Sunan Al Bayhaqi

(١٧٣٢٤) حضرت عمر (رض) فرماتے ہیں کہ جب شراب کی حرمت نازل ہوئی تو حضرت عمر (رض) نے اللہ سے دعا کی : اے اللہ ! ہمارے لیے اس بارے میں شافی بیان نازل فرماتو یہ آیت نازل ہوئی : { یَسْئَلُوْنَکَ عَنِ الْخَمْرِ وَ الْمَیْسِرِ } [البقرۃ ٢١٩] پھر عمرنے پہلے کی طرح دعا کی تو { یٰٓأَیُّھَا الَّذِیْنَ اٰمَنُوْا لَاتَقْرَبُوا الصَّلٰوۃَ وَ اَنْتُمْ سُکٰرٰی۔۔۔} [النساء ٤٣] نازل ہوئی، پھر حضرت عمر نے وہی دعا کی تو { فَھَلْ اَنْتُمْ مُّنْتَھُوْنَ } [المائدۃ ٩١] نازل ہوئی تو حضرت عمر نے کہا : ہم رک گئے۔

(١٧٣٢٥) ابن عباس (رض) فرماتے ہیں : { یَسْئَلُوْنَکَ عَنِ الْخَمْرِ وَ الْمَیْسِرِ } [البقرۃ ٢١٩] اور { لَاتَقْرَبُوا الصَّلٰوۃَ وَ اَنْتُمْ سُکٰرٰی۔۔۔} [النساء ٤٣] { اِنَّمَا الْخَمْرُ وَ الْمَیْسِرُ وَ الْاَنْصَابُ۔۔۔} [المائدۃ ٩٠] سے دونوں منسوخ کردی گئی ہیں۔

(١٧٣٢٦) حضرت سعد سے روایت ہے کہ شراب کی حرمت میں چار آیتیں نازل ہوئی، جن کا ذکر حدیث میں گزر چکا۔ ایک آدمی نے انصار میں سے کھانا تیار کیا، پھر ہمیں بلایا۔ پھر ہم نے شراب پی حرمت سے پہلے۔ یہاں تک کہ ہم نشے میں مدہوش ہوگئے، پھر ہم نے فخر کیا، انصار نے کہا : ہم زیادہ فضیلت والے ہیں اور قریش نے کہا : ہم زیادہ فضیلت والے ہیں۔ انصار میں سے ایک آدمی نے داڑھی کے نیچے سے پکڑا اور سعد کے ناک پر مارا اس کا ناک پھٹ گیا تو پھر شراب کے بارے میں آیت نازل ہوئی : { اِنَّمَا الْخَمْرُ وَ الْمَیْسِرُ وَ الْاَنْصَابُ۔۔۔} الی قولہ { فَھَلْ اَنْتُمْ مُّنْتَھُوْنَ } [المائدۃ ٩١]

(١٧٣٢٧) ابن عباس (رض) فرماتے ہیں کہ شراب کی حرمت کے بارے میں آیت نازل ہوئی، اس وقت انصار کے دو قبیلہ شراب پیتے تھے اور جب قوم والے مست ہوگئے اور آپس میں مذاق کرنے لگے۔ جب صحیح ہوئے تو ایک آدمی چہرے کی طرف اور اپنے سر کی طرف نشانات کو دیکھا۔ پھر کہا : یہ میرے ساتھ میرے فلاں بھائی نے کیا ہے اور آپس میں ان کے دلوں میں نفرت نہیں ہوتی تھی تو اللہ تعالیٰ نے یہ آیت نازل کردی : [المائدۃ ٩٠-٩١] اور لوگ آپس میں باتیں کرتے تھے کہ یہ ناپاک ہے اور احد والے دن فلاں آدمی قتل کیا گیا تو آیت نازل ہوئی : [المائدۃ ٩٣]

(١٧٣٢٨) حضرت انس (رض) فرماتے ہیں : میں لوگوں کو ابو طلحہ کے گھر میں شراب پلا رہا تھا جس دن حرام ہوئی وہ شراب بناتے تھے۔ مگر تازہ و خشک کھجور کی، رسول اللہ (صلی اللہ علیہ وآلہ وسلم) نے آواز دینے والے کو بلایا اور فرمایا : تو نکل اور دیکھ۔ میں نکلا جب پکارنے والا پکار رہا تھا کہ شراب حرام کردی گئی ہے۔ انس کہتے ہیں : مدینے کی گلیوں میں شراب بہا دی گئی۔ ابو طلحہ نے مجھے کہا : تو نکل اور اس کو گرا دے ۔ میں نے اس کو گرا دیا ۔ انھوں نے کہا : فلاں قتل کیا گیا، فلاں قتل کیا گیا۔ جن کے پیٹ میں شراب ہے۔ پھر یہ آیت نازل ہوئی۔ [المائدۃ ٩٣]

(١٧٣٢٩) حضرت انس (رض) فرماتے ہیں : میں عبیدہ ، ابو طلحہ اور ابی بن کعب کو خشک کھجوروں کا شراب پلا رہا تھا۔ پھر آنے والا آیا اور اس نے کہا : شراب حرام ہوچکی ہے۔ پھر ابو طلحہ نے کہا : اے انس ! تو ان کے سارے مٹکوں کو توڑ دے۔ انس کہتے ہیں : میں کھڑا ہوا اور توڑ دیے۔

(١٧٣٣٠) ابن اویس فرماتے ہیں : مالک نے اس کی سند اسی کی مثل بیان کی مگر اس نے کہا : ان کے پاس آنے والے آئے۔

(١٧٣٣١) حضرت ابوہریرہ (رض) فرماتے ہیں کہ رسول اللہ کے پاس معراج والی رات میں دو پیالے لائے گئے : ایک شراب کا، ایک دودھ کا تو آپ (صلی اللہ علیہ وآلہ وسلم) نے دودھ والے پیالے کو لیا تو جبرائیل (علیہ السلام) نے فرمایا : تمام تعریفیں اللہ کے لیے ہیں۔ وہ ذات جس نے آپ کو فطرت پر ہدایت دی۔ اگر آپ شراب کو لیتے تو آپ کی امت گمراہ ہوجاتی۔

(١٧٣٣٢) حضرت ابن عباس (رض) فرماتے ہیں کہ عمر بن خطاب (رض) کو ایک آدمی کے متعلق خبر ملی کہ وہ شراب بیچتا ہے۔ عمر نے کہا : فلاں نے اللہ سے لڑائی کی ہے، جس نے شراب کو بیچا اور رسول اللہ (صلی اللہ علیہ وآلہ وسلم) نے فرمایا : یہودیوں نے اللہ سے قتال کیا کہ حرام کی گئی تھی ان پر چربی اور وہ چربی جمع کرتے اور بیچتے تھے۔

(١٧٣٣٣) ابن عمر (رض) سے روایت ہے کہ اہل عراق میں سے کسی آدمی نے کہا کہ ہم کھجور اور انگوروں کا پھل خریدتے ہی، پھر ہم اس کی شراب بناتے، نچوڑتے ہیں پھر ہم اس کو بیچتے ہیں۔ عبداللہ نے فرمایا : میں تم پر اللہ کو گواہ بناتا ہوں اور فرشتوں کو اور جو جنوں اور انسانوں میں سے سن رہے ہیں۔ میں تمہیں حکم نہیں دیتا کہ تم اس کو خریدو، نہ بیچو اور نہ اس کو نچوڑو اور نہ تم پلاؤ یہ ناپاک ہے اور شیطانی عمل ہے۔