جنازے کے آگے پیچھے دائیں بائیں چلنے کی وسعت ثابت ہوئی افضلیت والا مقصود حاصل نہ ہوا۔
فریق ثانی کے مزید دلائل : جنازے کے پیچھے چلنا افضل ہے۔ دلائل یہ ہیں۔

٢٦٩٥: معاویہ بن سوید بن مقرن کہتے ہیں میں نے براء بن عازب (رض) کو کہتے سنا کہ جناب رسول اللہ (صلی اللہ علیہ وآلہ وسلم) نے ہمیں حکم فرمایا کہ ہم جنازے کے پیچھے چلا کریں۔ اس روایت میں یہ فرمایا کہ آپ نے ان کو جنازے کے پیچھے چلنے کا حکم فرمایا ۔ اور پیچھے چلنے والا جنازے سے متاخر ہوتا ہے۔ آگے اور مقدم نہیں ۔ اس روایت میں زھری کے قول کی غلطی ظاہر ہوتی ہے۔ کہ جنازے کے پیچھے چلنا خلاف سنت ہے۔
تخریج : بخاری ١؍١٦٥۔
اس روایت میں جنازے کے پیچھے چلنے کا حکم زبان نبوت سے ثابت ہو رہا ہے اتباع اور المتبع المشی کا معنی پیچھے چلنے والا ہی آتا ہے۔
اس ارشاد سے زہری کے قول کا غلط ہونا ثابت ہوگیا جو کہ جنازے کے پیچھے چلنا خلاف سنت کہہ رہے تھے۔۔ پس وہی افضل ہے جس کا حکم رسول اللہ (صلی اللہ علیہ وآلہ وسلم) فرمائیں۔ مزید روایت ملاحظہ فرمائیں۔

٢٦٩٦: عمرو بن حریث کہتے ہیں کہ میں نے علی (رض) سے پوچھا آپ جنازے سے آگے چلنے کے متعلق کیا فرماتے ہیں تو علی (رض) فرمانے لگے پیچھے چلنا آگے چلنے سے اتنا افضل ہے جتنا کہ فرض نماز نفل سے افضل ہے میں نے دوسرا سوال کیا میں نے تو ابوبکر و عمر ] کو جنازہ کے آگے چلتے دیکھا ہے تو فرمایا وہ اس بات کو ناپسند کرتے تھے کہ لوگوں کو تنگی میں مبتلا کریں (یعنی سب لوگ ان کے ساتھ چلنا پسند کرتے جس سے مجمع کو تکلیف ہوتی تو انھوں نے آگے چل کر اس تنگی سے لوگوں کو محفوظ کردیا) ۔

٢٦٩٧: ابن ابزی نے اپنے والد سے نقل کیا کہ میں جنازہ میں جا رہا تھا جس میں ابوبکر و عمرو علی ] بھی تھے ابوبکر و عمر ] تو جنازے سے آگے تھے اور علی (رض) اس کے پیچھے چل رہے تھے اور میرا ہاتھ ان کے ہاتھ میں تھا تو علی (رض) نے فرمایا سنو ! آدمی کے لیے بہتر یہ ہے کہ وہ جنازے کے پیچھے چلے اور آگے چلنے والے کے مقابلے میں اس کو اتنی فضیلت حاصل ہے جس قدر جماعت کی نماز کو منفرد کی نماز پر فضیلت حاصل ہے اور وہ دونوں حضرات اس بات کو جانتے ہیں جیسا میں جانتا ہوں مگر وہ لوگوں کے لیے سہولت پیدا کرتے ہیں۔ اس روایت میں حضرت علی (رض) نے جنازے سے پیچھے چلنے کو آگے سے افضل قرار دیا اور اس کا یہ قول کہ ابوبکر و عمر (رض) اس بات کو اسی طرح جانتے تھے جیسے میں جانتا ہوں ۔ انھوں نے لوگوں کی سہولت کے لیے اسے ترک کیا ۔ اس وجہ سے نہیں کہ وہ اسے دوسرے افضل مانتے تھے اور یہ بات رأی و قیاس سے معلوم نہیں ہوسکتی ۔ یہ جناب رسول اللہ کے بتلانے اور سکھانے سے ہی معلوم ہوسکتی ہے۔ ان روایات کی تصحیح کے انداز سے معلوم ہوا کہ جنازے کے پیچھے چلنا آگے چلنے سے افضل ہے۔
اس روایت میں زبان علی (رض) سے جنازے کے پیچھے چلنے کو آگے چلنے پر فضیلت دی گئی ہے اور پھر ان کی زبان سے ابوبکر و عمر ] کے عمل کی تاویل بھی واضح کردی گئی ہے کہ وہ فضیلت سمجھ کر نہیں چلتے بلکہ لوگوں کی سہولت ان کو پیش نظر ہے۔
علی (رض) کا یہ فضیلت دینا اور پھر اس کا حوالہ دینا کہ وہ دونوں حضرات بھی جانتے ہیں یہ ظاہر کرتا ہے کہ یہ علم ان کو زبان نبوت سے حاصل ہوا۔ اس کی مزید تائید ملاحظہ ہو۔

٢٦٩٨: نافع نے عبداللہ بن عمر (رض) سے نقل کیا کہ میں ایک جنازہ کے لیے ان کے ساتھ نکلا انھوں نے جنازے کے ساتھ عورتوں کو پایا تو وہ رک گئے پھر فرمایا ان کو واپس کر دو یہ زندہ اور مردہ دونوں کے لیے فتنہ ہیں پھر چل دیئے اور پیچھے چلے میں نے کہا اے ابو عبدالرحمن ! جنازے کے پیچھے چلنا کیسا ہے ؟ آگے یا پیچھے چلیں۔ فرمایا کیا تم مجھے پیچھے چلتا نہیں دیکھ رہے۔ تو یہ عبداللہ بن عمر (رض) ہیں کہ جب ان سے جنازہ کے ساتھ چلنے کے متعلق سوال ہو انھوں نے سائل کو اپنے چلنے کا عمل مسائل کے سامنے رکھ دیا ۔ یہ ابن عمر (رض) ہیں باب کے شروع میں روایت کر رہے تھے کہ آپ جنازے لے کر آگے آگے چلتے ۔ اس سے یہ دلالت مل گئی کہ آپ کا آگے چلنا لوگوں کے لیے حکم میں تخفیف کی غرض سے تھا تاکہ لوگوں کو سکھا دیا جائے اصل تو جنازے کے پیچھے چلنا آگے چلنے سے افضل ہے ‘ مگر وہ لازم نہیں اور نہ ہی اس کا ترک کرنے والا گناہ کا مرتکب ہے بلکہ وہ ان کاموں سے ہے جس کو اختیار کرنا یا اس کے علاوہ کا اختیار کرنا درست ہے۔ ابن عمر (رض) سے اس کے متعلق اسی طرح مروی ہے۔ سالم (رح) بیان کرتے ہیں کہ وہ جنازے کے آگے چلتے ۔ اس سے معلوم ہوا کہ آگے چلنا مباح ہے۔ یہ مطلب نہیں کہ یہ پیچھے چلنے سے افضل ہے۔ پھر ان سے نافع نے بیان کیا کہ وہ جنازے کے پیچھے چلتے تھے ۔ اس سے بھی یہ دلالت میسر آئی کہ پیچھے چلنا مباح ہے۔ یہ معنیٰ نہیں کہ یہ آگے چلنے سے افضل ہے۔ پھر جب ان سے پوچھا گیا تو انھوں نے بتلایا کہ جنازے ساتھ کس طرح چلنا چاہیے تو انھوں نے پیچھے چلنا بتلایا اور یہ کہ دوسری طرح چلنے سے یہ افضل ہے۔ ہم نے حضرت براء (رض) کی حدیث میں یہ نقل کیا کہ جناب رسول اللہ (صلی اللہ علیہ وآلہ وسلم) نے صحابہ کرام کو جنازہ میں پیچھے چلنے کا حکم فرمایا اور اس کا غالب مفہوم پیچھے چلنا ہے۔ پس یہ جنازے کا حق بن گیا ۔ کہ پیچھے چلا جائے اور نماز جنازہ پڑھی جائے اور نماز جنازہ میں اس سے پیچھے رہے ۔ پس اس پر غور و فکر کا تقاضہ یہ ہے کہ پیچھے جانے والا بھی جناے کے پیچھے چلے ۔ قیا س کا تقاض یہی ہے اس کے ساتھ ساتھ کہ آثار بھی اس کے مؤید ہیں ‘
لیجئے یہ عبداللہ بن عمر (رض) ہیں جن کے قول کو فریق اوّل سے پیش کیا تھا خود ان کا فتویٰ اور عمل جنازہ میں پیچھے چلنے کا ہے اس سے بھی یہ بات ثابت ہوئی کہ ابن عمر (رض) نے فصل اول میں جو بات نقل کی ہے اس کا مطلب یہی ہے کہ آپ (صلی اللہ علیہ وآلہ وسلم) کے آگے چلنے سے لوگوں کو سہولت ہوجائے نہ یہ کہ یہ افضل ہے اور اگر اس کا مطلب یہ نہ بھی مانو۔ تب بھی اس قدر تو ثابت ہوگا کہ آگے نہ چلنے والا گناہ گار نہیں کبھی اس کو کرے کبھی دوسرا عمل کرے بالکل اسی طرح سالم والی روایت کا مفہوم بھی یہی ہے کہ آگے چلنا بھی جائز و مباح ہے اور ثبوت یہ ہے کہ نافع ان کا پیچھے چلنا ثابت کر رہے ہیں اس سے بس اباحیت ثابت ہوگی نہ کہ افضلیت۔ پھر جب ان سے سوال ہوا تو انھوں نے پیچھے چلنے کا حکم فرمایا اس سے معلوم ہوا کہ یہی ان کے ہاں افضل ہے۔ اور ہم نے براء بن عازب (رض) سے اتباع جنائز والی روایت نقل کردی جس کا معنی جنازے کے پیچھے چلنا متبادر ہے پس اس سے جنازہ کا یہ حق بن گیا کہ وہ اس کے پیچھے جائے اس پر نماز ادا کرے اور نماز میں بھی جنازہ مقدم ہوگا اور یہ متأخر ہوگا۔
نظر طحاوی (رض) :
جناب رسول اللہ (صلی اللہ علیہ وآلہ وسلم) نے اتباع جنازہ کا حکم دیا تو معلوم ہوا کہ جنازے کا پیچھا کیا جائے پیچھے چلا جائے۔ متبع متأخر ہوتا ہے اور متبع مقدم ہوتا ہے تو اس سے معلوم ہے کہ جب جنازے کو متبع کیا گیا تو چلنے والا پیچھے چلے گا تو وہ متبع بنے گا اور جنازہ متبع ہوگا پس نظر کے اعتبار سے بھی پیچھے چلنا افضل ہوا۔
اس کی تائید میں ابن عمر (رض) کا فرمان ملاحظہ کرلیں۔

