Sunan Al Bayhaqi

(٧٦٦٧) نافع ابن عمر (رض) سے نقل فرماتے ہیں کہ آیت { قَدْ أَفْلَحَ مَنْ تَزَکَّی وَذَکَرَ اسْمَ رَبِّہِ فَصَلَّی } تحقیق کامیاب ہوا وہ شخص جس نے تزکیہ کیا “ صدقہ فطر کے حق میں نازل ہوئی ہے۔

(٧٦٦٨) کثیر بن عبداللہ مزنی اپنے والد سے اور وہ اپنے دادا سے نقل فرماتے ہیں کہ رسول اللہ (صلی اللہ علیہ وآلہ وسلم) سے اس آیت { قَدْ أَفْلَحَ مَنْ تَزَکَّی وَذَکَرَ اسْمَ رَبِّہِ فَصَلَّی } کے بارے میں پوچھا گیا تو آپ (صلی اللہ علیہ وآلہ وسلم) نے فرمایا : صدقہ فطر سے مراد ہے۔

(٧٦٦٩) بنو سعد کے ایک شیخ ابو العالیہ سے نقل فرماتے ہیں کہ { قَدْ أَفْلَحَ مَنْ تَزَکِّی } فرمایا کہ صدقہ فطر دیا جائے، پھر نمازِعید ادا کی جائے (عید الفطر) ۔

(٧٦٧٠) عبداللہ بن عمر (رض) فرماتے ہیں کہ رسول اللہ (صلی اللہ علیہ وآلہ وسلم) نے صدقہ فطر ایک صاع مقرر کیا کھجور یا جو میں سے ہر آزاد غلام ‘ بڑے اور چھوٹے پر۔

(٧٦٧١) حضرت عمار (رض) فرماتے ہیں کہ ہم نے قیس بن سعد (رض) سے صدقہ فطر کے بارے میں پوچھا تو انھوں نے فرمایا : ہمیں رسول اللہ (صلی اللہ علیہ وآلہ وسلم) نے زکوۃ کی فرضیت نازل ہونے سے پہلے حکم دیا جب زکوۃ کی فرضیت نازل ہوئی تو پھر نہ آپ (صلی اللہ علیہ وآلہ وسلم) نے ہمیں حکم دیا اور نہ ہی منع کیا لیکن ہم دیا کرتے تھے۔
شیخ فرماتے ہیں : یہ فرض کے ساقط ہونے پر دال نہیں، کیونکہ فرض دوسرے ساقط کو واجب نہیں کرتا اور اہل علم نے صدقہ فطر کے وجوب پرا جماع کیا ہے، اگرچہ اس کے نام میں اختلاف کیا ہے مگر اس کا ترک کرنا جائز نہیں۔

(٧٦٧٢) ابو سعید (رض) فرماتے ہیں کہ جب رسول اللہ (صلی اللہ علیہ وآلہ وسلم) ہم تو ہم صدقہ فطر زکوۃ الفطر نکالا کرتے تھے ہر چھوٹے بڑے اور غلام وآزاد کی طرف سے نکالا کرتے تھے، گندم، پنیر، جو ، کھجور یا منقی میں سے ایک صاع کے بقدر۔

(٧٦٧٣) عراک بن مالک (رض) فرماتے ہیں کہ میں نے ابو ہریرہ (رض) سے سنا کہ آپ (صلی اللہ علیہ وآلہ وسلم) نے فرمایا : غلام میں صدقہ نہیں ہے سوائے صدقہ فطر کے۔

(٧٦٧٤) ابوہریرہ (رض) فرماتے ہیں کہ رسول اللہ (صلی اللہ علیہ وآلہ وسلم) نے فرمایا : آدمی پر اس کے گھوڑے اور غلام کی زکوۃ نہیں سوائے صدقہ فطر کے۔ ابن ابی حریم نے یہ بیان کیا کہ مسلمان پر اس کے غلام اور گھوڑے میں سوائے صدقہ فطر کے کوئی زکوۃ نہیں ۔

(٧٦٧٥) نافع ابن عمر (رض) سے نقل فرماتے ہیں کہ رسول اللہ (صلی اللہ علیہ وآلہ وسلم) نے ایک صاع کھجور اور جو میں سے صدقہ فطر ہر چھوٹے اور بڑے اور آزادو غلام کی طرف سے مقرر کیا۔

(٧٦٧٦) ابن عمر (رض) نبی کریم (صلی اللہ علیہ وآلہ وسلم) سے نقل فرماتے ہیں کہ آپ نے صدقہ فطر کھجور اور جو میں سے ہر ایک صاع چھوٹے بڑے اور آزاد و غلام کی طرف سے مقرر فرمایا۔
میں نے اپنی کتاب میں بچے کی طرف سے ایسے ہی پایا ہے اور امام بخاری نے اپنی صحیح میں یحییٰ سے روایت نقل کی ہے انھوں نے (عَلَی عن) کی جگہ (عَلَی) ذکر کیا ہے۔