Sunan Al Bayhaqi

(٢١٦٠٠) حضرت عائشہ (رض) فرماتی ہیں کہ نبی (صلی اللہ علیہ وآلہ وسلم) نے فرمایا : تین اشخاص سے قلم اٹھا لیا گیا ہے : سونے والا یہاں تک کہ بیدار ہو اور پاگل کہ کچھ آفاقہ ہوجائے اور بچہ کہ بالغ ہوجائے۔

(٢١٦٠١) یحییٰ بن ابی کثیر فرماتے ہیں کہ رسول اللہ (صلی اللہ علیہ وآلہ وسلم) نے فرمایا : { فَکَاتِبُوہُمْ إِنْ عَلِمْتُمْ فِیہِمْ خَیْرًا } [النور ٣٣] ” ان سے مکاتبت کرلو، اگر تم ان میں بھلائی دیکھو۔ “ یعنی اگر تم ان میں کوئی فن یا ہنر دیکھو اور ان کو لوگوں کے سہارے پر نہ چھوڑ دو ۔

(٢١٦٠٢) ابن عباس (رض) فرماتے ہیں کہ { فَکَاتِبُوہُمْ إِنْ عَلِمْتُمْ فِیہِمْ خَیْرًا } [النور ٣٣] ” اگرچہ جان لیں کہ وہ مکاتبت کی رقم ادا کر دے گا۔

(٢١٦٠٣) ابن عباس (رض) فرماتے ہیں کہ اگر تم ان میں کوئی حیلہ محسوس کرو تو ان کا خرچہ مسلمانوں پر نہ ڈالو۔

(٢١٦٠٤) ابن عباس (رض) اس قول { فَکَاتِبُوہُمْ إِنْ عَلِمْتُمْ فِیہِمْ خَیْرًا } [النور ٣٣] سے مراد امانت اور وفا ہے۔

(٢١٦٠٥) نافع ابن عمر (رض) سے نقل فرماتے ہیں کہ وہ ایسے غلام سے مکاتبت کو ناپسند فرماتے تھے جو کوئی پیشہ نہ جانتا ہو، وہ فرماتے : تو مجھے لوگوں کی میل کچیل کھلائے گا۔

(٢١٦٠٦) ابن عباس (رض) اس قول { فَکَاتِبُوہُمْ إِنْ عَلِمْتُمْ فِیہِمْ خَیْرًا } [النور ٣٣] ” اگر تم ان میں کوئی فن یا مال کے بارے میں جانتے ہو۔ “

(٢١٦٠٧) عطاء بن ابی رباح کہتے ہیں کہ اس سے مال مراد ہے، پھر یہ آیت تلاوت فرمائی : { کُتِبَ عَلَیْکُمْ اِذَا حَضَرَ اَحَدَ کُمُ الْمَوْتُ اِنْ تَرَکَ خَیْرَ نِ الْوَصِیَّۃُ } [البقرۃ ١٨٠] عطاء کہتے ہیں کہ یہاں خیر سے مراد مال ہے۔ ابن عباس (رض) { اِنْ عَلِمْتُمْ فِیْہِمْ خَیْرًا } [النور ٣٣] { وَاِنَّہٗ لِحُبِّ الْخَیْرِ لَشَدِیْدٌ} [العادیات ٨] کے متعلق فرماتے ہیں اس سے مراد مال ہے۔ {إِنْ تَرَکَ خَیْرًا } [البقرۃ ] خیر سے مراد مال ہے۔ [ضعیف ]

(٢١٦٠٨) ابن جریج نے عطاء سے کہا کہ خیر سے مراد مال ہے یا اصلاح یا تمام۔ وہ فرماتے ہیں : میرا خیال ہے کہ مرادمال ہے۔ میں نے کہا : اگر اس کے پاس مال نہ ہو اور آدمی بھی سچا ہو ؟ وہ کہنے لگے کہ خیرا سے مراد مال ہے اور اصلاح بھی ہے،
مجاہد { إِنْ عَلِمْتُمْ فِیہِمْ خَیْرًا } [النور ٣٣] مال جس کی وجہ سے ان کے اخلاقیات اور ادیان بنتے ہیں۔
قال الشافعی : فرماتے ہیں کہ کلمہ خیر کا معروف وہ ہوتا ہے جو مخاطب کا ارادہ ہو جیسے { إِنَّ الَّذِینَ آمَنُوا وَعَمِلُوا الصَّالِحَاتِ أُولَئِکَ ہُمْ خَیْرُ الْبَرِیَّۃِ } [البینہ ٧] خَیْرُ الْبَرِیَّۃِ سے مراد ایمان اور نیک عمل ہیں مال مراد نہیں ہے۔ { وَالْبُدْنَ جَعَلْنَاہَا لَکُمْ مِنْ شَعَائِرِ اللَّہِ لَکُمْ فِیہَا خَیْرٌ } [الحج ٣٦] یہاں خیر سے مراد اجر وثواب ہے، مال مراد نہیں ہے۔ { اِذَا حَضَرَ اَحَدَ کُمُ الْمَوْتُ اِنْ تَرَکَ خَیْرَا } [البقرۃ ١٨٠] مراد مال { الْوَصِیَّۃُ لِلْوَالِدَیْنِ وَ الْاَقْرَبِیْنَ } [البقرۃ ١٨٠] { فَکَاتِبُوْہُمْ اِنْ عَلِمْتُمْ فِیْہِمْ خَیْرًا } [النور ٣٣] ان آیات کے معانی مال کو کمانا اور امانت ہیں۔

(٢١٦٠٩) حضرت ابن ابی نجی مجاہد اور طاؤس سے اللہ کے اس قول کے بارے میں فرماتے ہیں : { اِنْ عَلِمْتُمْ فِیْہِمْ خَیْرًا } [النور ٣٣] اس میں خیر سے مراد مال اور امانت ہیں۔
(ب) حضرت یونس حسن سے نقل فرماتے ہیں کہ اس مراد سچائی، پورا پورا ادا کرنا اور امانت ہے۔
(ج) مغیرہ ابراہیم سے نقل فرماتے ہیں کہ اس سے مراد سچائی اور پورا کرنا ہے۔