٢٦٩٩: حارث بن ابی ربیعہ نے عبداللہ بن عمر (رض) سے پوچھا میری نصرانی ام ولد مرگئی اس کا کیا حکم ہے ابن عمر (رض) نے فرمایا اس کے بارے میں (دفن وغیرہ کا) حکم دو لیکن تم اس سے دور رہو پھر اس کے جنازے کے آگے چلو کیونکہ آگے چلنے والا وہ جنازے کے ساتھ شمار نہیں ہوتا۔ یہ ابن عمر (رض) جو کہ یہ بتلا رہے ہیں کہ جنازے سے آگے چلنے والا گویا جنازہ کے ساتھ جانے والا نہیں اور یہ بات اس وقت تک کہنا ممکن نہیں جب کہ انھوں نے جناب رسول اللہ (صلی اللہ علیہ وآلہ وسلم) کو جنازے سے آگے چلتے دیکھا ۔ پس اس سے یہ بات ثابت ہوگئی کہ سالم والی روایت کی اصل وہ جو ہم نے باب کے شروع میں مالک کسے واسطے سے زھری سے موقوف نقل کی ہے یا جیسا عقیل و یونس نے زھری کی وساطت سے سالم سے موقوف نقل کی ہے۔ اس طرح نہیں جیسا ابن عیینہ نے زھری کے واسطہ سے مرفوعًا نقل کیا ہے۔
لو سنو ! یہ ابن عمر (رض) تو جنازے سے آگے چلنے والے کو جنازہ کے ساتھ نہ جانے والا فرما رہے ہیں پس یہ ناممکن ہے کہ وہ ایسی بات اپنی طرف سے کہیں جبکہ فصل اول کی روایات میں وہ جناب رسول اللہ (صلی اللہ علیہ وآلہ وسلم) کا جنازے سے آگے چلنا نقل کرچکے ہیں اس سے یہ ثابت ہوا کہ سالم والی روایت کی اصل وہ ہے جو امام مالک نے زہری سے نقل کی ہے۔ وہ موقوف ہے مرفوع روایت نہیں ہے۔
مزید ابن عمر (رض) کی روایت دیکھیں۔

٢٧٠٠: مجاہد کہتے ہیں میں ابن عمر (رض) کے پاس بیٹھا تھا ان کے پاس سے ایک جنازہ گزرا ابن عمر (رض) کھڑے ہوگئے پھر فرمایا تم بھی اٹھو میں نے جناب رسول اللہ (صلی اللہ علیہ وآلہ وسلم) کو ایک یہودی کا جنازہ گزرتے وقت کھڑے ہوتے دیکھا ان سے سوال ہوا کیا تم کو ان کے ساتھ جانا مناسب ہے اس لیے جنازے کے ساتھ جانے میں ثواب ہے ؟ (وہ اٹھ کر چل دیئے) ہم دونوں اس کے ساتھ چلتے گئے آپ کی نظر جنازہ کے آگے کچھ لوگوں پر پڑی میں نے کہا یہ جنازہ والے کے متعلقین ہیں یہ لوگ جنازہ کے ساتھ نہیں۔ وہ لوگ ساتھ ہیں جو اس کے دونوں اطراف اور پیچھے ہیں چلتے ہوئے انھوں نے ایک رونے والی عورت کو سنا میرا ہاتھ پکڑ کر مجھے گھمایا اور اس کے سامنے کر کے فرمایا تو بہت بری ہے کہ اس جنازہ کے اجر سے محروم کر رہی ہے اے مجاہد جاؤ! تو تو اجر کا خواستگار تھا اور یہ گناہ چڑھا رہی ہے جناب رسول اللہ (صلی اللہ علیہ وآلہ وسلم) نے ایسے جنازے کے ساتھ جانے سے روکا ہے جس کے ساتھ بین کرنے والی ہو۔ اگر کوئی معترض یہ کہے کہ یہ کس طرح ثابت ہوگیا کہ جنازے کے پیچھے چلنا آگے چلنے سے افضل ہے۔ حالانکہ حضرت عمر (رض) صحابہ کرام کی موجودگی حضرت زینب کے جنازے میں لوگوں کو اس سے آگے بڑھاتے تھے ۔ پس اس سے یہ ثابت ہوگیا کہ وہ پیچھے چلنے کی کوئی اصل نہ پاتے تھے۔ اگر ایسا نہ ہوتا تو آپ پیچھے چلنے کو بھی مباح قرار دیتے ؟ اس کے جواب میں اس طرح عرض کریں گے ‘ کہ تمہاری یہ بات کیسے درست ہے۔ حالانکہ حضرت علی (رض) کا قول گزرا کہ ان دونوں حضرات کا مقصد یہ ہے کہ وہ لوگوں کو سکھاتے ہیں کہ جنازے پیچھے چلنا آگے چلنے سے افضل ہے۔ پھر ان کا یہ طرز عمل اختیار کرنا تو اس کا مطلب ہمارے نزدیک یہ ہے۔ (واللہ اعلم) کہ یہ کسی عارضہ کی وجہ سے تھا۔ خواہ ان عورتوں کی وجہ سے جو ان کے پیچھے تھیں تو آپ نے مردوں عورتوں کے اختلاط کو ناپسند کیا ۔ اس سے انھوں نے مردوں کو جنازے سے آگے بڑھ جانے کا حکم فرمایا ۔ تو اس کا سبب یہ عارضہ تھا نہ یہ کہ یہ چلنے سے افضل ہے۔ میں نے یونس سے سنا کر وہ ابن دھب سے یہ بیان کرتے اور کہتے کہ اس نے یہ بات خود کہنے والے سے سنی ۔ اس حدیث کا یہ معنی کرنا زیادہ بہتر ہے تاکہ یہ اس روایت کے خلاف نہ ہو ۔ جس کو حضرت علی (رض) نے سابقہ سطور میں حضرت ابوبکر اور عمر (رض) کے متعلق ذکر کیا ہے۔
لغات : کنفیھا۔ دونوں اطراف۔ رابہ۔ بین کرنے والی عورت۔ استدار۔ گھمایا۔
تخریج : ابن ماجہ فی الجنائز باب ٥٧‘ مسند احمد ٢؍٤٢٧‘ ٥٢٨۔
ایک اہم سوال :
جنازہ میں پیچھے چلنے کو کس طرح افضل کہا جاسکتا ہے جبکہ ام المؤمنین زینب (رض) کے جنازے میں حضرت عمر (رض) نے صحابہ کرام (رض) کی موجودگی میں لوگوں کو جنازے سے آگے چلنے کا حکم فرمایا اگر وہ پیچھے چلنے کو افضل سمجھتے تو وہ آگے چلنے کا کیوں حکم فرماتے اس سے تو یہ معلوم ہو رہا ہے کہ وہ پیچھے چلنے کو درست نہ سمجھتے تھے۔
الجواب :
تمہارا یہ کہنا درست نہیں ہے کیونکہ حضرت علی (رض) نے فرمایا کہ ابوبکر و عمر ] جانتے ہیں کہ جنازے کے پیچھے چلنا آگے چلنے سے افضل ہے پھر عمر (رض) کی بات کا یہ مطلب تم کس طرح لے سکتے ہو عمر (رض) آگے چلنے کا حکم یا تو اس لیے دیا کہ کچھ عورتیں وہاں چلی آرہی تھیں مردوں کے ساتھ ان کے اختلاط کو روکنے کے لیے مردوں کو آگے چلنے کا حکم فرمایا اس لیے نہیں کہ وہ آگے چلنے کو افضل قرار دیتے تھے مشہور تابعی اسود (رح) کا طرز عمل اس کی تصدیق کرتا ہے۔
حاصل اثر : یہ اسود (رح) ہیں ‘ جنہوں نے ابن مسعود ‘ عمر فاروق ‘ علی مرتضیٰ ] کی طویل صحبت پائی ہے وہ جنازے سے آگے اسی وقت چلتے ہیں جب کوئی عارضہ پیش آجاتا ہے ورنہ پیچھے چلتے ہیں بس گزشتہ روایت کا مفہوم بھی یہی ہوگا اور عمر (رض) کے فعل کو جو جنازہ زینب میں پیش آیا اسی قسم کے عارضہ پر محمول کریں گے۔
مزید تائید ملاحظہ فرمائیں۔

