Kanz al-Ummal

11777 ۔۔۔ حضرت سعید بن المسیب فرماتے ہیں حضرت عمر (رض) نے بھگوڑے غلام کو لانے کی اجرت چالیس درھم مقرر فرمائی۔ (ابن ابی شیبہ )

11778 ۔۔۔ حضرت قتادۃ اور ابوہاشم فرماتے ہیں کہ حضرت عمر (رض) نے بھگوڑے کے جرمانے میں چالیس درہم کا فیصلہ فرمایا۔ (ابن ابی شیبہ)

11779 ۔۔۔ ابو عمرو الشیبانی فرماتے ہیں کہ میں حضرت ابن مسعود (رض) کے پاس چند بھگوڑے غلام لائے میں نے العین میں جاکر پکڑا تھا تو آپ (رض) نے دریافت فرمایا کہ اجرت ہے یا غنیمت ؟ میں نے عرض کی یہ تو اجرت ہے، غنیمت کیا ہے ؟ تو فرمایا چالیس درہم۔ (عبدالرزاق)
٭٭٭٭٭
اللہ تعالیٰ کی مدد سے کنزالعمال کی چوتھی جلد مکمل ہوئی
اس کے ساتھ جلد پنجم ہے جو حرف ” حاء “ سے شروع ہوتی ہے اور حج وعمرۃ، حدود حضانۃ اور الحوالۃ پر مشتمل ہے۔
(مترجم سلمان اکبر۔ فاضل جامعہ احسن العلوم)

11784 حج فی سبیل اللہ میں نفقہ (کھانے پینے کا خرچ) سات 700 سو گناہ بڑھ جاتا ہے۔ سمویہ عن انس (رض)۔

11785 مقبول حج کی جزاء تو صرف جنت ہے۔ رواہ طبرانی عن ابن عباس (رض)
کلام : روایت محل کلام ہے۔ ذخیرۃ الحفاظ 2695 ۔

11786 حج جہاد ہے اور عمرہ نفل ہے۔ رواہ ابن ماجہ عن طلحۃ بن عبیداللہ ورواہ طبرانی عن ابن عباس (رض)۔
کلام : روایت ضعیف ہے : ضعیف ابن ماجہ 645، ضعیف الجامع 2761 ۔

11786 حج جہاد ہے اور عمرہ نفل ہے۔ رواہ ابن ماجہ عن طلحۃ بن عبیداللہ ورواہ طبرانی عن ابن عباس (رض)۔

11788 ہمیشہ حج وعمرہ کرو، کیونکہ یہ گناہوں اور فقروفاقہ کو اس طرح مٹا ڈالتے ہیں جیسے لوہار کی بھٹی لوہے کے زنگ کو مٹا ڈالتی ہے۔
رواہ الدار قطنی فی الافراد والطبرانی فی الاوسط عن جابر (رض)
کلام : روایت محل کلام ہے ذخیرہ الحفاظ 162، النوافح 72 ۔

11789 اللہ تعالیٰ فرماتے ہیں : وہ بندہ تو بہت ہی محروم ہے جس کو میں نے جسمانی صحت عطا فرمائی اور اس کے رزق میں وسعت بخشی ، پانچ سال اس پر ایسے گزرتے ہیں مگر وہ میری طرف نہیں آتا۔ یعنی باوجود وسعت وصحت کے حج وعمرہ نہیں کرتا ، تو ایسا شخص بہت محروم ہے۔
رواہ ابویعلی فی مسندہ والبیھقی فی شعب الایمان عن ابی سعید (رض)

11790 بیشک فرشتے سواری پر حج کو جانے والوں سے مصافحہ کرتے ہیں اور پیدل حج کو جانے والوں سے معانقہ کرتے ہیں۔ رواہ ابن ماجہ عن عائشہ (رض)
کلام : ضعیف الجامع 1788 ۔