Kanz al-Ummal

17469 سفر کرو صحت حاصل کرو گے اور رزق نصیب ہوگا۔
عبدالرزاق عن محمد بن عبدالرحمن مرسلاً
کلام : ضعیف الجامع 321 ۔

17470 سفر کرو صحت مند رہو گے اور مال غنیمت پاؤ گے۔
السنن للبیہقی عن ابن عباس (رض) ، الشیرازی فی الالقاب ، الاوسط
للطبرانی ، ابونعیم فی الطب، القضاعی عن ابن عمر (رض)
کلام : ذخیرۃ الحفاظ 3126، ضعیف الجامع 3212 ۔

17471 سفر کروصحت مند رہو گے، غزوہ کرو غنیمت پاؤ گے۔ مسند احمد عن ابوہریرہ (رض)
کلام : ضعیف الجامع 3210، الضعیفۃ 254 ۔

17472 سفر کرو صحت مند رہو گے عمامہ باندھو حلم وبربادباری ملے گی۔
ابوعبداللہ بن محمد بن وضاح فی فضل العمائم عن ابی ملیح الھذلی عن ابیہ
کلام : ذخیرۃ الحفاظ 3125 ۔

17473 جب تم میں سے کوئی سفر کو نکلے تو اپنے بھائیوں کو الوداع کہے۔ کیونکہ اللہ تعالیٰ اس کے لیے ان کی دعاؤں میں برکت کردے گا۔ ابن عساکر، مسند الفردوس للدیلمی عن زید بن ارقم
کلام : علامہ مناوی (رح) فرماتے ہیں : سند میں نافع بن الحارث ہے جس کو امام ذہبی (رح) نے ضعفاء میں شمار کیا ہے اور امام بخاری (رح) فرماتے ہیں اس کی روایت صحیح نہیں ہوتی۔ نیز علامہ سیوطی (رح) نے بھی اس حدیث پر ضعف کا اشارہ فرمایا ہے۔ دیکھئے فیض القدیر 333/1 ۔

17474 جب تو سفر کا ارادہ کرے یا کسی مقام پر جانے کے لیے نکلے تو اپنے گھر والوں کو یہ کلمات کہہ دے :
استود عکم اللہ الذی لا تخیب ودائعہ
میں تم ک واللہ کی امانت میں دیتا ہوں جس کے پاس امانتیں ضائع نہیں ہوا کرتی۔
الحکیم عن ابوہریرہ (رض)
کلام : ضعیف الجامع 353 ۔

17475 حضرت لقمان حکیم (علیہ السلام) نے فرمایا : اللہ تعالیٰ کے پاس جب کوئی امانت رکھوائی جائے اللہ پاک اس کی حفاظت فرماتے ہیں۔ مسند احمد عن ابن عمر
کلام : ضعیف الجامع 1921 ۔

17476 جب تم میں سے کوئی سفر کا ارادہ کرے تو اپنے بھائیوں کو سلام کرلے اس سے ان کی دعاؤ وں کے ساتھ اپنی دعا میں خیر کا اضافہ ہوگا۔ مسند احمد، السنن للبیہقی عن ابوہریرہ (رض)
کلام : امام سیوطی (رح) نے اس حدیث پر ضعف کا اشارہ فرمایا ہے۔ علامہ مناوی (رح) فیض میں نقل کرتے ہیں کہ عراقی (رح) نے فرمایا : اس روایت کی سند ضعیف ہے۔ امام ہیثمی (رح) فرماتے ہیں کہ اس کی سند میں یحییٰ بن العلاء البجلی ضعیف ہے۔ فیض القدیر 269/1 ۔

17477 اللہ تعالیٰ کے پاس جب کوئی چیز امانت رکھوائی جائے اللہ تعالیٰ اس کی حفاظت فرماتے ہیں۔ ابن حبان، السنن للبیہقی عن ابن عمر (رض)

17478 اللہ تعالیٰ تقویٰ کو تیرا توشہ بنائے، تیرے گناہ بخشے اور تجھے خیر کی طرف لے جائے جہاں بھی ہو۔ الکبیر للطبرانی عن قتادۃ بن عیاش
کلام : ضعیف الجامع 2631 ۔
فائدہ : مذکورہ دعا مسافر کو دینی چاہیے جس کے عربی کلمات یہ ہیں :
جعل اللہ التقوی زادک وغفرذنبک ووجھک للخیر حیث مائکون۔