٢٧٠١ : محمد نے ابراہیم سے نقل کیا کہ جب جنازے کے ساتھ عورتیں ہو تیں تو اسود میرے ہاتھ کو پکڑتے ہم ان کے آگے چلنے کے لیے آگے بڑھ جاتے۔ اور جب جب عورتیں نہ ہوتیں تو ہم جنازے پیچھے چلتے۔ یہ اسود بن یزید ہیں جنہوں نے ابن مسعود (رض) کی طویل صحبت اٹھائی اور ان کو حضرت عر (رض) کی صحبت بھی ملی ان کا طریقہ جنازہ میں پیچھے چلنے کا تھا سوائے اس صورت کے جب کوئی عارضہ پیش آجائے ۔ تو وہ اس عارضہ کی بناء پھر آگے چلتے اس بناء پر نہیں کہ یہ آگے چلنا پیچھے چلنے سے ان کے ہاں افضل ہے۔ پس اسی طرح حضرت عمر (رض) نے حضرت زینب (رض) کے جنازہ میں کیا اس کا یہی مطلب ہمارے نزدیک ہے واللہ اعلم۔

٢٧٠٢: فضیل بن عیاض کہتے ہیں کہ ہمیں منصور نے ابراہیم سے روایت نقل کی۔

٢٧٠٣: مغیرہ نے ابراہیم سے نقل کیا کہ یہ حضرات شافردان عبداللہ جنازہ کے آگے چلنا مکروہ خیال کرتے تھے۔ یہ ابراہیم ہیں جو اصحاب ابن مسعود (رض) کے متعلق بتلا رہے ہیں وہ سب جنازے سے آگے چلنے کو ناپسند قرار دیتے اور اگر کبھی کرتے تو وہ کسی خاص عذر کی بنا پر کرتے کیونکہ اس وقت عورتوں کی مخالطت سے جنازے سے آگے چلنا افضل ہے جب عورتیں نہ ہوں یا دور ہوں تو پھر پیچھے چلنا افضل ہے اس سے کہ آگے یا دائیں بائیں چلے۔
یہی امام ابوحنیفہ ‘ ابو یوسف ‘ محمد بن الحسن رحمہم اللہ کا قول ہے۔
حاصل روایات : اس باب میں امام نے مسلک راجح کو روایات اور جوابات سے خوب پختہ و مبرہن کیا ہے اور نظر کے بعد معمول کے مطابق اقوال تابعین سے مؤید کردیا اس باب میں صرف افضل و غیر افضل کا اختلاف ہے۔

٢٧٠٤: موسیٰ بن عمران نے نقل کیا کہ ابان بن عثمان کے پاس سے جنازہ گزرا وہ جنازے کی خاطر کھڑے ہوگئے۔
تخریج : مسند احمد ١؍٦٤۔
جنازہ جب گزر رہا ہو تو اس وقت اسے دیکھ کر کھڑے ہونے کا حکم باقی ہے یا منسوخ ہوچکا۔
نمبر 1: امام شافعی (رح) کے ہاں جنازے کو دیکھ کر کھڑے ہونا مستحب ہے۔
نمبر ٢ : ائمہ احناف اور مالک و احمد کھڑے ہونے کے حکم کو منسوخ مانتے ہیں امام احمد کھڑے ہونے نہ ہونے میں اختیار دیتے ہیں۔
فریق اوّل کا مؤقف اور دلائل : جناب رسول اللہ (صلی اللہ علیہ وآلہ وسلم) سے کھڑے ہونے کا ثبوت ہے اس لیے کھڑے ہونا مستحب ہے دلائل ملاحظہ ہوں۔

٢٧٠٥: سعید بن مسلمہ نے اسماعیل بن امیہ سے اپنی اسناد کے ساتھ یہ اثر اسی طرح نقل کیا ہے البتہ یہ اضافہ بھی ہے کہ میں نے عثمان (رض) کو ایسا کرتے دیکھا اور انھوں نے مجھے بتلایا کہ جناب رسول اللہ (صلی اللہ علیہ وآلہ وسلم) بھی ایسا کرتے تھے۔
تخریج : مسندالبزار ٢؍٢١۔

٢٧٠٦: سالم نے اپنے والد سے انھوں نے عامر بن ربیعہ (رض) سے نقل کیا کہ جناب اللہ (صلی اللہ علیہ وآلہ وسلم) نے فرمایا جب تم جنازہ دیکھو تو کھڑے ہوجاؤ یہاں تک کہ جنازہ کندھوں سے اتار دیا جائے یا آگے نکل جائے۔
تخریج : بخاری فی الجنائز باب ٤٧‘ ٤٨‘ مسلم فی الجنائز نمبر ٧٣‘ ٧٨‘ ابو داؤد فی الجنائز باب ٤٣‘ نمبر ٣١٧٢‘ ترمذی فی الجنائز باب ٥١‘ نمبر ١٠٤٢‘ نسائی فی الجنائز باب ٤٤‘ ٤٥‘ ٤٦‘ ابن ماجہ فی الجنائز باب ٣٥‘ نمبر ١٥٤٢‘ مسند احمد ٣؍٢٥‘ ٤١۔

٢٧٠٧: ابراہیم بن ابی الوزیر نے کہا ہمیں سفیان نے اپنی اسناد سے اسی طرح روایت نقل کی ہے۔

