Sunan Al Bayhaqi

(١١٥٥٤) حضرت جابر بن عبداللہ (رض) سے روایت ہے کہ رسول اللہ (صلی اللہ علیہ وآلہ وسلم) نے فیصلہ کیا کہ شفعہ ہر اس چیز میں ہے جو تقسیم نہ ہوئی ہو۔ جب حدیں واقع ہوجائیں اور راستے بدل جائیں تو حقِ شفعہ باقی نہیں رہتا۔

(١١٥٥٥) حضرت جابر بن عبداللہ (رض) سے روایت ہے کہ رسول اللہ (صلی اللہ علیہ وآلہ وسلم) نے اس چیز میں حق شفعہ رکھا ہے جو ابھی تقسیم نہ ہوئی ہو۔ جب حدیں واقع ہوجائیں اور راستے بدل جائیں تو حقِ شفعہ باقی نہیں رہتا۔

(١١٥٥٦) پچھلی حدیث کی طرح سوائے ان الفاظ کے کہ ہر اس مال میں جو تقسیم نہیں ہوا۔

(١١٥٥٧) حضرت عبدالرزاق (رض) سے روایت ہے کہ اموال میں ہی جو تقسیم نہ ہوئے ہوں۔ جب حدیں تقسیم ہوجائیں اور لوگ اپنے حقوق پہچان لیں تو حقِ شفعہ باقی نہیں رہتا۔

(١١٥٥٨) حضرت جابر بن عبداللہ (رض) سے روایت ہے کہ رسول اللہ (صلی اللہ علیہ وآلہ وسلم) نے شفعہ کے بارے میں فیصلہ کیا جب تک تقسیم نہ ہو اور حدیں واقع نہ ہوں۔

(١١٥٥٩) صالح فرماتے ہیں : جب تک تقسیم نہ ہو اور حدود پہچان نہ لی جائیں۔

(١١٥٦٠) حضرت جابر بن عبداللہ (رض) سے روایت ہے کہ رسول اللہ (صلی اللہ علیہ وآلہ وسلم) نے فرمایا : جب حدود واقع ہوجائیں تو شفعہ باقی نہیں رہتا۔

(١١٥٦١) حضرت سعید بن مسیب سے روایت ہے کہ رسول اللہ (صلی اللہ علیہ وآلہ وسلم) نے شفعہ کے گھروں اور زمینوں میں فیصلہ کیا جب تک تقسیم نہ ہوجائیں۔ جب تقسیم ہوجائیں اور حدیں فاصلہ ڈال دیں تو ان میں شفعہ باقی نہیں رہتا۔

(١١٥٦٢) حضرت ابو سلمہ (رض) اور سعید دونوں فرماتے ہیں کہ رسول اللہ (صلی اللہ علیہ وآلہ وسلم) نے فرمایا : شفعہ اس چیز میں ہے جو تقسیم نہ ہوئی ہو پس جب حدود واقع ہوجائیں تو حق شفعہ باقی نہیں رہتا۔

(١١٥٦٣) حضرت ابوہریرہ (رض) سے روایت ہے کہ رسول اللہ (صلی اللہ علیہ وآلہ وسلم) نے شفعہ کے بارے میں فیصلہ کیا : شفعہ ہراس چیز میں ہے جو تقسیم نہ ہوئی ہو۔ جب حدود واقع ہوجائیں تو حق شفعہ باقی نہیں رہتا۔