Kanz al-Ummal

٤٢٠٩٤۔۔۔ موت کا ذکر کثرت سے کیا کر اس کےعلاوہ ساری چیزوں کا راستہ بند ہوجائے گا۔ ابن ابی الدنیا فی ذکر الموت عن سفیان عن شیخ مرسلاکلام۔۔۔ ضعیف الجامع : ١٠٩٩۔

٤٢٠٩٥۔۔۔ لذتوں کو توڑنے والی چیز موت کا ذکر بکثرت کرو۔ ترمذی، نسائی، ابن ماجۃ، ابن حبان، حاکم، بیہقی، عن ابوہریرہ ، طبرانی فی الاوسط، بیہقی فی الشعب حلیۃ الاولیاء ، عن انس، حلیۃ الاولیاء عن عمر

٤٢٠٩٦۔۔۔ لذتوں کو ختم کرنے والی کا ذکر کثرت سے کرو کیونکہ وہ جس کثرت میں ہوگا اسے کم کردے گا اور جس تھوڑی چیز میں ہوگا اس کے لیے کافی ہوگا۔ بیہقی فی الشعب عن عمرو، کلامـ۔۔۔ ضعفیا لجامع ١١١٢۔

٤٢٠٩٧۔۔۔ لذت شکن کا ذکر بکثرت کرو کیونکہ جس نے بھی اسے زندگی کی تنگی میں یاد کیا تو وہ اس کے لیے وسیع ہوگئی اور جس نے وسعت میں یاد کیا تو اس پر تنگی کردے گی۔ بیہقی فی الشعب ، ابن حبان، عن ابوہریرہ ، البزار عن انس۔

٤٢٠٩٨۔۔۔ موت کا ذکر زیادہ کیا کرو اس لیے کہ یہ گناہ گھناتی ہے دنیا سے بےرغبت کرتی ہے اگر تم نے اسے مالداری کے وقت یاد کیا اسے گرادے گی اور فقر کی گھڑی میں یاد کیا تو تمہیں تمہاری زندگی سے خوش کردے گی۔ ابن ابی الدنیا عن انس، کلام۔۔۔ ضعیف الجامع : ١١١٠، الکشف الالٰہی ٦٣۔

٤٢٠٩٩۔۔۔ موت تمہارے پاس لازمی طورپر سختی سے آئی یا سعادت کی یا بدبختی کی۔ ابن ابی الدنیا فی ذکرالموت، بیہقی فی الشعب عن زید المسلمی مرسلا، کلام۔۔۔ ضعیف الجامع ٨٥۔

٤٢١٠٠۔۔۔ موت تمہارے پاس لازمی اور سختی سے آگئی موت آئی سوجیسی آئے فرحت و راحت اور رحمن کے دوستوں کے لیے مبارک حرکت ہے جو دارالخلو د والے ہیں جس کے لیے ان کی رغبت و کوشش تھی آگاہ رہو ہر کوشش کرنے والے کی ایک غرض ہوتی ہے اور ہر کوشش کرنے والے کی حد موت ہے آگے نکلنے والا یا اس سے آگے نکل جائے۔ بیہقی فی الشعب عن الوضین ابن عطاء مرسلا، کلام :۔۔۔ ضعف الجامع : ٨٦۔

٤٢١٠١۔۔۔ میرے بھائیو ! اس جیسے دن کی تیاری کرو۔ خطب عن البراء

٤٢١٠٢۔۔۔ اے میرے بھائیو ! اس جیسے دن کی تیاری کرو۔ ابن ماجہ، بیہقی فی السنن عن البراء

٤٢١٠٣۔۔۔ اے میرے بھائیو ! اس جیسے دن کی تیاری کرو۔ مسنداحمد، ابن ماجۃ عن البراء