٢٧٠٨: نافع نے ابن عمر (رض) سے انھوں نے عامر بن ربیعہ (رض) سے نقل کیا ہے کہ مجھے جناب رسول اللہ (صلی اللہ علیہ وآلہ وسلم) نے فرمایا جب تو جنازہ دیکھے تو کھڑا ہوجا۔
تخریج : عزارہ العینی الی الطبرانی۔

٢٧٠٩: نافع نے ابن عمر (رض) سے انھوں نے عامر بن ربیعہ (رض) سے انھوں نے جناب نبی اکرم (صلی اللہ علیہ وآلہ وسلم) سے نقل کیا ہے کہ جب تم جنازہ دیکھو تو اس کے لیے کھڑے ہوجاؤ جب تک کہ وہ زمین پر رکھ نہ دیا جائے یا تم سے گزر نہ جائے۔
تخریج : مسند احمد ٣؍٤٤٥۔

٢٧١٠: نافع نے ابن عمر انھوں عن عامر بن ربیعہ ] سے ‘ انھوں نے نبی اکرم (صلی اللہ علیہ وآلہ وسلم) سے اسی طرح روایت نقل کی ہے۔
تخریج : ترمذی نسائی نحوۃ۔

٢٧١١: ابو عبدالرحمن نے عبداللہ بن عمرو (رض) سے نقل کیا کہ ایک آدمی نے جناب رسول اللہ (صلی اللہ علیہ وآلہ وسلم) سے سوال کیا یارسول اللہ (صلی اللہ علیہ وآلہ وسلم) ! اگر ہمارے پاس سے کافر کا جنازہ گزرے تو کیا اس کے لیے کھڑے ہوں گے ؟ فرمایا ہاں۔ تم اس میت کے لیے کھڑے نہیں ہوتے بلکہ تم (اس فرشتے کے لئے) کھڑے ہوتے ہو جو جان قبض کرتا ہے۔
تخریج : مسند احمد ٢؍١٦٨۔

٢٧١٢: ابو بکرہ نے ابو داؤد سے اسی طرح اپنی سند سے بیان کیا۔

٢٧١٣: ابن ابی لیلیٰ بیان کرتے ہیں کہ سہل بن حنیف اور قیس بن سعد بن عبادہ (رض) قادسیہ میں بیٹھے تھے ان کے پاس سے ایک جنازہ گزرا تو وہ دونوں کھڑے ہوگئے ان سے کہا گیا یہ مجوسی کا جنازہ ہے تو دونوں نے کہا جناب رسول اللہ (صلی اللہ علیہ وآلہ وسلم) کے پاس سے ایک جنازہ گزرا تو آپ کھڑے ہوگئے آپ کو بتلایا گیا یہ یہودی کا جنازہ ہے تو فرمایا کیا وہ مردہ نہیں ؟ یا کیا وہ جاندار نہیں ؟
تخریج : بخاری فی الجنائز باب ٤٩‘ مسلم فی الجنائز نمبر ٨١۔

٢٧١٤: ابوالزبیر نے جابر (رض) سے نقل کیا کہ جناب رسول اللہ (صلی اللہ علیہ وآلہ وسلم) اور آپ کے صحابہ ایک جنازہ کے لیے کھڑے ہوگئے۔ (اس وقت تک کھڑے رہے) یہاں تک کہ وہ آنکھوں سے غائب ہوگیا۔
تخریج : مسلم فی الجنائز نمبر ٧٩۔

٢٧١٥: مسلم بن ابراہیم نے ابان سے نقل کیا۔

٢٧١٦: موسیٰ بن اسماعیل نے ابان سے انھوں نے یحییٰ بن ابی کثیر سے انھوں نے عن عبیداللہ بن مقسم سے انھوں نے جابر بن عبداللہ (رض) سے روایت نقل کی ہے کہ ہم جناب رسول اللہ (صلی اللہ علیہ وآلہ وسلم) کے ساتھ تھے جب کہ آپ کے پاس سے ایک جنازہ گزرا ہم اٹھانے کے لیے کھڑے ہوئے تو معلوم ہوا کہ یہ یہودی مرد یا عورت کا جنازہ ہے ہم نے کہا یارسول اللہ (صلی اللہ علیہ وآلہ وسلم) یہ یہودی مرد یا عورت کا جنازہ ہے فرمایا بلاشبہ موت گھبراہٹ ہے جب تم جنازہ دیکھو تو کھڑے ہوجایا کرو۔
تخریج : ابو داؤد ٢؍٤٥٢۔

٢٧١٧: ولید نے اوزاعی سے انھوں نے یحییٰ سے پھر اس نے اپنی سند سے روایت نقل کی ہے۔

٢٧١٨: شعبی نے ابو سعید خدری (رض) سے روایت کی ہے کہ مروان پر ایک جنازہ گزارا گیا وہ اس کے لیے کھڑا نہ ہوا تو ابو سعید کہنے لگے جناب رسول اللہ (صلی اللہ علیہ وآلہ وسلم) کے پاس سے جنازہ گزارا گیا تو آپ اس کے لیے کھڑے ہوگئے تو مروان (یہ سن کر) کھڑا ہوگیا۔
تخریج : مسند احمد ٣؍٤٧۔

٢٧١٩: سہیل بن ابی صالح نے اپنے والد سے انھوں نے ابو سعید (رض) سے انھوں نے جناب نبی اکرم (صلی اللہ علیہ وآلہ وسلم) سے نقل کیا کہ آپ نے فرمایا کہ جب تم جنازہ دیکھو تو کھڑے ہوجاؤ جو جنازے کے پیچھے جائے وہ اس وقت تک نہ بیٹھے جب تک جنازہ زمین پر نہ رکھ دیا جائے۔
تخریج : بخاری فی الجنائز باب ٤٨‘ مسلم فی الجنائز نمبر ٧٦‘ ٧٧‘ ابو داؤد فی الجنائز باب ٤٣‘ نمبر ٣١٧٣۔

٢٧٢٠: ابو سلمہ نے ابو سعیدالخدری (رض) سے انھوں نے جناب نبی اکرم (صلی اللہ علیہ وآلہ وسلم) سے اسی طرح روایت کی ہے۔

٢٧٢١: ولید نے اوزاعی سے انھوں نے یحییٰ سے اسی طرح روایت نقل کی ہے۔

٢٧٢٢: یحییٰ نے ابو سلمہ سے انھوں نے ابو سعید (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت کی ہے۔

٢٧٢٣: سعید بن مرجانہ نے ابوہریرہ (رض) سے روایت کی کہ جناب نبی اکرم (صلی اللہ علیہ وآلہ وسلم) نے فرمایا جب تم میں سے کوئی جنازہ پڑھے اور اس کے ساتھ نہ جانا ہو تو اسے اس وقت تک کھڑا رہنا چاہیے یہاں تک کہ وہ نظروں سے غائب ہوجائے اور اگر ساتھ جائے تو جنازے کے زمین پر رکھنے سے پہلے نہ بیٹھے۔ امام طحاوی (رح) فرماتے ہیں کہ کچھ علماء نے ان آثار کی اتباع کی اور ان کو اصل قرار دے کر ان کی تقلید کی اور انھوں نے کہا کہ جس شخص کے پاس سے جنازہ گزرے اسے اس وقت تک کھڑا رہنا چاہیے یہاں تک کہ نظروں سے اوجھل ہو اور اس کے ساتھ چلنے والا جنازہ رکھنے سے پہلے نہ بیٹھے۔ دیگر علماء نے ان کی مخالفت کرتے ہوئے کہا جس کے پاس سے جنازہ گزرے اسے کھڑے ہونے کی ہاجت نہیں اور اس کے ساتھ چلنے والوں کو جنازہ رکھنے سے پہلے بیٹھنا جائز ہے۔ باقی رہی یہ بات کہ جناب رسول اللہ (صلی اللہ علیہ وآلہ وسلم) یہودی کے جنازے کے لیے کھڑے ہوتے جیسا قیس بن سعد اور سہل بن حنیف (رض) کی روایات میں ہے۔ آپ کا کھڑا ہونا جنازے کی وجہ سے نہ تھا ۔ جنازے کے لیے کھڑا ہونا چاہیے مگر کسی اور وجہ سے نہ کہ اس بناء پر اور نہوں نے۔
حاصل روایات : ان روایات سے جنازے کے لیے کھڑا ہونا ثابت ہوا ہے اور اگر ساتھ نہ جانا چاہتا ہو تو غائب ہونے تک کھڑا رہے اور اگر ساتھ جائے تو جب تک جنازہ رکھا نہ جائے اس وقت تک نہ بیٹھے۔
مؤقف فریق ثانی و دلائل و جوابات : جس کے پاس سے جنازہ گزرے وہ کھڑا نہ ہو اور جنازہ رکھے جانے سے پہلے بھی بیٹھ سکتا ہے۔
پہلے فریق اوّل کی پیش کردہ روایات کا جواب دیا جاتا ہے۔
جواب نمبر 1: قیام النبی۔۔۔ سے دیا کہ آپ (صلی اللہ علیہ وآلہ وسلم) یہودی کے جنازے کے لیے بطور تکریم نہ کھڑے ہوئے تھے بلکہ ایک خاص وجہ سے کھڑے ہوئے جو اس روایت میں موجود ہے۔

