Kanz al-Ummal

46159 جس شخص نے ھبہ کیا وہ (موھوب شے کا) اس کا زیادہ حقدار ہے جب تک کہ عوض نہ لے لے۔ رواہ مالک والبیہقی فی السنن عن ابن عمر ۔ کلام : حدیث ضعیف ہے دیکھئے ضعیف الجامع 5883 والضعیفۃ 363

46160 آدمی موہوب شے کا زیادہ حقدار ہے جب تک اس کا عوض نہ لے لے۔۔ رواہ ابن ماجہ عن ابوہریرہ ۔ کلام : حدیث ضعیف ہے دیکھئے ابن ماجہ 521 و ضعیف الجامع 3151

46161 ہبہ کرنے والا موھوب شے کا زیادہ مقدار ہے جب تک اس کا عوض نہ لے لے۔۔ رواہ البیہقی عن ابوہریرہ ۔ کلام : حدیث ضعیف ہے دیکھئے ضعیف ابن ماجہ 521 و ضعیف الجامع 3151

46162 جس شخص نے (کسی کو) کوئی شے ھبہ کی وہ اس کا زیادہ حقدار ہے جب تک اس کا عوض نہ لے لے، اگر اس نے ھبہ واپس کردیا اس کی مثال اس شخص جیسی ہے جس نے قے کی ہو اور پھر اسے چاٹ لے ۔ رواہ الطبرانی عن ابن عباس

46163 اس شخص کی مثال جو اپنے عطیہ کو واپس لے لے کتے جیسی ہے جو پیٹ بھر کر کھاتا ہے اور پھر قے کردیتا ہے پھر اس قے کو چاٹ لیتا ہے۔ رواہ ابن ماجہ عن ابوہریرہ ۔ کلام : حدیث ضعیف ہے دیکھئے المعلۃ 330

46164 موہوب شے کو واپس لینے والا ایسا ہی ہے جیسا کہ اپنی قے کو چاٹ لینے والا۔۔ رواہ احمد بن حنبل والبخاری ومسلم وابوداؤد والنسائی وابن ماجہ عن ابن عباس

46165 نہ ہی اپنے صدقہ (کیے ہوئے مال) کو خریدو اور نہ ہی اسے واپس لو اگرچہ وہ تمہیں درہم کے بدلہ میں کیوں نہ دے۔ چونکہ صدقہ واپس لینے الا ایسا ہی ہے جیسا کہ اپنی قے دوبارہ چاٹ لینے والا۔ رواہ احمد بن حنبل والبخاری ومسلم وابوداؤد والنسائی عن عمر

46166 اگر ھبہ قریبی رشتہ دار کے لیے ہوا ہے واپس نہیں کیا جاسکتا۔۔ رواہ الدارقطنی والحاکم والبیہقی فی السنن عن سمرۃ ۔ کلام : حدیث ضعیف ہے دیکھئے الضعیفۃ 361 واللطیفۃ 29

46167 ہمارے لیے روا نہیں کہ ہمارے لیے کوئی بری مثال پیش کی جائے چنانچہ اپنے ھبہ میں رجوع کرنے والاایسا ہی ہے جیسا کہ کتافتنے دوبارہ چاٹ لیتا ہے۔۔ رواہ احمد بن حنبل والبخاری والترمذی والنسائی عن ابن عباس وابن عدی والخطیب عن ابی بکر

46168 اس شخص کی مثال جو صدقہ کرے اور پھر اسے واپس لے کتے کی سی ہے جو قئے کر ڈالے اور پھر اسے چاٹنے لگے۔ رواہ مسلم والنسائی وابن ماجہ عن ابن عباس