Sunan Al Bayhaqi

(١٥٦٠٥) عمرہ حضرت عائشہ (رض) سے روایت کرتی ہے کہ نبی (صلی اللہ علیہ وآلہ وسلم) ان کے پاس تھے۔ انھوں نے ایک آدمی کی آواز سنی، وہ حفصہ (رض) کے گھر میں داخلے کی اجازت مانگ رہا تھا۔ عائشہ (رض) فرماتی ہیں : میں نے کہا : اے اللہ کے رسول ! یہ آدمی آپ کے گھر میں داخل ہونے کی اجازت مانگ رہا ہے۔ رسول اللہ (صلی اللہ علیہ وآلہ وسلم) نے فرمایا : میں اس کو جانتاہوں، وہ حفصہ (رض) کا رضاعی چچا ہے۔ میں نے عرض کیا : اے اللہ کے رسول ! اگر فلاں یعنی اس کا چچا رضاعی زندہ ہوتا تو وہ مجھ پر داخل ہوسکتا تھا ؟ رسول اللہ (صلی اللہ علیہ وآلہ وسلم) نے فرمایا : جی ہاں ! رضاعت ان رشتوں کو حرام کرتی ہے جو پیدائش حرام کرتی ہے۔
یہ الفاظ امام شافعی کی حدیث کے ہیں۔ اس کو امام بخاری نے صحیح میں اسماعیل بن ابی اویس اور اس کے علاوہ دیگر رواۃ سے نقل کیا ہے اور اس کو امام مسلم نے یحییٰ بن یحییٰ سے روایت کیا ہے۔

(١٥٦٠٦) عائشہ (رض) سے روایت ہے کہ رسول اللہ (صلی اللہ علیہ وآلہ وسلم) نے فرمایا : جو رشتے پیدائش سے حرام ہوتے ہیں وہ رضاعت سے حرام ہوتے ہیں۔ اس کو امام مسلم (رح) نے اپنی صحیح میں ابو معمر ہذلی عن علی بن ہاشم کی سند سے روایت کیا ہے۔

(١٥٦٠٧) عروۃ بن زبیر فرماتے ہیں : عائشہ (رض) سے فرماتی ہیں : افلح ابو قیس کے بھائی نے مجھپر (داخل ہونے کی) اجازتطلب کی پردہ کا حکم نازل ہونے کے بعد۔ میں نے اسے کہا : میں تجھے اجازت نہیں دیتی حتیٰ کہ میں رسول اللہ (صلی اللہ علیہ وآلہ وسلم) سے اجازت لے لوں۔ ابو قیس کے بھائی نے تو مجھے دودھ نہیں پلایا اور ابو قیس کی بیوی نے مجھے دودھ پلایا ہے۔ فرماتی ہیں : مجھ پر رسول اللہ (صلی اللہ علیہ وآلہ وسلم) داخل ہوئے تو میں نے کہا : اے اللہ کے رسول ! افلح ابو قیس کے بھائی نے مجھ پر داخل ہونے کی اجازت طلب کی میں نے اس کی اجازت دینے سے انکار کر دیاحتیٰ کہ اس کے بارے میں آپ سے اجازت لے لوں۔ مجھے رسول اللہ (صلی اللہ علیہ وآلہ وسلم) نے کہا : تجھے کس چیز نے اپنے چچا کو اجازت دینے سے روکا ہے ؟ میں نے عرض کیا : اے اللہ کے رسول (صلی اللہ علیہ وآلہ وسلم) ! بیشک مجھے آدمی نے دودھ نہیں پلایا بلکہ مجھے اس کی بیوی نے دودھ پلایا ہے۔ عائشہ (رض) فرماتی ہیں کہ رسول اللہ (صلی اللہ علیہ وآلہ وسلم) نے فرمایا : تو اس کو اجازت دے، بیشک وہ تیرا چچا ہے تیرے ہاتھ خاک آلود ہوں۔
عروہ فرماتے ہیں : اس کے ساتھ عائشہ (رض) فرماتی تھیں : تم رضاعت سے حرام قرار دو جو تم نسب سے حرام کرتے ہو ۔
یہ شعیب بن ابی حمزہ کی حدیث کے الفاظ ہیں اور عقیل کی روایت میں ہے حجاب کے حکم نازل ہونے کے بعد میں نے کہا : اللہ کی قسم ! میں اس کو اجازت نہیں دوں گی۔ یہاں تک کہ میں رسول اللہ (صلی اللہ علیہ وآلہ وسلم) سے سوال نہ کرلوں اور باقی اسی طرح ہے۔ اس کو بخاری نے اپنی صحیح میں یحییٰ بن بکیر اور ابو الیمان سے روایت کیا ہے۔

(١٥٦٠٨) ہمیں یونس نے ابن شہاب سے اسی روایت کی خبر دی۔ اس کو امام مسلم نے اپنی صحیح میں حرملہ عن ابن وہب کی سند سے روایت کیا ہے۔