٢٧٢٤: محمد بن عمر نے حسن اور ابن عباس (رض) سے نقل کی ہے یا ایک سے نقل کی ہے کہ جناب رسول اللہ (صلی اللہ علیہ وآلہ وسلم) کے پاس سے یہودی کا جنازہ گزرا تو آپ اس کی وجہ سے کھڑے ہوگئے اور فرمایا مجھے اس کی بدبو نے تکلیف پہنچائی ہے۔
جواب نمبر 2: یہود کے متعلق تو یہ علت معلوم ہوگئی اب رہا مسلمانوں کے جنازے کے لیے کھڑا ہونا تو اس کی علت اس روایت سے معلوم ہو رہی ہے ملاحظہ کریں۔

٢٧٢٥: قتادہ نے حسن سے روایت کی ہے کہ عباس بن عبدالمطلب اور حسن بن علی ] کے پاس سے ایک جنازہ گزرا تو اس کے لیے عباس تو کھڑے ہوگئے مگر حسن کھڑے نہ ہوئے تو عباس (رض) نے حسن کو کہا کیا تمہیں معلوم نہیں کہ جناب رسول اللہ (صلی اللہ علیہ وآلہ وسلم) کے پاس سے جنازہ گزرا تو آپ کھڑے ہوگئے تو حسن (رض) نے کہا جی ہاں۔ حسن (رض) نے عباس (رض) سے کہا کیا آپ کو معلوم نہیں کہ جناب رسول اللہ (صلی اللہ علیہ وآلہ وسلم) (اس لیے کھڑے ہوتے تھے) کہ آپ نے اس پر جنازہ پڑھنا ہوتا تھا عباس (رض) نے کہا بات تو ایسے ہی ہے۔ یہ روایت اس بات پر دلالت کر رہی ہے کہ جناب رسول اللہ (صلی اللہ علیہ وآلہ وسلم) کا کھڑا ہونا جنازہ پڑھنے کے لیے تھا ۔ اس وجہ سے نہیں کہ یہ جنازہ کے سنن میں سے ہے۔ باقی جو آپ جنازہ کے لیے قیام کا تم نے ذکر کیا ہے اور جب جنازہ کے ساتھ جاتے تو رکھنے سے پہلے نہ بیٹھے یہ حکم پہلے موجود تھا پھر منسوخ ہوگیا ۔ روایات ملاحظہ کریں۔

٢٧٢٦ : حَدَّثَنَا یُوْنُسُ ‘ قَالَ : أَنَا ابْنُ وَہْبٍ ‘ قَالَ : أَخْبَرَنِیْ مَالِکٌ‘ عَنْ یَحْیَی بْنِ سَعِیْدٍ ‘ عَنْ وَاقِدِ بْنِ عَمْرٍو ‘ عَنْ نَافِعِ بْنِ جُبَیْرٍ ‘ عَنْ مَسْعُوْدِ بْنِ الْحَکَمِ ‘ عَنْ عَلِیِّ بْنِ أَبِیْ طَالِبٍ رَضِیَ اللّٰہُ عَنْہُ قَالَ : (قَامَ رَسُوْلُ اللّٰہِ صَلَّی اللّٰہُ عَلَیْہِ وَسَلَّمَ مَعَ الْجَنَازَۃِ حَتّٰی تُوْضَعَ ‘ وَقَامَ النَّاسُ مَعَہٗ ، ثُمَّ قَعَدَ بَعْدَ ذٰلِکَ ‘ وَأَمَرَہُمْ بِالْقُعُوْدِ ) .
٢٧٢٦: مسعود بن حکم نے حضرت علی (رض) سے نقل کیا آپ (صلی اللہ علیہ وآلہ وسلم) جنازہ کے ساتھ کھڑے رہتے جب تک کہ وہ رکھ نہ دیا جاتا اور لوگ بھی کھڑے رہتے پھر اس کے بعد آپ بیٹھتے اور صحابہ کرام کو بھی بیٹھنے کا حکم فرماتے۔
تخریج : مسلم فی الجنائز نمبر ٨٢؍٨٣۔

٢٧٢٧: مسعود بن حکم زرقی نے حضرت علی (رض) انھوں نے جناب نبی اکرم (صلی اللہ علیہ وآلہ وسلم) سے اسی طرح روایت نقل کی ہے۔

٢٧٢٨: مسعود بن حکم کہتے ہیں کہ میں نے حضرت علی (رض) کو کہتے سنا کہ جناب رسول اللہ (صلی اللہ علیہ وآلہ وسلم) نے جنازہ میں ہمیں قیام کا حکم فرمایا پھر آپ بیٹھنے لگے اور ہمیں بھی بیٹھنے کا حکم فرمایا۔
تخریج : ابو داؤد فی الجنائز باب ٤٣‘ نمبر ٣١٧٥‘ ترمذی فی الجنائز باب ٥٢‘ نمبر ١٠٤٤۔

٢٧٢٩: اسماعیل بن حکم زرقی سے اپنے والد سے نقل کرتے ہیں کہ میں عراق میں ایک جنازے میں حاضر ہوا میں نے کچھ لوگوں کو دیکھا کہ وہ منتظر ہیں کہ جنازہ رکھا جائے اور وہ تب بیٹھیں اور حضرت علی (رض) کو دیکھا کہ وہ ان کو اشارہ فرما رہے ہیں کہ بیٹھ جاؤ جناب رسول اللہ (صلی اللہ علیہ وآلہ وسلم) نے کھڑے ہونے کا حکم دینے کے بعد بیٹھنے کا حکم فرمایا ہے۔

٢٧٣٠: مسعود بن حکم نے حضرت علی (رض) سے نقل کیا کہ ہم نے جناب رسول اللہ (صلی اللہ علیہ وآلہ وسلم) کو کھڑے دیکھا تو کھڑے ہوگئے اور جب بیٹھے دیکھا تو بیٹھ گئے۔ ان مذکورہ روایات سے یہ بات چابت ہوئی کہ جنازہ کے لیے قیام تھا پھر منسوخ ہوا بعض علماء نے کہا کہ یہ اہل کتاب کی مخالفت کی بناء پر منسوخ ہوا اور انھوں نے ان روایات کو دلیل بنایا ۔
حاصل روایات : ان روایات سے ثابت ہوتا ہے کہ اولاً جنازے کے لیے قیام کا حکم تھا پھر منسوخ ہوگیا بعض لوگوں نے ان روایات کی وجہ سے قیام کے منسوخ ہونے کی وجہ یہود کی مخالفت بتلائی ہے۔

٢٧٣١: جنادہ بن ابی امیہ نے عبادہ بن صامت (رض) سے نقل کیا کہ جناب رسول اللہ (صلی اللہ علیہ وآلہ وسلم) جب کسی جنازہ کے ساتھ جاتے تو لحد میں رکھنے تک نہ بیٹھتے تھے۔ ایک دن ایک یہودی عالم آپ کو ملا تو فرمایا اے محمد (صلی اللہ علیہ وآلہ وسلم) ہم بھی اسی طرح کرتے ہیں عبادہ کہتے ہیں آپ بیٹھ گئے اور فرمایا ان کی مخالفت کرو۔ یہ روایت ہمارے اس بات پر دلالت نہیں کرتی جس کو انھوں نے اختیار کیا کیونکہ جناب رسول اللہ (صلی اللہ علیہ وآلہ وسلم) سے یہ مروی ہے۔
تخریج : مسلم فی الجنائز نمبر ٨٤۔
مگر اس روایت میں بتلائی گئی وجہ اس موضوع پر کمزور دلیل ہے کیونکہ آپ (صلی اللہ علیہ وآلہ وسلم) کا معمول مبارک یہ تھا کہ جس کسی معاملے میں وحی ابھی نازل نہ ہوتی اور مشرکین و اہل کتاب کا عمل باہمی متضاد ہوتا تو آپ اہل کتاب کے موافق عمل فرماتے رہتے تاآنکہ اس کے متعلق کوئی وحی اترتی تو پھر اس کے حکم کو اپناتے جیسا کہ یہ روایت دلالت کرتی ہے۔

