Sunan Al Bayhaqi

(٢١٣٠٦) حضرت ابوہریرہ (رض) فرماتے ہیں کہ رسول اللہ (صلی اللہ علیہ وآلہ وسلم) نے فرمایا : جو مسلمان کسی مسلمان کو آزاد کرواتا ہے تو اس کے عوض اللہ اس کے تمام اعضاکو جہنم کے آگ سے آزاد کردیتے ہیں۔
(ب) سعید بن رجانہ فرماتے ہیں کہ میں حضرت علی بن حسین کی طرف چلا۔ انھوں نے ایک غلام کا قصہ بیان کیا جس کی آزادی کے لیے عبداللہ بن جعفر نے دس ہزار درہم دیے یا ایک ہزار دینار اور اس کو آزاد کردیا گیا۔

(٢١٣٠٧) حضرت ابوہریرہ (رض) فرماتے ہیں کہ میں نے رسول اللہ (صلی اللہ علیہ وآلہ وسلم) سے سنا، آپ (صلی اللہ علیہ وآلہ وسلم) نے فرمایا : جس نے مومن گردن کو آزاد کردیا تو اللہ اس کے تمام اعضا اس کے بدلے میں جہنم سے آزاد کردیں، یہاں تک کہ شرمگاہ شرمگاہ کے عوض۔

(٢١٣٠٨) حضرت ابوہریرہ (رض) نبی (صلی اللہ علیہ وآلہ وسلم) سے نقل فرماتے ہیں کہ جس نے گردن آزاد کی تو اللہ اس کے تمام اعضاء کو جہنم سے آزاد کردیتا ہے۔ یہاں تک کہ شرمگاہ شرمگاہ کے عوض۔

(٢١٣٠٩) کعب بن مرہ یا مرہ بن کعب نے ہمیں ایک حدیث بیان فرمائی کہ اللہ کے لیے خوبی ہے۔ کہتے ہیں : میں نے رسول اللہ (صلی اللہ علیہ وآلہ وسلم) سے سنا، آپ (صلی اللہ علیہ وآلہ وسلم) نے فرمایا : جس مسلمان نے کسی مسلمان کی گردن آزاد کروائی، اللہ اس کو جہنم سے آزاد کروا دیں گے، ہڈی ہڈی سے کفایت کر جائے گی، جس مسلمان نے دو عورتیں آزادکیں، تو ان کا آزاد کرانا گویہ جہنم سے بے پروا ہونا ہے۔ ہر ہڈی دوسرے کی ہڈی سے آزاد ہوجائے گی۔ جو عورت مسلمان عورت کو آزاد کروا دے تو اس کو جہنم سے آزادی مل جائے گی تو اس کی ہڈی اس کی ہڈی سے کفایت کر جائے گی۔

(٢١٣١٠) شرحبیل بن سبط جو حمص کے امیر تھے، عمرو بن عبسہ سلمی سے کہنے لگے جو نبی (صلی اللہ علیہ وآلہ وسلم) کے صحابی ہیں : اے ابونجیح ! ہمیں رسول اللہ (صلی اللہ علیہ وآلہ وسلم) کی حدیث سناؤ، جس میں زیادتی اور نسیان نہ ہو۔ کہتے ہیں : میں نے رسول اللہ (صلی اللہ علیہ وآلہ وسلم) سے سنا، آپ (صلی اللہ علیہ وآلہ وسلم) نے فرمایا : جس نے مومن گردن کو آزاد کیا تو اللہ اس کے ہر عضو کو جہنم سے آزاد کر دے گا۔ جس نے دشمن کو تیر مارا تو یہ بھی گردن آزاد کروانے کے برابر ہے، جو اللہ کے راستہ میں بوڑھا ہوگیا، اس کے لیے قیامت کے دن نور ہوگا۔

(٢١٣١١) ابو نجیح سلمی فرماتے ہیں کہ ہم نے نبی (صلی اللہ علیہ وآلہ وسلم) کے ساتھ مل کر طائف کے محالات کا محاصرہ کیا تو میں نے رسول اللہ (صلی اللہ علیہ وآلہ وسلم) سے سنا جس نے اللہ کے راستہ میں تیرے پھینکے ، وہ گردن کے آزاد کرنے کے برابر ہیں، میں نے اس دن چھ پھینکے تھے، میں نے رسول اللہ (صلی اللہ علیہ وآلہ وسلم) سے سنا، آپ (صلی اللہ علیہ وآلہ وسلم) فرما رہے تھے : جس نے اللہ کے راستہ میں تیر مارا اس کے لیے جنت میں درجہ ہوگا اور جس مسلمان نے کسی مسلمان کو آزاد کیا تو اللہ اس کے اعضاء کو اس کے اعضاء کے عوض جہنم سے بچا لے گا۔ جس مسلمان عورت نے مسلمان عورت کو آزاد کردیا تو اللہ اس کے تمام اعضاء کو اس کے تمام اعضاء کے عوض آزاد کر دے گا۔

