Sunan Al Bayhaqi

(١١٢٤٠) حضرت ابوہریرہ (رض) فرماتے ہیں کہ رسول اللہ (صلی اللہ علیہ وآلہ وسلم) نے فرمایا : جو آدمی مفلس ہوجائے اور دوسرا آدمی اپنا مال اس کے پاس بعینہ پالے تو وہ اس کا زیادہ حق دار ہے۔

(١١٢٤١) حضرت ابوہریرہ (رض) فرماتے ہیں کہ رسول اللہ (صلی اللہ علیہ وآلہ وسلم) نے فرمایا : جو آدمی اپنا مال بعینہ کسی کے پاس پالے جو مفلس ہوگیا ہو تو وہ دوسروں کی بنسبتزیادہ حق دار ہے۔

(١١٢٤٢) ایضا

(١١٢٤٣) لیث بن سعد سے اس حدیث میں منقول ہے کہ جو شخص مفلسہو جائے پھر دوسرا شخص اپنے سامان کو بعینہ پائے تو وہ دوسروں کی بنسبت زیادہ حق دار ہے۔

(١١٢٤٤) حضرت ابوہریرہ (رض) فرماتے ہیں کہ نبی (صلی اللہ علیہ وآلہ وسلم) نے فرمایا : جب آدمی کوئی چیز خریدے، پھر مفلس ہوجائے اور وہ چیز اس کے پاس اسی طرح موجود ہو تو اصل مالک دوسرے قرض خواہوں کی نسبت زیادہ حق دار ہے۔

(١١٢٤٥) ابوبکر بن عمرو عمر بن عبدالعزیز سے روایت کرتے ہیں کہ انھوں نے فرمایا : جو شخص کوئی سامان خریدے، پھر مفلس ہوجائے تو اصل مالک اس کا زیادہ حق دار ہے۔

(١١٢٤٦) ابوبکر بن حزم اپنی سند کے ساتھ روایت کرتے ہیں کہ رسول اللہ (صلی اللہ علیہ وآلہ وسلم) نے فرمایا : جو شخص اپنا سامان بعینہ کسی کے پاس پائے جو مفلس ہوچکا ہو تو وہ زیادہ حق دار ہے۔

(١١٢٤٧) ابو بکربن عمرو بن حزم سے پچھلی روایت کی طرح منقول ہے۔

(١١٢٤٨) حضرت ابوہریرہ (رض) سے روایت ہے کہ نبی (صلی اللہ علیہ وآلہ وسلم) نے فرمایا : جو آدمی مفلس ہوگیا ہو اور اس کے پاس سامان بعینہ پایا جائے کہ اس میں کوئی تبدیلی نہ کی ہو تو وہ مال اصل مالک کا ہوگا جس نے بیچا ہے۔ [رواہ مسلم ]

(١١٢٤٩) حضرت ابوہریرہ (رض) فرماتے ہیں کہ رسول اللہ (صلی اللہ علیہ وآلہ وسلم) نے فرمایا : جب آدمی مفلس ہوجائے اور دوسرا آدمی اپنا مال بعینہ پالے تو وہ اس کا زیادہ حق دار ہے۔