Kanz al-Ummal

30369 ۔۔۔ رسول اللہ ﷺ نے ارشاد فرمایا کہ میراث کا علم سیکھو اور لوگوں کو سکھلاؤ کیونکہ وہ آدھا علم ہے وہ بھلا یا جائے گا وہ سب سے پہلے میری امت سے اٹھالیا جائے گا۔ ابن ماجہ ، مستدرک بروایت ابوہریرہ (رض)
کلام :۔۔۔ اسنی المطالب 497 التمییز 59

30370 ۔۔۔ رسول اللہ ﷺ نے فرمایا : ۔ علم میراث اور قرآن کریم سیکھو اور لوگوں کو سکھلاؤ کیونکہ وہ آدھا علم ہے وہ بھلا دیا جائے گا میری امت سے پہلے یہی علم اٹھا لیا جائے گا۔ مستدرک بروایت ابوہریرہ (رض)

30371 رسول اللہ ﷺ نے فرمایا : علم فرائض اور قرآن کو سیکھو اور لوگوں کو سکھلاؤ کیونکہ میں دنیا میں سے اٹھا لیاجاؤں گا۔ ترمذی بروایت ابوہریرہ (رض) اس حدیث میں کلام ہے۔ امام ترمذی نے اس کو ضعیف کہا ہے ضعیف الجامع 245

30372 ۔۔۔ رسول اللہ نے فرمایا کہ ” ماں باپ کے حقوق ، اللہ تعالیٰ نے ماں کے حقوق کے بارے میں تین مرتبہ حکم فرمایا اور بات کے حقوق کے بارے میں دو مرتبہ اور اللہ تعالیٰ نے رشتہ داروں کے حقوق ادا کرنے کا حکم فرمایا ۔ جو جتنا زیادہ قریب ہو اس کا حق اتنا زیادہ ہے۔ (بخاری ادب المفراد ابن ماجہ طبرائی مستدرک بروایت مقداد (رض))

30373 فرمایا : میراث کو ورثہ کے درمیان کتاب اللہ میں بیان کردہ حصوں کے مطابق تقسیم کرو حصے داروں کے حصے دینے کے بعد جو مال باقی بچے وہ مرد رشتہ دار یعنی غصہ کو دیا جائے گا۔ (ابوداؤد) اس روایت کو بخاری و مسلم نے بھی روایت کیا ہے۔

30374 رسول اللہ (صلی اللہ علیہ وآلہ وسلم) نے ارشاد فرمایا : کہ عصبہ کا حق میراث ورثہ میں تقسیم کرو جو مال باقی بچے وہ میت کے مرد رشتہ دار یعنی عصبہ کو دیا جائے گا۔ (احمد، بیہقی ترمذی بروایت ابن عباس (رض) عنھما)

30375 رسول اللہ (صلی اللہ علیہ وآلہ وسلم) نے فرمایا کہ بھانجہ بھی قوم میں شمار ہوگا۔ احمد، بیہقی، ترمذی، نسائی بروایت انس (رض)، ابوداؤد بروایت ابوموسی اشعری (رض) طبرانی بروایت جیبر بن مطعم، ابن عباس، ابو مالک اشعری (رض)

30376 رسول اللہ (صلی اللہ علیہ وآلہ وسلم) نے فرمایا کہ تمہارا بھانجہ تمہارے خاندان سے شمار ہوگا اور جس سے معاہدہ ہوا وہ نیز تمہارے غلام بھی (حکم میں) تمہارے خاندان سے شمار ہوں گے۔ قریش سچے اور امانتدار ہیں جو صرف ان کی لغزشوں کو تلاش کرے اللہ تعالیٰ اسے اوندھے منہ جہنم میں گرادے گا۔ حدیث کے آخری جملہ میں ایسے لوگوں کو وعید سنائی گئی ہے جو قریش کو نقصان پہنچانے اور ایذاء رسانی کے درپے ہوں ۔

30377 رسول اللہ (صلی اللہ علیہ وآلہ وسلم) نے فرمایا کہ ماموں بھی وارث ہے۔ ابن نجار بروایت ابوہریرہ (رض)

30378 رسول اللہ (صلی اللہ علیہ وآلہ وسلم) نے فرمایا کہ جس شخص کا کوئی شخص وارث نہ ہو تو ماموں اس کا وارث ہوگا۔ (ترمذی بروایت حضرت عائشہ (رض) عقبلی بروایت ابی درداہ (رض))