Sunan Al Bayhaqi

(٦١٢٣) حضرت انس (رض) فرماتے ہیں کہ نبی (صلی اللہ علیہ وآلہ وسلم) مدینہ آئے اور اہل مدینہ کے لیے دو دن مقرر تھے، جن میں وہ کھیلا کرتے تھے ۔ آپ (صلی اللہ علیہ وآلہ وسلم) نے فرمایا : میں تمہارے پاس آیا اور تمہارے لیے دو دن زمانہ جاہلیت سے مقرر تھے، جن میں تم کھیلا کرتے تھے۔ ان کے بدلے اللہ نے تمہارے لیے بہتر دن بدل دیے ہیں : ایک عید الفطر اور دوسرا عید الاضحی۔

(٦١٢٤) زاذان فرماتے ہیں کہ ایک شخص نے حضرت علی (رض) سے غسل کے بارے میں سوال کیا تو آپ نے فرمایا : اگر تو چاہے تو ہر روز غسل کر۔ عرض کیا : نہیں، اس غسل کے بارے میں سوال نہیں، فرمایا : جمعہ کے دن ‘ عرفہ ‘ عید الفطر اور عید الاضحی کے دن غسل کر۔

(٦١٢٥) (الف) نافع ابن عمر (رض) سے نقل فرماتے ہیں کہ وہ عید الفطر کی طرف جانے سے پہلیغسل فرماتے تھے۔
(ب) نافع فرماتے ہیں کہ عید الاضحی اور عید الفطر میں غسل فرماتے۔

(٦١٢٦) ابن عباس (رض) فرماتے ہیں کہ رسول اللہ (صلی اللہ علیہ وآلہ وسلم) عید الفطر اور عید الاضحی کے دن غسل فرماتے۔

(٦١٢٧) ابن عباس (رض) { وَذَکَرَ اسْمَ رَبِّہِ فَصَلَّی } [الأعلی : ١٥] کے بارے میں فرماتے ہیں کہ وہ اللہ کا ذکر کرتا ہے جب عید کی جانب جاتا ہے۔

(٦١٢٨) نافع ابن عمر (رض) سے نقل فرماتے ہیں کہ وہ عید الفطر کی رات اور جاتے وقت تکبیریں کہتے تھے۔ رات کا ذکر اس میں غریب ہے۔

(٦١٢٩) نافع ابن عمر (رض) سے نقل فرماتے ہیں کہ وہ صبح عید الفطر کے لیے مسجد میں جاتے تو بلند آواز سے تکبیر کہتے ، عید گاہ تک پہنچنے تککہتے رہتے اور امام کے آنے تک بھی تکبیریں کہتے رہتے۔

(٦١٣٠) نافع عبداللہ بن عمر (رض) سے نقل فرماتے ہیں کہ نبی (صلی اللہ علیہ وآلہ وسلم) عیدین میں فضل بن عباس، عبداللہ عباس، علی، جعفر، حسن، حسین، اسامۃ بن زید، زید بن حارثہ اور ایمنبن ام ایمن (رض) کے ساتھ نکلتے تھے اور وہ تکبیر و تہلیل سے اپنی آواز کو بلند فرماتے تھے۔ مسجد جاتے آتے نیا راستہ اختیار فرماتے اور جب فارغ ہوتے تو حذائیین پر جاتی پھر اپنے گھر پلٹتے۔

(٦١٣١) (الف) عبداللہ بن عمر (رض) فرماتے ہیں کہ رسول اللہ (صلی اللہ علیہ وآلہ وسلم) گھر سے نکلتے وقت اور عید گاہ تک جاتے وقت تکبیریں کہتے تھے۔
(ب) علی بن ابی طالب اور صحابہ کی ایک جماعت ابن عمر (رض) کی مثل بیان فرماتے ہیں کہ وہ صبح سے عیدگاہ پہنچنے تک تکبیر کہتے۔

(٦١٣٢) (الف) ابو عبد الرحمن سلمی فرماتے ہیں کہ وہ عید الفطر میں عید الا اضحی کی بہ نسبت زیادہ تکبیریں کہتے ۔
(ب) تابعین کی ایک جماعت سے امام شافعینقل فرماتے ہیں کہ وہ مسجد میں عید الفطر کی رات بلند آواز سے تکبیریں کہتے اور صبح سے عید گاہ جانے تک بلند آواز سے تکبیریں کہتے۔