Kanz al-Ummal

٣٨٣٢٩۔۔۔ میں اور قیامت دونوں ایک سانس (کی طرح) مبعوث ہوئے البتہ میں اس سے آگے نکل گیا جیسے یہ انگلی اس سے آگے ہے آپ نے اپنی شہادت اور درمیان والی انگلی کی طرف اشارہ کیا۔ (ترمذی، عن المسنورد)
کلام :۔۔۔ ضعیف الجامع ٢٣٣٩۔

٣٨٣٣٠۔۔۔ میں اور قیامت ایسے بھیجے گئے۔ (مسند احمد، بیھقی، ترمذی، عن انس، مسند احمد بیھقی عن سھل بن سعد)

٣٨٣٣١۔۔۔ میں قیامت کے بہاؤ میں بھیجا گیا۔ (الحاکم فی الکنی عن ابی جبیرۃ)

٣٨٣٣٢۔۔۔ میری اور قیامت کی مثال میدان کے دوگھوڑوں کی طرح ہے، میری اور قیامت کی مثال اس شخص کی طرح جسے اس کی قوم نے لشکر سے پہلے (دشمن کی تفتیش کے لئے) بھیجا ہو، جب اس نے خوف محسوس کیا کہ (دشمن کا لشکر) اس سے پہلے نکل جائے گا، تو وہ اپنے کپڑے کو ہلا کر پکارتا ہے، تم آگئے آگئے، میں وہی ہوں میں وہی ہوں۔ (بیھقی فی شعب الایمان عن سھل بن سعد)
کلام :۔۔۔ ضعیف الجامع ٥٢٥٢۔

٣٨٣٣٣۔۔۔ دنیا (کی عمر) سات ہزار سال ہے اور میں اس کے آخری ہزار میں ہوں۔ (طبرانی فی الکبیر والبیھقی فی الدلائل عن الضحاک بن زمل)

٣٨٣٣٤۔۔۔ قیامت قریب آگئی اور وہ ان کے قریب ہوتی جارہی ہے۔ (طبرانی فی الکبیر عن ابن مسعود)

٣٨٣٣٥۔۔۔ قیامت قریب آگئی اور لوگوں کی حرص دنیا بڑھ رہی ہے اور اللہ تعالیٰ سے دور ہورہے ہیں۔ (حاکم عن ابن مسعود

٣٨٣٣٦۔۔۔ لوگ مجھ سے قیامت کے بارے میں پوچھتے ہیں جب کہ اس کا علم تو اللہ ہی کو ہے اللہ کی قسم ! (اس) زمین پر آج جو جاندار بھی ہے اس پر سو سال آئیں گے۔ (مسند احمد، مسلم، عن جابر)

٣٨٣٣٧۔۔۔ مومنوں کے لیے قیامت کا وقت ظہر سے عصرتک (کی طرح) ہوگا۔ (حاکم عن ابوہریرہ )
کلام :۔۔۔ کشف الخفاء ٣٢٠٠١۔

٣٨٣٣٨۔ اگر یہ لڑکا زندہ رہا تو ابھی بوڑھا نہیں ہوگا کہ قیامت قائم ہوجائے گی (مسلم عن انس، ابوداؤد عن المغیرۃ وعن عائشہ)