٢٧٣٢: عبیداللہ بن عبداللہ نے ابن عباس (رض) سے نقل کیا کہ جناب رسول اللہ (صلی اللہ علیہ وآلہ وسلم) بالوں کو کھلا چھوڑا کرتے تھے اور مشرکین مانگ نکالتے تھے اور اہل کتاب بھی اپنے بالوں کو کھلا چھوڑتے تھے آپ (صلی اللہ علیہ وآلہ وسلم) اہل کتاب کی موافقت کو پسند فرماتے جب تک اس میں کوئی حکم نہ اترتا پھر جناب رسول اللہ (صلی اللہ علیہ وآلہ وسلم) نے سر میں مانگ نکالنی شروع فرمائی۔ (جب اللہ تعالیٰ کی طرف سے حکم مل گیا)
تخریج : بخاری فی المناقت باب ٢٣‘ مناقت الانصار باب ٥٢‘ مسلم فی الفضائل نمبر ٩٠‘ ابو داؤد فی الترجل باب ١٠‘ نمبر ٤١٨٨‘ نسائی فی الزینہ باب ٦١‘ ابن ماجہ فی اللباس باب ٣٦‘ نمبر ٣٦٣٢‘ مسند احمد ١‘ ٢٨٧؍٣٢٠۔

٢٧٣٣: عقیل بن ابن شہاب سے اس نے کہا عبیداللہ نے مجھے خبر دی پھر انھوں نے اپنی سند سے اسی طرح روایت نقل کی ہے۔ پس حضرت ابن عباس (رض) نے خبر دی کہ آپ اہل کتاب والی بات کو اپناتے یہاں تک کہ اس کے خلاف کا حکم ملتا ۔ تو یہ بات ناممکن ہے کہ آپ کو حدیث عبادہ میں جو بیٹھنے کا حکم ملا وہ اہل کتاب کے طریقہ کی مخالفت کی وجہ سے ہو اور وہ اس سے پہلے ہو کہ آپ کو ان کی مخالفت کا حکم نہ ہوا ہو ۔ کیونکہ آپ نے جس بات کا حکم دیا وہ کسی پہلے پیغمبر کی شریعت کا حکم ہو۔ یہاں تک کہ اس کے لیے منسوخ کرنے والا نیا حکم آئے اللہ تعالیٰ نے قرآن مجید میں فرمایا : ” اولٰٓپک الذین ھدی اللہ فبھد اھم اقتدہ “ ان لوگوں کو اللہ تعالیٰ نے ہدایت کی۔ پس ان کی ہدایت کی اقتداء کرو۔ مگر ہمارے نزدیک اس کا ترک (واللہ اعلم) اس وقت ہوا جب اللہ تعالیٰ نے آپ کی شریعت کا حکم دیا ۔ تو بیٹھنے کی وجہ پہلے حکم کا منسوخ ہونا ہے جو کہ قیام ہے۔ اور یہ طریقہ حضرت علی (رض) سے منقول ہے۔
حاصل روایات : ان دونوں روایتوں سے یہ بات واضح ہوگئی کہ آپ اہل کتاب کی موافقت کو مشرکین کے بالمقابل ترجیح دیتے جب تک کہ اس کے خلاف وحی سے حکم نہ آتا۔ پس اس اعتبار سے یہ ناممکن ہے کہ حدیث عبادہ (رض) میں قعود والا حکم ان کی مخالفت کی وجہ سے دیا اور وحی سے حکم نہ ہوا بلکہ اس کی حکم کی وجہ سابقہ حکم کا منسوخ ہونا ہی ہے سابقہ انبیاء (علیہم السلام) کے متعلق فرمان الٰہی ہے۔ اولٰئک الذین ہدی اللہ فبہدٰہم اقتدہ (انعام۔ ٩٠) تو آپ کے چھوڑنے کی وجہ سابقہ کی تنسیخ ہے نہ کہ یہود کی مخالفت۔ اور اس کا ثبوت حضرت علی (رض) کی اس روایت سے ہوتا ہے۔

٢٧٣٤: مجاہد نے ابن سخرہ سے نقل کیا کہ ہم علی (رض) کے ساتھ ایک جنازہ کی انتظار میں بیٹھے تھے کہ وہاں سے ایک اور جنازہ گزرا تو ہم کھڑے ہوگئے تو آپ نے فرمایا تم کیوں کھڑے ہوئے میں نے کہا اے اصحاب محمد (صلی اللہ علیہ وآلہ وسلم) تم اس سلسلے میں ہمیں کیا فرماتے ہو تو ابو موسیٰ (رض) کہنے لگے جناب رسول اللہ (صلی اللہ علیہ وآلہ وسلم) نے فرمایا جب تم کسی مسلمان یا یہودی یا نصرانی کا جنازہ دیکھو تو کھڑے ہوجاؤ کیونکہ تم اس شخص کے لیے کھڑے نہیں ہوتے ہو بلکہ تم ان فرشتوں کے لیے کھڑے ہوئے ہو جو اس کے ساتھ ہیں۔ حضرت علی (رض) نے اس روایت میں اس بات کی خبردی کہ کہ جناب رسول اللہ (صلی اللہ علیہ وآلہ وسلم) ابتداء میں ایک مرتبہ کھڑے ہوتے اس کا مقصد اہل کتاب کے ساتھ مشابہت تھی اور اپنے سے پہلے انبیاء اسلام کے طریقے کی پیروی تھی یہاں تک کہ اللہ تعالیٰ نے آپ کو اس کے خلاف نیا حکم دے دیا اور وہ بیٹھنے کا حکم تھا۔ اس سے وہ بات ثابت ہوئی جس کی طرف ہم حدیث عبادہ کا رخ موڑا ہے۔ حضرت علی (رض) فرمانے لگے ایک مرتبہ یہ عمل رسول اللہ (صلی اللہ علیہ وآلہ وسلم) نے کیا اور آپ کی عادت مبارکہ اہل کتاب سے مشابہت کی تھی جب اس سے روک دیا جاتا تو آپ اسے چھوڑ دیتے۔
تخریج : بخاری فی الجنائز باب ٤٩۔
اس روایت میں علی (رض) نے واضح بتلایا کہ جناب رسول اللہ (صلی اللہ علیہ وآلہ وسلم) ابتداء میں ایک مرتبہ اہل کتاب کی مشابہت میں کھڑے ہوئے اور پہلے انبیاء (علیہم السلام) کی اقتداء کرتے ہوئے یہ کیا یہاں تک کہ اس کے خلاف حکم آیا اور وہ بیٹھنے کا حکم تھا۔
پس اس سے حدیث عبادہ (رض) کی صحیح توجیہ ہوگئی۔

٢٧٣٥: زید بن وہب کہتے ہیں کہ ہم نے باہمی جنازہ کے لیے قیام کے سلسلہ میں مذاکرہ کیا اس وقت ہمارے پاس علی (رض) موجود تھے تو ابو مسعود (رض) نے کہا ہم تو کھڑے ہوتے تھے تو علی (رض) نے فرمایا یہ تو یہود کا طرز عمل ہے کیا تم یہود ہو یعنی یہ حکم پہلے تھا پھر منسوخ ہوگیا۔ اس بات میں جو کچھ ہم نے بیان کیا اس سے شروع والے آثار جو جناب رسول اللہ (صلی اللہ علیہ وآلہ وسلم) سے مروی ہیں جن میں جنازے کے لیے قیام کا تذکرہ ہے ان آثار کی وجہ سے منسوخ ہیں جنکا ہم نے تذکرہ کیا۔
اگلی روایات بھی نسخ کی موید ہیں۔

