Kanz al-Ummal

٤٢٠٤٨۔۔۔ تین آدمی کھیتی کاشت کرتے ہیں ایک وہ جس کی اپنی زمین ہے وہ اسے کاشت کرتا ہے ایک وہ جسے کسی نے زمین دی تو وہ اس حصہ پر کھیتی کرتا ہے ایک وہ شخص جو کرایہ پر زمین لیتا ہے سونے کے بدلہ یا چاندی کے بدلہ۔ ابوداؤد، نسائی، ابن ماجۃ ، عن رافع بن خدیج

٤٢٠٤٩۔۔۔ جس نے کوئی زمین اس کے مالک کے بغیر کاشت کی تو اس کے لیے اس کا خرچ ہے پیداوار میں اس کا کوئی حصہ نہیں۔ مسنداحمد، ابوداؤد، ترمذی، ابن ماجۃ، عن رافع بن خدیج

٤٢٠٥٠۔۔۔ جس نے پٹائی پر کاشتکاری نہیں چھوڑی تو اسے اللہ تعالیٰ اور اس کے رسول کی طرف سے اعلان جنگ ہے۔ ابوداؤد، حاکم عن جابر

٤٢٠٥١۔۔۔ تم میں سے کوئی اپنے بھائی کو کوئی چیز برتنے کودے دے یہ اس سے بہتر ہے کہ اس چیز پر مقرراجرت وصول کرے۔ بخاری عن ابن عباس

٤٢٠٥٢۔۔۔ آدمی اپنے بھائی کو اپنی زمین بخش دے یہ اس سے بہتر ہے کہ اس زمین پر مقررا جرت وصول کرے۔ مسنداحمد، مسلم، ابوداؤد، نسائی، ابن ماجۃ عن ابن عباس

٤٢٠٥٣۔۔۔ جس کی زمین ہو وہ اسے کاشت کرے، اگر وہ کھیتی نہ کرسکے عاجزہوتو وہ اپنے مسلمان بھائی کو برتنے کے لیے دے دے اس کی اجرت نہ لے پس اگر اس نے بھی زراعت نہیں کی تو وہ اپنی زمین اپنے پاس رکھے۔ مسنداحمد، بخاری، مسلم، نسائی، ابن ماجۃ عن جابر، بیہقی، نسائی عن ابوہریرہ ، مسنداحمد، ترمذی، نسائی عن رافع بن خدیج، مسنداحمد، ابوداؤد، عن رافع بن راجع

٤٢٠٥٤۔۔۔ جس کی زمین ہو وہ خود اسے جوتے یا اپنے بھائی کو جوتنے کے لیے دے دے تہائی چوتھائی اور مقرراناج کے عوض کرایہ پر نہ دے۔ مسنداحمد، ابوداؤد، ابن ماجۃ عن رافع بن خدیج

٤٢٠٥٥۔۔۔ کسی چیز کے بدلہ زمین کو کرایہ پر نہ دو ۔ نسائی عن رافع بن حدیج، کلام۔۔۔ ضعیف النسائی ٢٥٤، ضعیف الجامع ٦٢٧۔

٤٢٠٥٦۔۔۔ آپ نے باہمی زراعت سے منع فرمایا۔ مسنداحمد، مسلم، عن ثابت بن الضحاک

٤٢٠٥٧۔۔۔ اللہ تعالیٰ نے ایک تیر کی مسافت کھیتی کی حرمت بنائی ہے۔ بیہقی فی السنن عن عکرمۃ مرسلا