(١٥٦٠٩) حضرت عروہ فرماتے ہیں کہ مجھے عائشہ (رض) نے خبر دی کہ ان کا چچا ابو قعیس کا بھائی آیا، ان کے پاس آنے کی اجازت چاہی اور پردے کا حکم نازل ہوچکا تھا۔ عائشہ (رض) نے اسے اجازت دینے سے انکار کیا۔ یہاں تک کہ رسول اللہ (صلی اللہ علیہ وآلہ وسلم) آئیں اور وہ آپ سے اجازت مانگے ۔ جب رسول اللہ (صلی اللہ علیہ وآلہ وسلم) آئیتو انھوں نے آپ سے اس کا ذکر کیا میرا چچا ابو قعیس کا بھائی آیا تھا، میں نے اس کو واپس بھیج دیا حتیٰ کہ میں آپ سے اجازت لوں۔ آپ (صلی اللہ علیہ وآلہ وسلم) نے فرمایا : کیا وہ تیرا چچا نہیں ہے، میں نے کہا : مجھے عورت نے دودھ پلایا ہے، مرد نے دودھ نہیں پلایا۔ آپ نے فرمایا : وہ تیرا چچا ہے وہ تیرے پاس آسکتا ہے۔ عائشہ (رض) رضاعت سے تھیں حرام قرار دیتی جو پیدائش سے حرام ہوتا۔

(١٥٦١٠) عائشہ (رض) سے روایت ہے کہ مجھ سے ابو قعیس کے بھائی افلح نے اجازت طلب کی، میں نے اسے اجازت نہیں دی۔ اس نے کہا : کیا تو مجھ سے پردہ کرتی ہے اور میں تیرا چچا ہوں۔ فرماتی ہیں : میں نے کہا : یہ کیسے ؟ اس نے کہا : تجھے میرے بھائی کی بیوی نے دودھ پلایا ہے۔ فرماتی ہیں : میں نے رسول اللہ (صلی اللہ علیہ وآلہ وسلم) سے سوال کیا تو آپ نے فرمایا : افلح نے سچ کہا تو اس کو اجازت دے۔
اس کو بخاری نے صحیح میں آدم سے روایت کیا ہے اور اس کو مسلم نے ایک دوسری سند عن شعبہ سے نکالا ہے۔

(١٥٦١١) عروہ حضرت عائشہ (رض) سے روایت کرتے ہیں کہ میرے رضاعی چچا افلح نے میرے پاس آنے کی اجازت طلب کی تو میں نے اس سے پردہ کیا پھر آپ (صلی اللہ علیہ وآلہ وسلم) کو بتلایا تو رسول اللہ (صلی اللہ علیہ وآلہ وسلم) نے فرمایا : تو اس سے پردہ نہ کر۔ کیونکہ رضاعت سے بھی وہ رشتے حرام ہوجائے ہیں جو نسب سے حرام ہوتے ہیں اس کو مسلم نے صحیح میں قتیبہ سے روایت کیا ہے۔

(١٥٦١٢) ابن عباس (رض) سے روایت ہے کہ نبی (صلی اللہ علیہ وآلہ وسلم) کے لیے حمزہ کی بیٹی کا ارادہ کیا گیا، آپ نے فرمایا : وہ میرے لیے حلال نہیں ہے، کیونکہ وہ میرے رضاعی بھائی کی بیٹی ہے اور اللہ تعالیٰ نے رضاعت سے حرام کیا ہے جو نسب سے حرام کیا ہے اور ہدبہ کی روایت میں ہے کہ وہ میرے لیے درست نہیں ہے کیونکہ وہ میرے رضاعی بھائی کی بیٹی ہے اور رضاعت سے جو حرام ہوتا ہے نسب سے بھی وہ حرام ہوتا ہے۔
بخاری نے اس کو صحیح میں مسلم بن ابراہیم سے روایت کیا ہے اور مسلم نے اس کو ہدبہ بن خالد سے روایت کیا ہے۔

(١٥٦١٣) علی (رض) سے روایت ہے کہ میں نے کہا : اے اللہ کے رسول ! میں آپ کو دیکھتا ہوں کہ آپ نے قریش اور ہمیں چھوڑ دیا ہے۔ آپ نے فرمایا : تیرے پاس کوئی چیز ہے۔ میں نے کہا : جی ہاں ! حمزہ کی بیٹی، آپ نے فرمایا : وہ میرے رضاعی بھائی کی بیٹی ہے۔ اس کو مسلم نے صحیح میں محمد بن ابی بکر مقدمی سے روایت کیا ہے۔
اس کو مسلم نے نکالا ہے۔

(١٥٦١٤) حمید بن عبدالرحمن فرماتی ہیں : میں نے نبی (صلی اللہ علیہ وآلہ وسلم) کی بیوی ام سلمہ سے سنا، وہ فرماتی ہیں کہ نبی (صلی اللہ علیہ وآلہ وسلم) سیکہا گیا : حمزہ کی بیٹی کے بارے میں آپ کا کیا خیال ہے یا کہا گیا : آپ حمزہ بن عبدالمطلب کی بیٹی کو نکاح کا پیغام نہیں بھیجتے ! آپ نے فرمایا : بیشک حمزہ میرا رضاعی بھائی ہے۔
اس کو مسلم نے اپنی صحیح میں ہارون ایلی اور اس کے علاوہ ابن وہب سے روایت کیا ہے۔