٢٧٣٦: انیس بن ابی یحییٰ کہتے ہیں کہ میں نے اپنے والد کو فرماتے سنا کہ ابن عمر (رض) اور دیگر اصحاب نبی (صلی اللہ علیہ وآلہ وسلم) جنازہ رکھنے سے پہلے بیٹھ جاتے تھے۔ یہ ابن عمر (رض) جو پہلے یہ عمل کرتے تھے اور عامر بن ربیعہ نے جناب نبی اکرم (صلی اللہ علیہ وآلہ وسلم) سے بھی اس کے خلاف نقل کیا ہے۔ پس اس سے جو پہلے کرتے تھے اس کے منسوخ ہونے کا ثبوت مل گیا تبھی تو عامر بن ربیعہ رضی الہ نے اس نئے حکم کو اختیار کیا۔
حاصل : یہ ابن عمر (رض) ہیں جو پہلے کھڑے ہونے کا عمل کرتے تھے پھر جب نسخ کا حکم ہوا تو اس کے خلاف یہ بیٹھنے لگے۔
عامر بن ربیعہ (رض) نے جناب نبی اکرم (صلی اللہ علیہ وآلہ وسلم) سے اس کے خلاف روایت نقل کی ہے۔
حاصل : اس سے یہ بات ثابت ہوتی ہے کہ پہلا حکم منسوخ ہوا تبھی تو عامر (رض) نے یہ حکم اپنایا یہ تابعی کا عمل بھی نقل کیا جا رہا ہے۔

٢٧٣٧: عبدالرحمن بن قاسم کہتے ہیں کہ قاسم جنازہ رکھنے سے پہلے بیٹھ جاتے اور کھڑے نہ ہوتے اور اس کے متعلق عائشہ صدیقہ (رض) سے بیان کرتے کہ وہ فرمایا کرتی تھیں زمانہ جاہلیت میں لوگ جنازے کو دیکھ کر اس کے لیے کھڑے ہوجاتے اور اس طرح کہتے : فی اہلک ماانت فی اہلک ماانت۔ تو اپنے گھر میں نہیں گھر میں نہیں۔ عائشہ (رض) تو جنازے کے لیے قیام کا بالکل انکار کرتی تھیں اور بتلاتیں کہ یہ اہل جاہلیت کا طرز عمل ہے۔ یہ حضرت عائشہ صدیقہ (رض) ہیں۔ جو بالکل قیام کا انکار کرنے والی ہیں اور بتلارہی ہیں کہ یہ زمانہ جاہلیت کے افعال سے ہیں۔ امام ابوحنیفہ ‘ ابو یوسف ‘ محمد (رح) اس طرف گئے ہیں کہ یہ حکم تھا پھر منسوخ ہوگیا ۔ اسی کو ہم اختیار کرنے والے ہیں۔ ہمارے ائمہ ابوحنیفہ ‘ ابو یوسف ‘ محمد رحمہم اللہ کا یہی قول ہے۔
نؤٹ : یہ باب بھی نظر طحاوی (رح) سے خالی ہے جنازے کے لیے کھڑا ہونا منسوخ ہوچکا ہے اس پر عمل کرنا درست نہیں البتہ یہ بات ضمنا جان لینا مناسب ہے کہ جنازے کو لے جانے والے میت کو قبر میں رکھنے سے پہلے بلاکراہت احناف و شوافع و مالکیہ کے ہاں بیٹھ سکتے ہیں البتہ امام احمد بن حنبل کے ہاں میت کو قبر میں رکھنے سے پہلے ان کا بیٹھ جانا مکروہ ہے۔ واللہ اعلم۔

٢٧٣٨: عبداللہ بن بریدہ نے سمرہ بن جندب (رض) سے روایت کی ہے کہ میں نے جناب رسول اللہ (صلی اللہ علیہ وآلہ وسلم) کے پیچھے ام کعب کا جنازہ پڑھا جو کہ حالت نفاس میں فوت ہوگئیں تھیں آپ جنازے کے لیے میت کے درمیان یعنی سینہ کے برابر کھڑے ہوئے۔
تخریج : بخاری فی الجنائز باب ٦٣ مسلم فی الجنائز نمبر ٨٧‘ ابو داؤد فی الجنائز باب ٥٣‘ نمبر ٣١٩٥‘ ترمذی فی الجنائز باب ٤٥‘ نمبر ١٠٣٥‘ ابن ماجہ فی الجنائز باب ٢١‘ نمبر ١٤٩٣‘ مسند احمد ٥؍١٤‘ ١٩۔
امام کو جنازہ پڑھاتے وقت میت کے کس عضو کے برابر کھڑے ہو کر جنازہ پڑھانا چاہیے اس کے متعلق کتب مذاہب میں باہمی متضاد قول منقول ہیں صاحب نخب الافکار کا قول تقریباً جامع معلوم ہوتا ہے۔ (١) امام ابوحنیفہ ‘ احمد رحمہم اللہ کے ہاں مرد و عورت کے سینہ کے برابر کھڑے ہوں گے ۔ (٢) امام شافعی ‘ ابو یوسف ‘ محمد (رح) کے ہاں عورت کی کمر اور مرد کے سر کے برابر کھڑے ہوں گے۔ نخب الافکار جلد ٤ ص ١٩٣۔
فریق اوّل کا مؤقف اور دلائل : مرد و عورت کے سینہ کے برابر کھڑا ہوا جائے اس کو احناف نے مفتیٰ بہ قرار دیا ہے دلائل یہ روایات ہیں۔

٢٧٣٩: ہمام نے حسین المعلم سے پھر انھوں نے اپنی اسناد سے اسی طرح روایت نقل کی ہے۔ امام طحاوی (رح) بعض علماء اس طرف گئے ہیں کہ یہ وہ جگہ ہے جہاں جنازہ پڑھنے والا مرد وعورت کے لیے کھڑا ہوگا ۔ دیگر علماء نے ان سے اختلاف کیا اور کہا کہ عورت کے لیے تو اسی طرح کھڑے ہوں گے البتہ مرد کے لیے اس کے سرکے پاس کھڑے ہوں گے اور انھوں نے ان روایات کو دلیل بنایا۔
حاصل روایات : ان روایات سے ثابت ہوتا ہے کہ مرد و عورت کے لیے امام کے کھڑے ہونے کی جگہ اس کا سینہ ہے۔
فریق ثانی کا مؤقف اور دلائل : عورت کے لیے تو درمیان میں کھڑے ہوں گے مگر مرد کے لیے اس کے سر کے برابر کھڑے ہوں گے یہ امام شافعی ‘ ابو یوسف رحمہم اللہ کا مؤقف ہے دلیل یہ ہے۔

٢٧٤٠‘ ابو غالب کہتے ہیں کہ میں نے انس بن مالک (رض) کو دیکھا کہ انھوں نے ایک آدمی کا جنازہ پڑھا تو آپ اس کے سر کے برابر کھڑے ہوئے اور ان کے پاس عورت کا جنازہ لایا گیا تو آپ درمیان میں کھڑے ہوئے۔ علاء بن زیاد نے کہا اے ابو حمزہ کیا جناب رسول اللہ (صلی اللہ علیہ وآلہ وسلم) اسی طرح کرتے تھے ؟ انھوں نے کہا جی ہاں اس کے بعد علاء بن زیاد ہماری طرف متوجہ ہو کر کہنے لگے تم اچھی طرح اس بات کو یاد کرلو۔
تخریج : ابو داؤد فی الجنائز باب ٥٣‘ نمبر ٣١٩٤۔

٢٧٤١: یزید بن ہارون کہتے ہیں کہ ہمیں ہمام نے خبر دی پھر انھوں نے اپنی اسناد سے روایت نقل کی ہے البتہ یہ اضافہ ہے کہ علاء بن زیاد نے کہا اے ابو حمزہ ! کیا اسی طرح جناب رسول اللہ عورت کے لیے وہیں کھڑے ہوتے جہاں تم کھڑے ہوئے اور مرد کے لیے جہاں تم کھڑے ہوئے وہیں کھڑے ہوتے تھے انھوں نے کہا جی ہاں۔
تخریج : ترمذی فی الجنائز باب ٤٥‘ نمبر ١٠٣٤‘ ابن ماجہ فی الجنائز باب ٢١‘ نمبر ١٤٩٤۔

