Kanz al-Ummal

30338 ۔۔۔ انسان کے ہاتھ پر وہ چیز (واپس کرنا) واجب ہے یہاں تک کہ وہ اسے ادا نہ کر دے ۔ (رواہ احمد بن حنبل وابن عدی والحاکم عن سمرۃ) ۔ کلام : ۔۔۔ حدیث ضعیف ہے دیکھئے ضعیف الترمذی 217 و ضعیف ابی داؤد 76 ۔

30339 ۔۔۔ جو شخص اپنا مال بعینہ کسی کے ہاں پائے وہ اسے لینے کا حقدار ہے اور خریدنے والا فروخت کرنے والے کا پیچھا کرے ۔ (رواہ ابو داؤد عن سمرۃ) ۔ کلام : ۔۔۔ حدیث ضعیف ہے دیکھئے ضعیف ابی داؤد 258 و ضعیف الجامع 5870 ۔

30340 ۔۔۔ جب کسی شخص کا مال گم ہوجائے یا چوری ہوجائے پھر وہ کسی اور کے ہاتھ میں دیکھے جو اس نے خریدا ہوا صل مالک اس کا حقدار ہے اور مشتری بائع سے ثمن کا مطالبہ کرے ۔ (رواہ البیہقی فی السنن عن سمرۃ) ۔ کلام : ۔۔۔ حدیث ضعیف ہے دیکھئے ضعیف ابن ماجہ 551 و ضعیف الجامع 580 ۔

30341 ۔۔۔ تم میں سے کوئی شخص بھی اپنے کسی ساتھی کا مال نہ لے نہ مذاقا اور نہ ہی سنجیدگی (سچ مچ) سے اگر کوئی شخص اپنے ساتھی کا مال لے وہ اسے واپس کرے ۔ (رواہ احمد بن حنبل وابو داؤد والحاکم عن السائب ابن بریدۃ)

30342 ۔۔۔ جو شخص بھی کسی کا مال ہتھیاتا ہے وہ قیامت کے دن اللہ تعالیٰ سے ملے گا جبکہ وہ جذام کی بیماری میں مبتلا ہوگا ۔ (رواہ الطبرانی عن اشعث بن قیس)

30343 ۔۔۔ کسی مسلمان کے لیے حلال نہیں کہ وہ اپنے بھائی کا مال بغیر کسی حق کے لے لے چونکہ اللہ تعالیٰ نے ایک مسلمان کا مال دوسرے مسلمان پر حرام کیا ہے۔ (رواہ احمد بن حنبل عن ابی حمید الساعدی)

30344 ۔۔۔ کسی مسلمان کے لیے حلال نہیں کہ وہ اپنے بھائی کی دلی رضا مندی کے بغیر اس کا عصا بھی لے چونکہ اللہ تعالیٰ نے سختی سے ایک مسلمان کا مال دوسرے مسلمان پر حرام کیا ۔ (رواہ البیہقی فی السنن عن ابی حمید الساعدی)

30345 ۔۔۔ کسی شخص کے لیے اپنے بھائی کا مال حلال نہیں الا یہ کہ وہ اسے دلی رضا مندی سے دے دے ۔ (رواہ احمد بن حنبل والطبرانی والبیہقی عن عمرو بن بشربی)

30346 ۔۔۔ تم میں سے کوئی شخص بھی اپنے بھائی کا مال نہ خریدے الا یہ کہ وہ بیچنے پر دل سے راضی ہو۔ رواہ الدارقطنی عن انس وضعف)

30347 ۔۔۔ اگر تم بےآب وگیاہ صحراء میں بھیڑ کو پاؤ کہ تم نے چھری اور آگ اٹھا رکھی ہو اس بھیڑ کو چھوؤ بھی مت ۔ (رواہ البیہقی عن عمر وبن یشربی)