Kanz al-Ummal

17206 اثمد سرمہ لگاؤ۔ وہ نگاہ تیز کرتا ہے اور (پلکوں اور ابرؤ وں کے) بال اگاتا ہے۔
النسائی، مستدرک الحاکم ، ابن حبان عن ابن عباس (رض)

17207 تمہارے سرموں میں سے بہترین سرمہ اثمد ہے جو نگاہ بڑھاتا ہے اور بال اگاتا ہے۔
النسائی، مستدرک الحاکم، ابن حبان عن ابن عباس (رض)

17208 دونوں آنکھوں میں سرمہ لگانا نگاہ تیز کرتا ہے اور مسواک کرنا منہ کی ڈاڑھوں کو مضبوط کرتا ہے۔ الدیلمی عن حذیفہ (رض)

17209 تمہارے سرموں میں سے بہترین سرمہ سوتے وقت اثمد سرمہ لگانا ہے۔ جو بالوں کو اگاتا ہے اور نگاہ تیز کرتا ہے۔ ابن حبان عن ابن عباس (رض)

17210 جب تم میں سے کوئی تیل لگائے تو پہلے اپنی ابرؤ وں پر لگائے وہ سردردی کو رفع کرتا ہے۔ ابن السنی ، ابونعیم فی الطب عن قتادہ مرسلاً ، مسند الفردوس عن انس (رض)

17211 تیل لگانا محتاجگی کو بھگاتا ہے (اچھا) لباس پہننا غنی کو ظاہر کرتا ہے، خادم کے ساتھ احسان کرنا دشمن کو ناکام کرتا ہے۔ ابن السنی ، ابونعیم فی الطب عن طلحۃ
کلام : ضعیف الجامع :3023 ۔

17212 تیلوں کا سردار تیل گل بنفشہ ہے۔ بنفشہ کے تیل کی فضیلت تمام تیلوں پر ایسی ہے جیسی میری فضیلت تمام لوگوں پر ہے۔ الشیرازی فی الالقاب عن انس (رض) وھو قل ضرف۔
کلام : التنکیت والا فادۃ 145، ضعیف الجامع :3317، الکشف الالٰہی 453 ۔

17213 جس نے تیل لگایا اور بسم اللہ نہیں پڑھی اس کے ساتھ ستر شیاطین نے تیل لگایا۔
ابن السنی فی عمل یوم ولیلۃ عن دوید بن نافع القرسی مرسلاً
کلام : الضعیفۃ 651 ۔

17214 لبان (کندر) تیل لگاؤ۔ یہ تمہارے لیے تمہاری عورتوں کے پاس زیادہ فائدہ والا ہے گل بنفشہ کا تیل لگاؤ وہ گرمیوں میں ٹھنڈا ہے اور سردیوں میں گرم ہے۔
الکامل لابن عدی، الدیلمی عن علی (رض)

17215 جب تم میں سے کوئی تیل لگائے تو اپنی ابرؤ وں سے ابتداء کرے وہ سردردی کو رفع کرتا ہے اور یہ بال ابن آدم پر سب بالوں سے پہلے اگتے ہیں۔ الحکیم عن قتادہ عن انس (رض)