(٢١٢١٣) شعبہ فرماتے ہیں کہ ہم ابوبردہ کے پاس تھے، ان کے بچے بھی موجود تھے۔ اس نے کہا : کیا میں تمہیں حدیث حدیث نہ سناؤں، جو میرے والدنے مجھے سنائی، انھوں نے کہا : کیوں نہیں، اے میرے والد ! فرمایا : کہ میرے والدنے رسول اللہ (صلی اللہ علیہ وآلہ وسلم) سے سنا، آپ (صلی اللہ علیہ وآلہ وسلم) نے فرمایا : جس نے گردن یا غلام آزاد کیا تو اس کے عوض اس کے تمام اعضاء جہنم سے آزاد ہوں گے۔

(٢١٣١٣) برائ فرماتے ہیں کہ ایک دیہاتی نبی (صلی اللہ علیہ وآلہ وسلم) کے پاس آیا اور کہا : اے اللہ کے رسول (صلی اللہ علیہ وآلہ وسلم) ! مجھے ایسا عمل بتائیں جو مجھے جنت میں داخل کر دے، فرمایا : اگر تو خطبہ چھوٹا دے تو تو نے مسئلہ کو زیادہ کردیا، جان کو آزاد کر اور گردن آزاد کر، اس نے کہا : اے اللہ کے رسول ! کیا یہ برابر نہیں ہیں ؟ فرمایا : نہیں، عتق النسمہ سے مراد ہے کہ آپ اکیلے گردن کو آزاد کریں اور فک الرقبہ سے مراد قیمت میں مدد کرنا اور دودھ والا جانور عطیہ میں دینا، ظالم رشتہ دار کے ساتھ صلہ رحمی کرنا۔ فرمایا : کون اس کی طاقت رکھتا ہے ؟ فرمایا : بھوکے کو کھانا کھلانا اور پیاسے کو پانی پلانا۔ کہنے لگا : اگر میں اس کی طاقت نہ رکھوں۔ فرمایا : نیکی کا حکم دو اور برائی سے منع کرو۔ کہنے لگا : کون اس کی طاقت رکھتا ہے کہ بھلائی کے علاوہ اپنی زبان کو روک لے۔

(٢١٣١٤) حضرت ابوذر (رض) فرماتے ہیں کہ میں نے رسول اللہ (صلی اللہ علیہ وآلہ وسلم) سے سوال کیا کون سا عمل افضل ہے ؟ فرمایا : اللہ پر ایمان لانا اور اللہ کے راستہ میں جہاد کرنا۔ میں نے پوچھا : کون سی گردنیں افضل ہیں ؟ فرمایا : زیادہ قیمت والی اور گھر والوں کو زیادہ پسندیدہ کہتے ہیں۔ اگر میں یہ نہ کرسکوں تو کاریگر کی مدد کر یا جاہل کو سکھا دو ۔ کہتے ہیں : اگر میں یہ نہ کرسکوں تو لوگوں کو برائی سے چھوڑ دے۔ یہ بھی صدقہ ہے جس کے ذریعہ آپ صدقہ کرلیں گے۔

(٢١٣١٥) ابو حبیب طائی فرماتے ہیں کہ میں ابودرداء سے ملا۔ میں نے کہا : میرا بھائی تھا۔ اس نے اپنے طائف کے مال کی وصیت کی تو نے کہا : میں مال فقراء، مجاہدین اور گردنوں کے آزاد کرنے میں لگا دوں۔ فرمانے لگے : اگر میں ویسا کروں تو میں نے مجاہدین سے عدل نہ کرسکوں گا۔ کیونکہ رسول اللہ (صلی اللہ علیہ وآلہ وسلم) نے فرمایا : جو موت کے وقت آزاد کردے وہ اس کی مثل ہے، جو سیر ہونے کے بعد تحفہ دے۔