Kanz al-Ummal

٣٩٨٠٥۔۔۔ جان بوجھ کر قتل کرنے کی سزا (قاتل کو) قتل کرنا ہے اور غلطی سے قتل کرنے سے دیت واجب ہوتی ہے۔ طبرانی عن ابن جزم

٣٩٨٠٦۔۔۔ جس شخص نے کسی کو جان بوجھ کر قتل کیا تو قاتل کو مقتول کے ورثاء کے حوالہ کیا جائے گا، چاہیں تو بدلہ میں اسے قتل کریں اور اگر چاہیں تودیت وصول کرلیں، جس کی مقدارتیس چار سالے اونٹ اور تیس پانچ سالے اور چالیس حاملہ اونٹنیاں ہیں اور جس مال پر وہ صلح کرلیں تو وہ ان کے لیے ہے۔ مسنداحمد، ترمذی ابن ماجۃ عن ابن عمرو

٣٩٨٠٧۔۔۔ صرف تلوار کی وجہ سے بدلہ میں قتل کیا جائے گا۔ ابن ماجۃ عن ابی بکرۃ وعن النعمان بن بشیر

٣٩٨٠٨۔۔۔ جسے خون یا کوئی نقصان پہنچا ہو تو اسے تین باتوں میں سے ایک کا اختیا رہے یا توبدلہ لے، یا دیت وصول کرے یا معاف کردے سوا گروہ چوتھی چیز کا ارادہ کرے تو اس کے ہاتھ روک لو، اگر اس نے ان میں سے کوئی کام کیا اور حد سے تجاوز کیا اور بدلہ میں اسے قتل کردیا گیا تو اس کے لیے جہنم ہے اس میں ہمیشہ کے لیے رہے گا۔ مسند احمدا، ابن ماجۃ عن ابی شریح کلام۔۔۔ ضعیف الجامع ٥٤٣٣

٣٩٨٠٩۔۔۔ جو کوئی اپنے غلام کو قتل کرے گا ہم بدلہ میں اسے قتل کریں گے اور جس نے اپنے غلام کی ناک کاٹی ہم اس کی ناک اٹیں گے۔ مسنداحمد، ابوداؤد، ترمدی، ابن ماجہ نسائی عن سمرۃ (رض) حضور (صلی اللہ علیہ وآلہ وسلم) اپنے دورحیات میں حاکم تھے لہٰذا بعد میں یہ کام حکام ہی کریں گے کسی علاقہ کی پنچائت اور جرگہ نہیں کرسکتا۔ ع ش

٣٩٨١٠۔۔۔ جس نے اپنے غلام کو آختہ بنایاہم اسے آختہ بنائیں گے۔ ابوداؤد حاکم، عن سمرۃ کلام :۔۔۔ ضعیف ابوداؤد ٩٧٥، ضعیف الجامع ٥٥٧٢

٣٩٨١١۔۔۔ حاملہ عورت جب کسی کو قتل کردے تو وضع حمل اور اپنے بچہ کو کسی کے حوالہ کرنے سے پہلے اسے قتل نہیں کیا جائے گا۔ ابن ماجۃ عن معاذ بن جبل وابی عبیدۃ بن الجراح وعبادۃ بن الصامت وشداد بن اوس کلام :۔۔۔ ضعیف ابن ماجہ ٥٨٧، ضعیف الجامع ٥٩٢٤۔

٣٩٨١٢ ۔۔۔ بیٹے کے بدلہ میں باب قتل نہیں کیا جائے گا۔ مسند احمد، ترمدی عن عمر، کلام اسنی المطالب ١٧٥٢ اتمیز ١٩٧، یعنی باپ جب بیٹے کو پینے اور بیٹا مرجائے، کیونکہ کوئی والد اتنا بےرحم نہیں ہوتا کہ جان بوجھ کر اپنی اولاد کو ماڈالے، دوسری بات یہ ہے کہ باپ بیٹے کی حیات کا سبب تھا۔ ھدایہ ع ش

٣٩٨١٣۔۔۔ والد کو بیٹے کے بدلہ میں قتل نہیں کیا جائے گا۔ ابن ماجۃ عن ابی عمرو عن ابن عباس

٣٩٨١٤۔۔۔ جہاں تک تمہارے اس بیٹے کا تعلق ہے تو تم پر اس کے جرم کی سزا نہیں اور نہ تمہارے جرم کی سزا اس پر ہے۔ مسنداحمد، ابوداؤد۔ نسائی۔ حاکم عن ابی رمثہ یعنی ہر شخص اپنے جرم کی سزاخود بھگتے گا۔