Al Tahawi

٥٨٨٣: شعبی نے خارجہ بن صلت سے انھوں نے اپنے چچا سے روایت نقل کی ہے کہ جناب رسول اللہ (صلی اللہ علیہ وآلہ وسلم) کی طرف سے لوٹے تو ہمارا گزر ایک عرب قبیلہ کے پاس سے ہوا۔ تو انھوں نے ہم سے کہا تم اس بڑے عالم کی طرف سے بہتری لائے ہو۔ کیا تمہارے پاس کوئی دوائی یا جھاڑ یا اور کوئی چیز ہے۔ کیونکہ ہمارے پاس ایک دیوانہ بیڑیوں میں جکڑا ہے۔ وہ فرماتے ہیں کہ ہم نے کہا ہاں۔ چنانچہ وہ اس دیوانہ کو ہمارے پاس لائے میں نے اس پر تین روز صبح و شام سورة فاتحہ پڑھی میں اپنے لعاب کو جمع کر کے اس پر تھوکتا رہا۔ گویا وہ رسّی سے کھل گیا۔ انھوں نے مجھے کچھ اجرت دی۔ میں نے کہا جب تک میں جناب رسول اللہ (صلی اللہ علیہ وآلہ وسلم) سے اس کے متعلق دریافت نہ کرلوں اس وقت تک نہ لوں گا۔ میں نے دریافت کیا تو آپ نے فرمایا اس کو کھاؤ۔ مجھے اپنی عمر کی قسم ہے جو آدمی باطل جھاڑ پھونک سے کھائے تو وہ باطل اور ناجائز ہے تو نے تو سچّے دم سے کھایا ہے۔
تخریج : ابو داؤد فی الطب باب ١٩‘ مسند احمد ٥؍٢١١۔
اجارہ : تملیک منافع مع العوض کو کہا جاتا ہے تعلیم قرآن مجید پر اجرت کے سلسلہ میں ایک رائے یہ ہے تعلیم قرآن پر اجرت میں کوئی حرج نہیں ہے۔
نمبر 2: تعلیم قرآن پر اجرت جائز نہیں ہے اس قول کو ائمہ احناف نے اختیار کیا ہے۔