٢٧٤٢: ابو غالب نے انس (رض) سے روایت کی ہے کہ جناب رسول اللہ (صلی اللہ علیہ وآلہ وسلم) آدمی کے لیے سر کے پاس اور عورت کے سرین کے برابر کھڑے ہوتے۔ امام طحاوی (رح) فرماتے ہیں حضرت انس (رض) نے اس روایت میں بیان کردیا کہ جناب رسول اللہ (صلی اللہ علیہ وآلہ وسلم) مرد کے پاس کھڑے ہوتے اور عورت کے لیے قد کے درمیان میں جیسا کہ سمرہ (رض) کی روایت میں ہے۔ پس یہ روایت سمرہ والی روایت کے فوافق ہے کہ عورت کی نماز جنازہ کے وقت کہاں کھڑے ہوں اور اس میں مرد پر نماز جنازہ کے وقت قیام کا اضافہ ہے۔ پس یہ عمرہ (رض) کی روایت سے اولیٰ ہے اور ابی عمران کے بقول یہ امام ابو یوسف (رح) کا ملک ہے۔ اور مجھے یہ محمد بن شجاع نے حسن بن ابی مالک کی وساطت سے امام ابو یوسف (رح) سے بیان کیا ہے۔ البتہ ان کا مشہور قول تو امام ابوحنیفہ ‘ محمد جواب کے قول کے مطابق ہے۔
تخریج : ابو داؤد فی الجنائز باب ٥٣‘ ٣١٩٤۔
امام طحاوی (رح) فرماتے ہیں کہ حضرت انس (رض) نے اس روایت میں یہ بتلا دیا کہ مرد کے لیے سر کے پاس آپ کھڑے ہوتے اور عورت کے لیے درمیان میں جیسا کہ حدیث سمرہ (رض) میں ہے۔ گویا عورت کے سلسلہ میں تو دونوں روایات کا حکم ایک دوسرے کی روایت کے موافق ثابت ہوگیا البتہ انس (رض) کی روایت میں مرد کے سلسلہ میں اضافہ ہے پس یہ روایت سمرہ کی روایت سے اولیٰ ہے اور امام ابو یوسف (رح) کا قول بھی حسن بن ابی مالک کے بیان کے مطابق یہی ہے۔ البتہ ان کا مشہور قول امام ابوحنیفہ (رح) اور محمد (رح) کے قول کے مطابق ہے جیسا کہ اس اثر میں ملاحظہ کریں۔

٢٧٤٣: محمد بن الحسن نے ابو یوسف (رح) سے انھوں نے امام ابوحنیفہ (رح) سے نقل کیا کہ مرد و عورت کے سینہ کے برابر کھڑے ہوں اور محمد (رح) اللہ نے امام ابوحنیفہ ‘ ابو یوسف جواب کے مابین کوئی اختلاف ذکر نہیں کیا اور یہ ابراہیم نخعی (رح) سے بھی مروی ہے۔
حاصل اثر : یہ ہے کہ امام ابو یوسف (رح) کا قول امام صاحب کے موافق ہے اور امام ابراہیم نخعی (رح) کا قول بھی یہی ہے جیسا کہ یہ اثر دلالت کرتا ہے۔

٢٧٤٤: شریک بن عبداللہ بن مغیرہ نے ابراہیم (رح) سے نقل کیا کہ امام جنازہ میں میت کے سینہ کے برابر کھڑا ہو۔ حضرت ابو جعفر (رح) نے فرمایا ۔ پہلا قول ہمیں پسند ہے اس لیے اس کی تائید میں جناب رسول اللہ (صلی اللہ علیہ وآلہ وسلم) سے آثار وارد ہوتے ہیں۔
طحاوی (رح) کی ترجیح :
پہلا قول ہمارے نزدیک اولیٰ اور اعلیٰ ہے کیونکہ آثار روایات کے لحاظ سے وہ زیادہ پختہ ہے (البتہ اگر جنازے زیادہ ہوجائیں تو امام کے قریب افضل میت کو کیا جائے اور متعدد کو ایک بار پڑھا جائے یا الگ الگ پڑھا جائے ہر دو درست ہیں) ۔
نوٹ : اس باب میں بھی نظر طحاوی (رح) نہیں ہے اور یہاں بھی عام ترتیب کے خلاف راجح قول کو پہلے ذکر کیا حالانکہ عام طور پر صاحب کتاب فریق مرجوح کو پہلے اور آخر میں راجح کو ذکر کرتے ہیں اس باب میں بھی اختلاف راجح مرجوح سے زائد نہیں۔

٢٧٤٥: ابو سلمہ بن عبدالرحمن روایت کرتے ہیں کہ جب سعد بن ابی وقاص (رض) کی وفات ہوئی تو عائشہ (رض) نے فرمایا ان کا جنازہ مسجد میں داخل کرو تاکہ میں بھی اس پر نماز پڑھ سکوں تو لوگوں نے ان پر نکیر کی۔ تو عائشہ (رض) نے کہا جناب رسول اللہ (صلی اللہ علیہ وآلہ وسلم) نے سہیل بن بیضاء (رض) کا جنازہ مسجد میں پڑھا تھا۔
تخریج : مسلم فی الجنائز نمبر ٩٩‘ ابو داؤد فی الجنائز باب ٥٠‘ نمبر ٣١٨٩‘ ٣١٩٠‘ ترمذی فی الجنائز باب ٤٤‘ نمبر ١٠٣٣‘ ابن ماجہ فی الجنائز باب ٢٩‘ نمبر ١٥١٨۔
مسجد میں نماز جنازہ کا کیا حکم ہے ؟
نمبر 1: امام شافعی (رح) و احمد (رح) مسجد میں جنازہ پڑھنے میں کوئی حرج قرار نہیں دیتے جبکہ تلویث کا خطرہ نہ ہو۔
نمبر 2: احناف (رح) مالکیہ (رح) نمازِ جنازہ مسجد میں مکروہ قرار دیتے ہیں خواہ جو صورت ہو۔
مؤقف فریق اوّل : مسجد میں نماز جنازہ پڑھنے میں کوئی حرج نہیں مندرجہ روایات اس کی دلیل ہیں۔

٢٧٤٦: مالک نے ابوالنضر (رض) انھوں نے جناب رسول اللہ (صلی اللہ علیہ وآلہ وسلم) سے اس کو روایت کیا ہے۔

٢٧٤٧: عباد بن عبداللہ بن زبیر کہتے ہیں کہ عائشہ (رض) نے حکم فرمایا کہ سعد بن ابی وقاص (رض) کا جنازہ مسجد میں لایا جائے پھر یعقوب راوی جیسی روایت نقل کی ہے۔ امام طحاوی (رح) فرماتے ہیں ایک جماعت علماء نے اس روایت کو اختیار کیا ان کا کہنا یہ ہے کہ مسجد میں نماز جنازہ پر ہے لینے میں کچھ حرج نہیں انھوں نے اس سلسلہ میں مندرجہ روایات سے استدلال کیا ۔
تخریج : اخرجۃ الاربعۃ۔
حاصل روایات : ان روایات سے معلوم ہوتا ہے کہ مسجد میں جنازے پڑھنے میں کوئی قباحت نہیں ورنہ عائشہ (رض) مسجد میں پڑھنے کا حکم نہ دیتیں نیز انھوں نے سہیل بن بیضاء کے جنازے کا حوالہ دیا جو خود مستقل ثبوت ہے۔
اور انھوں نے یہ دلیل بھی دی ہے۔
مؤقف فریق ثانی : مسجد میں نماز جنازہ ہر طور مکروہ ہے جیسا کہ ان روایات سے ثابت ہوتا ہے۔

٢٧٤٨ : عبدالعزیز بن محمد نے مالک بن انس (رض) سے انھوں نے نافع سے ‘ انھوں نے ابن عمر (رض) سے فرمایا کہ حضرت عمر (رض) کا جنازہ مسجد میں پڑھا گیا۔ دوسرے حضرات نے ان سے اختلاف کرتے ہوتے ہوئے کہا کہ مساجد میں نماز جنازہ مکروہ ہے اور انھوں نے ان روایات سے استدلال کیا ہے۔