Sunan Al Bayhaqi

(١٦٩٠١) عمران بن حصین فرماتے ہیں کہ نبی (صلی اللہ علیہ وآلہ وسلم) نے فرمایا : جب تم کسی زانی یا شرابی یا چور کو دیکھتے ہو تو کیا کہتے ہو ؟ ہم نے کہا : اللہ اور اس کے رسول بہتر جانتے ہیں۔ فرمایا : وہ فاحش ہیں اور ان میں سزائیں ہیں۔

(١٦٩٠٢) سابقہ روایت اور سب سے برا چور نماز کا چور ہے ابن بکیر کی روایت میں ہے کہ صحابہ نے پوچھا : اے اللہ کے رسول ! اپنی نماز میں کیسے چوری کرتا ہے ؟ فرمایا : اس کے رکوع اور سجدے پورے نہیں کرتا۔
امام شافعی فرماتے ہیں کہ پہلے ان کی سزاوہ تھی جو اللہ نے سو رہ النساء کی ١٥، ١٦ نمبر آیت میں بیان فرمائی ہے { وَ الّٰتِیْ یَاْتِیْنَ الْفَاحِشَۃَ مِنْ نِّسَآئِکُمْ۔۔۔} الٰی قولہ { تَوَّابًا رَّحِیْمًا ۔ } [النساء ١٥، ١٦]
امام شافعی (رح) فرماتے ہیں : زانی کی پہلے سزا قید اور تکلیف پہنچانا تھی ، پھر اللہ نے اسے منسوخ کر کے یہ آیت نازل فرما دی : { الزَّانِیَۃُ وَالزَّانِی فَاجْلِدُوْا کُلَّ وَاحِدٍ مِّنْہُمَا مِأَۃَ جَلْدَۃٍ } [النور ٢]

(١٦٩٠٣) ابن عباس (رض) فرماتے ہیں { وَ الّٰتِیْ یَاْتِیْنَ الْفَاحِشَۃَ مِنْ نِّسَآئِکُمْ۔۔۔} [النساء ١٥] اس کے بعد مردوں کا ذکر فرمایا : { وَ الَّذٰنِ یَاْتِیٰنِھَا مِنْکُمْ فَاٰذُوْھُمَا } [النساء ١٦] تو ان دونوں آیتوں کو کوڑوں والی آیت کے ساتھ منسوخ کردیا گیا، یعنی { الزَّانِیَۃُ وَالزَّانِی فَاجْلِدُوْا کُلَّ وَاحِدٍ مِّنْہُمَا مِأَۃَ جَلْدَۃٍ } [النور ٢]

(١٦٩٠٤) تقدم قبلہ

(١٦٩٠٥) مجاہد اللہ تعالیٰ کے اس فرمان : { وَ الّٰتِیْ یَاْتِیْنَ الْفَاحِشَۃَ مِنْ نِّسَآئِکُمْ۔۔۔} [النساء ١٥] کے بارے میں فرماتے ہیں : یعنی زنا اور ” فَاٰذُوْھُمَا “ یعنی قید میں ڈال کر، پھر { الزَّانِیَۃُ وَالزَّانِی فَاجْلِدُوْا کُلَّ وَاحِدٍ مِّنْہُمَا مِأَۃَ جَلْدَۃٍ } [النور ٢] کے ساتھ وہ منسوخ کردی گئیں اور اللہ کے اس فرمان { اَوْ یَجْعَلَ اللّٰہُ لَھُنَّ سَبِیْلًا ۔ } [النساء ١٥] میں سبیل سے مراد حد ہے۔

(١٦٩٠٦) تقدم قبلہ

(١٦٩٠٧) عبادہ بن صامت جو انصار کے ایک نقیب اور بدری صحابی ہیں، فرماتے ہیں کہ نبی (صلی اللہ علیہ وآلہ وسلم) پر جب بھی وحی نازل ہوتی تو اس کی بہت تکلیف ہوتی ۔ آپ کا چہرہ تبدیل ہوجاتا۔ ایک دن آپ پر وحی نازل ہوئی تو آپ کی ویسی ہی حالت ہوگئی۔ جب وحی مکمل ہوگئی تو فرمایا : ” مجھ سے حاصل کرلو کہ اللہ نے مقرر کردیا ہے۔ شادی شدہ کے بدلے شادی شدہ اور کنوارے کے بدلے کنوارے، شادی شدہ کے لیے سو کوڑے اور رجم ہے اور کنوارے کے لیے سو کوڑے اور ایک سال کی جلا وطنی۔ “

(١٦٩٠٨) حضرت حسن فرماتے ہیں کہ شروع میں زانیہ کی سزا گھر میں قید کرنا تھی جو سو رہ نساء کی ١٥ نمبر آیت میں ذکر ہوئی ہے۔ پھر اللہ نے اسے { الزَّانِیَۃُ وَالزَّانِی فَاجْلِدُوْا کُلَّ وَاحِدٍ مِّنْہُمَا مِأَۃَ جَلْدَۃٍ } [النور ٢] کے ساتھ منسوخ کردیا۔
حضرت عبادہ فرماتے ہیں کہ نبی (صلی اللہ علیہ وآلہ وسلم) نے فرمایا : مجھ سے یہ لے لو کہ اللہ نے ان کے لیے راستہ بتادیا ہے کہ کنوارے کے لیے سو کوڑے اور ایک سال کی جلا وطنی اور شادی شدہ کے لیے سو کوڑے اور پتھروں سے رجم کرنا ہے۔

(١٦٩٠٩) ابن عباس فرماتے ہیں کہ حضرت عمر منبر پر بیٹھے ارشاد فرما رہے تھے کہ اللہ نے محمد (صلی اللہ علیہ وآلہ وسلم) کو حق کے ساتھ بھیجا۔ اللہ نے اپنی کتاب آپ پر نازل فرمائی اور اس میں آیت رجم بھی نازل فرمائی۔ ہم نے اسے پڑھا بھی، یاد بھی کیا آپ نے بھی رجم کیا۔ آپ کے بعد ہم نے بھی رجم کیا۔ مجھے ڈر ہے کہ کچھ عرصے کے بعد ایسے لوگ کھڑے ہوں گے اور وہ کہیں گے کہ ہم کتاب اللہ میں رجم نہیں پاتے تو وہ ایک منزل من اللہ کو چھوڑ کر گمراہ ہوں گے۔ ہر مرد اور عورت جو شادی شدہ ہو اس پر کتاب اللہ میں رجم ہے جب اس پر کوئی دلیل ہو یا اعتراف کرلے یا حاملہ ہوجائے۔
ابن شہاب کہتے ہیں کہ اگر ایک آدمی کی شادی ہو، لیکن ابھی اس نے اپنی بیوی کو نہ چھوا ہو اور وہ زنا کرلے تو اس پر رجم نہیں ہے، بلکہ رجم اس پر ہے جس نے اپنی بیوی کو چھوا ہوا ہو۔ ورنہ اسے ١٠٠ کوڑے مارے جائیں اور ایک سال کی جلا وطنی ہو۔

(١٦٩١٠) سابقہ روایت