٥٨٨٤: ابوالمتوکل ناجی نے ابو سعید خدری (رض) سے روایت کی ہے کہ اصحاب رسول اللہ (صلی اللہ علیہ وآلہ وسلم) ایک غزوہ میں شریک تھے۔ ان کا گزر ایک عرب قبیلہ کے پاس سے ہوا تو انھوں نے پوچھا کیا تم میں سے کوئی جھاڑ پھونک کرلیتا ہے ہمارے قبیلہ کے سردار کو سانپ نے ڈس لیا یا اس کو کوئی عارضہ پیش آگیا ہے۔ ابو سعید کہتے ہیں کہ ایک آدمی نے فاتحہ الکتاب پڑھ کر دم کردیا تو اس نے بکریوں کا ایک گلہ دیا اس آدمی نے لینے سے انکار کردیا پھر اس آدمی نے جناب رسول اللہ (صلی اللہ علیہ وآلہ وسلم) سے دریافت کیا تو آپ نے فرمایا تو نے کس چیز سے دم کیا اس آدمی نے کہا فاتحۃ الکتاب سے۔ آپ نے فرمایا : تمہیں کیا معلوم کہ وہ جھاڑ کا کام دیتی ہے ابو سعید کہتے ہیں پھر آپ نے اس کو لینے کا حکم دیا اور فرمایا اس میں میرا بھی ایک حصہ رکھ لو۔ ان آثار کو سامنے رکھتے ہوئے انھوں نے کہا کہ تعلیم قرآن پر اجرت میں حرج نہیں۔ تعلیم قرآن پر اجرت جائز نہیں جس طرح کہ نماز کی تعلیم پر اجرت جائز نہیں۔ اس سلسلہ میں جو روایات پیش کی گئی ہیں ان میں جس اجرت کا ذکر ہے وہ قرآن مجید کی تعلیم پر نہیں وہ دم پر اجرت ہے اور اس میں قرآن مجید پر اجرت کا قصد نہیں کیا گیا اور اس میں تو ہم بھی یہی کہتے ہیں کہ دم کرنے اور ہر قسم کے علاج معالجہ پر اجرت درست ہیں اگرچہ ہم یہ جانتے ہیں اس پر اجرت لینے والا بعض اوقات قرآن مجید کے کسی حصہ کے ساتھ بھی دم کرتا ہے۔ ایک دوسرے کو دم کرنا واجب نہیں فلہذا اگر وہ ایسے عمل پر اجارہ کریں جو ان پر لازم نہ ہو تو اس میں کوئی حرج نہیں۔ مگر لوگوں پر لازم ہے کہ وہ ایک دوسرے کو قرآن مجید سکھائیں کیونکہ اس میں اللہ تعالیٰ کی طرف سے تبلیغ ہے مگر جو ان میں سے تعلیم دے گا تو وہ باقی لوگوں کی طرف سے کفایت کرنے والا ہوگا جیسا کہ نماز جنازہ تمام لوگوں پر فرض ہے مگر بعض کے ادا کرلینے سے باقی کی طرف سے کفایت ہوجائے گی اور اگر کوئی شخص کسی سے اپنے رشتہ دار کے نماز جنازہ پڑھنے کی اجرت مانگے تو یہ جائز نہیں ہے کیونکہ وہ اس عمل کی اجرت مانگ رہا ہے جو اس پر لازم ہے۔ اسی طرح قرآن مجید بھی ایک دوسرے کو سکھانا فرض ہے البتہ بعض کے سکھا دینے سے باقی کی طرف سے کفایت ہوجائے گی۔ فلہذا اگر کوئی کسی کو تعلیم قرآن کے لیے اجرت پر رکھے تو یہ اجارہ اور اجرت دونوں ناجائز ہیں کیونکہ اس فرض عمل پر اجارہ کیا ہے اور اس عمل کو سقوط فرض کے لیے اسے خود کرنا لازم تھا مگر اجاروں میں مزدور اپنے مستاجر کے لیے عمل کرتا ہے تبھی تو اجارہ درست ہوتا ہے اور وہ بدل کا مالک بنتا ہے۔ آپ نے تعلیم قرآن مجید کے سلسلے میں جو بات کہی ہے کیا اس پر کوئی چیز آپ (صلی اللہ علیہ وآلہ وسلم) سے بھی منقول ہے۔ تو اس کے جواب میں کہا جائے گا اس سلسلہ میں جناب رسول اللہ (صلی اللہ علیہ وآلہ وسلم) سے بہت سی روایات وارد ہیں مثلا ” لاتاکلوا بالقرآن “ نمبر ٢ حضرت عبادہ (رض) سے مروی ہے کہ میں بعض اصحاب صفہ کو قرآن مجید پڑھاتا تھا۔ ان میں سے ایک نے مجھے ایک کمان ہدیہ میں دی اور اصرار کیا کہ اس کو راہ خدا کے لیے قبول فرمائیں۔ میں نے یہ بات جناب رسول اللہ (صلی اللہ علیہ وآلہ وسلم) کی خدمت میں ذکر کی تو آپ نے فرمایا اگر تم چاہتے ہو کہ اس کے بدلے میں اللہ تعالیٰ تمہیں آگ کی کمان کا طوق ڈالیں تو اسے قبول کرلو۔
تخریج : بخاری فی الطب باب ٣٣‘ مسلم فی السلام ٦٥؍٦٦‘ مسند احمد ٣‘ ٢؍٤٤۔
فریق اول کا مؤقف : ان آثار کو سامنے رکھتے ہوئے انھوں نے کہا کہ تعلیم قرآن پر اجرت میں حرج نہیں۔
فریق ثانی کا مؤقف : تعلیم قرآن پر اجرت جائز نہیں جس طرح کہ نماز کی تعلیم پر اجرت جائز نہیں۔
مؤقف اول کا جواب : اس سلسلہ میں جو روایات پیش کی گئی ہیں ان میں جس اجرت کا ذکر ہے وہ قرآن مجید کی تعلیم پر نہیں وہ دم پر اجرت ہے اور اس میں قرآن مجید پر اجرت کا قصد نہیں کیا گیا اور اس میں ت وہم بھی یہی کہتے ہیں کہ دم کرنے اور ہر قسم کے علاج معالجہ پر اجرت درست ہیں اگرچہ ہم یہ جانتے ہیں اس پر اجرت لینے والا بعض اوقات قرآن مجید کے کسی حصہ کے ساتھ بھی دم کرتا ہے۔
وجہ جواز : ایک دوسرے کو دم کرنا واجب نہیں فلہذا اگر وہ ایسے عمل پر اجارہ کریں جو ان پر لازم نہ ہو تو اس میں کوئی حرج نہیں۔ مگر لوگوں پر لازم ہے کہ وہ ایک دوسرے کو قرآن مجید سکھائیں کیونکہ اس میں اللہ تعالیٰ کی طرف سے تبلیغ ہے مگر جو ان میں سے تعلیم دے گا تو وہ باقی لوگوں کی طرف سے کفایت کرنے والا ہوگا جیسا کہ نماز جنازہ تمام لوگوں پر فرض ہے مگر بعض کے ادا کرلینے سے باقی کی طرف سے کفایت ہوجائے گی اور اگر کوئی شخص کسی سے اپنے رشتہ دار کے نماز جنازہ پڑھنے کی اجرت مانگے تو یہ جائز نہیں ہے کیونکہ وہ اس عمل کی اجرت مانگ رہا ہے جو اس پر لازم ہے۔ اسی طرح قرآن مجید بھی ایک دوسرے کو سکھانا فرض ہے البتہ بعض کے سکھا دینے سے باقی کی طرف سے کفایت ہوجائے گی۔
فلہذا اگر کوئی کسی کو تعلیم قرآن کے لیے اجرت پر رکھے تو یہ اجارہ اور اجرت دونوں ناجائز ہیں کیونکہ اس فرض عمل پر اجارہ کیا ہے اور اس عمل کو سقوط فرض کے لیے اسے خود کرنا لازم تھا مگر اجاروں میں مزدور اپنے مستاجر کے لیے عمل کرتا ہے تبھی تو اجارہ درست ہوتا ہے اور وہ بدل کا مالک بنتا ہے۔
سوال : آپ نے تعلیم قرآن مجید کے سلسلے میں جو بات کہی ہے کیا اس پر کوئی چیز آپ (صلی اللہ علیہ وآلہ وسلم) سے بھی منقول ہے۔
جواب : اس سلسلہ میں جناب رسول اللہ (صلی اللہ علیہ وآلہ وسلم) سے بہت سی روایات وارد ہیں مثلا ” لاتاکلوا بالقرآن “ نمبر ٢ حضرت عبادہ (رض) سے مروی ہے کہ میں بعض اصحاب صفہ کو قرآن مجید پڑھاتا تھا۔ ان میں سے ایک نے مجھے ایک کمان ہدیہ میں دی اور اصرار کیا کہ میں اس کو راہ خدا کے لیے قبول فرمائیں۔ میں نے یہ بات جناب رسول اللہ (صلی اللہ علیہ وآلہ وسلم) کی خدمت میں ذکر کی تو آپ نے فرمایا اگر تم چاہتے ہو کہ اس کے بدلے میں اللہ تعالیٰ تمہیں آگ کی کمان کا طوق ڈالیں تو اسے قبول کرلو۔
تخریج : ابو داؤد فی البیوع باب ٣٦‘ ابن ماجہ فی التجارات باب ٨‘ مسند احمد ٥؍٣١٥۔
ہم نے ان روایات کو باب التزویج علی سورة من القرآن کتاب النکاح میں ذکر کیا ہے۔ اس سلسلہ کی مزید روایات ملاحظہ ہوں۔

