Kanz al-Ummal

٤٠٤٨٤۔۔۔ یتیموں کے مال میں تجارت کیا کرو (پڑے رہنے سے) زکوۃ انھیں کھانہ جائے۔ طبرانی فی الاوسط عن انس ، کلام : اسنی المطالب ٣٥، ضعیف الجامع ٨٧۔

٤٠٤٨٥۔۔۔ یتیموں کے مال میں نفع تلاش کرو، زکوۃ نہ انھیں کھاجائے۔ الشافعی عن یوسف بن ماھک مرسلا، کلام۔۔۔ ضعیف الجامع ٣٣۔

٤٠٤٨٦۔۔۔ جو کسی ایسے یتیم کا والی وارث ہو، جس کا مال ہو تو وہ اس میں تجارت کرے اسے ایسے ہی نہ چھوڑے کہ زکوۃ اسے کھاجائے۔ ترمذی عن بن عمرو، کلام۔۔۔ ضعیف الترمذی ٩٦، ضعیف الجامع ٢١٧٩۔

٤٠٤٨٧۔۔۔ اپنے یتیم کے مال سے تجارت کرکے نفع کھا، نہ اس میں زیادتی کر نہ فضول خرچی اور نہ مال کی زکوۃ دیتے ہوئے اور اس کے مال کے ذریعہ اپنا مال مت بچا۔ ابوداؤد نسائی، ابن ماجۃ عن ابن عمرو

٤٠٤٨٨۔۔۔ جس نے تین یتیموں کی نگہداشت کی تو وہ روات کو قیام کرنے والے اور دن کو روزہ رکھنے والے کی طرح ہے اور اس جیسا ہے جس نے صبح وشام اللہ تعالیٰ کی راہ میں اپنی تلواراٹھائی تو وہ اور میں دونوں جنت میں ایسے ہیں جیسے یہ دوانگلیاں ہیں۔ ابن ماجۃ عن ابن عباس، کلام۔۔۔ ضعیف الجامع ٥٦٩٣۔

40489 ۔۔۔ جس نے مسلمانوں میں سے کسی یتیم کا ہاتھ اپنے کھانے اور پینے کی طرف پکڑا تو اللہ تعالیٰ اسے جنت میں داخل کرے گا، البتہ اس نے ایسا کوئی گناہ نہ کیا ہو جس کی بخشش نہ ہوتی ہو۔ ترمذی عن ابن عباس۔

٤٠٤٩٠۔۔۔ ذمہ دارتاوان بھرتا ہے۔ عن ابی اسامۃ، کلام۔۔۔ ذخیرۃ الحفاظ ٣١١٤، کشف الخفائ ١٦٣٩۔

٤٠٤٩١۔۔۔ یتیموں کے مال کی حفاظت کروتا کہ اسے زکوۃ نہ کھائے۔ الشافعی، طبرانی فی الکبیر عن عمروبن شعیب عن ابیہ عن جدہ

٤٠٤٩٢۔۔۔ حضرت عمر (رض) سے روایت ہے فرمایا : اللہ تعالیٰ اس شخص پر رحم کرے جس نے ایک باریتیم کے مال میں تجارت کی۔ رواہ البیہقی

٤٠٤٩٣۔۔۔ یتیموں کے مال میں تجارت کرو اور ان کی زکوۃ دو ۔ رواہ عبدالرزاق