Kanz al-Ummal

٤٠٥٧٣۔۔۔ اگر اللہ تعالیٰ کی کتاب کا فیصلہ نہ ہوچکا ہوتا تو میرا اور اس عورت کا حال دیکھنے والاہوتا۔ ابوداؤد ترمذی۔ ماجۃ عن ابن عباس، نسائی عن عمر

٤٠٥٧٤۔۔۔ گواہ پیش کرودرنہ تمہاری پیٹھ پر حد (قذف، تہمت کے) کوڑے لگیں گے۔ ابوداؤد، ترمذی، حاکم، ابن ماجۃ عن ابن عباس

٤٠٥٧٥۔۔۔ چار عورتیں ایسی ہیں کہ ان کے اور ان کے خاوندوں کے درمیان لعان نہیں نصرانی عیسائی عورت جو کسی مسلمان کے نکاح میں ہو یہودی عورت جو کسی مسلمان کی بیوی ہوآزاد عورت جو کسی غلام کی بیوی ہوباندی جو کسی آزاد کے نکاح میں ہو۔ ابن ماجہ بیہقی عن عمروبن شعیب عن ابیہ عن جدہ

٤٠٥٧٦۔۔۔ چار عورتوں کے درمیان لعان نہیں، آزاد مرد اور باندی کے درمیان لعان نہیں، نہ آزاد عورت اور غلام کے درمیان لعان ہے اور نہ مسلمان مرد اور یہودی عورت کے درمیان لعان ہے اور نہ مسلمان مرد اور نصرانی عورت کے مابین لعان ہے۔ دارقطنی، بیہقی وضعفاہ عن ابن عمرو

٤٠٥٧٧۔۔۔ چار اشخاص کے درمیان لعان نہیں یہودی عورت جو مسلمان کے ماتحت ہو نصرانی عورت جو مسلمان کی بیوہ ہو غلام جو آزاد عورت کے پاس ہو، آزاد مرد جو کسی لونڈی کے پاس ہو۔ ابن عدی، بیہقی عن ابن عباس

٤٠٥٧٨۔۔۔ اللہ تعالیٰ جانتا ہے کہ تم میں سے ایک جھوٹا ہے کیا تم میں سے کوئی رجوع کرنے والا ہے آپ نے آپس میں لعان کرنے والے خاوند بیوی سے فرمایا۔ بخاری مسلم عن ابن عمربخاری عن ابن عباس

٤٠٥٧٨۔۔۔ تم دونوں کا حساب اللہ تعالیٰ کے ذمہ ہے تم میں سے ایک جھوٹا ہے تجھے اس پر کوئی اختیار نہیں، اس نے کہا : یارسول اللہ ! مہر میں دیا گیا میرا مال ! آپ نے فرمایا : تمہیں مال بھی نہیں ملے گا اگر تم نے اس کے بارے میں سچ کہا تو وہ اس کا عوض ہوگیا جو تم نے اس کی شرم گاہ کو حلال جانا اور اگر تم نے اس کے بارے میں جھوٹ بولا تو وہ تمہیں اس سے دور کرنے والا ہے آپ نے دولعان کرنے والوں سے فرمایا۔ مسنداحمد، بخاری مسلم ابوداؤد نسائی، ابن ماجہ عن ابن عمر

٤٠٥٨٠۔۔۔ یہ تم دونوں لعان کرنے والوں میں جدائی ہے۔ مسلم عن سھل ابن سعد

٤٠٥٨١۔۔۔ اگر ایمان نہ ہوتا تو میرا اور اس عورت کا حال دیدنی تھا۔ ابوداؤد طیالسی، عن ابن عباس

٤٠٥٨٢۔۔۔ لعان کرنے والوں میں جدائی ہوگی کبھی جمع نہیں ہوسکیں گے۔ عبدالرزاق، ابن ابی شیبۃ، بیہقی