Sunan Al Bayhaqi

(١٦٤٣٠) عبداللہ بن سہل اور محیصہ (رض) خیبر کی طرف نکلے، کسی وجہ سے دونوں جدا جدا ہوگئے۔ محیصہ آئے تو انھوں نے بتایا کہ عبداللہ بن سہل کو قتل کردیا گیا ہے تو یہود آئے تو محیصہ نے کہا : تم نے اسے قتل کیا ہے۔ اللہ کی قسم ! تو انھوں نے کہا : واللہ ہم نے اسے قتل نہیں کیا تو وہ مقتول کی قوم کے پاس آئے اور انھیں سارا واقعہ سنایا تو وہ اس کا بڑا بھائی حویصہ اور عبدالرحمن بن سہل مقتول کا بھائی نبی (صلی اللہ علیہ وآلہ وسلم) کے پاس آئے تو محیصہ نے بات کرنا چاہی تو آپ (صلی اللہ علیہ وآلہ وسلم) نے فرمایا : بڑا بات کرے تو حویصہ نے بات کی۔ پھر محیصہ نے بات کی تو آپ نے فرمایا : یا تو وہ دیت دیں گے یا جنگ کے لیے تیار ہوجائیں۔ جب یہ بات یہود تک پہنچی تو انھوں نے آپ (صلی اللہ علیہ وآلہ وسلم) کو لکھ بھیجا کہ واللہ ! ہم نے قتل نہیں کیا تو آپ (صلی اللہ علیہ وآلہ وسلم) نے ان تینوں کو فرمایا : کیا تم ٥٠ قسم اٹھاتے ہو کہ انھوں نے ہی قتل کیا ہے۔ کہنے لگے : نہیں۔ تو آپ (صلی اللہ علیہ وآلہ وسلم) نے فرمایا : پھر یہودی ٥٠ قسمیں اٹھائیں۔ کہنے لگے : وہ مسلمان ہی نہیں ہیں تو آپ (صلی اللہ علیہ وآلہ وسلم) نے ان کو اپنی طرف سے دیت ادا کی۔ ١٠٠ اونٹنیاں ان کے گھر میں داخل ہوئیں۔ سہل کہتے ہیں کہ ایک سرخ اونٹنی نے ان میں سے مجھے لات بھی ماری تھی۔

(١٦٤٣١) سابقہ روایت

(١٦٤٣٢) سابقہ روایت

(١٦٤٣٣) سابقہ روایت

(١٦٤٣٤) سابقہ روایت

(١٦٤٣٥) سابقہ روایت

(١٦٤٣٦) سابقہ روایت

(١٦٤٣٧) امام شافعی ابن عیینہ سے حدیث ثقفی نقل کرنے کے بعد فرماتے ہیں کہ ابن عیینہ نے یہ نہیں بتایا کہ نبی (صلی اللہ علیہ وآلہ وسلم) نے قسم کے لیے انصار کو مقدم کیا تھا یا یہودیوں کو ایک حدیث میں یہ کہا گیا ہے کہ انصاریوں کو مقدم کیا تھا۔

(١٦٤٣٨) سہل بن ابی حثمہ کہتے ہیں کہ ان کی قوم کے چند لوگ خیبر گئے اور وہ جدا جدا ہوگئے تو انھوں نے ان میں سے ایک کو مقتول پایا تو انھوں نے وہاں کے لوگوں سے کہا کہ ہمارے ساتھی کو تم نے قتل کیا ہے۔ انھوں نے کہا : نہ ہم نے قتل کیا ہے، نہ ہی ہم جانتے ہیں۔ وہ رسول اللہ (صلی اللہ علیہ وآلہ وسلم) کے پاس آگئے۔ انھوں نے کہا : اے اللہ کے نبی ! ہم خیبر گئے تو ہمارا ایک ساتھی قتل ہوگیا۔ آپ نے فرمایا : بڑا بات کرے آپ نے فرمایا کہ کوئی دلیل ہے کہ کس نے قتل کیا ہے ؟ کہنے لگے : نہیں۔ پوچھا : پھر یہودی قسم اٹھا دیں۔ کہنے لگے : ہم ان کی قسم پر راضی نہیں ہیں کہ تو آپ (صلی اللہ علیہ وآلہ وسلم) نے اس کے خون کو رائیگاں قرار دینا ناپسند سمجھا اور اپنی طرف سے ١٠٠ اونٹ اس کی دیت ادا کردی۔ ایک روایت میں ہے کہ صدقہ کے اونٹوں سے۔

(١٦٤٣٩) ابن ابراہیم کہتے ہیں : اللہ کی قسم ! سہل علم میں اس سے بڑھ کر نہ تھا لیکن عمر میں بڑا تھا کہ اس نے اس کے لیے کہا تھا واللہ معاملہ اس طرح نہیں، لیکن سہل نے وہم سمجھا جو آپ نے کہا تھا کہ جس کا تمہیں علم نہیں اس پر قسم اٹھاؤ، لیکن خیبر کے یہود کی طرف لکھ دیا۔ جب انصار نے بات کی کہ تمہارے گھروں کے درمیان میں ایک مقتول پایا گیا ہے تو انھوں نے حلفاً لکھا کہ نہ ہم نے قتل کیا اور نہ ہی ہم جانتے ہیں تو اس کی دیت آپ (صلی اللہ علیہ وآلہ وسلم) نے اپنی طرف سے ادا کردی۔