Kanz al-Ummal

29811 ۔۔۔ آدمی جو چیز مستعار لے اس کا واپس کرنا واجب ہے۔ (رواہ احمد بن حنبل وابن عدی والحاکم عن سمرۃ) ۔ کلام : ۔۔۔ حدیث ضعیف ہے دیکھئے ضعیف الترمذی 217 و ضعیف ابو داؤد 61 ۔

29812 ۔۔۔ مستعار چیز واپس کرنا ضروری ہے اور منحہ بھی واپس کیا جائے گا ۔ (رواہ ابن ماجہ عن انس) فائدہ : ۔۔۔ منحہ دودھ دینے والے جانور کو کہا جاتا ہے خواہ وہ بکری ہو گائے وہ بھینس ہو یا اونٹنی ہو وسرے کو دودھ پینے کے لیے جانور دینا بڑا فضیلت والا عمل ہے لہٰذا جو جانور بھی دودھ پینے کے لیے دیا جائے اس کی منفعت پر معاملہ طے ہوتا ہے اصل چیز مالک کی ہوتی ہے اس کا واپس کرنا ضروری ہے۔۔ کلام :۔۔۔ حدیث ضعیف ہے دیکھئے المعلۃ 27 ۔

29813 ۔۔۔ مستعار چیز کا واپس کرنا واجب ہ منخہ کا واپس کرنا ضروری ہے قرض ادا کردیا جائے اور ضامن ضمانت پوری کرنے پر مجبور ہے۔۔ (رواہ احمد بن حنبل وابو داؤد والترمذی وابن ماجہ والضیاء عن ابی امامۃ)

29814 ۔۔۔ مسعار چیز کا واپس کرنا واجب ہے (رواہ الحاکم وابن ماجہ عن ابن عباس)

29815 ۔۔۔ اسلام تمہارے لیے کسی چیز کو ضائع اور تلف ہونے سے نہیں بچاتا لہٰذا مستعار کا واپس کرنا واجب ہے۔ (رواہ البیھقی فی السن عن عطاء بن ابی ریاح مرسلا)

29816 ۔۔۔ مستعار کا واپس کرنا واجب ہے منحہ کا واپس کرنا ضروری ہے جو شخص دودھ دینے والی اونٹنی کے تھنوں کو دھاگے سے باندھے ہوئے دیکھے وہ اس کا دھاگا نہ کھولے حتی کہ اونٹنی واپس کر دے۔ (رواہ ابن حبان والطبرانی و سعید بن المنصور عن ابی امامۃ)

29817 ۔۔۔ دودھ پینے کے لیے عطیہ پر دیا گیا جانور واپس کرنا واجب ہے مستعار کا واپ کرنا ضروری ہے عرض کیا گیا اے اللہ کے نبی کیا یہ اللہ تبارک وتعالیٰ کا حکم ہے ؟ فرمایا : اللہ تبارک وتعالیٰ کا حکم پورا کرنا واجب ہے۔ (رواہ الحاکم فی الکنی وابن النجار عن ابی امامۃ)

29818 ۔۔۔ سیدنا حضرت علی المرتضی (رض) نے فرمایا : مستعار چیز ودیعت کی طرح ہوتی ہے مستعار کے ضائع ہونے پر ضمان نہیں ہاں البتہ زیادتی سے ضائع ہوجائے تب اس پر ضمان ہے۔ (رواہ عبدالرزاق)

29819 ۔۔۔ سیدنا حضرت علی المرتضی (رض) نے فرمایا : مستعار چیز لینے والے پر ضمان ہیں۔ (رواہ عبدالرزاق)

29820 ۔۔۔ سیدنا حضرت علی المرتضی (رض) نے فرمایا : مستعار چیز پر ضمان نہیں چونکہ مستعار دینا ایک بھلائی ہے البتہ اگر لینے والا زیادتی کرے پھر اس پر ضمان آئے گا۔ (رواہ عبدالرزاق)