Kanz al-Ummal

28651 ۔۔۔ علم حاصل کرنا ہر مسلمان پر فرض ہے۔ (رواہ عبدالرزاق، والبیہقی فی شعب الایمان، عن انس (رض)، ابو داؤد ، طیالسی و سعید ابن منصور وخطیب عن الحسینین علی ، طبرانی فی الاوسط ، عن ابن عباس (رض)، تمام عن ابن عمر ، طبرانی فی الکبر عن ابن مسعود (رض)، خطیب عن علی (رض) طبرانی فی الاوسط وٍالبیہقی فی شعب الایمان، عن ابن سعید)

28652 ۔۔۔ علم حاصل کرنا ہر مسلمان پر فرض ہے۔ جو شخص کسی ناہل کے سامنے علم کے خزانے بکھیرے اس کی مثال ایسی ہی ہے جیسے خنزیر کے گلے میں جواہر موتی اور سونے کا ہار ڈالنے والا ۔ (رواہ ابن ماجہ عن انس (رض)) ۔ کلام : ۔۔۔ حدیث ضعیف ہے دیکھئے ضعیف ابن ماجہ 42 و ضعیف الجامع 3626 ۔

28653 ۔۔۔ علم حاصل کرنا ہر مسلمان پر فرض ہے طالب علم کی لیے ہر چیز استغفار کرتی ہے حتی کہ سمندر میں تیرنے والی مچھلیاں بھی ۔ (رواہ ابن عبدالبر فی العلم عن انس (رض))

28654 ۔۔۔ علم حاصل کرنا ہر مسلمان پر فرض ہے اللہ تعالیٰ مظلوم کی فریاد کو بہت پسند کرتا ہے۔ (رواہ البیہقی فی شعب الایمانوابن عبدالبر ، عن انس (رض)) ۔ کلام : ۔۔۔ حدیث ضعیف ہے دیکھئے الکشف الالہی 520 و ضعیف الجامع 3625 ۔ فائدہ : اتنا علم حاصل کرنا ہر مسلمان (مرد عورت) پر فرض ہے جس کے بغیر چارہ کار نہ ہو جیسے نماز ، روزہ ، زکوۃ ، حج وغیرہ کے ضروری مسائل حلال و حرام کا ضروری علم اس حدیث کو آج کل کے مروجہ عصری علوم وفنون کے لیے پیش کرنا اور پھر عورتوں اور نوجوان لڑکیوں کا اسکولز ، کالجز اور یونیورسٹیز میں جانا اور اس حدیث کو حجت بنانا زبردست غلطی اور کم فہمی ہے دینی علوم ، عصرعلوم ، سائنسی علوم مباح ہیں فرض نہیں ۔ فلیتامل۔

28655 ۔۔۔ علم حاصل کرنا اللہ تعالیٰ کے ہاں نماز روزہ ، حج اور جہاد فی سبیل اللہ سے افضل ہے۔ (رواہ الطبرانی وابن عبد البر ، عن انس (رض))

28656 ۔۔۔ حصول علم کے لیے گھڑی بھر کا وقت صرف کرنا رات بھر کے قیام سے افضل ہے حصول علم کی لیے ایک دن صرف کرنا تین مہینوں کے روزوں سے افضل ہے۔ (رواہ الدیلمی فی مسند الفردوس ، عن ابن عباس (رض)) ۔ کلام : ۔۔۔ حدیث ضعیف ہے دیکھئے التنزیہ 379 و ضعیف الجامع 3623 ۔

28657 ۔۔۔ طلب علم عبادت سے افضل ہے اور تقوی دین کا سرمایہ ہے۔ (رواہ الخطیب وابن عبدالبرفی العلم ، عن ابن عباس (رض)) ۔ کلام : ۔۔۔ حدیث ضعیف ہے دیکھئے ذخیرۃ الحفاظ 3578 و ضعیف الجامع 3868 ۔

28658 ۔۔۔ علم عمل سے افضل ہے افضل اعمال وہ ہیں جو متوسط درجہ کے ہوں اللہ تعالیٰ کا دین سستی اور غلوم کے درمیان ہے دو برائیوں کے درمیان نیکی ہوتی ہے اسے صرف اللہ تعالیٰ کے فضل سے حاصل کیا جاسکتا ہے وہ سفر بہت بڑا ہوتا ہے جس میں سواری پر اس کی طاقت سے زیادہ بوجھ لاد دیا جائے ۔ (رواہ البیہقی فی شعب الایمانعن بعض الصحابۃ)

28659 ۔۔۔ حقیقی علم تین چیزیں ہیں ان کے سوا باقی سب کچھ فالتو ہے وہ تین چیزیں یہ ہیں کتاب اللہ سنت متواترہ اور اٹل فیصلہ جو موافق عدل ہو۔ (رواہ ابوداؤد وابن ماجہ والحاکم عن ابن عمرو (رض))

28660 ۔۔۔ حقیقی علم تین چیزیں ہیں کتاب اللہ سنت متواترہ اور لاادر (یعنی میں نہیں جانتا) ۔ (رواہ الدیلمی فی مسند الفردوس) ۔ کلام : ۔۔۔ حدیث ضعیف ہے دیکھئے ذخیرۃ الحفاظ 3579 و ضعیف الجامع 387 ۔