٥٨٨٥: مطرف بن شخیر نے عثمان بن ابی العاص (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے فرمایا تم ایسا موذن مقرر کرو جو اذان پر اجرت نہ لے۔ تو جناب رسول اللہ (صلی اللہ علیہ وآلہ وسلم) نے اجرت پر اذان کو ناپسند فرمایا۔
تخریج : ترمذی فی الصلاۃ باب ٤١‘ نسائی فی الاذان باب ٣٢‘ ابن ماجہ فی الاذان باب ٣‘ مسند احمد ٤؍٢١٧۔
روایت ابن عمر (رض) :

٥٨٨٦: یحییٰ البکاء سے مروی ہے کہ ایک آدمی نے ابن عمر (رض) کو کہا مجھے اللہ تعالیٰ کی خاطر تم سے محبت ہے۔ ابن عمر (رض) نے فرمایا مگر میں تم سے اللہ تعالیٰ کی خاطر بغض رکھتا ہوں کیونکہ تم اپنی اذان پر اجرت لیتے ہو ۔ ان روایات سے ثابت ہوتا ہے کہ اذان پر کسی کو اجرت دے کر رکھنا مکروہ ہے اور قرآن مجید کی تعلیم پر اجارہ یہی حکم رکھتا ہے کیونکہ جناب رسول اللہ (صلی اللہ علیہ وآلہ وسلم) نے اللہ تعالیٰ کی طرف سے قرآن مجید کی ایک بھی آیت کو پہنچا دینے کا حکم فرمایا ہے اور اپنے پیغمبر پر تبلیغ کو فرض فرمایا اور فرمایا اے رسول اللہ (صلی اللہ علیہ وآلہ وسلم) جو کچھ آپ کے رب کی طرف سے آپ پر اتارا گیا اس کو پہنچا دیں اور اگر آپ ایسا نہ کریں تو آپ نے اپنی رسالت کی تبلیغ نہ کی اور اللہ تعالیٰ آپ کو لوگوں سے محفوظ رکھے گا۔ ” یا ایہا الرسول بلغ ماانزل الیک۔۔۔“ ۔
تبلیغ رسالت کے سلسلہ میں مزید فرمایا :

