Kanz al-Ummal

٤٠٥٠٢۔۔۔ (جو چیز تجھے ملے) اس کی تعداد، اس کا تھیلا اور اس کا تسمہ (اچھی طرح) پہچان پھر ایک سال تک اس کا اعلان کر پھر اگر اس کا مالک آجائے تو بہترورنہ وہ تمہارے مال کی طرح ہے۔ مسنداحمد، بیہقی، بخاری، مسلم، ابوداؤد، ترمذی عن ابی بن کعب

٤٠٥٠٣۔۔۔ مسلمانوں کے گمشدہ (اونٹ اور گائیں جیسا) مال، آگ کی جلن ہے۔ ابن سعدعن الشیخین

٤٠٥٠٤۔۔۔ وہ گم شدہ اونٹ جو چھپائے گئے ہیں (جب مل جائیں) تو ان کا تاوان اور اس جیسے اونٹ ان کے ساتھ ہیں۔ ابوداؤدعن ابوہریرہ ، کلام۔۔۔ ضعیف الجامع ٤٠١٣۔ تاوان کی زیادتی اور اوائل اسلام میں تھی یابطور زجر تھی پھر منسوخ ہوگئی۔ حاشیہ مشکوۃ کتبا اللقطہ،

٤٠٥٠٥۔۔۔ ان میں سے جو چلتے راستہ اور بڑے گاؤں میں ہو تو اس کا ایک سال تک اعلان کرو، پھر اگر اس کا مالک آجائے تو اسے دے دو اور اگر نہ آئے تو وہ تمہاری ہے اور جو ویرانہ میں ہو تو اس میں اور زمین کی گاڑی ہوئی چیزوں میں پانچواں حصہ (بیت المال کا) ہے۔ ابوداؤد، نسائی عن ابن عمرو

٤٠٥٠٦۔۔۔ جسے کوئی چیز ملے تو وہ دوعادل گواہ کرلے نہ اسے چھپائے نہ غیب کرے، پھر اگر اسے اس کا مالک مل جائے تو وہ اسے واپس کردے، ورنہ وہ اللہ کا مال ہے جسے چاہتا ہے دیتا ہے۔ مسند احمد، ابوداؤد، ابن ماجہ عن عیاض بن حمار

٤٠٥٠٧۔۔۔ جسے کوئی ایساجانور ملاجس سے اس کے مالک چارادینے سے عاجز آگئے ہوں، اور اسے ایسے ہی چھوڑدیاہو پھر اس نے اسے پکڑلیا اور چ ارادے کرا سے زندہ رکھاتو اسی کا ہے۔ ابوداؤد عن رجال من الصحابۃ

٤٠٥٠٨۔۔۔ کمشدہ اونٹ اور گائے کو کوئی مگر اہ ہی پناہ دیتا ہے۔ مسند احمد، ابوداؤد، نسائی، ابن ماجۃ عن جریر یعنی آکروہ اس کا اعلان نہ کرے۔

٤٠٥٠٩۔۔۔ گمشدہ اونٹ یا کسی چیز کو جب توپائے تو اس کا اعلان کر نہ اسے چھپانہ غیب کر پھر اگر تجھے اس کا مالک ملے تو اسے دے دے ورنہ وہ اللہ کا مال ہے جسے چاہتا ہے عطا کرتا ہے۔ طبرانی عن الجارود

٤٠٥١٠۔۔۔ جس نے کسی گمشدہ اونٹ کو پناہ دی تو وہ خود گمراہ ہے جب تک اس کا اعلان نہ کرے۔ مسند احمد، مسلم عن زیدین خالد

٤٠٥١١۔۔۔ بدلے کے اونٹ واپس کئے جائیں۔ ابن عدی ، ابن ماجۃ، بیہقی عن ابوہریرہ ، کلام : ضعیف الجامع ٣٤٣٤۔