Kanz al-Ummal

31761 ۔۔۔ اللہ تعالیٰ نے میرے لیے زمین کو لپیٹ دی تو میں نے مشرق ومغرب کا مشاہدہ کیا اور میری امت کی سلطنت وہاں تک پہنچے گی جہاں تک میرے لیے لپیٹا گیا مجھے دوخزانے دئیے گئے سرخ اور سفید اور میں نے اپنے رب سے درخواست کی میری امت کو عام قحط سالی سے ہلاک نہ فرمایا نہ ان پر غیروں سے دشمن مسلط فرما جوان کے خون کو حلال سمجھ لے میرے رب عزوجل نے فرمایا اے محمد میں نے تقدیر کا فیصلہ نافذ کردیا اس کو نہیں ٹالا جاسکتا میں نے آپ کی دعا امت کے حق میں قبول کرلی کہ ان کو عام قحط سالی کے ذریعہ ہلاک نہیں کروں گا اور ان پر غیروں سے ایسادشمن مسلط نہیں کروں گا جوان کے خون کو حلال قرار دے۔
مجھے اپنی امت پر گمراہ کرنے والے ائمہ کا خوف ہے جب میری امت میں ایک دفعہ تلوار چل جائے گی پھر قیامت تک یہ سلسلہ جاری رہے گا اور قیامت قائم نہ ہوگی یہاں تک میری امت کی ایک جماعت مشرکین کے ساتھ مل جائے گی یہاں تک کہ میری امت کے بعض قبائل بتوں کو پوجاکریں گے اور میری امت میں تیس جھوٹے نبی ہوں گے سب کا یہی دعویٰ ہوگا کہ وہ نبی ہے حالانکہ میں آخری بنی ہوں میرے بعد کوئی نیا نبی نہیں آئے گا میری امت کی ایک جماعت ہمیشہ حق پر قائم رہے گی ان کو مخالفین نقصان نہیں پہنچاسکیں گے یہاں تک اللہ کا حکم آجائے۔ احمد مسلم ، ترمذی ابن ماجہ بروایت ثوبان (رض)

31762 ۔۔۔ اے عمار خوش ہوجاؤ تمہیں باغی فرقہ قتل کرے گا۔ ترمذی بروایت ابوہریر (رض)

31763 ۔۔۔ ارشاد فرمایا کاش کے مجھے معلوم ہوتا میرے بعد میری امت کا کیا حال ہوگا جب ان کے مرد اترا کرچلیں گے اور ان کی عورتیں بھی اٹک مٹک کرچلیں گی کاش مجھے۔ (امت کا حال معلوم ہوجاتا جب وہ دو حصوں میں منقسم ہوگی ایک جماعت ناصبیوں کی ان کا خون اللہ کے راستہ میں بہے گا دوسری جماعت غیر اللہ کے لیے عمل کرنے والی ہوگی۔ ابن عساکر بوسطہ ایک شخص

31764 ۔۔۔ (غزوہ موتہ کے موقع پر ) ارشاد فرمایا کہ جھنڈا پہلے زید بن ثابت (رض) نے اپنے ہاتھ میں لیا وہ شہید ہوگئے پھر جعفر بن ابی طالب (رض) نے لیا وہ شہید ہوگیا پھر عبداللہ بن رواحہ (رض) نے لیا وہ شہید ہوگئے پھر خالد بن ولید (رض) نے لیا بغیر امارت کے اللہ تعالیٰ نے ان کے ہاتھ پر فتح دیدی اس بات سے مجھے خوشی نہ ہوتی وہ میرے پاس ہوتے یا فرمایا ان کو اس بات پر خوشی نہ ہوتی وہ ہمارے پاس ہوتے۔ احمد بخاری نسائی بروایت انس (رض)

31765 ۔۔۔ ارشاد فرمایا کہ جب کسری ہلاک ہوجائے گا اس کے بعد کوئی کسری پیدانہ ہوگا جب قیصر ہلاک ہوگا اس کے بعد کوئے قیصر پیدانہ ہوگا قسم ہے اس ذات کی جس کے قبضہ میں میری جان ہے تم ان دونوں بادشاہوں کے خزانوں کو اللہ کی راہ میں خرچ کروگے۔ (احمد بیہقی بروایت جابر بن سمرة احمدبیہقی ترمذی بروایت ابوہریرہ (رض))

31766 ۔۔۔ ارشاد فرمایا جب مسلمانوں میں خون ریزی ہوگی اللہ تعالیٰ اپنے غلاموں کی ایک جماعت بھیج دیں گے وہ عرب کے ماہر گھڑ سوار ہوں گے اور عمدہ اسلحہ کے حاصل ہوں گے اللہ تعالیٰ ان کے ذریعہ اس دین کی مدد فرمائیں گے ۔ (ابن ماجہ مستدرک بروایت ابی ہرہرة ضعیف الجامع 726)

31767 ۔۔۔ ارشاد فرمایا کہ تم مصر کو فتح کروگے اس میں قیراط نامی ایک جگہ جب اس کو فتح کروتو وہاں کے باشندوں کے ساتھ اچھا برتاؤ کرو کیونکہ ان کے ساتھ معاہدہ ہے اور رشتہ داری بھی ہے جب تم دیکھو کسی جگہ دو آدمی ایک ایک اینٹ زمین پڑ لڑ رہے ہیں تو وہاں سے نکل جاؤ۔ (احمد مسلم ، بروایت ابی ذر (رض))

31768 ۔۔۔ فرمایا جب مصر فتح ہوجائے توقبطی قوم کے ساتھ اچھا برتاؤ کرو کیونکہ ان کے ساتھ معاہدہ بھی ہے اور رشتہ داری بھی۔ (طرابی مستدرک برویت کعب بن مالک)

31769 ۔۔۔ کسری کے قاصدوں سے فرمایا) جاؤ اپنے گورنر کو خبر دو کہ آج رات میرے رب نے کسری کو قتل کردیا۔
(ابونعیم بروایت دحیہ (رض))

31770 ۔۔۔ ارشاد فرمایا کہ اللہ تعالیٰ نے آج رات مجھے دوخزانے عطا فرمائے ۔ فار س اور روم کا اور میری مدد فرمائی بادشاہوں کے ذریعہ حمیر کے دوسرخ بادشاہ سلطنت تو اللہ ہی کی ہے لوگ آئیں گے اللہ کا مال لے کرو اور اللہ کی راہ میں جہاد کریں گے ۔ (احمد بروایت حشعم کے ایک شخص کے)