٥٨٨٧: ابو کبشہ سلولی نے حضرت عبداللہ بن عمرو بن العاص (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے فرمایا۔” بَلِّغُوْا عَنِّیْ وَلَوْ آیَۃً ۔۔۔ “ کہ ایک آیت قرآن بھی ہو تو وہ بھی میری طرف سے پہنچاؤ اور بنی اسرائیل کی باتیں نقل کرنے میں حرج نہیں اور جس نے مجھ پر جان بوجھ کر جھوٹ بولا : (فَلْیَتَبَوَّأْ مَقْعَدَہُ مِنَ النَّارِ ) تو اسے اپنا ٹھکانا جہنم بنا لینا چاہیے۔ اس روایت میں جناب رسول اللہ (صلی اللہ علیہ وآلہ وسلم) نے امت پر تبلیغ کو لازم فرمایا۔ پھر جناب رسول اللہ (صلی اللہ علیہ وآلہ وسلم) نے آپ کی طرف سے بات کے پہنچانے اور دوسروں سے بات نقل کرنے میں فرق کو ذکر کرتے ہوئے فرمایا۔ بنی اسرائیل سے بات بیان کرنے میں حرج نہیں یعنی تم پر ان سے بیان نہ کرنے میں کچھ گناہ نہیں۔ پس اس پر انعام و اجرت کو طلب کرنا جو کہ اس پر فرض ہے تو یہ فرض پر اجرت کو چاہنا ہے جو کہ اس پر حرام ہے کیونکہ وہ اپنی ذات کے لیے عمل کرنا ہے تاکہ فریضہ کی ادائیگی ہو اور جو عمل دوسرے کے لیے کیا جائے مثلاً جھاڑ پھونک وغیرہ اگرچہ قرآن مجید کی آیات سے ہو یا علاج وغیرہ اس پر اجرت جائز ہے اور حلال ہے۔ اس بات کو سامنے رکھنے سے آثار مذکورہ کے معانی درست ہوجاتے ہیں اور ان میں منافات اور تضاد نہیں رہتا۔ یہ تمام امام ابوحنیفہ ‘ ابو یوسف ‘ محمد رحمہم اللہ کا قول ہے۔
تخریج : بخاری فی احادیث الانبیاء باب ٥٠‘ ترمذی فی العلم باب ١٣‘ دارمی فی المقدمہ باب ٤٦‘ مسند احمد ٢‘ ١٥٩؍٢٠٢۔

٥٨٨٨: سائب بن یزید نے بیان کیا کہ حضرت رافع بن خدیج (رض) نے بتلایا کہ جناب رسول اللہ (صلی اللہ علیہ وآلہ وسلم) نے فرمایا سینگی لگانے والے کی کمائی ناپاک ہے۔
تخریج : مسلم فی المساقاۃ ٤٠؍٤١‘ ترمذی فی البیوع باب ٤٦‘ نسائی فی الصید باب ١٥‘ مسند احمد ٣؍٤٦٤‘ ٤؍١٤١۔
اس سلسلہ میں ایک فریق کا قول یہ ہے کہ اجرت حجام حرام ہے اس قول کو امام احمد (رح) نے اختیار کیا ہے۔
فریق ثانی کا قول یہ ہے کہ یہ اجرت جائز ہے اور عدم جواز کی روایات تمام تر منسوخ ہیں۔ (العینی ص ٥٥٦)

٥٨٨٩: سائب بن یزید نے بیان کیا کہ میں نے رافع بن خدیج (رض) کو بیان کرتے سنا کہ جناب رسول اللہ (صلی اللہ علیہ وآلہ وسلم) نے اسی طرح فرمایا۔

٥٨٩٠: عطاء نے حضرت ابوہریرہ (رض) سے روایت کی کہ جناب رسول اللہ (صلی اللہ علیہ وآلہ وسلم) نے فرمایا سینگی لگانے والے کی کمائی حرام ہے۔

٥٨٩١: عطاء نے حضرت ابوہریرہ (رض) سے انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت کی ہے۔

٥٨٩٢: عبدالعزیز بن زیاد نے حضرت انس بن مالک (رض) سے روایت کی ہے جناب رسول اللہ (صلی اللہ علیہ وآلہ وسلم) نے حجام کی کمائی کو حرام قرار دیا۔