Kanz al-Ummal

28072 ۔۔۔ طبیب حقیقی اللہ کی ذات ہے اور شاید تو کچھ ایسی چیزوں سے آرام پا جائے جن سے تو دوسروں کو جلا ڈالے ۔ (شیرازی عن مجاہد مرسلا)

28073 ۔۔۔ اللہ ہی طبیب ہے۔ (ابوداؤد عن ابی رمثہ)

28074 ۔۔۔ تو معاون ہے اور اللہ تبارک وتعالیٰ طبیب ہے۔ (مسند احمد عن ابی رمثہ)

28075 ۔۔۔ ہر مرض کی جڑ بدہضمی ہے۔ (دارقطنی عن انس (رض) ، ابن السنی ، ابو نعیم عن علی وعن ابی سعید وعن الزھری مرسلا)

28076 ۔۔۔ اللہ کے بندو ! علاج معالجہ کرو اس لیے کہ اللہ تبارک وتعالیٰ کوئی ایسی بیماری نہیں اتارتا جس کی دوا اس نے نہ اتاری ہو بجز بڑھاپے کے۔ (مسند احمد زوائد مسن ابن حبان حکم عن اسامۃ بن شریک)

28077 ۔۔۔ اے اللہ کے بندو ! علاج کرو پس بیشک اللہ نے کوئی ایسی بیماری نہیں اتاری جس کی دوا نہ رکھی ہو سوائے ایک بیماری کے یعنی بڑھاپا ۔ (مسند احمد ، ابن حبان، حاکم عن اسامۃ بن شریک)

28078 ۔۔۔ بیشک اللہ تعالیٰ نے جہاں بیماری کو پیدا کیا ہے وہاں دوا کو بھی پیدا کیا ہے پس دوا کرو ۔ (مسند احمد عن انس (رض))

28079 ۔۔۔ بیشک اللہ تبارک وتعالیٰ نے کوئی ایسی بیماری نہیں اتاری جس کی دوا نہ اتاری ہو اس دوا کو جو جانتا ہے سو جانتا ہے اور جس کو علم نہیں وہ ناواقف ہے، علاوہ موت کے ، (حاکم عن ابی سعید (رض))

28080 ۔۔۔ تحقیق جس ذات نے بیماری اتاری اس ذات نے دوا بھی اتاری ہے۔ (حاکم عن ابو ہریرہ (رض))

28081 ۔۔۔ دوا فیصلہ الہی سے ہے اور ارادہ الہی سے ہی وہ شفا بخش ہوجاتی ہے۔ (طبرانی کبیر ابو نعیم عن ابن عباس (رض))